मेदिनीय ज्योतिष पर आधारित सन् 2011 का भविष्यफल

mediniya jyotish par adharit san 2011 ka bhavishyafl  

Ank ke aur Lekh | Sambandhit Lekh | Views : 3371 |  
mediniya jyotish par adharit san 2011 ka bhavishyafal prashnah mediniya jyotish ke adhar par san 2011 men bharat aur vishva ka samajik, arthik aur rajnaitik bhavishya kya hoga? mejyotish ke adhar par san 2011 men bharat aur vishva ka samajik, arthik aur rajnaitik bhavishya janne ke lie hamen mukhay rup se is varsh ke sanvatsar, akashiya kaunsil, sanvat stanbh, megh, nag, ardra pravesh kundli, varsh men ghatit hone vale surya grahan tatha chandra grahan, jagat kundli, svatantra bharat ki kundli, gochar vash grahon ka adhyayan karna hoga. sanvatsar ganna ke anusar is varsh ka sanvatsar krodhi hoga. 'krodhi' namak sanvatsar ka fal is prakar hoga- krodhi namak sanvatsar men jan-samaj, krodh evan lobh se abhibhut rahenge. kisi prakritik apda se janmanas trast hoga. ann ki upaj madhyam hogi tatha varsha bhi madhyam hogi. isi prakar 'megh mahody' ke vicharon ke anusar krodhi sanvatsar ka fal bhi isi prakar hoga. vishva evan shasak varg men sarvatra avyavastha evan kahin ghor yuddhamay visham vatavaran banega. desh, jati evan kutunb men bhi krodhpurn vyavhar se vatavaran kshubdh hoga. is sanvat men janta lobh, krodh, rog aur svarth se pirit rahegi. is sanvatsar ka svami grah shani hai jiska fal is prakar hai. anaj mahange honge. vyapar asthir rahega. bhayankar rogon ka bhay bana rahega. varsha kam hogi. is prakar chaitra aur vaishakh men barh ityadi se anisht hoga. jyeshth men mahangai hogi. shravan mas men durbhiksh, bhadrapad men varsha kam hogi tatha mahangai men vriddhi hogie. ashvin mas men varsha ho sakti hai. akashiya kaunsil vishva ki sabhi ghatnaon ko gati rup dene ke lie ek akashiya kaunsil sarvakriyaklapon v shubhashubh ka sanchalan karti hai. is akashiya kaunsil men grahon ki shubhashubh prakriti ke anukul sansar men jo ulat fer evan aghtit ghatnaen ghatit hoti hain. akashiya kaunsil brahmand ke sabhi naitik v daivik parivartanon ka sanchalan karti hai. sanvat 2068 ki akashiya kaunsil is prakar hai- is prakar ham kah sakte hain ki grah parishad men tin pad balagrah budh ko, tin pad shani grah ko do pad varsh ke raja chandrama ko prapt hue hain. varsh ke mantri ka pad guru ko prapt hua hai. vikrami sanvatsar 2068 ke raja chandra ka fal is prakar hai raja chandra ka fal is varsh manglik evan shubh karya adhik honge. varsha adhik aur faslen uttam hongi. janta men paraspar sadbhav tatha sneh barhega. shasak varg ki pratishtha barhegi. janta ke svasthya, rog nivaran, tatha shanti ke lie vishesh yojnatmak pag uthae jaenge. anaj ke bhav pahle mande honge. chaval ki paidavar achchi hogi. varsh ke mandi men ann sangrah karne par bhadrapad se ek mas men labh hoga. til, tilahan, rasdar padarth chaitra-vaishakh men kharid karen to ashvin kartik men labh hoga. mantri guru ka fal : sanvatsar ka mantri guru ho to fal is prakar hoga. anek vidh - dhanya ki upaj prachur matra men hogi aur varsha bhi adhik hogi. shasak varg janta ka pura dhyan rakhega. nyaypurn shaili se janta ka palan poshan karti rahegi. yadi varsh ka mantri guru ho to varsha paryapt matra men hogi tatha varsha susamay par hogi. dudh adi paushtik tatva adhik matra men honge dharmik anushthan yagyadi adhik honge tatha sabhi log anand mangalamay utsavon ko manaenge. meva, fal v ann mande rahenge. dhanyotpati achchi hogi. ukt vivaran se yah malum hota hai ki rajya adhikari praja ke hiton ka purn dhyan rakhenge tatha apna karya nyaypurvak karenge tatha praja ka palan karenge. sarvatra shanti ka vatavaran hoga. shahar aur jangal men ek saman sukh