विक्रम संवत् 2067 ज्योतिष के आईने में

vikram sanvat 2067 jyotish ke aine men  

Ank ke aur Lekh | Sambandhit Lekh | Views : 941 |  
vikram sanvat 2067 ka aranbh agami 15-16 march ko madhya ratri 02 bajakar 32 minat par manglvar ko ho raha hai. is samay dhanu lagn udit hai jiski kundli niche di gai hai. lagn ka svami guru nich rashisth mangal se drisht hai. mangal agni tatva grah hai, jo nav varsh ka raja tatha meghesh hai. chaturth sukh sthan men char grahon ka yog hai, jo achcha nahin hai. chaturth sthan tatha ismen sthit char grahon par dashamasth vakri grah shani ki drishti hai. guru aur mangal ke bich shadashtak yog hai. in yogon ke falasvarup bihar, asam, maharashtra , urisa, jharkhand adi rajyon men bhari upadrav hona sanbhav hai, jise kanun vyavastha dvara suljhana sanbhav nahin ho paega. is varsh pulis, militri adi ke uchchadhikariyon tatha rajnitigyaon ke ghotalon mane fansne ki sanbhavna hai. ve hinsa ke shikar bhi ho sakte hain. kuch pramukh nagron aur sthalon ki suraksha ko bhi khatra hoga. kundli men lagnasth rahu par vakri kanya rashisth shani ka kendriya prabhav hai. agni tatva grah mangal panchmesh hokar nich rashisth hai. chaturth bhav men sthit grahon ka shani se samasaptak yog hai. is grah sthiti ke parinamasvarup vaishvik tapman men vriddhi hone se kahin bhayankar barh, samudri tufan, sukhe, sankramak bimariyon adi ke karan jan-manas ko svasthya tatha anya visham sthitiyon ka samna karna par sakta hai. rajnitik netaon me vaimanasyata v gatirodh dikhai dega. rajnitik dalon men talmel ki kami tatha rajnitigyaon men padlolupta ki bhavna barhegi. mahangai aur berojgari ke sath-sath bhrashtachar bhi barhega. kisi vishisht rajnitigya ki mrityu ya saÿaachyut hone se stabdhata ki sthiti banegi. shastron ke anusar dhanu lagn ka fal is prakar hai. dhanurlagne tuÿarasyan purvasyan ch sukham nrinam. durbhikshan prabla vrishtirmadhye deshe sarogta.. pashchimayan ghritan dhanyan samarghan mas panchakam. dakshinasyan sukhan loke kinchitpira chatushpade.. purvi aur uÿari deshon men vatavaran anukul banta dikhai dega, shasak prajahit men nai ghoshnaen karenge. madhya deshon men subhiksh hoga parantu praja rog-pira se duahkhi hogi. pashchim men ghrit, dhanya adi ka utpadan barhega, kintu mandi ki sthiti banegi. sanvat ke praranbh se 19 aprail tak budh aur shukra donon pahle min men aur fir mesh rashi men rahenge. budh 18 aprail ko vakri hoga tatha 20 aprail ko din men 12 bajakar 36 minat par vrish rashi men pravesh karega. uski yah sthiti kahin prakritik apda se hani ki sthiti banaega. is varsh vaishakh adhik mas hai. vaishakh shukla paksh (15 mai se 27 mai) matra 13 din ka paksh hoga jo shastron ke anusar janta ke lie kashtadayak hota hai- ‘‘yada ch jayte pakshastrayodsh-dinatmakah. tada kalo bhavedghora mundamalayuta mahi..’’ is paksh ke falasvarup is samay mahangai barhegi, rajnitik partiyan ekdusre ko doshi thahraengi. sima par yuddh ka vatavaran banne tatha bhukanp, tufan adi ke karan jan-dhan ki hani ho sakti hai. vahin 13 din ke is paksh ke karan vishisht vyakti ke nidhan, kisi karanavash shok adi ki sanbhavna bhi hai. mithun ke shukra (16 mai se 09 jun tak) tatha sinh ke mangal (27 mai se 20 julai) ke karan mahangai barhegi jisse janta men bhari akrosh dekhne ko milega. 06 julai ko shukra sinh rashi men aega aur mangal 27 mai se hi sinh rashi men chal raha hoga. 06 julai ko shukra agni tatva grah mangal ke sath hoga. in yogon ke falasvarup varsha-pani ki kami hogi jisse faslen sukh jaengi aur kuch pranton men akal ki sthiti banegi. 21 julai ko shani aur mangal ka kanya rashi men pravesh karenge. 