मांगलिक दोष विचार

manglik dosh vichar  

Ank ke aur Lekh | Sambandhit Lekh | Views : 1359 |  
1. shastron men ullekh sankshipt narad puran ke purva bhag, dvitiya pad, shlok 435-438 men vivah ke ikkis dosh bataye gaye hain. inmen se chatha dosh hai “bhaum mahadosh” arthat mangal ka lagn se ashtam bhav men hona. shlok 435-438 men kaha gaya hai ki yadi mangal uchch ka ho evan tin shubh grah lagn men hon to is lagn ka tyag nahin karna chahiye (arthat, aisi sthiti men ashtam mangl ka dosh khatm ho jata hai). gaur karen ki hamare puran ne hi parihar ka rasta bhi dikhaya hai. drishti: shlok 23 ke anusar sabhi grah apne-apne ashrit sthan se - 3, 10 bhav ko ek charan se - 5, 9 bhav ko do charan se - 4, 8 bhav ko tin charan se û 7 bhav ko char charan (purna) se dekhte hain. kintu, shani tisre aur dasven bhav ko, guru panchven aur naven bhav ko aur mangal chaithe aur athven bhav ko bhi purn drishti se hi dekhte hain. mangal ki ashtam men sthiti aur uski drishtiyan jatak par kya prabhav dalengi? aiye dekhte hain, kundli ke madhyam se. mangal ke naisargik ashubh grah hone ke karan unki ashtam bhav sthiti se jatak ke ayu bhav (vivah ayu, durghatana, ay ka anaitik ya naitik dusra srot bhi), labh bhav, dhan bhav aur sahs/paurush bhav prabhavit ho rahe hain. 2. samay ke sath badlti paribhasha samay ke sath-sath vidvanon ne shastron ki vyakhya aur nayi kritiyon ki rachna ki. in nayi-nayi vyakhyaon men “bhaum mahadosh” manglik dosh ban gaya aur uski paribhasha badlti chali gayi. is badlav ka adhar vidvanon ka apna anubhav ya unke samaksh prastut paristhiti hi rahi hongi. kisi agyat srot se nimna shlok aya aur lagabhag har pustaka men apko iska jikra milega: lagnevyaye ch patale, jamitre chashtame kuje. kanyabharturvinashay, bhartuah kanya vinashkah .. arthat, kundli men 1, 4, 7, 8, 12 bhav men mangal ho to kanya, bharta ka aur bharta, kanya ka nash karte hain. shri aryabhatta-panchangam (2014-15, prishth 156) ne to yahan tak kah diya hai ki yah shlok kisi rishi dvara likha pratit nahin hota kyonki var ko bhartu ki sangya di gayi hai aur bhartu to vivah ke pashchat kahna hi uchit hota hai. vidvanon ne yahan tak kah diya hai ki in sabhi manglik bhavon ko lagna ke atirikt, chandrama aur shukra se bhi dekhna chahiye. manglik dosh ko shukra se sabse kam, chandrama se usse adhik aur lagn se sabse adhik kaha jata hai. dakshin bhart men dvitiya bhav ko bhi sammilit kiya jata hai. is sandarbh men varnit shlok, uprokt shlok jaisa hi hai parantu pratham shabd “dhanbhave” se shuru hota hai. is prakar agar manglik dosh ko dekhenge to shayad hi koi vyakti bache jo manglik nahin hoga. in bhavon ko sammilit karne ke piche nimn karan rahe honge: 1. pratham bhav ka mangal tanu bhav, sukh bhav, vivah bhav, aur ayu bhav (vivah ki ayu bhi) ko pirit karega. 2. dvitiya bhav ka mangal dhan bhav, santan v shiksha bhav, ayu bhav aur bhagya bhav ko pirit karega. 3. chaturth bhav ka mangal sukh bhav, vivah bhav, karm bhav aur labh bhav ko pirit karega. 4. saptam bhav ka mangal vivah bhav, dhan bhav, tanu bhav evan karm bhav ko pirit karega. 5. ashtam bhav ka mangal ayu bhav (vivah ki ayu bhi), labh bhav, dhan bhav aur paurush bhav ko pirit karega. 6. dvadash bhav ka mangal shayan sukh bhav, paurush bhav, rog/rin bhav evan vivah bhav ko pirit karega. 3. nirastikrn “bhaum mahadosh” ka parihar age varnit hai. jis prakar samay ke sath-sath paribhasha badli, usi prakar naye-naye doshon ke parihar bhi aye. kuch mukhya evan adhik prachlit manglik dosh ke nimna parihar hain (adhunik vidhi se kundli ki vivechna - shri mehta evan shri thapliyal evan kaun manglik nahin dri p. gosvami): û ashtam men sthit mangal agr svarashi ya uchch ka ho. yah mesh, kanya ya mithun lagn men hi sanbhv hai. is parihar ka sanket to nard puran ne hi de diya tha. û dvitiya bhav men mangal budh ki mithun ya kanya rashi men ho. û chaturth bhav men mangal svarashistha ho. yah makar lagn ya sinh lagn men hi sanbhav hai. û saptam bhav men kark athva makar rashi ka mangal. arthat, nich ya uchch ka mangal jo ki makar lagn ya kark lagna men hi sanbhav hai. û ashtam bhav men brihaspati ki rashiyon ka mangal. yah vrishabh lagna ya sinh lagn men hi sanbhav hai. û dvadash bhav men shukra ki rashiyan hon. yah mithun lagn ya vrishchik lagn men hi sanbhav hai. û sinh aur kumbh rashiyon men mangl ho (kisi bhi manglik bhav men). û mangl-brihaspati ya mangl-chandrama ki yuti se manglik dosh naganya sa ho jata hai. û vakri, nich, ast mangal ho to bhaum dosh nahin rahta. û mangal ki sthiti se kundli men ruchak mahapurush yog ban raha ho. û agar var evan kanya donon ki kundliyon men manglik dosh ho. û ek ki kundli men jis sthan par mangal ho, dusre ki kundli men usi sthan men shani, rahu ya ketu hon. û manglik jatak ki ayu ke 28 varsh purn ho chuke hon. kripya gaur karen ki yah kuch mukhya evan adhik prachlit manglik dosh ke parihar hain. yah purn suchi nahin hai. 4. vivah ke anya mahatvapurna ghatk samay men bahut badlav a gaya hai. prachin samay men samaj purush pradhan tha aur adhunik samay ke viksit deshon men to pradhanta purush-stri men santulit pratit hoti hai. hamare desh men bhi purush pradhanta men dhire-dhire kami a rahi hai. samay ke sath striyan adhyatmik evan arthik taur par atmanirbhar ho rahi hain. is parivartan se purush aur stri donon ek-dusre ko samjhne ka adhik prayas karte hain aur jivan ki har sthiti men paraspar sahyog ki apeksha karte hain. isiliye adhunik pariprekshya men, agr manglik dosh ko sarvadhik mahatva n dekar kundli ke anya ghatkon ka bhi vishleshan karenge to vaivahik jivan shantipriya aur sukhi rahne ki sambhavna adhik hai. udahrn ke taur par vara/kanya ki ayu, karm bhav, labh evan dhan bhav, santan kshamata, charitra ityadi. 5. nishkarsha sarhe-sati ki tarah hi manglik dosh ke vishay men bhi samaj men bahut dar hai aur bahut se andhvishvas isse jure hain. hamare anubhv anusar keval mangal ki varnit bhavon men sthiti ke adhar par vaivahik dosh ka nirnay nahin karna chahie balki kundli ke anya bhavon ko bhi mahatva diya jana chahiye.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.