शनि की ढईया और साढ़ेसाती

shani ki dhaiya aur sarhesati  

Views : 16160 | November 2014

yugon-yugon se manushya ko satkarm ya dushkarm karne par milne vale pratisad ya dand ka bodh karane vale shanidev se sabhi parichit hain. ek grah ke rup men shanidev ki gati ka yadi akalan karen to pata lagta hai ki atyant mand gati se vicharan karne vale shanidev surya ke charon or 30 varshon men ek chakkar lagate hain. spasht hai ki kisi manushya ke purn jivan kal men ausatan do ya tin bar sadhe-sati a sakti hai aur yahi kal shanidev dvara karmon ke adhar par manushya ko parinam dene ka samay hota hai.

hamari janmakundli men sthit sabhi 9 grah 12 rashiyon men vicharan karte rahte hain. ek grah ek rashi men nishchit samay ke lie hi rukta hai. chunki shani grah sabse mandagami grah hai yah ek rashi men dhai varsh rukta hai. sabhi 12 rashiyon ke bhraman men shani ko lagabhag 30 varsh ka samay lagta hai. shani apni gochar sadhe-sati ke dauran har pichle achche aur bure karmon ka hisab leta hai.

vaidik shastron ke anusar sarvadhik mahatvapurn nyayadhish ka pad shanidev ko prapt hai. atah shanidev hi sabse shaktishali aur hamare bhagya vidhata hain. hamare achche-bure karmon ka fal shanidev hi pradan karte hain. jyotish ke anusar shanidev sarhe-sati aur dhaiyya ke dauran vyakti ko uske karmon ka fal pradan karte hain. har 30 sal men pratyek jatak ko shani dev ke age hajir hona parta hai. shanidev aishvarya ke data hain aur garib varg ka pratinidhitva karte hain. shani ka shabdik arth hai


apni kundli men rajyogon ki jankari paen brihat kundli riport men


‘shanaiah shanaiah charti iti shanaishcharah’ arthat dhimi gati se chalne ke karan yah shanaishchar kahlae. navagrahon men shani ki sabse mand gati hai. tula rashi men shani uchch ke hote hain aur mesh rashi men nich ke hote hain. chandra ke gochar se shani jab 12vin rashi men ate hanai tab sarhe-sati shuru hoti hai. jis rashi men shani hota hai usse age rashi vale jatkon ko sarhe-sati ka pratham charan chal raha hota hai jabki pichli rashi vale jatkon ko sarhe-sati ka akhiri charan chal raha hota hai.

shani ki dhaiya aur sarhe-sati ka nam sunakar bare-bare maharthiyon ke chehre ki rangat ur jati hai. vidvan jyotish shastriyon ki manen to shani sabhi vyakti ke lie kashtakari nahin hote hain. shani ki dasha ke dauran bahut se logon ko apeksha se barhakar labh-samman v vaibhav ki prapti hoti hai jabki kuch logon ko shani ki is dasha ke dauran kafi pareshani aur kashton ka samna karna parta hai. is tarah dekha jay to shani keval kasht hi nahin dete balki shubh fal bhi pradan karte hain. shani ka prabhav sabhi vyakti par unki janma-kundali/rashi-kundali men vidyaman vibhinn tatvon v karm par nirbhar karta hai.

sarhe-sati ke prabhav ke lie kundali men lagn v lagnesh ki sthiti ke sath hi shani aur chandra ki sthiti par bhi vichar kiya jata hai. shani ki dasha ke samay chandrama ki sthiti bahut mayne rakhti hai. agar kundali men chandrama uchch rashi men hota hai to jatak men adhik sahan shakti a jati hai aur karyakshamata barh jati hai jabki kamjor v nich ka chandra jatak ki sahnshilta ko kam kar deta hai v man kam men nahin lagta hai jisse jatak ki pareshani aur barh jati hai.

janma-kundali men chandrama ki sthiti ka akalan karne ke sath hi shani ki sthiti ka akalan karna bhi jaruri hota hai. agar jatak ka lagn vrish, mithun, kanya, tula, makar athva kumbh hai to shani nuksan nahin pahunchate hain balki jatak ko unse labh v sahyog milta hai.


get detailed kundli predictions with brihat kundli phal


shani ki sarhesati: jab shani kisi rashi men dhai varsh rukta hai to us rashi ke age aur piche vali rashi par bhi sidha prabhav dalta hai. yani shani ek rashi ko sarhe sat varsh tak prabhavit karta hai. is sarhe sat sal ke samay ko hi shani ki sarhe-sati kaha jata hai.