milega. sasyesh shani ka fal : sasyesh ka arth hai chaumasi faslon ka svami. sasyesh shani ka fal is prakar hoga. janta rajyabhay kinva rajnaitik gatividhi se trast rahegi. janta kisi rog se pirit hogi. jau, gehun evam anya anajon ki faslon ko hani hogi. janta men vad-vivad chalta rahega tatha janta apne hi vad vivadon men uljhi rahegi. sasyesh yadi shani ho to gehun, chaval, jau adi khari faslon ko nuksan pahunche. is karan mahangai barh jaegi. shaskon ka vyavhar kathor hoga. janta vyarth ke vivadon men uljhi rahegi. ann ki utpatti men kai prakar ki badhaen aengi. naya teji ka vatavaran ban jaega. log rajya bhay se pirit rahenge. gehun adi ki kheti kharab hogi. manushya chote vad vivad men uljhe rahenge. varsh ke dhanyesh shukra ka fal : dhanyesh ka arth hai shit kalin faslon ka svami. dhanyesh shukra ka fal is prakar hai. dhanyadhip yadi shukra ho to sharat - sasya arthat shit kalin dhanya pakne se pahle hi rogadi se akalik varsha adi prakritik prakop se nasht ho jate hain. iske parinam svarup anaj mahange ho jaenge aur gay adi dudharu pashuon se dudh kam prapt hoga. dhanyesh shukra hone ke karan shitkalin faslen mung, moth, bajra adi ki fasal achchi nahin hogi. varsha aniyamit tatha kam hogi jisse dudharu pashu dudh kam matra men denge. is prakar anaj, pashuchara v sabjiyon men mahangai rahegi. dudh, ghi, makkhan adi ke damon men vriddhi hone ki purn sanbhavna hai. varsh ke meghesh budh ka fal : meghesh ka arth hai varsha tatha mausam vibhag ka svami. meghesh budh ka fal is prakar hoga. budh meghesh ho to varsha bahut hogi. gehun adi ki fasal achchi hogi, rasadi arthat dudh, gur, ganna bhi paryapt matra men upalabdh honge. brahman log athva dharmik log yagya adi havan tatha anya dharmik kriya kalapon men vyast rahenge. prithvi anek vidh-sukh-sanpda se yukt rahegi. yadi budh meghesh ho to varsha paryapt matra men ho, gehun, jau, dhanya adi faslon men vriddhi ho. brahman tatha dharmaparayan log apne-apne dharmik krityon men pravrit rahen arthat charon or dharmik vatavaran ka nirman hoga. sabhi prakar ki sukh-suvidhaon ki vriddhi hogi. brahman log bhajan adi karne men vyast rahenge. gehun aur jau ki matra men vriddhi hone par in vastuon ke damon men adhik vriddhi nahin hogi. rasesh chandra ka fal : rasesh ka arth hai gur - khand adi rasakas ka svami. chandra rasesh ka fal is prakar hai- chandrama rasesh ho to manushya nayi-nayi pragti ke ayam sthapit karta hai. kinva dharm ka upyog karta hai. varsha bahut hoti hai. prithvi dhan-dhanya evan ras, dugdhadi se yukt rahegi. varsha paryapt matra men hogi. gur, khand adi rasakas men kami rahegi. yuva varg bhog vilas ki nai-nai prakriyaon men asakt rahega. varsha adhik hone par prithvi rasvti dhan-dhanyavti hogi. ras-kas v ann ki utpatti achchi hogi tatha khadya padarth paryapt matra men upalabdh honge janta ka dhyan bhog-vilas men adhik barhega. nirsesh shani ka fal : nirsesh ka arth hai dhatu evan vyapar ka svami. nirsesh shani ka fal is prakar hai- shani nirsesh hone ke karan loha adi dhatu kinva lauh nirmit mashinri shastra, kale rang ki vastuen evan kapre adi men vishesh rup se mahangai hogi. hardaveyar ka saman mahanga ho jaega. kali urad bhi mahangi hone ke purn asar hain. is prakar bajar bhavon men bahut adhik vriddhi ho. iska pure bajar par asar parega, kyonki jitne bhi yatayat ke sadhan hote hain unmen lohe ka atyadhik prayog kiya jata hai. lohe ke mahange hone ke karan har prakar ke vahan ke mulya men bhi vriddhi hogi jisse anya vastuon ke bhavon par bhi purn asar parega. dhanesh shani ka fal : dhanesh ka arth hai dhan khajane ka svami. dhanesh shani ka fal is prakar hai. shani dhanesh hone ke karan janta arthik