31 julai ko mangal evan shani donon kanya rashi par saman anshon (6 ansh) par honge. ek rashi aur saman ansh ke karan ek nakshatra sanbandh banega (shani aur mangal ki yuti 21 julai se 05 sitanbar tak). is avdhi men simai pranton men hathiyaron, madak dravyon adi ki taskari barhegi, jiske falasvarup desh ki antrik sthiti bigar sakti hai. hatyakand, atanki ghatnaon adi ki sanbhavna hai, jinke falasvarup jan-dhan ki hani ho sakti hai. 23 julai ko 17 bajakar 33 minat par guru vakri hoga. 27 julai se 24 agast tak shravan mas rahega, jismen panch manglvar aenge. agast mas men shukra aur shani kanya rashi men rahenge. falasvarup ek taraf jahan bhukanp, tufan, prakritik prakop, ugravadi ghatnaon ki sanbhavna hai vahin dusri taraf pratishthit vyakti ya vyaktiyon ki hatya ya mrityu ho sakti hai. 17 sitanbar ko surya kanya rashi men pravesh kar shani ke sath yuti karega, jiske falasvarup praja men shaskon ke viruddh rosh paida hoga, mahangai charam par hogi. varsha ki adhik kami hone se faslane barbad hongi. is sal bhadrapad shukla saptami manglvar ko 13 bajakar 41 minat tak anuradha nakshatra hai. yah nakshatra pani ke lie ashubh hai aur iske falasvarup jalashay bina sukh jate hain. 20 aktubar ko mangal vrishchik rashi men pravesh karega. shani apni tritiya drishti se mangal ko dekhga aur uska yah drishtisanbadh 30 navanbar tak rahega. 01 disanbar ko mangal dhanu rashi men pravesh karega. 18 aktubar ko 14 bajakar 10 par shani ka uday aur 22 aktubar ko 04 bajakar 40 minat par shukra ka pashchim men ast hoga - ashvin mah shukla paksh. kaha gaya hai- shukla pakshe yada shukrah samudetyastameti va rajputra sahasranan mahi pivti shonitam.. shukla paksh men shukra ka ast hona yuddh ka dyotak hai. uski is sthiti ke falasvarup kisi desh ki sima par yuddh ka vatavaran ya antrik ashanti ki sthiti utpann ho sakti hai. is tarah is varsh 20 aktubar se 30 navanbar ke bich ugravadi ghatnaon se nuksan, kisi vyakti ke pad khali hone, durbhiksh, bhukanp, tufan, prakritik prakop, yan durghatana adi ke yog bante hain jinke falasvrup ashanti aur jan-dhan ki hani ki sanbhavna hai. 01 disanbar ko mangal dhanu rashi men rahu ke sath angarak yog banaega. donon grahon ka yah yog 08 janvri 2011 tak rahega, jiske falasvarup parosi rashtron men hone vale jan andolnon ka prabhav bhartiya rajniti par bhi parega. 04 janvri 2011 ko khandagras surya grahan hoga. 15 janvri 2011 ko surya aur mangal ki yuti hogi jo 13 farvri 2011 tak rahegi. 26 janvri 2011 se shani vakri hoga. 16 farvri ko punah mangal aur surya ki kunbh rashi men yuti hogi. isi samay surya aur shani ka shadashtak yog hoga jo 14 march tak chalega. falasvarup mahangai aur berajgari charam par hogi jabki simai pranton men hinsa ki sthiti banegi. 26 march 2011 ko mangal min rashi men pravesh karega aur kanya rashi ke vakri shani ki us par drisht hogi. guru grah bhi is samay min rashi men hi hoga. guru aur mangal ke is atichari yog ke karan sarkar mahangai rokne men asafal rahegi, jiske falasvarup jan andolan honge. vipaksh kamjor hoga aur rajnitigyaon men matbhed barhenge. is tarah, vikram sanvat 2067 ki upar varnit grah sthiti ke vishleshan se spasht hota hai ki bharat desh ko is sanvat men anek samasyaon se jujhna parega, parantu 02 mai 2010 se 01 navanbar 2010 tak aur punah 07 disanbar 2010 se sal ke ant tak guru svagrihi rashi min men bhraman karega aur bharat ki prabhav rashi shani par drishti rakhega, jiske falasvarup bharat samasyaon ke bavjud har kshetra men unnati karega. desh anushakti sanpann hoga aur vishva ki mahashakti ke rup men iska prabhutva barhega.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.