हस्तरेखाओं के माध्यम से जन्मतारीख व जन्मसमय निकालना

hastarekhaon ke madhyam se janmatarikh v janmasamay nikalna  

Ank ke aur Lekh | Sambandhit Lekh | Views : 1435 |  
samudrik men ayu rekha se ayu ka pariman gyat hota hai lekin hast rekhaon se janm tarikh adi sanpurn vivaran ka gyan ek navin dharna aur udbhavna hai. is vidha par is lekh men savistar prakash dala gaya hai. aie, janen prasiddh hastarekhavid dvara bataye gaye is sanpurn gyan ke vidhan ko. hastarekhaon ke madhyam se janmatarikh v janmasamay nikalna sarvadhik kathin hi nahin varan abhi tak sarvadhik gopniya bhi raha hai. janmavarsh evan sanvat ka gyan: madhyama ka mul shani parvat hai tatha tarjani ka mul brihaspati parvat hai. in donon parvaton ko dhyan se dekhen. shani parvat par jitni khari rekhaen hon, unhen gin len. ye khari rekhaen ve honi chahie jo lanbi, patli, spasht, aur nirdosh hon tatha jinka mul madhyama ungli ke tisre por ki jar ho. isi prakar brihaspati ke parvat par bhi jitni aisi rekhaen hon, unhen bhi gin len. shani parvat par jitni bhi rekhaen ho, unhen dhai se tatha guru parvat par jitni hon unhen derh se guna karke paraspar jor den, fir inhen mangl-parvat par jitni rekhaen dikhai den, unhen bhi jor den. vyakti utne hi varshon ka hoga. udahrnartha- kisi vyakti ke shani parvat par 12 rekhaen tatha guru parvat par ath rekhaen evan mangal parvat par 6 rekhaen hain. to uparyukt niyamanusar 12 ko dhai se guna karne par 30, guru ki 8 rekhaon ko derh se guna karne par 12 tatha mangal ki 6 rekhaen aur jorne par 48 yog hua (30$12$6=48) atah jatak ki ayu 48 varsh hogi. is samay san 2011 chal raha hai, ismen se 48 varsh ghatane par san 1963 siddh hota hai, atah us vyakti ka janm san 1963 ka samjhna chahie ya is samay yadi sanvat 2067 chal raha hai to 48 ghatane se sanvat 2019 siddh hota hai. janm mas ka nirnaya: janm mas gyat karne ke lie rashi-chihnon ko samjhna chahie. rashi chihn talika men diye gaye hain. ab anamika ungli ke niche surya-parvat par in chihnon men se ek chihn avashya hoga. us chihn ko dhyan se dekh len, fir is chihn ke mutabik mas nikalen. is prakar se vyakti ke janma-mas ka gyan kiya ja sakta hai..... paksh gyan: dahine hath ke anguthe ke pahle tatha dusre por ki sandhi par yav chihn ho to krishnapaksh tatha yav chihn n ho to shuklapaksh ka janm samjhna chahie. janmatithi gyan: madhyama ungli ke dusre tatha tisre por par jitni rekhaen hon usmen 32 jorakar 5 se guna kar den tatha gunanafal men 15 ka bhag dene se jo labdhi ave vah janm tithi samjhni chahie. jaise- kisi vyakti ki madhyama ungli ke dusre tatha tisre por par 4 rekhaen hain, unmen 32 jorne se 36 hue, 36 ko 5 se guna karne se gunanafal 180 aya, ismen 15 ka bhag dene se 12 labdhi ai, shesh shunya raha, atah vyakti ka janm amavasya ko samjhna chahie. janmakshara: anamika ke dusre tatha por par jitni rekhaen hon, unmen 517 jorakar, 5 se guna kar 7 ka bhag den, jo shesh bache, use ravivar se gine. jaise: anamika ke dusre tatha tisre por par tin rekhaen ho, unme 517 joren to yog 520 hua, ise 5 se guna kiya to 2600 hue, ismen 7 ka bhag diya, to labdhi 371 tatha shesh 3 rahe, ravivar se gina, tisra var manglvar aya, atah vyakti ka janm var manglvar samjhna chahie. janm samy: surya parvat par tatha anamika par, guru-parvat par tatha tarjani par, shukra parvat par tatha anguthe par evan shani parvat par tatha madhyama par jitni khari rekhaen, hon, unhen gin len, fir usmen 811 jorakar 124 se guna kar den, fir is gunanafal men 60 ka bhag de den, labdhi ghante tatha shesh minat samjhna chahie yah labdhi yadi 24 se jyada ho to 24 ka bhag de dena chahie. jaise- kul rekhaen 8 hui ismen 811 joren to kul 819 hue, ise 124 se guna kiya to gunanafal 101556 hue, ismen 60 ka bhag diya to labdhi 1692 tatha shesh 36 rahe. 1692 men fir 24 ka bhag diya to labdhi 70 tatha shesh 12 rahe, atah 12 ghante 36 minat ka janm samay hua. janm samay ki ganna angreji paddhati se rat barah baje se karni chahie. is prakar is vyakti ka janm samay din ke barah bajakar 36 minat samjhna chahie. jin logon ko apni janm tarikh evan janm samay malum nahin hain is paddhati se ve asani se apni janm tarikh, janm samay, janmavar evan san pata kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.