sankat ka samna karegi, shasak varg rogon se pirit rahenge. vyapari aur kisan varg ko bhi arthik pareshani uthani paregie. buddhijivi varg mansik drishti se pareshan rahega. shasak varg chintit evan asvasth ho. vyapari varg tatha krishak varg ke logon men adhik vipannata ka vatavaran bana rahega. vidvat varg bhi anek santapon se yukt rahenge. raja log rogi rahenge logon ke pas dhan nahin rahega. vyapar karne vale nirdhan honge aur pandit log parai pira se dukhi honge. vyapari log ghabrayenge. vyapar ki sthiti ulajhan bhari hogi tatha labh kam rahega. durgesh budh ka fal : durgesh budh hai jiska fal is prakar se hai. durgesh ka arth hai suraksha evan pratiraksha ka svami. budh durgesh hone ke karan nagrikon men koi sukhi aur koi dukhi rahega. nagrikon ko kabhi sukh tatha kabhi dukh milega. dhani nirbhik rahenge, kyonki safar men chori ki ghatnaon ka bhay nahin rahega. budh yadi durgesh ho to janta men sukh-dukh bana rahega. jal v thal senaon ki vriddhi hogi. yatra men log surakshit anubhav karenge. chori-thagi ki ghatnaen kam hongi. shasak kut niti ka prayog karenge. shahar ke logon ko sab sukh milenge aur dhanvanon ko raste men koi bhay nahin rahega. vyapariyon ko labh madhyam ho aur dhani musafiron ko raste ka koi bhay nahin hoga. sanvat ke varsh rajadi ke falon par ham is sanvat ke char stanbhon par vichar karte hain. jan manas ki khushhali tatha desh ki unnati bhi inhin par ashrit hai. sanpurn vishva ki satta jal, vayu, ann aur trin par hi nirbhar hai. sanvat ka fal bhi in char stanbhon par nirbhar karta hai. pratyek sanvat men char stanbh hote hain, jal stanbh, trin stabhan, vayu stanbh aur ann stanbh. stanbh jitne adhik hon utna hi achcha hota hai jitne kam hon to madhyam tatha koi stanbh n ho to samay kharab rahta hai. jal stanbh : is stanbh se varsha adi ka anuman lagaya jata hai. jal stanbh 81 pratishat hone ke karan yah jal ke lie achche sanket hain. varsha adhik hone ke asar darshata hai. islie krishak varg men naya utsah banega. gvar, chaval, jira, makka, gehun, bajra adi ki faslon ke vyapar se labh hoga. jari-butiyon ki paidavar bhi adhik hogi. jal adhik hone se vidyut utpadan ki kshamata men bhi vriddhi hogi. is prakar ham asha kar sakte hain ki jal ke star men sudhar aega tatha yah charon or pragti ka vatavaran paida karega. trin stanbh : vaishakh shukla pratipda ko bharni nakshatra ho to trin stanbh hota hai. is varsh ki gannaon se yah jan parta hai ki vaishakh shukla pratipda ko bharni nakshatra keval 62 pratishat ke lagabhag hai. trin stanbh ka sanbandh us varsh ki ghas aur jari-butiyon se hota hai. is varsh trin 62 pratishat hone ke karan sabjiyan prapt hoti rahengi. pashuon ko chara bhi upalabdh hoga jiske karan dudh ki utpatti bhi thik rahegi. trin stanbh ki sudrirhta ki sthiti varsh ke lie ek shubh bhavishya ki or sanket karte hain. bhartiya jari butiyon ki mang bhi sare vishva men hai. is bar janta ka dhyan jari-butiyon ke gyan ko viksit karne men bhi lagega. janta ka vishvas ayurved ki or bhi akrisht hoga. jari-butiyon ka niryat bhi is varsh sanbhav hoga. vayu stanbh : jyeshth shukla pratipda ko mrigshira nakshatra ho to vayu stanbh hota hai. vibhinn gannaon ke adhar par ham kah sakte hain ki is varsh vayu stanbh 49 pratishat hai. jis prakar jal ka manav ke jivan men mahatva hai usi prakar vayu bhi prakriti ki ek den hai. vayu ke bina hamara jivan ek kshan bhi sanbhav nahin. vayu stanbh vayu ke vishay men jankari deta hai. vayu stanbh ki 49 pratishat yah sanket deti hai ki is varsh vayu ka veg kam hoga. vayu ki matra kam ho jaegi. arthat pradushan men vriddhi hogi. is karan kai prakar ki bimariyan manav ko gher lengi. vayu prakop