ग्रहों का राशि परिवर्तन किस राशि के लिए कैसा ?

grahon ka rashi parivartan kis rashi ke lie kaisa ?  

Views : 3163 | October 2017

12 sitanbar ko guru kanya rashi se tula rashi men aye hain aur rahu (spashta) ne 9 sitanbar ko sinh se kark rashi men pravesh kiya hai. 2017 men shani 26 janvri ko vrishchik se dhanu men aye the. 6 aprail ko shani dhanu rashi men vakri hue. punah 21 jun ko vrishchik rashi men ae aur 25 agast ko vrishchik rashi men margi hue tatpashchat 26 aktubar ko punah dhanu rashi men jaenge. is prakar sabhi dirghakalik grahon ka rashi parivartan hua.

iske karan adhikansh logon ke jivan men yah varsh kafi badlav aur uthl-puthal ka raha. 16 sitanbar 2017 se kalasarp dosh bhi bhachakra men sthapit ho jaega jo ki 6 farvri 2018 tak rahega. ane vale varsh men grahon ki sthirta rahegi jiske parinamasvarup logon ko kam kashton ka samna karna parega. 20 aktubar 2017 se kartikadi navavarsh shuru ho raha hai.

aiye janen ki badlte grahon ka prabhav aur yah navavarsh sanvat 2074 vibhinn rashiyon ke lie kaisa rahega? mesh: mesh rashi ke lie abhi tak ashtam dhaiyya chal rahi thi. jiski vajah se varsh 2017 apke vyavsay v svasthya ki drishti se kafi nirashajanak raha hoga, vishesh rup se aprail se agast tak ka samay. ab apke lie navanbar 2017 se yah varsh ati uttam rahne vala hai.

is samay svasthya men sthirta rahegi, vyavsay men vriddhi hogi aur mansik shanti milegi. achal sanpatti v vahan donon hi sukh prapt honge. vyavsayik sajhedari aur vaivahik sajhedari donon men hi labh milega. dharmik karyon men man lagega v dharmik yatraen hongi. shubh samay ka labh uthaen. vrishabh : ane vala yah varsh apke lie badhaon vala ho sakta hai.

atah ap bhavukta men bare nirnay n len. apne uchch adhikariyon ke margadarshan par pratikriya n karen. aisa aksar ho jata hai ki avesh men akar ham naukri se tyagapatra de dete hain jiske bad hamen pachtana parta hai kyonki aise samay men dusri naukri milna bahut kathin hota hai. falasvarup mansik rup se ati kasht hota hai kyonki dusron ki galtiyon ka hamen nuksan uthana parta hai. aise men dhairya banae rakhen.

sath hi vyavsay men bare dhan nivesh se bachen. sehat ka dhyan rakhen. kamar ya joron men dard adi ki shikayat barh sakti hai jiske lie apko fijiyothairepi ki avashyakta par sakti hai. samay anukul hone par ye rog svatah dur ho jayenge. shani ki ashtam dhaiyya pratikul parinam de sakti hai. atah iski shanti ke lie pratyek shanivar ko tel ka chaya dan karen.

mithun: apki rashi ke lie samay achcha chal raha hai.


for immediate problem solving and queries, talk to astrologer now


sabhi grah anukul hain. aise men buddhi, vivek ka prayog labh dega. man-samman barhega. bhagya ka sahyog karyon men milega. naukri men badlav ke prayas safal honge. avivahiton ka vivah tay ho sakta hai. santan sukh prapt hoga. bhumi-bhavan se juri yojnaen purn hongi. pita ko ay ka labh milega. sajhedari men savdhani barten. jivnsathi se matbhed ubhar sakte hain. shanti banae rakhen. samay achcha hai,samay ka labh uthaen.

karka: svayan ke ghar ki kamna purn hogi. vahan lene ko soch rahe hain to yah samay uttam rahega. vyavsay men barhottari hogi. naukri men padonnati v sthanantaran hoga. ghar se dur karya karne vale logon ki ghar vapsi hogi. samay uttam hai, chatron ko shubhta ka labh milega. shani chathe bhav se gochar kar rahe hain atah shatruon se savdhan rahen. dusron ke vivadon men n paren. apne adhinasthon ka man-samman karen, anyatha ve pareshani ka karan ban sakte hain.

rahu apki rashi par gochar kar rahe hain, atah man thora vikshipt rah sakta hai. iske lie shiv mantra ka jap karen.

sinh: sinh rashi ke lie yah varsh 2017 kafi utar-charhav ka raha hai. vyavsay ke kshetra men sthirta nahin rahi hogi. sath hi ghar ka vatavaran bhi shantipurn nahin raha hoga. lekin ab sthiti men badlav ayega aur paristhitiyan manonukul banengi. vyavsay ki drishti se bhi samay achcha rahega.

videsh yatraen v videsh se sanbandh sthapit honge. naukri-pesha logon ka sthanantaran ghar se dur ho sakta hai. santan se shubh samachar prapt honge. yatraon v bhautik sukh-suvidhaon par atyadhik vyay honge. kharchon par niyantran rakhen. 

apki rashi ke lie pichla varsh arthik drishtikon se kamjor raha hoga jismen ab badlav ayega aur arthik sthiti sudrirh hogi, labh barhenge,vyavsay men vriddhi hogi. yadi ap naya karya karna chahte hain to yah samay shubh hai. pardesh men karyarat vyakti ghar vapas a sakte hain. vahnon se labh hoga. lekin ghar ka mahaul thora ashant ho sakta hai. mata ki sehat ka khyal rakhen. jivn-sathi se kalah ho sakti hai. mitron se labh hoga. samajik dayra barhega lekin usmen adhik samay vyatit n karen kyonki usmen bahut adhik labh nahin hoga. samay ka sadupyog karen.

