दैनिक जीवन में उपयोगी सरल टोटके

dainik jivan men upyogi saral totke  

Ank ke aur Lekh | Sambandhit Lekh | Views : 38370 |  
dainik jivan men upyogi saral totke pan. maheshnand sharma mahakali ka pujan karen tatha shuddh ghi ka dipak jalayen. pratyek karya men saflta milegi. kisi fakir ko gur tatha chana dene se saubhagya ki prapti hogi. apne upar se ek roti ko 31 bar utarakar chaurahe par rakh den, isse durbhagya dur hoga. yadi apka vyapar thik tarah se nahin chal raha hai to budhvar ke din ek tota pijre sahit kharid kar layen tote ko ajad kar de. tota jitni dur urakar jayega, apka vyapar utna hi adhik chalega. jin bachchon ka parhai men man nahin lagta athva parhne men kamjor hon unhen tanbe men munga jarvakar manglvar ke din pahnayen, avashya hi fayda hoga. manglvar ke din masur ki bina chilke vali lal dal ko lal rang ke kapre ki thaili lal rang ke dhage se banakar bachche ke baig men rakhen, aisa karne se bhi bachche ka man parhai men lagne lagta hai. shvetark ki jar lakar uske tukre karke safed dhage men pirokar mala ki tarah balak ke gale men pahnane se balak najar adi se surakshit rahta hai. balak ko siras ke bijon ki mala pahna dene se dant niklte samay kasht nahin hota hai. tanba v lohe ke taron se bana kara pahnane se balak bhautik vyadhiyon se mukt rahta hai. pitmni guruvar ko gurupushya yog men gaumutra se dhokar dharan karne se katu se katu danpatya jivan men sudhar akar grihasth men riddhi-siddhi v barakat barhti hai. danpatya jivan men sukh ke liye pati-patni gauri shankar rudraksh dharan karen to vaivahik jivan sukhamay hoga. jis kanya ka vivah n ho raha ho vah kisi vivah men dulha-dulhan ke pas is tarah khari ho jaye ki dulhe par fenke gaye akshat uske upar gire, shighra vivah hoga. ramchrit manas ke balkand men shiv parvati vivah prakaran ka nitya path karne se kanya ka vivah shighra hota dekha gaya hai. kanya ke vivah men ho rahe vilanb ko dur karne ke liye pita ko chahiye ki vivah varta ke samay kanya koi navin vastra avashya dharan kare. jis din kisi ka intaravyu vagairah ho to subah uthte hi suryast se purva ek nile rang ka dhaga kisi khanbe, per, adi men gupchup bandhakar ghar a   jae. uske bad hi intaravyu dene jayenge to saflta milegi. prayah bahut se aise abhage durbhagyashali hote hain jo kisi ashubh kshan men ashubh dhang se ghar se niklte hain, unmen koi-koi to durghatana/ ghatna ke uprant apne ghar kabhi lautakar nahin ate. iske lien sujhav hai ki ghar se niklne ke purva danye pair men juta ya chappal pahnen tatha pahle danya pair bahar rakhen, ghar se jate-jate laut-lautakar vapis akar jayenge to apshkun tal jayega, ap sakushal laut ayenge. agar ap ghar se nikal rahe hain aur achanak apko bachre ko dudh pilati hui gay dikh jaye to ap turant ghar jakar gur lakar us dudh pila rahi gay ko khila de. apka din saubhagyashali bitega. durbhagya ko saubhagya men parivartit karne hetu kisi kuen ya bavri ke samip pipal ka paudha lagayen. paudhe ke vriksh hone tak usko sinche, paln-poshan karen. aisa karne se durbhagya ko saubhagya men badlte der nahin lagti. aise vriksh ke samaksh nitya sandhya ke samay dipak jalayen. subah dainik kriya kalapon se nivritt hokar ganesh stotra ka uni asan par baithakar path karne se karyon ki saflta sunishchit hoti hai. isse vyakti ki mansik shakti asadharan rup se barhti hai aur sudrirh hoti hai. shani ki sarhesati se pirit vyakti ko purane kapre v jute ka dan tatha amavasya ko kisi pavitra nadi men snan evan shani kavach ka path karna chahiye. aisa karne se shani dev ki kripa hokar sarhesati men unnati ke dvar khulte hai. manglvar ke din hanuman ji ke pairon ka sindur mathe par lagane se bhi yahi fal milta hai. sone ke kamre men til ke tel ka dipak prajvalit karke sone se bure sapne nahin ate evan gahri nind ati hai. sone ke kamre men nitya deshi kapur mile shuddh ghi ka dipak jalane se nind pragarh ati hai evan mansik shanti milti hai. tin mukhi rudraksh ke kuch dane tanbe ke bartan men pani dalakar dubaye rakhen. pratyek 24 ghante ke antral par yah rudraksh jal pratahkal khali pet pine se vibhinn charm rogon se raksha hoti hai. tin mukhi rudraksh ko patthar par ghis kar nabhi par lagane se dhatu rog men labh hota hai. mirgi ke rogi ko rajasvala stri ke hathon se sparsh karva de to us par aya mirgi ka daura shant ho jayega. juta sunghne se bhi mirgi ka daura shant ho jata hai. agar rahu v ketu ka prakop jatak par ho to use pratidin chintiyon ko ata ya chini khilana chahiye. kshay rog evan anya bimariyon tatha kort kachhri se chutkara pane ke liye gay ko roti khilana chahiye. ghar men nakaratmak drishti ya shaktiyon ka agaman n ho iske lie pratidin sham ko loban ya gugal ki dhup jalayen. kai bar jahan jatak naukri kar raha hota hai vahan se vah tabadla chahta hai aur prayas karne par bhi kamyab nahin hota hai, aise men yah totka karen. subah sabere naha dhokar gyarah lal mirch lekar surya ki taraf feken aur tabadle ke liye prarthana karen. shighra tabadla ho jayega. koi bhi shubh karya, chahe vah naukri ke lie sakshatkar ho ya vyavsay se sanbandhit, fir kuch aur karya, karne se purva hafte ke alg-alag dinon men nimnalikhit upay faldayi hote hairn. ravivar ko pan ka patta apne sath lekar jayen. somvar ko darpan men apna chehra dekhakar jayen. manglvar ko mishthann, gur, chini, mithai adi khakar jayen. guruvar ko sarson ke kuch dane mukh men dalakar jayen. shukravar ko dahi khakar jana chahiye. shanivar ko adarak aur ghi khakar jana chahiye. budhvar ke din hare dhaniye ke patte khakar jana labhdayak rahta hai.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.