pratyek manushya ke jivan men shubh avsron ke sang ashubh avasar bhi ate hain, jinke karan vah arthik, samajik, rajnaitik ya parivarik rup se kuch n kuch kasht avashya jhelta hai. aise kashton se vah manushya ghor udasi, nirasha aur vishad ki dhudh se trast hakar apne jivan ko rashin, sarhin, nirrathak aur bejan janakar avsad se grast ho jata hai ya atmahatya ki or prerit hone lagta hai. aise ghatak samay ke karan aur nivaran ka bodh jatak ki kundli ke jyotishiya adhyayan se sahaj hi ho sakta hai. kundli men trikon ke rup men bhav 5 aur 7, kendra ke rup men 1. 4. 7 aur 10 shubh tatha trik athva trishday ke rup men bhav 6, 8 aur 12 ashubh sangyak hain. vicharniya bhav se uska svami susthanon jaise 4, 5, 7, 9 aur 10 men ho to us bhav ki samriddhi hoti hai, kintu yadi 6, 8 ya 12 ven jaise kusthan par ho to vah bhav nirbal hokar avaechit fal deta hai.
is shlok men su ya ku sthan ka nirnay lagn se karne ka bhi sanket hai. maharshi parashar ne shashth se shashth sthan par hone ke karan bhav 11 aur ashtam se ashtam sthan par hone ke karan bhav 3 ko bhi ashubh mana hai. kendra aur trikon ke svamiyon ki dasha men manushya ke dhan, pad, pratishtha aur kirti ki vriddhi hoti hai, kintu trik athva trishdayesh ke kal men dhan, pad, pratishtha aur kirti ka nash hota hai. yahi vah kal hai, jise bhavishya ke rup men ham sabhi bodh karna chahte hain. jyotish vidvanon ne kendra aur trikon bhavon ko sadaiv shubh mana hai. mansagri jaise sabhi jyotish granthon men varnan hai ki kendra men ek bhi shubhagrah bali avastha men ho to vah sabhi doshon ka nashak aur dirghayu dene vala hota hai.
jaise budh, guru aur shukra inmen se ek bhi kendra men ho aur sabhi dusht grah viruddh bhi hon to bhi sabhi dosh nasht ho jate hain, jaise sinh ko dekhakar mrig bhag jate hain usiprakar sabhi dosh bhag jate hain. yah bhi varnan hai ki lagnabhavagat budh se ek hajar, shukra hone se das hajar aur brihaspati hone se ek lakh doshon ka shaman hota hai. hamare vichar se yah atishyoktipurn kathan hai. shukro dashasahastrani budho dash shatani ch. lakshamekan tu doshanan gururlagne vyapohti.. mansagri trikonesh saumya ya krur koi bhi grah ho, sadaiv shubhafalaprad hota hai, kintu kendresh ? kendresh ke rup men shubh grah -chandrama, budh, guru aur shukra vaechit shubhafal nahin dete. inhen kendra adhipatya dosh se dushit mante hain, magar pap grah -surya, mangal, aur shani apne papi svabhav chodakar shubhafal dene lagte hain.
kark lagn valon ke lie mangal aur vrish tatha tula lagn valon ke lie shani kendra aur trikon ke svami hone ke karan sadaiv shubhafalaprad hote hain. surya aur chandrama ko chodakar anya sabhi grahon ki do-do rashiyae hoti hain, jinmen se ek rashi kendra ya trikon men hone ke uprant dusri rashi pap sangyak sthan men padti hai. tab shubh-ashubh ka nirnay kaise karen ? is sanbandh men yah man sakte hain ki yadi trikonesh aur shashthashtamesh shubh grah hai to sadharan shubhfldata aur yadi vah pap grah hai to ashubhfldata hoga. isiprakar kendresh aur shashthashtamesh shubh grah hai to ashubhfldata aur yadi vah pap grah hai to mishritfldata hoga.
kark lagn ke lie brihaspati shashthesh aur navmesh hone ke karan sadharan fal hi deta hai, kintu chaturthesh aur ekadshesh shuk ashubhfldata hoga, basharte ki vah svarashisth n ho, arthat svarashisth hokar hi shubhafalaprad hoga. shubh-ashubh se sanbandhit sadharan vichar yah hai ki jis bhav ka svami ast ho, apni nich ya shatru rashi men ho, apne sthan se shashthashtam athva dvadash sthan par ho ya inke svamiyon se yukt athva drisht ho to us bhav ke fal nasht ho jate hain. atah shashthashtamesh dvitiya bhavagat hokar dhanhani, chaturth bhavagat hokar bhu-sanpatti, vahan adi ke sukhon ki hani, pancham bhavagat hokar santan sukh hani ko prakat karte hai. kundli 1 ek vyakti ki kanya lagn ki kundli 1 men chaturth bhavagat brihaspati hans yog namak panchmhapurush yog ka nirman kar raha hai, kintu vah is yog ke falon se vanchit hai. kyonki shashthesh shani ki upasthiti se chaturth bhav ke fal nashtaprayah ho gaye.