bhi barh sakta hai tatha janglon men agni kand se hani ho sakti hai. vayu stanbh is varsh manav jati ke lie ek chinta ka vishay hai. is varsh agni prakop men vriddhi hogi tatha janglon men agni kand se hani hogi jisse jangal ka jivan prabhavit hoga tatha prakriti ke vatavaran men asantulan paida ho jaega. ann stanbh : asharh shukla pratipda ko punarvasu nakshatra ho to ann stanbh hota hai. gannaon se gyat hota hai ki is varsh ann stanbh 63 pratishat hai. ann stanbh se us varsh anaj ki paidavar par prabhav parta hai. ann ka sanbandh jal, vayu se bhi hota hai. jal ki paryapt matra vayu ki upalabdhata tatha trin stanbh ka sath ann stanbh ki sudrirhta ki or sanket karta hai. ann stanbh ki pratishtta se ham yah anuman laga sakte hain ki ann ki prapti manav jivan ke lie chinta ka vishay nahin hoga. sanvat ke charon stanbhon men yah ek shubh sanket hai. yadi ham is varsh ke stanbh chatushtay par apna dhyan kendrit karen to hamen gyat hoga ki yah varsh jal, vayu, trin tatha ann stanbhon se khushhali lane vala hai. jal achcha barsega. vayu veg se faslon ki hani ki sanbhavna kam hai. trin aur ann stanbh sudrin hone par krishak varg ko labh prapt hoga tatha krishak varg santusht rahega. bharat ek krishi pradhan desh hai. krishak varg ki khushhali se hi hamare samaj ki santushtata tatha samriddhi ka sanbandh hai. krishak varg bharat varsh ki rirh ki haddi hai. yadi krishi prabhavit hoti hai to hamare sare karya prabhavit hote hain. khane ke lie ann nahin hoga to shesh praptiyon ka koi labh nahin hoga. bhukh mitane ke lie ann ek avashyak ang hai. gehun, chana, jvar, bajra ki paidavar achchi hone ke sanket hain. ham kah sakte hain ki krishi ki paidavar thik prakar se hone ke karan mahangai ki vriddhi men kami aegi. vyapari varg bhi labh ki sthiti men hoga. charon stanbhon ke sudrirh hone se yah sanvat nai upalabdhiyan lane vala hoga. naye-naye ayam desh ko pragti ki rah par le jaenge. desh nai yojnaon se pragti karega. arshaman vichar : jis prakar char stanbh desh ki jalvayu tatha van sanpda ke bare men suchna dete hain usi prakar arshaman ke char durg sanvat ki raksha ke suchak hain. pratham arsh gat varsh ke paush mas ki amavasya ko mul nakshatra ke sanpark se mana jata hai. is bar pratham arsh 51 pratishat hai. pratham arsh se hamen gyat hota hai ki sima pranton par jal-vayu-tatha sena ki marak kshamata barabar rahegi arthat videshi shaktiyan ham par havi ho sakti hain. hamen apni marak kshamata men vikas karna hoga. dvitiya arsh vaishakh ki akshay tritiya ko rohini nakshatra ke nsanpark se mana jata hai. vibhinn gannaon ke adhar par yah gyat hota hai ki is varsh dvitiya arsh lagabhag 68 pratishat ke lagabhag hai. jalvayu anukul hone ke sanket hain. prakritik apdaon se prakriti rakshatmak rahegi. jalvayu anukul rahegi. ann, fal-ful, vanaspati tatha jari-butiyan paryapt matra men upalabdh hongi. tritiya arsh : shravan mas ki purnamasi ko shravan nakshatra ke sanpark se mani jati hai. jyotishiya gannaon ke adhar par tritiya arsh 74 pratishat hota hai. yah arsh dharm tatha dharmik kriyaklapon ki or sanket karta hai. dharmik kriyaon ki or samaj ki ruchi barhegi. rajnaitik vichardhara men parivartan aega. rajnetaon ko sadbuddhi prapt hogi. rajniti jo patan ki or ja rahi hai. ek nav vichar dhara se prabhavit hogi. desh men arthik pragti bhi hogi. desh ka yash barhega. rakshan kshamata par hamen adhik bal dena hoga. chaturth arsha-kartik purnima ko kritika nakshatra se chaturth arsh ki ganna ki jati hai. is varsh chaturth arsh ka abhav hai. yah ek ashubhta ka sanket hai. hamen apni rakshan kshamata ka vikas karna hoga. hamen sima par ki gatividhiyon se sada savdhan rahna