shani ki dhaiyya: shani ki dhaiyya ka arth hai ki jis rashi men shani rahta hai us rashi se upar ki or vali chaithi rashi par aur niche ki or vali chathi rashi par shani ki dhaiyya rahti hai.

shani ki sarhe-sati sabhi rashiyon ko ek saman fal nahin deti hai. jin jatkon ka janmakalin shani yogkarak hota hai unke lie sarhe-sati ka daur ek behtrin aur sunhra maidan taiyar karta hai. unmen rat-din parishram karne ki shakti aur yukti ka sanchar hota hai. jin jatkon ka janmakalin shani kharab hai, unke lie sarhesati bahut hi kharab hoti hai. shuddh aur pavitra acharan se jivan yapan karne vale charitravan logon par bhi shani ka kuch dushprabhav jarur hota hai, lekin samyanusar unhen apne kasht se mukti bhi mil jati hai.

is tarah shani ki gochar sthiti kam ya jyada sabhi ko hi thora-thora sukh aur dukh ka anubhav dene vali hoti hai.

shani ka prabhav kaise hota hai?

shani ke char paye lauh, tamra, svarn, aur rajat hote hain. gochar men jin rashiyon par shani sona ya svarn aur lauhpad se chal raha hai, unke lie shani ka prabhav achcha nahin mana jata. jin par shani chandi ya tanbe ke paye se chal raha hai, unko fal kuch achche aur kuch bure rup se milte hain jo ki janma-kundali men shani ki sthiti par nirbhar karti hai.

shani ki sarhesati ke 3 charn: pratham charan men jatak ka mansik santulan bigar jata hai, ise mati bhram kaha ja sakta hai tatha vah apne uddeshya se bhatak kar chanchal vritti dharan kar leta hai. jatak ki arthik sthiti prabhavit hoti hai, nidra men kami, mansik chintaon men vriddhi hona samanya bat ho jati hai. mehanat ke anusar labh nahin mil pata hai.

pahle charan ki avdhi lagabhag dhai varsh tak hoti hai. pratham charan vrishabh, sinh, dhanu rashiyon ke liye kashtakari hota hai. dvitiya charan men mansik kasht ke sath-sath sharirik kasht bhi jatak ko gherne lagte hain. uske sare prayas asafal hote jate hain. jatak apne ko tan-man-dhan se nirih aur dayniya avastha men mahsus karta hai.


apni kundli men sabhi dosh ki jankari paen kampalit dosh riport men


parivarik tatha vyavsayik jivan men anek utar-charhav ate hain. sanbandhiyon se bhi kasht hote hain, ghar-parivar se dur rahna par sakta hai, rogon men vriddhi ho sakti hai. is dauran apne aur parayon ki parakh bhi ho jati hai. agar jatak ne achche karm kie hon, to is dauran uske kasht bhi dhire-dhire kam hone lagte hain. agar dushit karm kie hain to sarhesati ka dusra charan ghor kashtaprad hota hai.

iski avdhi bhi dhai sal hoti hai. is avdhi men mesh, kark, tula, vrishchik aur makar rashi ke jatkon ko vishesh savdhani bartni chahiye. tisre charan men jatak ke bhautik sukhon men kami hoti hai. ay ki tulna men vyay adhik hote hain. svasthya sanbandhi pareshaniyan ati hai. vad-vivad ke yog bante hain. jatak purn rup se apne santulan ko kho chuka hota hai tatha usmen krodh ki matra barh jati hai.

parinamasvarup har karya ka ulta hi parinam samne ata hai tatha uske shatruon ki vriddhi hoti jati hai. matibhram aur galat nirnay lene se fayde ke kam bhi haniprad ho jate hain. svajnon aur parijnon se virodh barhta hai. chavi kharab hone lagti hai.

atah jin rashiyon par sarhesati tatha dhaiyya ka prabhav hai, unke shani ki shanti ke upchar karne par ashubh falon ki kami hone lagti hai aur dhire-dhire ve sankat se niklne ke raste prapt kar sakte hain. is avdhi men mithun, kark, tula, kumbh, kanya aur min rashi ke jatkon ko vishesh savdhani bartni chahiye.

