kurbani ke bakre pan. umesh sharma kurbani ke bakre yah lal-kitab paddhati ka ek anutha sutra hai. iska arth yah hai ki jab koi grah apne shatru grah se pirit hota hai to vah apna kasht dusre grah ke fal ke ashubh ho jane se pradarshit karta hai evan jis grah ke dvara vah apna ashubh fal prakat karta hai use kurbani ka bakra kaha jata hai. udahrnarth : jis kundli men shani surya se pirit ho to us kundli men shukra ke fal ashubh milegen arthat jatak ki patni (lal-kitab men shukra ko pati/patni ka karak grah mana hai) ka svasthya achcha n hoga ya sanbandh achche n rahegen arthat shukra kurbani ka bakra mana jayega. udaharan : surya khana nan0 6 aur shani khana nan0 12 men ho to aurat par aurat marti jaye. isi prakar anya graho ne bhi apne bachav ke lie kisi n kisi grah ka sahara liya hua hai. jaise- a. budhah budh ne apne bachav ke lie shukra se dosti kar rakhi hai. vah apne dost shukra par hi apni balaain dala karta hai. b. mangal : mangal pirit hone par apna ashubh fal ketu ke dvara prakat karta hai. s. shukra : shukra pirit hone par apna ashubh fal chandra ke dvara prakat karta hai. udahrnarth : agar chandra v shukra bamukabil arthat takrav par hon to jatak ki mata ki nazar kamjor hogi ya mata ka svasthya thik n hoga ya dono men vaicharik matbhed rahega. d. brihaspati : brihaspati bhi pirit hone par apna ashubh fal ketu ke dvara prakat karta hai. udaharan : mana ki brihaspati khana nan0 5 men ho v ketu kisi bhi khana men ho to brihaspati ke pirit hone par santan jo ki khana nan0 5 ki karak hai par koi ashubh asar n hoga varan khana nan0 6 jo ki ketu ka pakka khana hai se sanbandhit vastu rishtedar adi par apna ashubh fal prakat karega arthat is sthiti men jatak ke mama ko pareshani rahegi. y. suryah surya apni musibat ke samay apna ashubh asar ketu ke dvara prakat karega. r. chandrah apna ashubh asar apne dost grahon( brihaspati, surya, mangl) ke dvara prakat karega. l. shaniah dushman se bachav ke lie shani ne rahu-ketu ejent banaye hain. ye shani ki jagah fauran kisi dusre ki kubarni dete hain. v. rahu-ketuah rahu-ketu apvad hain arthat ye apna ashubh asar svayan apne se sanbandhit vastuon ya rishtedaron dvara prakat karte hain. janmadin ka grah v janm samay ka grah jis din jatak ka janm ho us din ke grah ko janmadin ka grah kahegen aur jis samay janm ho use janmasamay ka grah kahegen. upar di gayi talika men bataya gaya hai ki saptah men kaun sa din v din men kaun sa samay kis grah ka hai janmadin ke grah ko kismat jagane vala grah yani ki rashi fal ka grah arthat jiska upay ho sake kahegen. janm samay ka grah kismat ka grah yani grahafal ka grah arthat jiska upay n ho sake kahlata hai. janmadin aur janmasamay ka grah jab ek hi ho jaye to aisa grah kundli vale par kabhi bura asar n dega v us din v vakt maut bhi n ayegi. udaharan : mana ki kisi jatak ka janm brihaspativar ko subah 07:00 baje hua to uska janmadin evan janm samay dono ka grah brihaspati hoga. niyam ke anusar ab janmadin v samay ka grah brihaspati kundlie men kabhi ashubh fal n dega. parantu agar jatak ka janm somvar ko dopahar 12 baje ka ho to janm din ka grah chandra v janm samay ka grah mangal ko legen. is sthiti men chandra jo janmadin ka grah hai rashifal ka hoga ki jiska upay ho sake aur janm samay ka grah mangal hai vah grahafal ka hoga yani jiska shubh ya ashubh asar atal ho aur koi upay n ho sake. 2. janmasamay ke grah ko janmadin ke grah ke pakke ghar ka manen arthat ab janmasamay ka grah mangal chandra ke pakke ghar nan0 4 men hoga chunki janmadin ka grah rashifal ya upay ke kabil mana hai atah mangal khana nan 4 se sanbandhit vastuon, rishtedaron v khana nan 4 se sanbandhit vyavsay par apna bura asar kabhi nahi dega. agar kabhi bura asar de bhi to chandra ke upay se uske ashubh asar se bacha ja sakega.
Kya aapko lekh pasand aaya?
Subscribe