tula: tula rashi ke jatkon ke vishesh kharch honge ya dhan viniyojan honge. iske karan nagad ki sthiti thori kamjor rahegi. is varsh men vittiya sthiti sudrirh hogi. vyavsayik kshetra ka vistar, naukri men badlav aur pratiyogi parikshaon men shamil hone vale chatron ke lie samay anukul hai. asha se adhik parinam prapt honge. samay achcha hai atah sakriya rahen. mehanat ke anurup labh hoga. videsh se sanbandh badhanege. videsh kshetron se karya karne valon ke lie samay anukul hai. apki shani ki sarhesati ab samapt ho gayi hai atah jo karya ruke hue the ve karya purn honge. sath hi is samay men vishesh prayas kar naye karya praranbh kiye ja sakte hain.

yadi koi kort kes chal raha ho to nirnay apke paksh men ane ki sanbhavna hai.

vrishchik: videsh yatraen sanpann hongi. yadi parhai ke lie videsh jana hai to varsh uttam hai. dharmik karyon men man lagega v dharmik yatraen bhi hongi. achal sanpattiyon men dhan nivesh karenge. ghar-parivar men kisi ka vivah sanpann hoga. vittiya drishti se yah varsh achcha rahega lekin kharch barhe rahenge. praeparti men nivesh labhdayak rahega.


apni kundli men sabhi dosh ki jankari paen kampalit dosh riport men


bare logon se sanbandh banenge aur sanbandhon ka labh milega. prabhavshali logon ke sanpark men ane ke avasar milenge. apka pichla varsh kharab raha hoga parantu 2018 sukh-shanti ka rahega. utrti sarhesati hai atah shani ke upay karte rahenge to labh milega. isse rukavten kam aengi.

dhanu: apko apne svasthya ka dhyan rakhna hoga. karyon men badhaen a sakti hain. bare dhan viniyojan se bachen. vyavsay ya naukri men badlav se purva achchi tarah se soch len. nai naukri milne par hi naukri chodane. isi prakar naya vyavsay shuru hone par hi dusra band karen nahin to donon samanantar chalaen. pachntantra aur jorane men dard ki samasyaen ho sakti hain.

shani ke lie tel ka chaya dan karen aur rahu ke lie shiv abhishek karen. guru apke labh bhav se gochar kar rahe hain atah arthik labh honge, sthirta rahegi aur arthik kshetron ki badhaen kam hongi. manisak kasht ka anubhav hone par shani mantra ka jap karen.

makr: apki rashi par sarhesati praranbh hone ja rahi hai. pahla varsh atyant dukhdayi ho sakta hai.

vyavsay ka khas dhyan rakhen. 2017 ka bita samay apke lie kafi kharab tha. is varsh men kafi utar-charhav rahe honge. apke sahyogi apko dhokha de sakte hain. vishesh rup se hanuman ji ki aradhna karen, isse yah kashtakari samay asani se nikal jayega. ho sake to shani shanti ke lie shani anushthan karaen. keval apki rashi ke lie yah varsh sabse adhik nakaratmak rahega.

yadi vyavsayik pareshaniyan ayen to hanuman chalisa v sundar kand ka nitya path karen. sath hi tel men apni chaya dekhakar shani mandir men dan karen. kunbh: apke lie varsh 2017 achcha hi tha lekin varsh 2018 usse adhik achcha rahega. yah varsh svasthya aur vyavsay ke lie ati uttam rahega. shatru paksh prabal ho sakte hain.

lekin ap unko pacharte hue age barhte jaenge. rukavton ka mukabla karte hue samay ka labh uthaen. chatron ke lie samay achcha hai. dharm karm men apki ruchi barhegi. dharmik yatraen ho sakti hain. sharirik rup se ap urjavan mahsus karenge. ekadash shani apko tivra gati se labh dega. sheyar adi men bhi nivesh kar labh prapt kar sakte hain.

min: yadi ap naukri men badlav chah rahe hain to samay uttam hai.

vyavsayiyon ko naya karya shuru karne ke avasar milenge lekin mehanat adhik karne par hi labh prapt hoga. videsh se sanbandh ban sakte hain. videsh men karyarat vyaktiyon ka ghar ki or sthanantaran ho sakta hai.

ghar lene ki yojnaen sanpann hongi ya vyavsayik karyon ke lie sanpatti men nivesh anukul rahega. jinka vivah nahin hua hai unka vivah sanpann hoga. jivnsathi ko karyakshetra men kashton ka samna karna par sakta hai. santan ke ichchuk danpattiyon ki kamna purn hogi. chatron ke lie bhi samay achcha hai. svasthya ka dhyan rakhen.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

dipavli visheshank  October 2017

fyuchar samachar ka aktubar ka visheshank purn rup se dipavli v dhan ki devi lakshmi ko samarpit visheshank hai. is visheshank ke madhyam se ap dipavli v lakshmi ji par likhe hue gyanavardhak alekhon ka labh le sakte hain. in lekhon ke madhyam se ap, lakshmi ko kaise prasann karen v dhan prapti ke upay adi ke bare men jan sakte hain. kuch mahatvapurn lekh jo is visheshank men sammilit kie gaye hain, vah is prakar hain- vrat-parva, karva chaith vrat, dipavli ek mahan rashtriya parva, dipavli par ‘shri sukta’ ka vishisht anushthan, dhan prapt karne ke achuk upay, dipavli par karen siddh vishesh dhan samriddhi pradayak mantra evan upay, apka nam, dhan aur divali ke upay, dipavli par kaise karen lakshmi ko prasann, shastriya dhan yog adi.

Subscribe


.