विशिष्ट अंकों की गणना-3

vishisht ankon ki ganna-3  

Ank ke aur Lekh | Sambandhit Lekh | Views : 1972 |  
pichle do ankon men mahatvapurn vishisht ankon ki ganna ki vidhi evan unki vyakhya ki vidhi ki savistar charcha ki gai. is ank men bhi paithagoriyan ank jyotish men ati vishisht shreni men mane jane vale ankon ki ganna ki vidhi evan unki vyakhya prastut ki ja rahi hai. is ank men ham mukhyaytya vyaktitva ank, kalash ank evan chunauti ank ki charcha kar rahe hain. sarvavidit hai ki ank hamare jivan men ati mahatvapurn bhumika ada karte hain tatha hamare asann bhavishya ki ruprekha tay karte hain. atah jarurat hai ki ham ankon ki bhasha ko samjhen tatha unke nirdesh se apne jivan ko sahi disha pradan karen. vyaktitva ank vyaktitva ank hamare bahya akriti ko prakat karta hai, jo dusre hammen dekhte hain. jaisa ki kaha gaya hai- thpatej pauchtmeepavad pe jim snej pauchtmeepavadash arthat hamare vyaktitva ka prabhav pratham drishtya jo samne vale par padta hai, samne vale ka vyavhar usi ke anurup hota hai. vyaktitva parichy-patra ki bhanti hota hai tatha kisi bhi prakar ke vyaktigat athva adhikarik len-den tatha sanbandhon ke mamle men aham bhumika nibhata hai. samanya paristhitiyon men ham svayan ko prabhavshali tarike se prastut karte hain. hamara vyaktitva hi hamare har prakar ke sanbandhon tatha samanjasya ki kadi hota hai tatha kisi bhi prakar ke samajik sanbandhon ki saflta men aham bhumika ada karta hai. vyaktitva ank ki ganna: vyaktitva ank ki ganna nam ke vyanjan varnon ke ankon ko jodakar ki jati hai. niyam vahi hai, nam ke pratyek hisse ke vyanjan varnon ko joden fir har hisse ko ekal ank men parivartit karen. punah nam ke sare hisson ke ekal vyanjan ankon ko jodakar kul yog malum karen tatha fir use ekal ank men tabdil karen. yahi apka vyaktitva ank hoga. dusri vidhi: vyaktitva ank ki ganna ki ek saral vidhi bhi hai. bhagyank men se hriday ank ko ghata den, yadi bhagyank hriday ank se bada hai. yadi bhagyank hriday ank se chota hai tab pahle bhagyank men 9 joden fir hriday ank ko ghataen. virat kohli ka vyaktitva ank is prakar 1 hua. vyaktitva ank 1 vale jatak kafi sammanit, apratim, susajjit evan prabhavshali hote hain tatha ense vyakti sabon ke priya hote hain. aise log apne ghar ko kafi saja-sanvarakar rakhna pasand karte hain. yahan chunki bhagyank hriday ank se chota hai atah pahle ham bhagyank men 9 jodenge tab usmen se hriday ank ko ghataenge. atah vyaktitva ank = (3$9) - 6 jin vyaktiyon ka vyaktitva ank 6 hota hai ve batchit evan vyavhar se sahanubhutipurn evan dayalu hote hain. ye apne saj-sanvar tatha kapdon par adhik dhyan nahin dete tatha inko yah parvah nahin hoti ki inke kapde faishan ke mutabik hain ya nahin athva log is par kya tika tippani karenge. kalash ank sanpurn jivan ko char chaturthanshon men vibhajit kiya gaya hai jise kalash kaha jata hai. pratyek kalash par pae gae ank hi yah nirdharit karte hain ki vyakti kis charan men kis tarah ki paristhitiyon se gujrega tatha use kis prakar ke avasar prapt honge. uski kshamata evan yogyata kalash ke dvara pradan kie gae avsron ki or nirdeshit honge tatha vyakti kalash par ankit ank ke dvara pradatt paristhitiyon ke anurup karya karega. jivan ke char charnon men inhin char margon se vyakti apne sabhi sansadhnon ke sath yatra karta hai. pratham kalsh: pratham kalash vah ank hai jiski ganna janm ke mah evan din ke ankon ko jodakar kiya jata hai. yah janm ke samay se shuru ho jata hai tatha 36 men se yogyata ank ko ghatakar jo ank ata hai utne varshon tak chalta hai. ank 36, 9 varsh ke 4 chakron ko pradarshit karta hai. pratham kalash ganna kie gae varsh ke 31 disanbar tak chalta hai. dvitiya kalsh: dvitiya kalash vah ank hai jiski ganna janm ke din evan janm ke varsh ko jodakar ki jati hai. yah pratham kalash ke samapt hone ke agle din se yani 1 janvri se praranbh hota hai tatha agle 9 varsh tak chalta hai. tritiya kalsh: tritiya kalash vah ank hai jiski ganna pratham evan dvitiya kalash ke ankon ko