hoga. kartik mas ke samay hamen sima par ki gatividhiyon par purn najar rakhni hogi. parosi deshon ki kutnitiyon se hamen purn hani ke sanket hain. yah sima par ek vinash ka sanket hai. sima par ki khalbli hamare sare rashtra ke lie ek ashubhta ka sanket deti hai. rohini vas evan fal vichar rohini nivas chakra men mesh sankranti ke din jo nakshatra ho usse aranbh karke do-do nakshatra samudron men do-do nakshatra taton par ek parvat par aur do-do nakshatra sandhiyon men abhijit nakshatra sahit atthais nakshatron ko sthapit kiya jata hai. is varsh mesh sankranti ke din magha nakshatra parta hai. magha nakshatra se aranbh karke abhijit samet rohini chakra ke niyam se 2-2-1-2 sabhi nakshatron ko sthapit karne par rohini nakshatra ka vas samudra men ata hai. rohini ka vas yadi samudra men ho to is prakar fal honge. samudra men rohini ka vas hone se is varsh varsha adhik hogi. anaj evan faslen samriddh rahengi. nyun varsha vale pranton men bhi varsha bharpur hogi. bajra adhik hoga. rohini nakshatra ka vas is varsh samudra men hone ke karan sanvatsar ka vas mali ke ghar hai. is karan fal ful adi ki paidavar achchi hogi is prakar parvatiya kshetra men samriddhi evan krishijivi varg bhi susmriddh rahega. ant men ham kah sakte hain ki rohini ka nivas samudra men hone se is varsh varsha adhik hogi tatha faslen paryapt matra men hongi. sanvat 2068 vikrami men asharh krishn saptami budhvar tadnusar 22 jun san 2011 ko surya dev 16-06 minat par ardra nakshatra men pravesh karenge. anek samay par varsha ka avrodh rahega. kahin faslen sukhne ka bhay hai. lekin navamasth surya evan jal rashisth chandra pancham bhav men hone se sarvatra faslen lahlhaegi. ardra pravesh kundli ke anusar navamasth surya evan jalrashisth chandrama pancham bhavasth hone se sarvatra faslen lahlhaengi. meghesh budh trikon bhav men svarashi men sthit hai tatha varsh ke raja chandrama se pancham bhav men sthit hai tatha meghesh par sasyesh ki purn drishti hai. jis karan fasal chahe der se hon par hongi purn. jal stanbh bhi 81 pratishat ke lagabhag hai jo adhik varsha ka sanket deta hai. jo varshesh chandrama ka sahayak siddh hoga. megh : varsh men navmegh hote hain- jo is prakar hai. avart, savanrt, pushkar, dron, kal, nil, varun, vayu, veg. varsh ke shak sanvat ko ath se guna karke prapt gunanafal ko nau se bhag dene par jo shesh prapt ho vah varsh ka megh kahlata hai. is varsh ka shak sanvat 1933 hai. jismen ath jorne par prapt sankhya ko nau se bhag dene par do shesh bachta hai is karan is varsh ka megh sanvart hai jiska fal is prakar hai. varsha paryapt ho. purva disha men vayu chale . vasna janya anaitik ghatnaen adhik ho. dharma-karm men ruchi kam rahe. shasak varg svakarya men sanlagn rahe. sanvat 2068 vikrami ka shubharanbh : sanvat 2068 vikrami ka shubharanbh 20 ghante 02 minat par hoga. 3 aprail 2011 i. 20 ghante 02 minat par varsh ka aranbh hoga. is samay ki kundli is prakar hai. lagnesh shukra pancham bhav men hai shukra mitrakshetri hai. rajnaitik ghatnakram thik dhang se chalane ki niti men shani mangal ka samasaptak yog bhari badha upasthit karega. bharat ko ugravad ka pag-pag par samna karna parega. tula lagn men sanvat ki gatividhiyan is prakar hai- gumadhya desh kinv kendra men purvi bhag men kahin upadrav kahin vigrah, kahin shasan tantra men parivartan ke karan banenge. kai deshon ko yuddh agni ka samna karna parega. is karan ashanti ka vatavaran vishva ko chinta yukt bana dega. jagat lagn kundli : nav varsh men mesh sankranti arthat jis samay surya mesh rashi men pravesh kare us samay ko lagn bana kar jo kundli banti hai use jagat kundli kahte hain. varsh 2068 vikrami men mesh sankranti 14 aprail, 2011 ko 13 ghante 0 minat par aranbh hoga. ukt samay ke anusar jagt-lagnakundli is prakar hai. jagat kundli men lagnesh chandra dvitiya bhav men sthit hai jis par shukra sukhesh tatha ay sroton ke svami ki shatru drishti hai jo vishva ke netaon ke lie ek kathinai ki ghari hai. jo atankvad se jan-jivan ke lie piradayak siddh hoga. kai prakar ke prakritik prakopon ka vishva ke anek deshon ko samna karna parega. 