iske sath-sath dhanesh aur bhagyesh shukra ki shashth bhavagat sthiti se dhan aur bhagya chaipat ho gaye. 48 varsh ki umra tak kiraye ke ghar men jivan vyatit kiya. rahu-shukra ki dasha ;15n10n1993.15n10n1996ddh men use kai bar apmanajanak avastha ka samna karna pada. daihik rog aur mukdmenbaji men kafi dhan nasht ho gaya. trik athva trishday shabd ka bhavarth hai-tin kutsit bhav 6, 8 aur 12. in tinon bhavon men se dvadash ko dvitiya ki bhanti tatasth mana gaya hai, jiska svami n shubh hai aur n hi ashubh. yah jis bhavesh ke sang yukt ya usse drisht hota hai, uske gun-dharm ke anusar achche ya bure fal pradan karta hai. lagnat vyayadvitiyeshau pareshan sahacharyatah. sthanantaranugunyen bhavtah faldaykau.. laghu parashri, shlok 8 shashth bhav rog, rin aur shatruon ka sthan hota hai, jismen shubh grah -chandrama, brihaspati, shukra pap grahon se rahit ho to jatak shatruon ke bhay se mukt honta hai, kintu pap grahon ke prabhav se sangharsh utpann hote hain, jaise virodhiyon se sangharsh, mukdmen dughartanaen adi.
mansagri ke anusar shashth bhavagat mangal, shani aur rahu ki yuti se jatak rajpida bhogta hai jiske karan vah apne sthan se nirvasit hokar mara-mara firta hai. shashth bhavagat grah aur shashthesh - in danon prakar ke grahon ke falon men antar hota hai. shashth bhavagat sva ya uchch rashisth grah jatak ke lie unnatishil ho sakte hain, magar shashthesh sadaiv hanikarak hi hota hai. shashth bhav men sthit shubh grahon ki drishti vyay sthan par hone se vyay shadi, grih nirman, bhu-sanpatti ki kharid-farokht jaise shubh karyo men hota hai. aise vyay ka dukh nahin hota. is bhav se brihaspati ki drishti dasham aur dvitiya par hone se vyavsay-pratishtha aur dhan-sanpatti ki vriddhi hoti hai. shashth bhav upachay sthan bhi hai. atah yadi shashth bhavagat grah uchch rashisth hai ya shashthesh svarashisth hai, shubh grahon se yukt ya drisht hai to jatak ki bhautik unnati ka karak hota hai.
kundli 2 amitabh bachchan ki kubh lagn ki kundli 2 men shashth bhavagat uchch rashisth brihaspati dhan-dhanya ki vriddhi ka suchak hai. kundli 3 ek vidvan jyotishi ki kanubh lagn ki hi kundli 3 men shashthesh chandrama se saptam bhav se sanbandhit vaivahik sukh nasht ho gaye hain. chandrama - rahu ki dasha men is jyotishi ki patni ne apni santan sahit grih tyag kar diya. adalat men kain vashon tak talak hetu mukdma chala. khub dhan vyay hua. is kundli men dvadash bhavagat guru, shani aur ketu ki yuti sanyas yog ka nirman kar rahe hai, islie shaiya sukh ka abhav hai. dasham bhavagat surya, budh aur svagrihi mangal ka yog tivra buddhi aur samajik evan rajnaitik pratishtha ko prakat kar rahe hain.
mangl-guru ki dasha men iski mansikta bhog-bhautikvad se adhyatm ki or unmukh hone lagi, jiski prerna se isne jyotish vidya ka gahan adhyayan kiya aur aj dilli men pratishthit jyaotishi hai. shashth se shashth sthan ekadash bhav men bhavat bhavan siddhant ke anusar shashthesh ka dosh hona apekshit hai. islie jab koi naisargik shubh ya ashubh grah shashthesh aur ekadshesh hota hai tab vah rog, rin aur shatruon ka pratik hota hai aur apni dasha men jatak ko daihik, mansik, samajik, rajnaitik, parivarik aur arthik rup se bahut bure fal deta hai. kunbh lagn ke lie chandrama aur min lagn ke lie surya shashthesh hone par bhi hanikarak nahin hote. inki bali avastha se jatak vir, parakmi, shatruhanta, rajnitigya aur kutnitigya hote hain.