jodakar prapt kiya jata hai. yah dvitiya kalash ki samapti ke agle din se praranbh ho jata hai. iski avdhi bhi 9 varsh ki hai tatha yah bhi apne samapti varsh men 31 disanbar ko samapt ho jata hai. tritiya kalash madhya ayu ke dusre bhag ko pradarshit karta hai jo ki vikas evan utpadkta ki umra hoti hai. chaturth kalsh: chaturth kalash vah ank hai jiski ganna janm ke mah evan janm ke varsh ko jodakar kiya jata hai. iski shuruat bhi tisre kalash ke ant ke dusre din yani 1 janvri se hota hai tatha iski avdhi yahan se jivan bhar hai. antim kalash ka jivan dvitiya evan tritiya kalash ke dauran ki gai taiyariyon par nirbhar karega. ismen vyakti dusre evan tisre kalash ke dauran kie gae achche karyon ke lie ya to inam paega athva bure evan nakaratmak karyon ke dandasvarup dukh bhogega. naye kalash ka prabhav dhire-dhire samapti varsh ke madhya se dikhna praranbh ho jata hai tatha shanaiah shanaiah har mahine iske prabhav men ek saman anupat men vriddhi hoti jati hai. sath hi pichle kalash ka prabhav naye kalash ke praranbh hone ke ek mah tak hi samapt ho jata hai. i kalash ank - 7 (0-30) ii kalash ank - 13/4 (30-39) iii kalash ank - 11/2 (39-48) iv kalash ank - 10/1 (48-) iska tatparya yah hai ki inka pratham kalash ank 7, janm se shuru hokar 30 varsh ki umra tak chalega aur 30ven varsh men 31 disanbar ko samapt hoga. dvitiya kalash agle din yani 1 janvri se praranbh hokar 9 varsh tak chalega. isi tarah yah kram chalega. antim kalash ank tisre kalash ank ki samapti ke agle din se jivan bhar chalega. in kalash ankon ke 1 se lekar 9 tak ke vihit arth hote hain. inke arth 1 se 9 tak ke ankon ke arth se thode bhinn ho sakte hain kintu kamobesh vahi hote hain jo apko pahle bataya gaya hai. yahan sthan evan samay ki simitta tatha badhyata ke karan har ayam ka sukshm vishleshan sanbhav nahin hai. chunauti ank chunauti ank evan kalash ank samanantar chalte hain- pratham kalash ank pratham chunauti ank ke sapeksh chalta hai, dvitiya kalash ank dvitiya chunauti ank ke sapeksh tatha isi tarah charon kalash ank charon chunauti ank ke sapeksh chalte hain. chunauti ank vishisht ankon ki shreni ka antim ank hai. yah jivan ke praranbhik charan men anya jude hue ankon ke nakaratmak pahluon ko pradarshit karta hai. yah anek rupon men apna prabhav dikha sakta hai, jaise -buri adton ke rup men, dusron ke prati ujjad vyavhar ke rup men athva nakaratmak anubhav ke rup men. koi vyakti kisi kam ko safltapurvak purn karta hai kintu vah achchi tarah se ise prastut nahin kar pata athva kisi choti si galti ke karan use apne safal kam ka inam nahin mil pata. yahi galti chunauti hai jisapar tivra ichchashakti evan dridhta se vijay prapt ki ja sakti hai. yadi ise thik se samjha jay evan paristhitiyon ka sahi labh liya jay to yah ek badi punji sabit ho sakta hai anyatha iski samajh men kami dusron ke prati krur vyavhar ke rup men prakat ho sakta hai jisse jivan sanktpurn evan dukhi hone ki sanbhavna ho sakti hai. chunauti ankon ki ganna nimn prakar se ki jati hai- pratham chunauti ank - janm tithi ke mahine ke ank men se din/tarikh ke ank ka antar nikalen. dvitiya chunauti ank - din/tarikh ke ank men se varsh ke ank ka antar nikalen. tritiya chunauti ank - upar prapt donon ankon ka antar nikalen arthat pratham evan dvitiya chunauti ank ka antar nikalen. chaturth chunauti ank - mahine ke ank evan varsh ke ank ka antar nikalen. char chunauti ank kram se char kalash ankon ke hi samrup hote hain iski charcha upar ki ja chuki hai. yadi chunauti ank pahle se hi kisi vishisht ank ke rup men a chuka hai to iska matalab hai ki yadyapi vyakti men us ank ke gun hain kintu saflta ke lie use aur viksit karna chahie. yadi yah naya ank hai to isko sahi samajh ke sath saflta ki atirikt kunji ke rup men iska upyog kiya jana chahie. jane-anjane hamesha jivan men achanak paristhitiyan badal jati hain aur unse nibtne evan saflta prapt karne ke lie vishesh yogyata ki jarurat padti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.