15 navanbar 2011 se shani tula rashi men gochar karega jo muslim rashtron ke lie ashubh samachar dene vala hai aur in deshon men sankat ki sthiti utpann hogi. vishva ko kai prakar ki prakritik apdaon ka samna karna parega. sanvat ka raja chandrama stri grah hai jo striyon ke varchasva ko barhava dega. isi prakar durgesh bal grah budh hai. jis par shani ki drishti hai jo antrik shanti bhang karega. jo bhart-pak simaon par pareshani ka karan hoga. chin-pak senaon ka jamavra bharat ke lie ek nai pareshani lekar aega maovad tatha atankvad ka samna bhi samy-samay par karna parega. varsh ke aranbh men mangal budh tatha guru min rashi men sthit hai tatha kanya rashisth shani ki drishti samasaptak yog bana rahi hai. is samay guru atichari hai tatha shani vakri hai jo uttar bharat men yuddh rupi sthiti utpann kar degi. yah sthiti parosi deshon ke lie bhi bhayankar rup dharan kar legi. bahut sare rashtron men ugravad ek samasya ban kar aegi. jisse dhan-jan hani ke sanket hain. charon or ashanti ka vatavaran chaya rahega. 3 mai ko mangal mesh rashi men pravesh karega. is prakar shani mangal ka shadashtak yog ka nirman hoga aur yah shadashtak yog 11 jun 2011 tak chalega. yah samay desh ke lie charon or se ghor prakritik, rajnaitik sankat dene vala hoga. antrik ugravad bharat ke lie ek bar apna sar uthaega. 12 jun ko mangal vrish rashi men gochar karega tatha surya, shukra aur ketu ke sath mel karega jo vishva shanti ke lie ek chunauti bhara samay hoga. ugravad desh tatha videsh se bharat men kahar barsaega. vishva men ashanti vyapt hogi. 25 julai, 2011 se mangal mithun rashi men akar shani ke sath dasham chaturth sanbandh bana lega. yah yog 8 sitanbar 2011 tak prabhavi rahega. yah vishva ke netaon ke lie vishesh kathin paristhitiyan utpann karega. kahin bhari prakritik apdaon jese bhukanp, samudra tatavarti deshon men tufan, sunami se hani, agnikand se desh ko samna karna parega. 30 agast se guru mesh rashi vakri hokar 24 disanbar tak vakri rahega. is samay guru shukra-shani ke sath shadashtak yog bhi bana raha hai kisi rashtra men satta parivartan, kisi neta ka nidhan. bhukanp, chakravat, sunami, yandurghatana se bhari hani sanbhav hai. 15 navanbar 2011 se shani tula rashi men gochar karenge jo meshasth guru ko nich drishti se dekhenge jo parosi rajyon men kai prakar ki nich gatividhiyan laega. parosi desh ko kai prakar ki ugravad tatha anya prakritik apdaon ka samna karna parega. is samay visfot vibhishika panpegi. janvri 2012 se desh-videsh ke neta ugravad par apna dhyan kendrit karenge. kai prakar ki rajnaitik halachal hogi tatha ugravad ke dalnarth nai yojnaon ka udgam hoga. rashtron men ek dusre se talmel bhi barhega. nai yojnaen evan sandhiyon se vishva vatavaran shantimay banega.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2010

vastu ka shabdik arth hai vas arthat vah sthan jahan par nivas hota hai. is srishti ki sanrchna men panchatatva (agni, jal, vayu, prithvi, akash) mahatvapurn bhumika nibhate hain to bhavan nirman karte samay men bhi inki upyogita ko nakara nahin ja sakta.prastut visheshank men vastu se sanbandhit samast mahatvapurn jankari ka ullekh hai

Subscribe

Apne vichar vyakt karein

blog comments powered by Disqus
.