विवाह रेखा

vivah rekha  

Ank ke aur Lekh | Sambandhit Lekh | Views : 4461 |  
pure sharir men hriday ek vichitra sa avayav hai. ek taraf yah pure sharir ko khun pahunchane ka mahatvapurn karya karta hai, to dusri taraf yah apne ap men itni sukshm aur komal kalpanaen rakhta hai ki jisko samjhna kisi ke bute ki bat nahin hai. yah komal itna hota hai ki choti si bat se bhi isko itni adhik thes lagti hai ki yah billari kanch ki tarah tutakar chur-chur ho jata hai. yah ek pratik hai anubhutiyon ka, sundar svapn hai manivay kalpanaon ka aur kosh hai sadbhavna, karuna, mamatva, sahanubhuti aur sneh ka. vastutah manav jivan tabhi safl kaha jata hai, jab uska addhar ang bhi purnatah uske sath ekakar ho gaya ho. jiske ghar men sulakshan, sushil, sundar aur shikshit patni ho, vah ghar nishchay hi svarg se barhkr hai. islie hastarekha ka adhyayn karte samay jitna mahatva jivan, dhan, yash, svasthya aur parakram ko diya jana chahie, utna hi patni aur vivah ko bhi. kam (seksa) manav ki prathmik avashyakta hai. frayad aur yang ne to yahan tak siddh kar diya hai ki jivan men har chote se chota aur bare se bara jo bhi karya karte hain uske mul men yahi kam bhavna rahti hai. vivah rekha, pranay rekha, prem rekha, vasna rekha dikhne men choti si hoti hai. parantu iska mahatva chota nahin samjhna chahie. yah rekha kanishthika ungli ke niche budh-kshetra par hriday rekha ke upar, budh kshetra ke bahar ki or se hatheli ke andr ki or ati dikhai deti hai, yahi vivah rekha kahlati hai. ye rekhaen do, tin ya char bhi hoti hain, parantu inmen se ek sarvadhik mukhya hoti hai. ye rekhaen yadi hriday rekha ke mulodgam se upar ki or ho, to vyakti ka vivah nishchit rup se hota hai. parantu ye rekhaen yadi hriday rekha ke niche ho, to uska vivah asanbhav hi samjhna chahie. yadi aisi hi spasht, gahri aur lanbi do ya tin rekhaen hane aur ve sabhi hatheli ke bhitar ghusne ka prayatn kar rahi hon, to us vyakti ke do ya tin vivah bhi ho sakte hanai. iske sath jo choti-choti rekhaen hoti hanai aur mukhya rekha ke samanantar hoti hain, uska mahatva bhi kam nahin hai. aisi rekhaen jivan men sankhyarup se virodhi yoni ka pravesh spasht karti hai arthat aisi jitni bhi rekhaen hongi, vyakti utni hi striyon se anaitik sanbandh rakhega. par iske sath hi sath parvaton ka ubhar bhi dhyan men rakhna chahie. yadi is prakar ki rekhaen hane aur guru parvat sarvadhik unnat ho to vyakti itne hi prem sanbandh sthapit karta hai. shani parvat pradhan ho, to vyakti apne se praurh striyon se sanpark rakhta hai. ravi parvat pradhan ho to, vyakti s a e ch - s m jhak ra pranay ke kshetra men kadam rakhta hai. chandra parvat pradhan ho to, vyakti kamuk, bhavuk tatha striyon ke piche mara-mara firne vala hota hai. yadi shukra parvat pradhan ho to vyakti pranay men puri saflta prapt karta hai. uske jivan men striyon ki kami nahin rahti hai tatha vah sabhi ke sath anand lutne men samarth hota hai. pranay rekha ka hriday rekha se ghanishth sanbandh hota hai. pranay rekhaen hridy-rekha ke jitni adhik najdik hongi, vyakti ki utni hi kam umra men is prakar ki ghatnaen ghatit hongi tatha yadi aisi prany rekhaen hriday rekha se dur hongi to ye ghatnaen jivan vriddhi ke sath-sath hi ghatit hongi. yadi is prakar ki choti-choti pranay rekhaen n hon, to vyakti sanymi hote hain, tatha adhik kamechchu nahin hote hain. pranay rekha ka adhyayn savdhani chahta hai. yadi pranay rekha gahri aur lanbi hogi to vyakti ke prany-sanbandh bhi gahre aur dirghakal tak ke lie honge. iske viprit yadi ye pranay rekhaen sankri, sukshma tatha choti hoti hain, to vyakti ke pranay sanbandh bhi kam kal tak hi rahte hain. yadi do rekhaen sath-sath chal rahi hon to iska tatparya yah hai ki vyakti do vipritlingi se vasnatmak sanpark sath-sath rakhega. yadi pranay rekha