hastarekhaon ke adhyayan karne par nimnalikhit sthiti ho to svasthya kaisa hoga, kaun sa rog hoga gyat kiya ja sakta hai. hatheli men svasthya rekha kisi bhi sthan se nikal sakti hai par uska ant budh parvat par hi hoga, yah rekha jitni adhik suspasht, nirdosh hogi vyakti ka svasthya utna hi uttam hoga, yadi yah rekha kamjor kati-fati, chinna-bhinn, lahrdar hogi vyakti ka svasthya utna hi kamjor hoga, svasthya rekha hath men achchi honi chahiye ya isse achcha hai ki yah rekha hath men n ho kyonki hath men is rekha ka n hona bhi uttam svasthya ka suchak hai.
- svasthya rekha yadi janjirdar ho to vyakti jivan bhar pet ke rogon se pareshan rahta hai.
- is rekha par yadi bindu hon to jitne bindu hon unhen pratyek bindu ko panch varsh ki avdhi manakar ganna karen vyakti utne varsh rogi rahega.
- svasthya rekha evan jivan rekha alg-alag ho to vyakti jivan shakti evan svasthya se bharpur hoga.
- svasthya rekha dvip ke rup men samapt ho to fefre ke rog ki suchak hoti hai.
- yah rekha praranbh men adhik lal rang ki ho jaye to hart sanbandhi rog ka suchak hai.
- yah rekha yadi ant men lal rang ki ho to siradard sanbandhi rog ho jata hai.
- yah rekha yadi hriday rekha par g banaye to mandagni ki suchak hai.
- yah rekha yadi budh parvat par akar kat jaye to pitt rog ki suchak hai.
- is rekha ke antim chor par chaturbhuj ho to dama ka rog hota hai.
- yah rekha yadi pile rang ki ho to gupt rog ki suchak hai.
- yah rekha yadi hath men kai rangon ki ho jaye to lakva rog ki suchak hai.
- yah rekha patli, spasht ho tatha mastishk rekha bhi achchi ho to achchi smaran shakti batati hai.
- yah rekha yadi hriday rekha ko kat de to mirgi ka rog ho sakta hai.
- yah rekha shukra rekha (kshetra) se tare ke rup men praranbh hokar budh parvat par jaye to pagalapan ka suchak hai jiska karan kisi priya ki mrityu ho.
- yah rekha jivan rekha se nikalakar mastishk rekha tatha hriday rekha ko chuti hui age barhti hai to jivan bhar kamjori ka suchak hoti hai.
- is rekha ko koi tirchi rekha kat de to yah is bat ki jankari deti hai ki umra ke is bhag men jabardast durghatana hogi.
- is rekha ke rahu kshetra se gujrte samay dvip ka nishan ho to ti. birog ho jaega.
- is rekha tatha hriday rekha ka milan budh parvat ke niche ho to mrityu hart ataik se hoti hai.
- is rekha ke sath men koi sahayak rekha bhi chal rahi ho to uttam svasthya ki suchak hai.
- yadi yah rekha kamjor ho tatha budh rekha lahrdar ho to yah gathiya rog ki suchak hai.
- is rekha ka sanbandh jivan rekha se ho aur isapar tare ka chihn ho to yatra men mrityu ki suchak hai.
- is rekha ko dharit karne vale ka mangal yadi balvan ho tatha yah rekha lahrdar ho jaye to anton men ghav, alsar, apendiks pathri adi rog ho sakte hain.
- is rekha ko dharan karne vala yadi guru parvat se prabhavi ho to pachan tantra sanbandhi rog ho sakte hain.
- is rekha ko dharan karne vala shukra parvat se balvan ho aur yah rekha lahrdar ho to prajanan sanbandhi rogon se grast ho sakta hai. - yah rekha chairi ho aur ant men yah guchchedar ho jaye to iska arth hai ki burhapa kamjori men vyatit hoga.