ज्योतिष में विद्या प्राप्ति व उच्च शिक्षा के योग

jyotish men vidya prapti v uchch shiksha ke yog  

Ank ke aur Lekh | Sambandhit Lekh | Views : 2396 |  
kisi jatak ki kundli ke chaturth sthan se vidya ka aur pancham se buddhi ka vichar kiya jata hai. vidya aur buddhi men ghanishth sanbandh hai. dasham bhav se vidya janit yash ka vichar kiya jata hai. kundli men budh tatha shukra ki sthiti se vidvatta tatha kalpana shakti ka aur brihaspati se vidya vikas ka vichar kiya jata hai. dvitiya bhav se vidya men nipunta, pravinta ityadi ka vichar kiya jata hai. sarvarth chintamni ganrath men likha hai ki yadi vidya karak brihaspati aur buddhi karak budh donon ek sath hon, to jatak shiksha aur buddhimatta uchch koti ki hoti hai aur use samaj man-pratishtha ki prapti hoti hai. isi prakar chaturth sthan ka svami lagn men athva lagn ka svami chaturth bhav men ho ya budh lagnasth ho aur chaturth sthan bali ho aur us par pap grah ki drishti n ho, to jatak uchch shiksha prapt karta hai. yadi budh, brihaspati aur shukra navam sthan men hon, to jatak ki shiksha uchch koti ki hoti hai. yadi budh aur guru ke sath shani navam sthan men ho, to jatak uchch koti ka vidvan hota hai. uchch vidya ke lie budh evan guru ka balvan hona jaruri hai. dvitiya, tritiya, chaturth aur navam bhavon ka sanbandh budh se ho, to shiksha utkrisht hoti hai. gyan ka vichar shani, navam aur dvadash bhav ki sthiti ke adhar par kiya jata hai. shani ki sthiti se videshi bhasha ki shiksha ka vichar kiya jata heai. chandra lagn evan janm lagn se pancham sthan ke svami ki budh, guru ya shukra ke sath kanedra, trikon ya ekadash men sthiti se yah pata lagaya ja sakta hai ki jatak ki ruchi kis prakar ki shiksha men hogi. yadi chaturth bhav ka svami chathe, athven ya 12ven bhav men ho ya nich rashisth, ast athva shatru rashisth ho v karak grah chandra pirit ho to jatak ka parhai men man nahin lagta hai. janm kundli ka navam bhav dharm trikon sthan hai, jiska svami brihaspati hai. yah bhav uchch shiksha tatha uske star ko darshata hai. yadi iska sanbandh pancham bhav se ho, to jatak ki shiksha achchi hoti hai. kundli men nimnokt yog hone ki sthiti men shiksha uchch koti ki hoti hai. û dvitiyesh ya guru ki kendra ya trikon men sthiti. û budh ki pancham men sthiti athva us par drishti ya guru aur shukra ki yuti. û panchmesh ki pancham bhav men guru ya shukra ke sath yuti. û guru, shukra ya budh ki kanedra ya trikon men sthiti. kintu kabhi-kabhi aisa bhi dekhne men ata hai ki kundli men uchch shiksha ka yog hone par bhi jatak uchch shiksha prapt nahin kar pata. aisa rahu ke dashakal ke karan hota hai. kundli men uchch shiksha ka yog ho, kintu vidyabhyas ke samay yadi rahu ki mahadsha chal rahi ho to parhai men rukavat ati hai. yadi chaturthesh pap rashisth ho, athva bhav 6, 8 ya 12 men ho ya kisi pap grah ke sath athva usse drisht ho, to jatak shiksha prapt nahin kar pata hai athva uske vidyadhyayan men badha ati hai. chaturthesh brihaspati athva budh bhav 3, 6, 8 ya 12 men ho athva shatrugrihi ho, to shiksha men badha karta utpann karta hai. agar kundli men uchch shiksha ka yog ho, kintu vidyadhyayan ke samay rahu mahadsha chal rahi ho, to shanivar ko rahu yantra pran pratishtha karke sthapit karen evan uske samne ¬ ran rahve namah mantra ka 72000 jap karke 7200 havan durva, ghrit, madhu, mishri se karen. bachche ke garbh se niklne ke bad uski jibh par chandi ki shalaka madhu men dubakar usse ‘ain’ mantra likh dene se bachcha vidvan hota hai. agar janm ke samay aisa sanbhav nahin ho, to pratyek budhvar ya panchmi ko yah kriya karen. bachche ko parhte samay purvabhimukh hokar baithna chahie aur tebal par age men ejukeshan tavar tatha chota glob rakhna chahie. jis jatak ka lagn vrish ya kunbh ho, use sone ki anguthi men sava 6 ya sava 7 raÿai ka panna budhvar ko kanishthika men dharan karna chahie. uchch shiksha ke lie mesh lagn ke jatak manikya, mithun ke hira, kark ke munga, sinh ke pukhraj, kanya ke nilam, tula ke nilam, vrishchik ke pukhraj, dhanu ke munga, makar ke hira aur min ke jatak moti dharan kar sakte hain. bachche ko pariksha men manonukul fal nahin milta ho ya vah asafal rahta ho, to kisi mas ke shukla paksh ki panchmi se agle krishn paksh ki panchmi tak ganesh ji ko ¬ gan ganeshay namah padhte hue 108 bar bari-bari se durva charhaen. pariksha ke din yahi durva apni dahini taraf lekar jaen, saflta milegi. vidyarthi ko pratahkal nimnokt shlok ka path kar ganesh ji ka dhyan karke adhyayan karna chahie. shuklambaran dharandev shashivarnan chaturbhujam. prasannavadanan dhyayet sarvavighnopshantaye.. sumukhashchaik dantashch kapilo gajakarnakah. lanbodarashch vikto vighn nasho vinaykah.. dhumra keturganadhyaksho bhal chandro gajannah. dvadshaitani namaniyah pathechchunyaddip.. ganesh chaturthi ko ganesh ji ki puja karke ¬ gan ganeshay namah ya ¬ gan ganeptye namah mantra ka 108 bar jap karen. vasant panchmi ke din sarasvati ji ki puja karne ke bad sfatik mala par ¬ ain sarasvatyai namah mantra ka 1008 bar jap karen. kisi mas ke pratham shukravar ko hara hakik par ¬ ain ain ¬ mantra 51 bar parhakar hara vastra men lapetakar majar par charha dene se shiksha men ane vali badha dur ho jati hai. guruvar ko dharm sthan men dharmik pustak dan karen. ghar men sarasvati yantra pran-pratishthit karke sthapit karne se shiksha sucharu rup se chalti hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.