विद्या एवं ज्ञान प्राप्ति के ज्योतिषीय उपाय

vidya evan gyan prapti ke jyotishiya upay  

Ank ke aur Lekh | Sambandhit Lekh | Views : 7482 |  
aj ke bhautik yug men vidya evan gyan ki adhik avashyakta hai. vidya ek aisa dhan hai, jise n koi chin sakta hai, n koi chura sakta hai. smriti evan puranon men bar-bar ullekh aya hai ki manushya ko sarvapratham vidya prapt karni chahie. vidya prapt hone ke bad uske dvara vinay, yash, dhan adi svatah prapt ho jate hanai. jinhen vidya aur gyan prapt karne men archnen evan pareshaniyan ati hon, unhen iske parihar ka upay karna chahie. vidya aur gyan prapti ke lie shikshak aur chatra ka apas men talmel aur sanyam ki avashyakta hoti hai. purva kal men shikshak ko guru aur chatra ko shishya ki shreni men rakha jata tha. vartaman men guru-shishya ka sanbandh pahle jaisa nahin hai. sarasvati yantra upasna jinhen vidya prapti men bar-bar archne ati hon, ya vidya adhyayan men man n lagta ho, to sarasvati yantra ki upasna karne se labh hota hai. upasna vidhi: sarvapratham yantra ko, budh, guru, shukravar ko, 5, 7, 9, tithi shukla paksh pushya nakshatra men panchagavya, ganga jal adi se dho kar, safed vastra par sthapit kar ke, shvet pushpon se panchopchar, ya shodshopchar puja kar ke, naivedya arpan karen tatha arti karen. pujan aur arti ke pashchat is yantra ko ghar ke purva hisse men shuddh sthan par sthapit kiya jata hai. tatpashchat prati din, sankalp, sandhya adi kar ke, sfatik ki mala par nimn mantra ka 108 bar jap karna chahie. 10,000 mantra jap purn hone par, uparyukt vidhipurvak, nitya pujan karte rahen. yantra khandit, ashuddh, athva karya purn hone par, yantra ko pavitra nadi men visarjit kar ke, shvet mishthann ko prasad svarup vitaran karen, to vanchit labh hota hai. viniyog: ¬ asya shri nilasarasvatimantrasya brahmarishirgayatri chandah nilasarasvatidevtammatmano'bhisht siddhyarthe jape viniyogah. mantra: ¬ shrin hrin hraun sah hun fat nil sarasvatyai svaha. vidya aur buddhi ke data sfatik shri ganesh: vidya aur buddhi ka data sfatik shri ganesh vyakti ko shighra hi vidya labh dilata hai. yadi koi balak parhne-likhne men sust ho, piche ho, ya uska man parhai men n lage, to yah upay karne se use avashya labh hota hai aur parhai men man lagta hai. sarvapratham sfatik shri ganesh ko prapt kar ke, shubh dinon men (mangal, guru, shukra) snanadi kar ke, ghar men uttari kshetra ke shuddh sthan men lakri ke patle par lal vastra vicha kar, us par shri ganesh ko sthapit kar ke, pujan aranbh karna chahie. puja ke samay jo pujan samagri upalabdh n ho, use man men smaran kar ke samarpan karen. sarvapratham hath men akshat le kar ganesh ka dhyan karen - ¬ bhurbhuvah svah siddhi buddhi sahitay shri ganeshay namah kah kar avahan karen aur hath ka akshat ganesh par arpan karen. ganesh ki dahini or mata gauri ka avahan kar ke lal pushp evan akshat charhaen. ab shri ganesh ko sparsh kar ke ¬ bhubhurvahsvah si(i-bu(i-sahitay shrigneshay namah sthapyami kah kar sthapna karen. sthapna karne ke bad asan ke lie akshat aur pushp arpan karen. tatpashchat jal choren. ab dugdh, dahi, ghi, shakkar, shahad adi se prithk-prithak snan karaen, punah panchamrit snan kara kar ganga jal se snan karaen. ab shuddh kapre se saf kar ke, shuddh itra adi arpan kar ke, vastra achaman, yagyaopvit, chandan, pushp mala, durva, sindur adi pratyaksh arpan karen tatha naivedyadi ka