नाग रहस्य : नाग पंचमी का सत्य

nag rahasya : nag panchmi ka satya  

Ank ke aur Lekh | Sambandhit Lekh | Views : 13682 |  
nag rahasya : nag panchmi ka satya ! (04.08.2011) bhagvan sahay shrivastav pure bharatavarsh men nag panchmi ke din nagon ki puja ki jati hai. is nag panchmi ka rahasya kya hai? iske piche kaun se mat evan kathaen vidyaman hain parhie is lekh men shravan shukla panchmi ko nag panchmi bhi kahte hain. is din sare bharat men nagon ki puja ki jati hai. puja ki is paranpra ke sanbandh men anek vyakhyaen ki gayi hain aur prayah sabhi vidvan is bat par ek mat hain ki nag bharat ki ek pratapi jati thi. adhunik nag isi nag, prajati ke vanshaj hain. parantu is bare men koi praman prapt nahin hain. ek puratatvavid ke anusar nagvanshi nag log jo bhi hon, praranbh men himalay men rahte the. ve bare parishrami tatha vidvan the. nag kanyaen atyant sundar hoti thin. jinke prasang men bhartiya itihas bhara para hai. arjun ki patni ulupi ek aisi hi nag kanya thi. nag logon ne chin aur brihattar bharat tak apne sanbandh barhaye the. jahan bharat ki hi tarah unki puja hoti hai. nagon ka nam sanbhvtah nag ki tarah ke rang ke karan athva nagon ko palne men daksh hone ke karan para. ve nag ki tarah ghat karke chipne men daksh the. nag-posh unka ghatak astra tha v nagon ko pakarakar unke vish ka nana vidhi se prayog karte the. takshak ne ek aise hi vish bujhe ban se mahabharat kal men arjun ke pautra parikshit ki jan le li thi. nag vastutah n arya the n anarya aur n hi videshi. inke pita kashyap arya rishi the jabki unki do patniyon vinta aur kadru men se kadru anarya thi. ye nag kadru ki hi santan the. nag matrivanshi hain aur kadru se hi apni utpatti mante hain. pita ka ullekh nahin karte hain. anek nag apne karm aur vidvatta se rishi pad tak pahunche. aise kai nagon ka ullekh rigved men hai. kapil muni bhi nagraj the jinhonne raja sagar ke sath hajar putron ko bhasm kiya tha. maharshi jartkaru bhi aise hi nag the. jartkaru basuki nag ki bahan mansa ke putra the. jartkaru ke putra astik ne to janmejay ke yagya men anek nagon ki jan bachai thi. kuch nag shesh aur anant ke rup men ati uchch sthan pane men samarth hue. aryon ko samudra manthan men anant ka sahyog lena para tha kyonki ve samudriya karya men vishesh daksh the. nagon ne mandarachal parvat ke raste par bhumi ko katne chantne tatha samudra-yatra men abhutpurva saflta prapt ki thi. basuki ne samudra manthan men madad ki par samudra ki praptiyon ko aryon ne nagon men nahin banta. isse nag rusht ho gaye aur aryon ko samy-samay par tang karne lage. arjun ne khandav van ka dah karke nag jati ko bahut hani pahunchayi thi. krishn ne mathura tak faile hue nagon ka bhari vighn kiya. nagon ne hastinapur rajya se badla lene ka nishchay kiya. parikshit ke putra janmejay ne anek nagpurushon ko bandi banakar unhen ag men jivit jhonk diya. maharshi jartkaru ke putra astik bane nagraj. unhonne kuch pramukh nagon ko bacha liya. ravan bhi apne ko nagvanshi kahta tha. nagon ka kshetra bahut vyapak tha. kurukshetra men unka pramukh rajya tha. prayag men bhi unka pramukh raj tha. prayag men ganga ke kinare basuki ka mandir aj bhi virajman hai. mahabharat ke jarasandh parva men, magadh men rajgrih men nagvansh ke rajya ka ullekh hai. yahan rajgrih ki khudai men maninag ka mandir bhi mila hai. arjun ki patni ulupi ke pita raja korathya ki rajdhani haridvar thi. bauddh yug