मंगल दोष एवं उपाय

mangal dosh evan upay  

Ank ke aur Lekh | Sambandhit Lekh | Views : 3319 |  
magal yadi pratham, chaturth, saptam, ashtam evan dvadash bhav men ho, to kundli manglik hoti hai. manglik dosh hone par prayah jatak ko nimnankit samasyaon ka samna karna parta hai:- - vivah ke samay vighn ate hain. - jatak ka vivah sanbandh tay nahin ho pata. - vivah sanbandh tay hokar chut jata hai. - adhik umra gujrne par bhi vivah nahin ho pata. - vivah pashchat jivan sathi se prayah vivad ke karan pati-patni ke sanbandhon men katuta ki sthiti bani rahti hai. pratham bhav men yadi mangal ho evan ashubh grahon (shani, rahu, kshin chandrama) ke sath ho v shatru rashi men ho to mangal dosh hota hai. aisi sthiti se patni ka svasthya v ayu paksh prabhavit hota hai, jatak ka vivah adhik umra men hota hai tatha vivah men vilanb ki sthiti utpann hoti hai . chaturth bhav men yadi ashubh mangal ho to aise jatak ka vivah shighra hota hai parantu vivah pashchat vaivahik jivan men sukh ka abhav ho jata hai v ghar grihasthi men klesh, ghar ke bade bujurg se anaban hona tatha bhumi bhavan se sanbandhit mamlane men uljhnen paida hone lagti hai . saptam bhavasth ashubh mangal jatak ke vivah sanbandh men badha karak hota hai. yadi saptam bhav men mangal ashubh grahane ke sath baitha ho to jatak ka vivah hone men bari kathinaiyane ka samna karna parta hai. vivah pashchat bhi var vadhu men anaban bani rahti hain. ashtam bhavasth ashubh mangal jatak ke kusangti men parne ke yog banata hai. yadi ashtam bhav men ashubh mangal par marak grahon ka prabhav ho to jatak ko athva jivan sathi ko mrityutulya kasht prapt hota hai. yadi mangal svarashi ya guru se drisht ho to mangal dosh ka prabhav kam hota hai. dvadash bhavasth ashubh mangal jatak ke vaivahik jivan men atyadhik kharch evan apratyashit hani ki sthiti nirmit karta hai. aise jatak ke vivah pashchat ay kam evan kharch adhik ho jane se parivarik santulan v pati-patni ka apsi talmel bigar jata hai. manglik milan ke mahatvapurn sutra: yadi var mangli hai, to vadhu ka bhi mangli hona vanchniya hai. ek kundli ke mangal dosh ko dusri kundli kat deti hai. lekin anek yogon men kundli ko mangli dosh nahin lagta evan anya anek sthitiyon men ek ki kundli dusre ke mangli dosh ko kat deti hai. jaise: yadi lagn men mangal mesh athva makar rashi, dvadash men dhanu rashi, chaturth men vrishchik rashi, saptam men vrish athva makar rashi tatha ashtam men kunbh athva min rashi men sthit ho, to mangal dosh nahin lagta. chaturth, saptam athva dvadash men mesh ya kark ka mangal ho, to dosh nahin hota. yadi dvadash men mangal budh tatha shukra ki rashiyon men ho, to dosh nahin hota. yadi bali guru aur shukra svarashi ya uchch ho kar lagn ya saptam bhav men hon, to mangal ka dosh nahin hota hai. yadi mangal vakri, nich, ast ho, to mangal dosh nahin hota hai. yadi mangal svarashi athva uchch ka ho to mangli dosh bhang ho jata hai. yadi mangl-guru ya mangl-rahu ya mangl-chandra ek rashi men hon to mangli dosh bhang ho jata hai. kendra-trikon men shubh grah aur 3,6,11 men pap grah hane tatha saptamesh saptam men ho, to mangal dosh nahin lagta. saptam mangal ko guru dekhta ho to mangli dosh kat jata hai. saptam men guru mangal ya shani mangal ki yuti shadi men deri karvata hai. yadi ek ki kundli men jahan mangal ho, usi bhav men dusre ki kundli men prabal pap grah (rahu, surya ya shani) ho, to manglik dosh kat jata hai. shani yadi ek ki kundli men 1,4,7,8,12 ven bhavon