pap grahon se yukt hone par hi yen donon shahi grah bure fal utpann karte hain. mangal aur rahu hinsatmak hote hai aur shani dirgh rog dayak. hamara anubhav hai ki tritiyesh aur dvadshesh ki tulna men jatak ke lie shashthesh ki dasha yash, dhan, pad, aur svasthya ke drishtikon se ghatak hoti hai. yadyapi vidvanon ne shashth, dvadash aur ashtam bhav ko uttarottar anisht bataya hai, fir bhi hamen dvadash ki anishtata shashth se kam hi pratit hoti hai. dvadash ki apeksha shashth se shashth sthan par ekadash bhav ki anishtata adhik anubhav ki gai hai. yadyapi ekadash bhav ko labh sthan se sanbodhit karte hain kyonki ismen vidyaman sabhi grah apni dasha men dhan, pad aur yash ki vriddhi karte hain, kintu ekadshesh hanikarak siddh hota hai.
udaharan ke rup men mithun lagn ke lie mangal, vrishchik lagn ke lie budh aur dhanu lagn ke lie shukra apni dasha men jatak ke vaibhav, svasthya aur parakam ki hani hi nahin karte balki use karjadar bhi bana dete hain. is kal men jatak yadi 35 varsh se adhik prodh avastha men hai to uske mitra shatruvat vyavhar karne lagte hai, mrityu ka bhay satata hai aur samajik rup se svayan ko akela samjhne lagta hai. aisi avastha men dhairya aur sahishnuta se is kal ko vyatit karna, bhautikta ke bhevar se nikalakar adhyatm ki or unmukh hona hitakar hai. vyapari log is kal men koi naya karya arambh n karen, anyatha dhan-pratishtha nasht hone men der nahin hogi. kanudli 4 yuvak softaveyar injiniyar hai jo dilli men achchi-khasi naukri kar raha tha.
iski kundli men ekadash bhavagat svarashisth shashthesh aur ekadshesh mangal ki jaise hi 24 disanbar 2008 se mahadsha arambh hui, ise bainglor men unnati ka avasar mil gaya. islie yah dilli ki naukri chodakar farvri men banglaur chala gaya, kintu 8 mahine bad hi iski naukri chut gai aur ab mansik aur arthik rup se pareshan hokar nai naukri ki talash men sadkon par ghum raha hai aur anek intaravyu dene ke bad bhi saflta nahi mil rahi hai.'''' yadyapi ashtam bhav manushya ke antarnihit gunon alaukik shaktiyon ko ujagar karne vala sthan hai, kintu sabhi vidvanon ne ashtam ki anishtata adhikatam anki hai, jaise ki yadi lagnesh ashtamasth ho to jatak oj, urja, utsah aur prabhavshali vyaktitva se hin hone ke sath-sath nirbal evan rogi hota hai. yadi aise lagnesh par kisi pap grah ka sahachar ya drishti prabhav ho to nim par karela chadhe kahavat charitarth hoti hai.
arthat aise vyakti dirdhayu aur svasth nahin ho sakte. isiprakar chatunrthesh ashtam bhavagat ho to jatak jivan ke samanya sukh, vahan sukh aur parivarik sukhon se vanchit hota hai. panchmesh ashtamasth ho to santan sukh ki hani, saptamesh ashtamasth ho athva ashtam sthan -dvitiya bhavagat ho to vaivahik sukhon ka nash aur ashtamasth bhagyesh se saubhagya ki hani nishchit hai. aise vyaktiyon ke bhagyoday men vilanb hota hai aur kathin parishram ke uprant bhi vanchit falon ka abhav hota hai. tathapi ashtam se ashtam sthan par tritiya bhav ko nyunatam anisht mana hai. yahae tak ki tritiyesh aur ashtamesh ki bali avastha dirghayu hone ki suchak hai. ek bat yah bhi dhyan rakhni chahie ki ashtam bhavagat shubh grahon ka samuh dirghayu deta hai. ek or ashtamesh balvan hokar dirghayu ka suchak hai, kintu dusri or yah adhishthit bhav ka nashak hai, arthat jatak us bhav ke falon se vanchit hota hai.
magar, svagrihi hone par yah dosh rahit ho jata hai. amitabh bachchan ki kundli men ashtamesh budh svagrihi hone ke karan hanirhit hai. ashtam bhavagat mangal avashya amanglkari hai, jiske karan shani-mangal ki dasha men film kuli ki shuting ke samay unke pet men ganbhir chot lag gai thi, jiske karan unhonne mrityu tulya kasht bhoga. mansagri granth men ashtamabhavagat pap grah jivan ke nashak mane gaye hain.
