तेजी-मंदी वार व मास शकुन के द्वारा विचार

teji-mandi var v mas shakun ke dvara vichar  

Ank ke aur Lekh | Sambandhit Lekh | Views : 4649 |  
ƒ -jo vastu somvar ko tej rahe, to vah vastu manglvar ko mandi ho tatha jis vastu men somvar ko mandi rahe, usmen manglvar ko teji ati hai. ƒ-jis vastu men somvar ko achanak teji ave to vah teji manglvar ko dopahar tak rahti hai. ƒ -kisi vastu men somvar ko mandi ave aur manglvar ko bhi mandi rahe to us vastu men budhvar ke dopahar tak mandi rahakar guruvar tak teji a jaya karti hai arthat somvar se ai hui teji ya mandi budhvar ke dophr tak rahti hai. ƒ -kuch satoriyon ka yah bhi mat hai ki kabhi-kabhi somvar ki chali hui teji ya mandi guruvar tak rahti hai. ƒ -kisi vastu men manglvar ko mandi rahe to us vastu men budhvar ko dopahar ke 12 baje bad teji ati hai. ƒ -kisi vastu men manglvar ko teji rahe to budhvar ke 12 baje tak vah teji rahti hai. bad men mandi a jati hai. ƒ -kisi vastu men manglvar ko teji ae aur budhvar ko bhi teji rahe to us vastu men guruvar ko ek bar teji rahakar piche se mandi ati hai. ƒ -manglvar ki chali hui teji ya mandi guruvar ke dophr ke 1 baje tak rahti hai. ƒ -kabhi-kabhi manglvar ki chali hui teji ya mandi shukravar tak rahti hai. ƒ -kisi vastu men budhvar ko teji ya mandi chale to us vastu ko vah teji ya mandi shukravar ke 12 baje tak samapta ho jaegi. ƒ -kisi vastu ki teji ya mandi shukravar ko uthe to us vastu ki vah teji ya mandi shanivar tak rahti hai. ƒ -kisi vastu men yadi guruvar ko teji rahe to us vastu men shukravar dopahar ke bad mandi a jayegi. ƒ -kisi vastu ki mandi guruvar ko samapt hokar teji chal pare to us vastu men achchi teji ati hai. ƒ -shukravar ko teji v mandi asthayi hoti hai. yadi kisi vastu men shukravar ko teji ya mandi ae to yah shighra hi samapt ho jati hai. ƒ -shukravar ko teji ae to shanivar ko mandi ati hai aur shukravar ko mandi ae to shanivar ko teji ati hai. ƒ -kabhi-kabhi bahut hi kam shukravar ki chali hui teji athva mandi somvar ko samapt hoti hai. ƒ -kisi vastu men shanivar ko teji chale ho to us vastu men vah teji ek saptah tak aur yadi mandi chale to vah mandi ek saptah tak sthayi rahti hai. ƒ -shanivar se chali hui teji ya mandi manglvar ke dopahar 12 baje tak chala karti hai. ƒ -kisi vastu ka shanivar ke din unche se uncha ya niche se nicha jo bhav banega vah bhav somvar ko donon men se koi ek bhav arthat unche se uncha ya niche se nicha avashya aega. ƒ -kisi vastu ke vyapar ka rukh teji ka ho to us vastu men shanivar ke bhav se unche bhav somvar ko aenge aur yadi rukh mandi ka ho to us vastu men shanivar ke bhav se bhi niche bhav somvar ko banenge. ƒ -shanivar se chali hui teji manglvar tak chala karti hai aur yadi aur bhi age chale to shanivar ko hi samapta hoti hai. ƒ -kabhi-kabhi jis var se teji ya mandi uthti hai usi hi din jakar samapt hoti hai. ƒ -us vastu men shanivar ko avashya teji aygi jis vastu men guruvar ko teji akar shukravar ke 12 baje bad mandi a gai ho. var sat mane gae hain. in saton varon ko milakar ek saptah banta hai tatha 30 din ka ek mas hota hai. atah ek mas men 4 saptah 2 din arthat ek mas men saton varon men se pratyek var 4-4 bar to a hi jata hai aur do din shesh hone se koi se bhi do var jab ki kisi mas men tithi ki ghat-barh n ho panch bar ate hain. ataev kisi men koi se bhi panch var ate hain. unse kya prabhav parta hai, uski jankari yahan de rahe hain. ƒ- kisi mas men panch ravivar pare to us mas men varsha ritu ke hote hue bhi varsha n ho aur yadi varsha hui bhi to bilkul sadharan. janta evan shasan men apsi matbhed adhik barhe. varsha ki kami se krishi utpadan par kuprabhav pare tatha janta rog, ashanti, bhay adi se adhik duahkhi rahe. ƒ- jis mas men panch somvar pare to varsha uttam rahe evan krishi utpadan bhi achcha