बिना तोड़-फोड़ के वास्तु सुधार

bina tor-for ke vastu sudhar  

Ank ke aur Lekh | Sambandhit Lekh | Views : 12612 |  
bina tor-for ke vastu sudhar do. nirmal kothari vastu doshon ke nirakaran hetu tor-for se bhavan ke svami ko arthik hani to hoti hi hai, sath hi kimti samay bhi jaya hota hai. is tarah ka nirakaran grih svami ko kasht dene vala hota hai tatha vyakti mansik rup se tut jata hai. is alekh men bhavan ko nuksan pahunchae bina vastu doshon ka nivaran karne ke saral upayon ka varnan kiya gaya hai. purva disha men bina tor-for ke vastu doshon ka nivarn- dosh : bhavan ki purva disha ka bhag anya dishaon ki apeksha uncha hona. upay : uprokt dosh nivaran ke lie bhavan men ti.vi. ka aintina naitya kon men laga len, jiski unchai bhavan ke purvi evan uttari bhag ki divaron se adhik ho, aintina ke sthan par lohe ka ek paip ya jhanda bhi lagaya ja sakta hai. bhavan ke dakshini-pashchimi bhag men thos vastuen evan uttari-purvi bhag men poli vastuen rakh deni chahie. dosh : bhavan men yadi purvi-uttari bhag men bina koi rikt sthan chore ghar ka nirman ho gaya hai to- upay : dusri manjil ka nirman karate samay uttari evan purvi bhag ko khali chor den aur jab tak nirman karya nahin hota, tab tak ke lie purvi evan uttari bhag ka hissa bina saman ke khali chor den. dosh : mukhay dvar yadi agney men ho to- upay : mukhay darbaje par gahre lal rang ka pent karne tatha darbaje par lal rang ke parde lagane se is dosh ka nivaran ho jata hai. darvaje par bahar ki or surya ka chitra laga den. purva agney kon men sthit darvaje ko band rakhen. ishan kon men mukhay vastu dosh evan bina tor-for ke vastu doshon ke nivaran ke upay : dosh : rirashanonmukh bhukhand ki uttari disha men unchi imarat ya bhavan ho to- upay : uprokt vastu dosh ko dur karne ke lie uttara-disha vali unchi imarat aur bhavan ke bich ek marg bana dena chahie arthat marg ke lie khali jagah chor den. isse unchi imarat ke karan jo vedh utpann ho raha hai, uske evan bhukhand ke bich marg ban jane se vastu dosh ya vedh dosh ka nivaran svatah hi ho jaega. dosh : ishanonmukh bhukhand par purva v uttar disha ki char divari se satakar evan pashchim v dakshin divar se hatakar bhavan hone se- upay : is sthiti men purva ya uttar disha ke lie nirman ka kam se kam prayog karen aur is bhag ko hamesha saf evan shuddh rakhen. iske sath hi bhukhand ke naitya kon men anupyogi evan bhari vastuon ka dher banakar rakhen. dosh : ishan kon men kura-kachra adi ka dher ho to- upay : iska sabse saral upay hai ki ishan kon par lage dher ko saf karvakar us sthan ko svachch evan pavitra rakhen. dosh : ishan kon men rasoi ghar hona- upay : is sthiti men rasoi ghar ke andar gais chulhe ko agney kon men rakh den aur rasoi ke ishan kon men jal bharakar rakhen. dosh : ishan kon men shauchalay ho to- upay : is sthiti men shauchalay ka prayog band kar den athva shauchalay ki bahri divar par ek bara adamakad shisha laga den. shauchalay ki divar par shikar karta hua sher ka chitra bhi lagaya ja sakta hai ya fir shauchalay ke bahar aise mitti ke patra jin par katavdar alekhan adi nirmit hon, ko rakha ja sakta hai. kyonki ishan kon men shauchalay hona atyant ashubh faldayak hai. uttaronmukhi bhukhand ke vastu doshon ka nivaran : dosh : is bhukhand par banae gaye ghar uttari bhag unnat hona. upay : is dosh ke nivaran hetu