men kashi, chanpa aur magadh men shaktishali nag rajaon ka adhipatya tha. bhadravah, jammu, kangra adi men nag rajaon ki devta rup men murtiyan milti hain. ye murtiyan prachin nag rajaon ki hain aur ajakal un bhagon men inki puja ki jati hai. madhya pradesh, nagpur, garhval aur nagalaind men bhi nag rajaon ke kshetra the. nag aur shishu nagvansh ke rajputon ne desh ke anek bhagon men raj kiya. nag panchmi ka pauranik satya : ek bar rakshason aur devtaon ne milakar samudra manthan kiya. is manthan se atyant shvet uchchaiahshrava nam ka ek ashva nikla. use dekhakar nag mata kadura ne apni sapatni (saut) vinta se kaha ki dekho, yah ashva safed rang ka hai, parantu iske bal kale rang ke dikhai parte hain. vinta ne kaha ki nahin. n to yah ashva shvet rang ka hai, n hi kala, n hi lal. yah sunakar kadru ne kaha ap mere sath shart laga lo jo bhi shart jitegi vahi dusre ki dasi ban jayegi. vinta ne shart svikar kar li. donon apne sthan par chali gain. kadura ne apne putra nagon ko bulakar sara vrittant sunaya aur kaha ki ap sabhi sukshm akar ke hokar is ashva se chipak jao taki main shart jitakar vinta ko apni dasi bana sakun. mata ke us kathan ko sunakar nagon ne kaha- man, ap shart jito ya haro, parantu ham is prakar chal nahin karenge. kadura ne kaha- tum meri bat nahin mante? main tumhen shap deti hun ki ''pandavon ke vansh men utpann janmejay jab sarp yagya karega, tab tum sabhi us agni men jal jaoge.' mata ka shap sunakar sabhi ghabraye aur basuki ko sath lekar brahma ji ke pas pahunche aur sari ghatna kah sunai. brahma ji ne kaha-chinta mat karo, yayavar vansh men bahut bara tapasvi jartkaru namak brahman utpann hoga. uske sath ap apni bahan ka vivah kar dena. usse astik nam ka vikhyat putra utpann hoga, vahi janmejay ke sarp yagya ko rokakar apki raksha karega. brahma ji ne yah vardan panchmi ke din diya tha aur astik muni ne bhi panchmi ko hi nagon ki raksha ki thi. tabhi nagpanchmi ki tithi nagon ko atyant priya hai. shravan shukla panchmi ko upvas kar nagon ki puja karni chahie. barah mahine tak chaturthi tithi ke din ek bar bhojan karke panchmi ko vrat karen. prithvi par nagon ke chitra ankit karke, kashth ya mitti ke nag banakar panchmi ke din karvir, kamal, chameli adi pushp, gandh, dhup aur vividh naivedya se uski puja karke ghi, khir, laddu brahmanon ko khilaen. anant, basuki, shankh, padm, kanbal, karkotak, ashvatar, ghritrashtra, shankhpal, kaliya, takshak aur pingal in barah nagon ki barah mahinon men kramshah puja karne ka vidhan hai. yahi yagya vidhan janmejay ne apne pita parikshit ke lie kiya tha. jo bhi koi nag panchmi ko shraddhapurvak vrat karta hai use shubhafal prapt hota hai. is din nagon ko dudh ka snan-pan karane se sabhi bare-bare nag abhay dan dete hain. parivar men sarpabhay nahin rahta. vartaman men kalasarp yog ka prabhav kshin ho jata hai. rajasthan men nag panchmi shravan krishn panchmi ko manayi jati hai. nag ke pratik ke rup men chandi athva tanbe ki sarp pratima athva rassi men sat ganthe lagakar use nag ka pratik manakar uski puja ki jati hai. sarp ki banbi ka pujan kiya jata hai tatha dudh charhaya jata hai. banbi ki mitti ghar men lakar kachcha dudh milakar chakki-chulhe adi par sarp akriti banate hain. shesh mitti men ann ke bij bote hain, jise khatti garna kahte hain is din bhiga hua bajra evan maunth khane ka vidhan hai.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.