ho tatha dhanya ki vriddhi ho. vyaparik jinson men achchi ghata-barhi ke sath rukh mandi ka prabal rahta hai tatha mandikarak samay rahta hai. ƒ- kisi bhi mas men panch manglvar hon to janta men vikshobh, apsi kalah tatha ashanti aur rakt vikar se hani, bachchon men chechak evan striyon men rakt vikar, ka rog adhik faile. lal vastuon tatha dhanya ke bhav tej hon. ƒ- jis mas men panch budhvar hon to kahin varsha adhik achchi ho aur kahin sadharan avashyaktanusar. dhnya adi ke bhav sam rahen, n to achchi teji aur na achchi mandi ho. samay shubhkarak rahta hai. janta men shanti evan sukh ki vriddhi hoti hai.jis mas men panch guruvar par jayen to pashchatya deshon men rajya vigrah evan ashanti rahti hai. vyaparik vastuon men ghata-barhi ke sath rukh mandi ka hi rahta hai. keval rasadi padarthon men teji ke bhav chalte hain. ƒ -jis mas men panch shukravar hon to varsha achchi hoti hai. janta men mitrata ke bhav adhik jagruk hote hain tatha sukh v shanti ki vriddhi hoti hai. vyaparik vastuon men bhi ghat-barh ke bad mandi ka hi rukh rahta hai tatha rasadi padarthon men bhi mandi apna prabhav rakhti hai. ƒ -jo mas panch shanivar ka ho to us mas men janta men arajkta, ashanti adi ka prabhav pare tatha jatk rogadi se bhaybhit rahe. har vastu men teji apna ati prabhav rakhe evan krishi ko kinhin karnon se kshati pahunche. mas-shakun dvara teji-mandi vichar ƒ chaitra mas ki varsha achchi nahin hoti. chaitra mas men varsha ho jay to shravan mas men varsha nahin hoti, is karn anaj adi tej hote hain. yadi chaitra shuklapaksh men panchmi ko varsha ho to bhi shravan mas men varsha nahin hoti. sabhi prakar ke anaj adi ke bhav tej hote hain aur yadi isi panchmi ko rohini, saptami ko adrra, navmi ko pushya tatha purnima ko svati nakshatra ho to varsha ati uttama hoti hai. ƒ- vaishakh mas men krishn paksh ki saptami shanivari ho aur mangal grah bharni, krittika, rohini, mrigshira men se kisi nakshatra par ho to pipal, nariyal, tanba, kansa, supari, lal vastra adi tej hote hain. yadi krishn paksh ki trayodshi manglvar ya shanivar ki ho to gur, khand, nagrpan, sendha namak, lal chandan adi men teji ati hai aur yadi amavasya ko revti nakshatra ho to varsh shreshth hoga. yadi rohini nakshatra ho to janta ko kasht evan anaj adi ke bhav tej honge. yadi ashvini nakshatra ho to sanvat saman rahe tatha sarva vastu ke bhav ghata-barhi men rahen. yadi bharn nakshatra ho to janta bhay aur rogadi se pirit rahe aur yadi krittika nakshatra ho to varsha kam ho tatha do deshon men paraspar yuddh ki sanbhavna utpann ho. ƒ -vaishakh mas men shukla paksh ki tritiya ko purvadisha ko vayu chale to varsha ati uttam ho, uttari vayu chale to bhi varsha ati uttam ho, dakshini ya nairritya ki vayu chale to varsha n ho aur yadi pashchimi vayu chale to varsha to achchi ho parantu anaj adi ka utpadan kam ho. ƒ- jyeshth mas men krishn paksh ki pratipda ravivari ho to agni adi ki adhik ghatnaen ghatit hon, yadi somvari ho to shravan mas se ashvin mas tak varsha achchi ho, yadi manglvar ki ho to varsha shreshth ho, yadi budhvari ho to pale adi se krishi ko kshati pahunche, yadi guruvar ya shukravar ki ho to varsha achchi ho aur yadi shanivari ho to akal ki purn sanbhavna samjhen evan anaj adi ke bhav tej hon. ƒ -shravan mas men krishn paksh ki pratipda guruvar ki ho to urad, til, tel adi men teji ave. krishn paksh ki ekadshi ko rohini nakshatra ho to anaj adi ke bhav ghati anusar tej ya mande hote hain evan sanvat shreshth ho tatha varsha achchi ho, yadi krittika nakshatra ho to sanvat madhyam rahe aur yadi mrigshira nakshatra ho to varsha kam ho tatha durbhiksh ki sanbhavna samjhen aur yadi amavasya ko varsha ho to jiv matra achchi tarah se sukhi rahen. ƒ- shravan mas ke shukla paksh ki saptami ke din suryasta ke