कब होगा विवाह

kab hoga vivah  

Ank ke aur Lekh | Sambandhit Lekh | Views : 2994 |  
vivah ke vishay men sabhi prashnon men kundli men satven bhav, saptamesh, lagnesh, shukra evan guru ki sthiti ko avashya dhyan men rakhna chahie. saptam bhav islie dekhte hain ki kundli men vivah se sanbandhit yahi bhav hai. saptamesh ko islie dekha jata hai kyonki yah is bhav ka svami hoga. kundli chahe purush ki ho ya stri ki, shukra sabhi ke lie vaivahik sukh se sanbandhit grah hai. stri kudanli ka vichar kar rahe hon to guru ki sthiti bhi vicharniya hoti hai kyonki striyon ke lie guru pati sukh pradata grah hai. lagnesh ka saptamesh evan panchmesh ke sath sanbandh bhi vivah sanbandhi prashnon men nimnalikhit bindu dekhe jate hain. janm kundli ke adhar par vivah ka samay janna bhav: saptam, dvitiya, dvadash, pancham, navam, pratham. grah: dvitiyesh, saptamesh, dvadshesh, panchmesh, navmesh evan lagnesh vishesh grah: vivah ke karak grah, guru, shukra evan chandra dasha: vivah ke lie vinshotri dasha mahatvapurn mani jati hai aur uprokt grah ki dasha - antadarsha men ya in grahon se kabhi-kabhi rahu-ketu ka sanbandh ho to in grahon ki dasha antardasha men vivah hota hai. gochr: shani brihaspati ka sanyukti gochar jab janm lagn, lagnesh, saptam bhav evan saptamesh ko dekhe ya usse 5 vin ya 9 vin rashi men jab shani gochar kare tab vivah hoga. prashn kundli v ashtak varg ityadi ke adhar par bhi vivah ka vichar kiya jata hai. prachin kal men jab kundli banai jati thi to sahmon ko bhi likha jata tha. bad men yah paddhati chut gayi fir inka prayog varshakundli men hone laga aur janm kundli se milakar varshakundli tak ghatna ghatne ki sanbhavnaon ko arthat ve kab ghatit hogi dekhne ke lie prayog kiya jata hai sahmon ko. vibhinn pustakon men anekon sahmon ka jikra milta hai yatha vivah saham, putra saham, pranay saham, bandhu saham, vanijya saham ityadi. sahmon ke mahatva ko vyavharik rup se lagu karne par jana ja sakta hai. saham banane ki vidhiyan - grahon ke bhoganshon ko jora ya ghataya jata hai fir inmen sanskar kiya jata hai. din men saham alag tarike se banega. ratri men saham alag tarike se banega. magar kuch saham ratri ya din kuch bhi ho saman hi rahte hain. jaise hamare lekh ke vishay men vivah saham hai. is saham ko banane men sadaiv shukra men se spasht shani hin karke spasht lagn jode tatha shodhya-shodhak ke madhya lagn n ho to rashi yukt kar den. hamara vivah saham spasht ho jaega. saham ke fal ka vivechn desh kal patra ke anusar sahmon ke mahatva ko nishchit karna chahie. sahmon ke fal ke vivechan men unke balabal ka vichar karna chahie. jo saham janm kal men shubh grahon se yukt ho, shubh bhav men ya rashi men shubh grahon se yukt ya drisht ho vahi saham fal dene men saksham hote hain. jo sahmesha/saham 6, 8, 12 ke svamiyon se sanbandh kare usse kasht milta hai ya nishfal ho jata hai. vivah saham ka saptam bhav ya shubh bhavon men jakar shubh grahon se yukt ya drisht hona ya saptamesh v sahmesh ka lagnesh se mitra drishti se itthasal yog hona vivah karvata hai. stri/purush sukh deta hai varna stri/purush sukh men kai prakar ki badhaen ati hai. pratyek samuh/shmesh apni dasha antadarsha men apni sthiti ke anusar shubhashubh fal dete hain. gochar men jab bhi brihaspati grah vivah sahm/shmesh se gujrta hai ya vivah sahmesh se sanbandh karta hai to vivah karvata hai. vivah saham par papi mangal grah ka prabhav vishesh ghatak ho sakta hai yadi mangal janm kundli men shubh ho aur sahmesh svayan mangal ho to fir samanya faldayak ban jata hai. vivah saham men bhoganshon ke barabar ya as pas dusre grahon ke bhogansh ho to bahuvivah ho sakte hain. saham ya sahmesh par ek se adhik grahon ka prabhav ho to ek se adhik vivah karvata hai. nich ya papi grahon ka gochar men vivah saham par se sancharan ho to pati aur patni men viyog hota hai. chunki yah vivah saham hota hai isilie janmakundli ke saptamesh ki dasha men vivah saham apni sthiti ke anusar shubhashubh fal deta hai. jab saham ya sahmesh ast, papagrahon se yut, drisht vaivahik saflta aur jivan men sthirta pradan karti hai. shukra, guru v saptamesh se jab sahmesh saptam bhav men gacher karta hai tab bhi vivah hota hai. vivah yog saptam bhav ka svami chahe shubh grah ho ya pap grah yadi vah saptam bhav men hi baitha hai ya apne bhav ko dekh raha hai tatha saptam bhav par anya kisi pap grah ki drishti nahin hai aur n hi koi anya pap grah saptam bhav men baitha hai, to vivah yog spasht hai. yadi saptam bhav men koi bhi grah n ho, n hi kisi pap grah ki drishti ho v saptamesh bali ho to vivah avashya hota hai. kundli men saptamesh jahan baitha ho usse dusre, satven, gyarhven bhav men saumya grah ho to stri sukh avashya hota hai. yadi lagn men saptam bhav men sam rashi ho, saptamesh aur shukra bhi sam rashi men ho, saptamesh bali ho to vivah yog hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2010

Apne vichar vyakt karein

blog comments powered by Disqus
.