par kraes ka chihn ho to vyakti ke prany ki samapti atyant dukhdayi hoti hai. yadi pranay rekha par kraes ka chihn ho to vyakti ka prem bich men tut jata hai. yadi pranay rekha par nakshatra ho to prem ke karan badnami jhelni parti hai aur yadi pranay rekha barhakar surya parvat ko chuti hai to uska vivah atyant prasiddh vyakti se ya ai. e. es. adhikari se hota hai. yadi pranay rekha age jakar do shakhaon men bant jay, to vyakti ka pranay sanbandh bich men hi bhang ho jata hai. prany rekha men se yadi koi rekha nikalakar niche ki or ja rahi ho to vyakti ka vaivahik ya pranay jivn dukhdayi hota hai. yadi prany rekha se koi rekha upar ki or uthti ho to vyakti ka vaivahik jivan atyant sukhi samjhna chahie. bich men tuti hui pranay rekha se pranay sanbandhon ka bich men vichched samjhna chahie. - yadi vivah rekha kanishthika ungli ke tisre ya dusre porve par charhe to vyakti ajivan kunvara hi rahega, aisa samjhna chahie. - yadi vivah rekha nimnonmukh hokr hriday rekha ki or bahut adhik jhuk jaye to uski stri ki mrityu bahut shighra samjhni chahie. stri ke hath men yah purush ke lie lagu hogi. - yah vivah rekha age jakr dvijihni ya tin munh vali ho jae to stri-purush ke vicharon men matbhed bana rahega, tatha vaivahik jivn kalhpurn rahega. - yadi pranay rekha dvijihni ho aur uski ek shakha hriday rekha ko chuti ho, to vah vyakti apni patni ki apeksha apni sali se yaun sanbandh rakhega. - yadi is prakar se ek shakha mastishk rekha ko chu le to vyakti nishchay hi talak deta hai. aisa vyakti apni patni ki hatya bhi kar de to koi ashcharya nahin. yadi is prakar pranay rekha ki ek shakha niche ki or jhukkr shukra-parvat tak pahunch jay, to vyakti ka vaivahik jivan matiyamet hi samjhna chahie. vivah rekha kuch mahatvapurn tathya - yadi pranay rekha age barhakar ayu rekha ko katti ho, to vyakti jivn bhar apni stri se dukhi rahta hai. - yadi pranay rekha age barhakar bhagya rekha evan mastishk rekha se milkr tribhuj banaye to vyakti ka vaivahik jivan dukhdayi hi samjhna chahie. - yadi vivah rekha ko koi ari rekha katti ho to vyakti ke vaivahik jivan men vyavdhan samjhna chahie. yadi koi anya rekha dvijihni pranay rekha ke bich men ghusti ho, to vyakti ka vaivahik jivan kisi tisre prani ke bich men a jane se dukhdayi ho jata hai. - yadi vivah rekha ke praranbh men dvip ka chihn ho to vyakti ka vivah kai pareshaniyon evan badhaon ke bad hota hai. - yadi vivah rekha ko santan rekha katti ho to, vyakti ka vivah asanbhav hi samjhna chahie. - yadi vivah rekha par ek se adhik dvip ho, to vyakti jivan bhar kunvara rahta hai. - yadi budh kshetra par vivah rekha ke samantar do ya tin rekhaen chal rahi hon to vyakti ka yaun sanbandh apni patni ke alva do ya tin striyon se samjhna chahie. - yadi vivah rekha chalte-chalte kanishthika ki or jhuk jaye to uske jivan sathi ki mrityu usse purva hoti hai. - vivah rekha jitni hi gahri, spasht aur nirdosh hogi, vyakti ka vaivahik jivan bhi utna hi sukhi samjhna chahie. - vivah rekha ka achanak tut jana vyakti ko viyogi banata hai, tatha pati-patni ke sanbandhon men darar ka sanket karta hai. - yadi budh kshetra par vivah ki do rekhaen samanantar hon to vyakti ke do sanbandh hote hain ya dubara vivah hota hai. - yadi vivah rekha surya rekha se milti ho, to patni naukri karne vali hoti hai. - vivah rekha ke hone par bhi dohri hriday rekha prabal ho to, vyakti avivahit hi rahta hai. - yadi chandra parvat se ya shukra parvat se kuch rekhaen nikalakar vivah rekha se milti ho, to vyakti kamuk, vyasni aur premi hota hai. - yadi mangal rekha se koi rekha nikalakar vivah rekha ko chuti ho, to vyakti ke vivah men nishchay hi vyavdhan upasthit hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  March 2015

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.