samay varsha n ho to kuch shakuniyon ki aisi dharnaen hai ki shighra hi pralay ho, yadi ashtami ke din pratahkal surya meghon se achchadit ho to varsha ati uttam ho, yadi dashmi shanivari ho aur surya sinh rashigat ho to anaj ka achcha utpadan ho aur yadi purnima ko shravan nakshatra ho aur is nakshatra men varsha ho to annadi ka utpadn achcha rahe tatha purnima ke din chandroday meghon se achchadit akash men ho to varsha ati shreshth rahe tatha janta sukhi rahe. ƒ - bhadrapad ke krishn paksh ki amavasya ravivari ho to jau, gehun, chana evan pashuon ka trin usi mas se tej ho aur yadi bhadrapad krishn paksh ki panchmi guruvar ya shanivar athva ravivar ki ho tatha us din rohini nakshatra ho to gehun, matar, jau, chana adi ke sangrah se mas ke antim dinon men labh ho. ƒ- bhadrapad men shukla paksh ki ashtami somvar ya ravivar ki ho aur usi din mul nakshatra bhi ho to dudh, dahi, gay, bail, san, sut, kapra, jinaula, sona, chandi, shvet vastra, ghrit, gur, shakkar adi men teji ati hai. ƒ -ashvin mas ke krishn paksh ki dvadshi ko akash meghon se achchadit ho to kartik mas men varsha n ho tatha gehun, chana, jau adi men teji ave aur yadi is paksh men kisi tithi ki vriddhi ho jay to agahan mas men galle men teji ati hai. ƒ -kartik mas men krishn paksh ki pratipda ya shukla paksh ki pratipda ko surya ke charon or chakra dikhai de to til, tailadi men teji ati hai. ƒ- margashirsh mas men krishn paksh ki chaturthi ko magha nakshatra ho aur akash meghon men achchadit ho athva varsha ho to sarva anajadi manda hota hai tatha asharh mas men varsha achchi hoti hai. yadi panchmi ko akash meghon se achchadit ho to varsha vishesh hoti hai aur shitkal men bhi ati varsha se krishi ko hani pahunchti hai jisse anajadi tej hote hain aur yadi shashthi ko purvafalguni nakshatra ho to asharh mas ke shukla paksh men tin din evan ratri varsha achchi ho aur annadi ka utpadan bhi achcha hota hai. ƒ -paush mas ke krishn paksh ki panchmi manglvari ho aur us din varsha bhi ho to us varsh annadi ka utpadan achcha rahega evan annadi men mandi bhi ati hai kintu lal rang ki vastuon tatha alsi, ghrit, majith adi men teji ati hai. yadi krishn pakshiya trayodshi mangal, shukra ya shanivar ki ho to un dinon varsha achchi hoti hai aur gehun ke sangrah men achcha labh hota hai kyonki gehun adi men. isi mas men teji ati hai. yadi amavasya ko jyeshth nakshatra ho to pashuon ke chare aur anaj adi men shighra hi teji ati hai aur yadi mul nakshatra ho to sarva anaj adi men mandi ati hai. ƒ -paush mas ki shukla pakshiya saptami ki revti, ashtami ki ashvini aur navmi ki bharni nakshatra ho aur akash ko megh achchadit karke garjan karen tatha bijli chamke to usi varsh men hi varsha achchi hogi, galle adi ke bhav mande hon tatha utpadan bhi achcha rahe evan janta bhi sukhi rahe. ƒ -magh mas men krishn paksh ki saptami, falgun tatha chaitra mas ko krishnapakshiya dvitiya aur vaishakh mas ke krishna paksh ki pratipda ke din akash meghon se achchadit ho, bijli chamke tatha varsha ho to sarva annadi tej hote hain. ƒ -magh mas men shukla paksh ki pratipda ko varsha ho aur vayu chale to ghrit, teladi ka bhav manda hota hai, yadi tritiya ko badal n ho to gehun adi men teji ati hai, yadi chaturthi ko meghon ki garjana ho, varsha ho evan bijli chamke to pan, nariyal adi men mandi ati hai aur yadi navmi ravivari ho tatha pushya nakshatra ho to anaj adi men teji ati hai. ƒ -falgun mas ke krishn paksh ki amavasya ko megh garjana ho to galle adi ka bhav tej hota hai evan janta ko kasht hota hai. ƒ -falgun mas ki shukla pakshiya saptami ya trayodshi ko varsha ho to sarva annadi men teji ati hai aur yadi purnima ravi athva manglvar ki ho to bhi annadi tej hote hain.
Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  April 2016

.