men ho aur dusre ka mangal inhin bhavon men ho, to mangal dosh nahin lagta. yadi adhik gun 75 pratishat, arthat 27 ya adhik milte hon, to mangal dosh nahin lagta. var ya kanya men se ek manglik ho aur dusre ki kundli men 3,6,11 ven bhavon men rahu, mangal ya shani ho, to manglik dosh samapt ho jata hai. uparyukt yogon se yah saf hai ki ek kundli mangli to ho sakti hai, lekin mangli dosh ho, yah avashyak nahin. keval patri men mangli dekh lene matra se yah avashyak nahin ki vivah nahin ho sakta. yah manna ki manglik dosh ka asar 28 varsh bad samapt ho jata hai, thik nahin hai. mangli dosh sarvada vidyaman rahta hai, lekin puja-path dvara iska prabhav kam kiya ja sakta hai. ek kundli ka dusre ke lie marak hona keval mangal par hi adharit nahin hota. anya grah, jaise shani, rahu, surya bhi aisi sthitiyan paida karne men saksham hain. vivah prasang men shani mangal se bhi adhik prabhavshali grah hai. yadi shani lagn, pancham, saptam v dasham bhav men ho to vivah men badhak banta hai. yadi shani lagnasth ho to vairagya utpann karta hai aur vivah hone ke pashchat patni se bahut achcha sanbandh nahin hota. pancham bhavasth shani madhyayu ke pashchat vaivahik jivan men badhaen utpann karta hai. saptamasth shani vivah men deri karvata hai aur vivah ki bat bar-bar bante-bante rah jati hai. aise shani ke sath mangal, surya ya chandrama ki yuti anyatha drishti sanbandh hone se shani ka ashubh prabhav aur barh jata hai. dashamasth shani bhi vivah men deri karvata hai aur vivahoprant bhi jivan men kuch n kuch karvahat utpann karta rahta hai. yadi shani navansh kundli men nich rashi ka ho to bhi vaivahik jivan men asthirta ki sthiti bani rahti hai, vivah sukhamay nahin hota, jatak ka vivah deri se hota hai ya vivah hota hi nahin hai athva vivah hone ke bad algav ki sanbhavnaen bani rahti hain. saptam shani ki to avashya hi kat dekh leni chahie, kyonki yah dvibharya ya vaidhavya yog deta hai. iske dosh nivaran ke lie hi ghat vivah ya pipal se vivah prachlit hain. mangal dosh shanti ke upay yadi jane-anjane mangal dosh rahte hue vivah ho bhi jae, to danpatti ko mangal shanti kara leni chahie. pratyek shadi ki varshaganth par ghar men mangal yantra sthapit karke mangal shanti ke 108 path karne se vaivahik jivan ko sukhamay banaya ja sakta hai. yadi mangal yogkarak ho, to 8 ratti ka munga pahanakar manglik dosh ka nivaran kiya ja sakta hai. mangla gauri aur vat savitri ka vrat saubhagya pradan karne vala hai. agar jane anjane mangli kanya ka vivah is dosh se rahit var se hota hai to dosh nivaran hetu is vrat ka anushthan karna labhdayi hota hai. jis kanya ki kundli men mangal dosh hota hai vah agar vivah se purva gupt rup se ghat se athva pipal ke vriksh se vivah kar le fir mangal dosh se rahit var se shadi kare to dosh nahin lagta hai. pran pratishthit vishnu pratima se vivah ke pashchat agar kanya vivah karti hai tab bhi is dosh ka parihar ho jata hai. manglvar ke din vrat rakhakar sindur se hanuman ji ki puja karne evan hanuman chalisa ka path karne se manglik dosh shant hota hai. kartikey ji ki puja se bhi is dosh men labh milta hai. mahamrityujay mantra ka jap sarva badha ka nash karne vala hai. is mantra se mangal grah ki shanti karne se bhi vaivahik jivan men mangal dosh ka prabhav kam hota hai. lal vastra men masur dal, rakt chandan, rakt pushp, mishtann evan dravya lapet kar nadi men pravahit karne se mangal ka amangal dur hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.