चांदी में बने यंत्रों के पूजन से विशेष लाभ

chandi men bane yantron ke pujan se vishesh labh  

Ank ke aur Lekh | Sambandhit Lekh | Views : 3694 |  
chandi men bane yantron ke pujan se vishesh labh acharya ramesh shastra ganesh yantra : chandi men bane yantra ko adhik shubh evan shighra faldayi mana gaya hai. is yantra ko apne ghar men athva vyavsay sthal par sthapit kar sakte hain. is yantra ke prabhav se jivan men ane vali samast vighna-badhaon ka shaman hota hai. ganesh ji ki kripa se jivan men sukh-samriddhi barhti hai, is yantra ki kisi shubh var, tithi men puja-pratishtha karke sthapna karni chahie. nitya yantra ke sammukh baithakar 'un shri ganeshay namah' mantra ka 108 bar jap karen. shriyantra : is yantra ki chandi ke patre bani akriti vishesh shubh mani jati hai. is yantra ko apne ghar ke puja sthal par uttara-purva disha men pratishtha, puja karke sthapit karen. pratidin pratahkal men dhup, dip, pushp, naivedya adi se pujan karna chahie. yadi sanbhav ho sake to shrisukt ka path bhi karen. is yantra ke prabhav se dhan, vaibhav, yash, lakshmi ki prapti hoti hai. durga bisa yantra : yah durga bisa yantra atyant prabhavi hota hai. ise lal rang ke kapre men puja, pratishtha karke apne ghar athva vyavsay-sthal men sthapit karna chahie. iske atirikt ise chandi men loket banakar gale men bhi dharan kar sakte hain. is yantra ke prabhav se vyavsay, ajivika adi men achchi saflta prapt hoti hai aur atma-vishvas men vriddhi hoti hai. sarasvati yantra : is yantra ki, shukla paksh ki panchmi athva brihaspativar ke din pran-pratishtha karke panchopchar puja karke yantra ko apne puja sthal par sthapit karke nitya dhup, dip, gandh, akshat se puja karni chahie. is yantra ko loket rup men gale men bhi dharan kar sakte hain. iske shubh prabhav se vidyarthiyon ka parhai men adhik dhyan lagta hai tatha smaran shakti men vriddhi hoti hai tatha shiksha, pratiyogita, pariksha ityadi men saflta prapt hoti hai. kuber yantra loket : kuber devtaon ke dhanadhyaksh hain, unke smaran, pujan, sadhna se vyakti dhanvan ban jata hai. kuber-yantra loket ki kisi shubh muhurt men pran-pratishtha v puja karke apni tijori men rakhen athva gale men ise dharan kiya ja sakta hai. iske prabhav se dhan v ay-sroton men vriddhi hoti hai, kabhi dhan ka abhav nahin hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.