bhog laga kar arti karen. arti ke pashchat pushpanjli adi dekar kshama prarthana karen. ek tamra patra men jal, chandan, akshat, fal, ful, durva, dakshina, ganga jal, supari adi rakh kar visheshaghrya arpan karen. tadnantar lal chandan, ya rudraksh ki mala par nimn mantra ki (108) ek mala jap karen aur ganesh se prarthana karen. viniyog: ¬ asya shri shakti vinayk-mantrasya bhargav rishiah virat chandah ganadhipti devta hrin shaktiah grin bijan mamatmano'bhishtasiddhyarthe jape viniyogah. is viniyog ko bol kar jal arpan karen. shakti vinayak mantra: ¬ hrin grin hrin.. is mantra ko, sfatik ganesh ke sammukh, char lakh ki sankhya men, lal chandan ki mala par jap kar, dashansh havn-tarpan adi karne se vanchit labh hota hai. hanuman upasna se vidya praptiah buddhi aur vidya ke data shri hanuman ki upasna se agnit logon ko gyan ki prapti hui hai. jinhen adhyatm, kanun, shiksha, upasna adi men bar-bar asflta ka samna hota hai, ve is upasna se shighra hi labhanvit ho sakte hain. upasna vidhi: shraddh mas ko chor kar kisi bhi mah ke shukla paksh men, panchmi se purnima tak, yah sadhna ki jati hai. sarvapratham sadhak brahm muhurt men (suryoday se 3 ghante purva) uth kar, snanadi kar ke, yagyaopvit aur pila vastra dharan kar ke, un ke asan par virajit hon samne gamle men tulsi ka paudha rakhen. tatpashchat hanuman yantra ko, shuddh man se, safed chandan, dhup, naivedya, tulsi, pile laddu adi se pujan kar ke, hanuman arti karen. arti adi se nivritt ho kar lal aksharon se likhit hanuman chalisa ka 8 bar path karen. path karne ke samay uttarabhimukh baithen. path samapt kar ke tulsi ki mala par nimn mantra ki ek mala jap karen. mantra: ram rameti rameti rame rame manorme. sahasra nam tattulyan ram nam varanne. is prakar gyarah dinon tak upasna karne ke pashchat uparyukt mantra se (ek mala) 108 bar havan karen. yadi karya purn ho jae, to sadhna ke pashchat yantra aur mala ko pavitra nadi men visarjit karen aur hanuman mandir, ya ram mandir ja kar pile vastra aur laddu bhagvan ko arpan karen tatha ashirvad grahan karen. jab tak karya n purn ho, tab tak hanuman sadhna karte rahen. aisi hanuman upasna se shighra hi vanchit labh hoga. vidya prapti ka vishesh upay ganeshatharvashirsha: jo vyakti vidya prapti men bar-bar asafal hota ho, vidya adhyayan men anek archne ati hon, ya vidya prapti men man n lage, to bari pratiyogita adi se purva is atharva shirsh ka path karne se nishchay hi labh hoga. (ganeshatharvashirsh kripya pustak se parhen) upasna vidhi: kisi bhi mah ke shukla paksh ko, subh-sandhya, sankalpadi kar ke, pile vastra par shri ganesh yantra ko sthapit kar ke, panchopchar pujan kar ke, durva yukt khir ka bhog lagana chahie. (dhyan rahe ganesh ke lie tulsi patra varjit hain). tatpashchat ganesh atharvashirsh ka (bhukhe pet) path karna chahie. path ki sankhya 108 honi chahie. path samapt hone par ¬ hrin grin hrin mantra se 108 bar havan karna chahie. is prakar pujan, havnadi kar ke ganesh arti adi karen. tatpashchat ganesh puja ke pushpadi ko pavitra nadi men visarjan karne se vidya prapti men saflta asan ho jati hai. gayatri upasna se vidya labh: gayatri man ki shakti se gyan, divya gyan, vidya, shastra gyan ki prapti hoti hai. gayatri upasna karne se anek kashton ka nivaran evan divya gyan prapt hota hai. upasna vidhi: kisi bhi mah ke shukla paksh ki tritiya tithi se shuru kar ke 24 