dakshin bhag ko uncha karne ke lie ti.vi. ka aintina, jhanda ya lohe ka rod uttari bhag se uncha laga den tatha sath hi ghar men bhari saman dakshin disha men hi rakhen. chat ke upar rakhi jane vali pani ki tanki ko bhi dakshin disha men hi rakhen. dosh : bhukhand ki purva disha men tile athva uncha makan ho to- upay : uttara-disha men sthit in vedhon evan bhukhand ke bich ek sarvajnik marg bana de. vayavyonmukh bhukhand ke vastu dosh evan unka nivarn- dosh : yadi is bhukhand par bane ghar men mukhay dvar uttar disha men ho tatha dakshin aur pashchim disha men darvaje hon to- upay : is dasha men vayavya kon v agney kon men vistar ki bhumi ko anupyogi chor den tatha dakshin darvaje ka prayog turant band kar den. dosh : vayavya disha men rasoi ghar ho to- upay : is dasha men vayavya kon men sthit rasoi ke agney kon men gais chulha rakh dena chahie. iske sath hi ghar men annadi ke dibbe vayavya kon men rakh dena chahie. pashchimonmukh bhukhand ke vastu doshon ka nivarn- dosh : is bhukhand ke pashchim disha ke darvaje ka mukh naitya kon men hone par- upay : is darvaje par kale rang ka pent karva den tatha darvaje ke samaksh ek adamakad aina is prakar lagvaen ki pravesh karne vale vyakti ko uska pratibimb avashya dikhai de. dosh : ghar men prayog kiya gaya jal athva varsha ka pani pashchim se bahar niklta ho to- naityonmukh bhukhand ke mukhay vastu dosh evan unke nivaran ke upay : dosh : yadi is bhukhand men banae gaye bhavn-kakshon v baramdon men thos bhari vastuen naitya kon ka nicha hona : upay : is dasha men in kamron ke andar v baramdon men thos bhari vastuen rakhe kakshon ko dhote samay jal ko naitya se ishan ki or laen evan purva, uttar athva ishan ko sthit darbaje se bahar niklen. dosh : naitya kon men khirki hona - upay : is dasha men khirki ko band kar uske upar gahre hare rang ka parda dal dena chahie. dakshinonmukh bhukhand ke vastu dosh evan unka nivaran : dosh : is bhukhand ke sammukh bhag men kuna ho to- upay : aisi sthiti men kuen ko band kar dena chahie/athva kuen par moti evan bhari slaib dalakar use upar se pat dena chahie. agneyonmukh bhukhand ke vastu dosh evan unke nivaran ke upay : dosh : agney kon men mukhay dvar hone par - upay : is darbaje ko adhikatar band hi rakhna chahie. iske sath hi darvaje par gahre lal rang ka pent karva dene se vastu dosh samapt ho jata hai. dosh : is prakar ke bhukhand men dakshini agney men get hone par - upay : is darvaje ko adhikatar bandar rakhen tatha darvaje par kale rang ka pent kara dena chahie. bina tor-for ke vastu doshon ka shat-pratishat nahin to 70 se 80 pratishat tak sudhar kiya ja sakta hai tatha yah upay jyada shram sadhya evan mahange bhi nahin hain atah koi bhi ise asani se amal men la sakta hai. asha hai ap isse apne vastu doshon ka nivaran kar sakenge aur apne jivan ko sukhamay evan shantimay se gujar sakenge.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2010

vastu ka shabdik arth hai vas arthat vah sthan jahan par nivas hota hai. is srishti ki sanrchna men panchatatva (agni, jal, vayu, prithvi, akash) mahatvapurn bhumika nibhate hain to bhavan nirman karte samay men bhi inki upyogita ko nakara nahin ja sakta.prastut visheshank men vastu se sanbandhit samast mahatvapurn jankari ka ullekh hai

Subscribe

Apne vichar vyakt karein

blog comments powered by Disqus
.