shani shanti ke upay aur upchar: shanidev ka nam ya svarup dhyan men ate hi manushya bhaybhit avashya hota hai lekin, kashtatam samay men jab shanidev se prarthana kar unka smaran karte hain to ve hi shani dev kashton se mukti ka marg bhi prashast karte hain. shani ke lie kale dravyon se puja hoti hai aur kali vastuen dan di jati hain. til, tel aur loha shani ke lie dan ki priya vastuen hain. shani ka puja-path, shani ka darshan aur janmapatrika ke nirnay ke adhar par shani ke ratn nilam ka dharan karna achcha rahta hai. shani nimn varg ke pratinidhi hain

atah garib, majdur, nirbal aur beshara logon ki seva karne par shanidev prasann hote hain. chote karmachari varg ke grah bhi shani hi hain

atah in vargon ki seva karne ya unhen sukh dene ya dan dene se shani prasann hote hain.

1. pratidin ghar men guggala-dhup jalaen aur sayankal ke samay loban yukt batti sarson tel ke diye men dalakar tulsi ya pipal ki jar men dipak jalaen.


jivan ki sabhi samasyaon se mukti prapt karne ke lie yahan klik karen !


2. shanivar ko kachche sut ko sat bar pipal ke per men lapeten.

3. bandaron ko gur-chana, bhainse ko urad ke ate ki roti aur dudh men ata gunth kar roti banakar moron ko khilaen.

4. 11 jatayukt kachche nariyal sir ke upar se 11 bar utar kar bahte jal men pravahit karen.

5. kale vastra, kanbal, satnaje se tuladan evan chaya patra dan karen.

6. nilam ratn dharan karen.

7. arthik hani athva rog se bachne ke lie shaniyantra yukt badhamukti tabij aur ghar men abhimantrit shaniyantra rakhakar us par til aur sarson ke tel ka nitya abhishek karen.

8. mahamrityunjay ka jap v hanuman chalisa ka path bhi shani badha ko shant karta hai.

9. shanivar ke din pushya nakshatra hone par bichua buti ki jar evan shami (chokr) ki jar ko kale dhage men bandhakar dahini bhuja men dharan karne se shani ka prabhav kam hota hai.

10. shani ki shanti ke lie kuch vaidik bij mantra bhi hain, jo ki niyamit rup se sandhya puja men shamil kie ja sakte hain. shani ka bij mantra: un pran prin praun sah shanye namah.. un shan shanaishcharay namah.. un shanno devi rabhishtaye apo bhavantu pitye, shanyyo rabhisravantun nah shan namah.. shani shanti ka stotra: nilanjan samabhasan raviputran yamagrajam. chaya matrtand sambhutan tan namami shanaishcharam.. sarvarisht grah shanti ka stotra ah un namaste konsansthay pinglay namo'stu te. namaste vabhurarupay krishnay ch namo'stute.. namaste raudradehay namaste chantakay ch. namaste yamsangyay namaste shaurye vibho.. namaste mandasangyay shanaishcharah namo'stu te. prasadan kuru devesh dinasya pranatasya ch..

11. niyamit rup se shivling ki puja v aradhna karni chahie.

12. pipal men sabhi devtaon ka nivas kaha gaya hai. is hetu pipal ko aghrya dene arthat jal dene se shani dev prasann hote hain. anuradha nakshatra men jis din amavasya ho aur shanivar ka din ho us din ap tel, til sahit vidhi purvak pipal vriksh ki puja karen to shani ke kop se apko mukti milti hai.

13. shanidev ki prasannata hetu shani stotra ka niyamit path karna chahie.


for immediate problem solving and queries, talk to astrologer now


14. shani ke kop se bachne hetu ap hanuman ji ki aradhna kar sakte hain kyonki shastron men hanuman ji ko rudravtar kaha gaya hai. un han hanumte nam:.

15. shanivar ko bandron ko kela v chana khila sakte hain.

16. nav ke tale men lagi kil aur kale ghore ki nal bhi shani ki sarhe sati ke kuprabhav se apko bacha sakta hai agar ap inki anguthi banvakar dharan karte hain.

17. lohe se bane bartan, kala kapra, sarson ka tel, chamre ke jute, kala surma, kale chane, kale til, urad ki sabut dal ye tamam chijen shani grah se sambandhit vastuen hain, shanivar ke din in vastuon ka dan karne se evan kale vastra evan kali vastuon ka upyog karne se shani ki prasannata prapt hoti hai.

18. shanivar ke din vrat rakh sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe


.