dinon tak ki jane vali yah sadhna atyant labhkari hai, jiski vidhi is prakar hai: sarvapratham sadhak gayatri yantra prapt karen. sadhna ke din, suryoday ke samay, snanadi se nivritt ho kar, sandhya sankalp kar ke, svachch sthal, ya goshala, mandir, adi men yantra ko, panchamrit evan ganga jal se snan kara kar, shvet vastra par sthapit karen. yantra ki shvet pushp, dhup, dip, naivedya adi se puja karen. tatpashchat gayatri shap vimochan ka yah mantra bolen. mantra: ¬ shri gayatri tvan brahm shap vimukta bhav, . ¬ shri gayatri tvan vashishth shap vimukta bhav, . ¬ shri gayatri tvan vishvamitra shapvimukta bhav, . ¬ shri gayatri tvan shukra shap vimukta bhav, . ab ¬ gayatri devyai namah ka chaibis bar jap karen aur kalpana karen ki gayatri ke 24 mudra pradarshit kiye. (yadi mudra gyat ho, to pradarshit karen) ab panchmukhi rudraksh ki mala par gayatri mantra ka 108 bar jap karen. jap ke pashchat gayatri ko ath bar naman karen (yadi mudra gyat ho, to pradarshit karen) ab gayatri yantra ki punah puja karen tatha gayatri ki arti karen. is prakar, 24 dinon tak pujn-arti ke pashchat, ghi se dashansh havan karne se chamatkarik labh hota hai. lekhni siddhi: vidyarthi jivan men lekhni ka mahatvapurn sthan hota hai. shastron men lekhni ko sarasvati ka ek ang mana jata hai. kai pradeshon men aj bhi lekhni puja bari dhumdham se ki jati hai. lekhni ka dusra nam kalam bhi hai. lekhni men sarasvati ka nivas hota hai. atah, ise sakshat sarasvati samajh kar, samy-samay par puja karni hoti hai. manav jivan men sarvapratham balak, ya balika ko lekhni se jab sanbandh sthapit karaya jata hai, to lekhni ka pujan hota hai. iske bad jab chatra pariksha ke lie jate hain, usse kuch din purva lekhni ki puja ki jati hai. is vidhi se lekhni ka pujan adi kar ke pariksha men shamil hone se avashya, hi sarasvati man ki kripa se, pariksharthi safal hota hai aur achche ank prapt hote hain. uparyukt vidhi se pujan kar ke lekhni ko pariksha ke nimitt surakshit rakh diya jata hai. jab pariksha men jaya jata hai, to sarvapratham us lekhni se svastik . ka chihn bana kar pariksha aranbh ki jati hai. vidhi: shukla paksh men guruvar ko, subah snanadi kar ke, svachch sthan ka chayan karen. svachch sthan par uttarabhimukh baith kar, samne lakri ke patle par svet vastra bicha kar, safed chaval se ashtadal kamal banaen. tatpashchat us par (avashyaktanusar sankhya men) lekhni sthapit kar ke us par pushp, akshat, gandh adi arpan karen aur yah mantra bolen tatha man men kalpana karen ki hamare sammukh man sarasvati virajman hai: shuklan brahma-vichar-sar-parmamadyan jagadvyapinin vina-pustaka-dharinimbhydan jadyandhakarapham. haste sfatik-malikan viddhtin paùasne sansthitan vande tan parmeshvarin bhagvtin buddhipradan shardam.. ya kundendu-tushar-har-dhavla ya shubhravastravrita ya vina-varadanda-manditkra ya shvetpùasna. ya brahma-'chyut-shankara-prabhritibhirdevaiah sada vandita sa man patu sarasvati bhagvti niahshesh-jadyapha.. mata sarasvati ka smaran kar ke karpur se sukshm arti karen aur sarasvati stotra ka path karen tatha path purn hone par shvet mishthann apne parijnon ko shraddhapurvak vitaran karen aur lekhni ko, parikshadi nimitt, surakshit sthan par rakh den. pariksha ke din, sarasvati ka smaran kar ke, lekhni ka upyog karen, to pariksha men vanchit saflta milegi.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.