is granth ke chaturth adhyay shlok 28 ke anusar ek bhi pap grah shatrukshetri hokar ashtamabhavagat ho aur pap grahon se drisht ho to aisa balak ek varsh men mar jata hai. hamara anubhav hai ki ashtamesh yadi shubh grah hai to vah adhishthit bhav ke lie ghatak nahin hota, balki yadi vah pap grah hai tab bahut ghatak hota hai. udaharan ke rup men vrish lagn ke lie brihaspati, tula lagn ke lie shukra, vrishchik lagn ke lie budh, dhanu lagn ke lie chandrama ghatak nahin hote, kintu kark lagn ke lie shani, aur kanya lagn ke lie mangal yash, dhan aur pad ke lie hani karak hote hain. surya ashtam ke dosh se mukt hota hai. shani do rashiyon makar aur kunbh ka svami hone ke karan mithun lagn ke lie ashtamesh aur navmesh tatha kark lagn ke lie saptamesh aur ashtamesh hota hai. in donon lagnon ke lie yah trikon aur kendra ka svami hone ke karan shubh hone ke sath sath ashubh bhi hota hai. aise grahon par anya grahon ki yuti aur drishti ka prabhav uski shubh aur ashubhta ki matra ko nirdharit karta hai.
kark lagn ke lie shani saptamesh aur ashtamesh hone ke karan prabal markesh hai, islie apni dasha men yash, dhan aur pad ki hani ke sath-sath jivan ki hani bhi kar deta hai. vaidyanath jatak parijat ke adhyay 14, shlok 48 aur 51 men kahte hain ki ashtamesh yadi shashth ya dvadash bhav men pap rashi men ya/aur pap grah se yukt ya drisht ho to alpayu 36 varsh se kam ayu ka hota hai. bhavatdishvare susthe bhavsanpann chanyatha. lagnadnubhvah chaiv chintyatamiti kanchan .. prashnamarg, adhyay 14, shlok 42 kundli 5 shrimti indira gandhi ki kark lagn ki kundli 5 men shani saptamesh aur ashtamesh ke rup men lagn bhav gat papakartari yog men sthit hai aur lagnesh chandrama se drisht hai. lagnesh naisargik rup se chahe shubh ho ya ashubh ho, svayan ek shubh grah hota hai, jiski drishti se anya grah ki shubhta badhti hai. islie unke jis shani ki kalpana bhayanak ghatak ke rup men hoti hai, usmen kuch shubhta ki kalpana bhi ki ja sakti hai.
indira ji ne 24 janvri 1966 ko guru-surya ki dasha men pradhanmantri pad ki shapath li. unke jivan men shani ki mahadsha 1970 se arambh hui thi. shani-shani ki dasha men unhonne pakistan ke viruddh rajnaitik, kutnitik aur fauji karyavahi karne se lauh mahila ka khitab hasil kiya. kintu shani-budh aur shani-ketu ki dasha men unkeen pad-pratishtha ki bahut hani hui. budh tritiyesh aur dvadshesh ke rup men shubh nahin hai. is kal men ilahabad hai kort ne unke viruddh chunav men dhaedhli ka arop madh kar pad tyag ka adesh diya. unhonne desh men apatkal ghoshit kar diya, jisse unhen bahut apayash mila. 1977 men hue lok sabha ke chunav men unki karari har hui. tatpashchat 1980 ke chunav men shani-shukra ki dasha men unki vijay hui aur fir shani-rahu ki dasha men unki hatya ho gai. kundli 6 ashtamesh ke dosh ka kundli 6 ke vyakti par bahut bura prabhav hua tha.
is kundli men mangal tritiyesh aur ashtamesh ke rup men rahu ke sang chaturth bhavagat hai. mangl-rahu agney yog utpann karte hai, jo adhishthit bhav ke lie hanikarak hota hai. atah is yog se ghar, pratishtha, bhu-sanpatti aur vahan ke sukhon ka nash hona apekshit hai. yah vyakti jo vidvan jyotishi hai, bhopal men sarkari naukar tha aur apna sundar sa ghar banakar apne parivar ke sang jivan vyatit kar kar raha tha. jaise hi mangal ki dasha arambh hui is vyakti ka makan bik gaya, mitra aur rishtedaron ne sath chod diya, jisse use mansik chinta aur tanav se bahut dukh hua.