हस्तरेखा शास्त्र के सिद्धान्त

hastarekha shastra ke siddhant  

Ank ke aur Lekh | Sambandhit Lekh | Views : 1878 |  
prathmik taur par ham ‘hastarekha vigyan’ arthat pamistri ko do bhagon men bant sakte hain- pratham, hath ki rachna (banavt)- ismen ham vyakti ki mul pravrittiyon ka gyan karte hain. jaise - pyas, bhukh, krodh, bhay, kam adi ichchaen, hast lakshan vidya ke nam se jante hain. dusre, hath ki rekhaon se manushya ka bhut, vartaman aur bhavishya ka gyan hota hai. ise hastarekha vidya kahte hain. donon vidyaon ka sammilit nam hastarekha vigyan hai. is ‘pamistri’ ko prachin kal men, ‘samudrik shastra’ ke antargat liya jata tha. is shastra ka ek adhyay ya bhag ‘hast samudrik’ hai. hatheli hamare man-mastishk ka darpan hai. is par bane ubhar ko parvat kaha jata hai. ye parvat hamare mastishk ke kuch kendron ki kriyashilta ki or sanket karte hain. hath par faili rekhayen hamare achetn ki tarangon ke marg hain. hath ki tin mukhya rekhayen-hriday rekha, mastishka rekha tatha jivan rekha ki rachna garbhavastha ke tisre tatha chaithe mas ke dauran banti hai. hamare achetn man ki ichchaen hamare bhavishya ki ninv hain, ye hi hastarekhaon ke rup men prakt hoti hain. achetan man (hastarekha) ko parhna hi bhavishya ko parhna hai. hastarekha hatheli par bane man ke graf hain. achetan man ki ichchaon ka graf hatheli par banta hai. pamistri manovigyan ke adhik nikat hai. yah satya hai ki rekhayen badlti rahti hain parantu dhimigti se. yah bhi satya hai ki anguliyon ke nishan kabhi nahin badlte. ap is satyata ki pariksha svayan karen. aj ap apne donon hathon ke print lekar rakhen fir kuch samay bad jab apki sthiti (halat) badal jaye, tab punah pinrat niklvayen to ap pichle tatha in prints men tulnatmak adhyayan karen to payenge ki bahut-si rekhayen badl chuki hain. hamare sochne athva vicharon ka prabhav hath ki rekha par bhi parta hai. hridy ka hal ‘hriday rekha’ tatha ‘mastishka’ ka hal ‘mastishk rekha’ par spashta rup se dekha ja sakta hai. bayan hath purva karmon ka jabki dayan hath hamare bhavishya tatha vartaman ke karmon ka dyotak hai. manushya ke karmanusar rekhayen bhi badlti hain. siddhant/niyam: purush ka dayan v stri tatha balak ka bayan hath pramukh rup se dekhna chahiye. nishkriya purush tatha baen hath se likhne vale ka bayan hath evan sakriya (sarvisa/vyapar karne vali) stri ka dayan hath dekhna chahie, kyonki dayan hath hi karmashil hath hai. donon hathon ko dekhakar hi faladesh karna chahiye. yadi ek hath men durghatana ho to vah ghatit nahin hoti, yadi ho bhi jay to raksha avashya ho jati hai. desh, samay v jati ki bhinnata se faladesh men antar par jata hai. panchanguli devi, sarasvati man athva apne ishtadev ka 32 lakh jap karne se jyotishi ki vani men shakti a jati hai. hath ka dur se hi praranbhik avlokan karke fir use hath men lekar dekhna chahie, isse vah fal spasht drishtigochar hota hai. jyotishi ko vyarth ki baton ka uttara nahin dena chahiye. yad rakhen-hath ki koi bhi rekha bekar nahin hai, uska kuch n kuch fal avashya hai. godhuli vela tatha ratri (kam roshni) men hath ki pariksha n karen. pahle hath ki banavat, anguliyan, angutha, parvatadi se vyakti ke svabhav ka pata lagana chahie. fir chihn va rekhaon se jivan ki ghatnayen dekhni chahie. jyotishi tatha vyakti donon kathin shram ke turant bad, atyadhik garmi sardi men, nashe ki avastha men hath na dekhen aur n dikhayen, baen hath se patni ka tatha stri ke daen hath se pati ka bhavishya dekhna chahie. jyotishi kisi ki mrityu tatha ashubh baten kabhi spasht rup se n batayen. kabhi-bhi bhir-bhar men, jaldabaji men, krodh men, lalach men, majak men ya tisre vyakti ki upasthiti men faladesh n karen. kisi ko nirutsahit karne ki bat bhi na karen. atah hastarekha ka adhyayn bahut sukshmata se, dhairya -shantchitt evan ekant men hona chahie.
Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  March 2015

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.