Congratulations!

You just unlocked 13 pages Janam Kundali absolutely FREE

I agree to recieve Free report, Exclusive offers, and discounts on email.

नैन अतः करण के झरोखे हैं

nain atah karan ke jharokhe hain  

Ank ke aur Lekh | Sambandhit Lekh | Views : 2166 |  
‘‘nain antahkaran ke jharokhe hote hain. ashay hai ki nainon men jhank kar manav ki antrik sthiti ki purn jankari sugmta se pai ja sakti hai. yah bhi kaha gaya hai ki chipaye chip nahin sakti, kisi ki dil ki betabi. ye ankhen hi hain jo sab kuch bata sakti hain. niahsandeh yah ukti bahut hi tathyapurn hai. nainon ke dvara antrik sthiti ka jitna parichay prapt kiya ja sakta hai, utna anya kisi ang se nahin kiya ja sakta. sarvapratham putliyon ke rangon par vichar karna uchit hai. samanyatah kali, lal, nili, pili aur narangi rang ki putliyan dekhi jati hain. in rangon ke mishran tatha halke-garhe ki kisma se anek rang nirmit hote hain. in sab mishranon ke vishay men vishad varnana karna thora kathin hai. pradhan rangon ke vishay men gyan ho jane se unke mishran aur matra ka vishleshan karke pahchan karna abhyasiyon ki kushagra buddhi par nirbhar karta hai. sankshep men pradhan rangon ke bare men sankshipt charcha nimnavat hai: nili putliyon vale komal svabhav ke hote hain. syah-kali putliyan kathorta, furti aur shakti ki pahchan hanai. apar kushlta aur buddhimani bhi aise vyaktiyon men adhik payi jati hai. garha nila rang vishvasniya hone ka pratik hai parantu aise logon men chaturai prayah kam hi hoti hai. halke nile rang se prakt hota hai ki sthirta, vicharshilta, dhairya aur madhurta ki matra adhik honi chahie. amtaur se sabhi halke rang chalaki aur imandari prakt karte hain. kintu yah bat nile rang par lagu nahin hoti, halke nile rang ke putliyon vale vyakti prayah achche svabhav ke paye jate hain. baibil men shaitan ke netra ko hara bataya gaya hai. aisi putliyon vale durachari, avishvasniya, svarthi aur vishvasghati paye jate hain, kintu yadi sath hi bhuri putliyan hon, to yah harapan sushilta, sachcharitrata, vidvatta aur vishvasniyata ki pahchan hai. yadi aisi ankhon men kisi anya rang ki putliyan hon, to pratibha, prasannata, paropkar, kushlta evan kalapriyata ki adhikta hogi. pili ya narangi putliyan kafi kam najar ati hain, fir bhi is prakar ki ankhen chanchlta, bhavukta, kavitva, svarthaparata tatha ashishnuta ki nishani avashya kahi ja sakti hain. braun yani bhuri, thori lalima lie hue putliyan sarvashreshth hoti hain. aise vyakti premi, bat ke dhani, chatur tatha ganbhir hote hain. imandari tatha vyavhar ki sachchai unmen vishesh rup se pai jati hai. iske uprant bhi unmen do kamjoriyan dekhi jati hain- ek jara si bat par naraj ho jana tatha dusra lampatata ki or jhuk parna. halka kala rang chal, kapat, banavat, dhong tatha dhurtata ka chihn hai, kintu garha rang sthirta aur samjhdari vyakt karta hai. kale rang ke sath yadi thori lalima mili hui ho, to sadachari evan sadguni hone ki nishani hai. billi ki si kanji ankhon vale prayah billi ki prakriti ke hote hain. bahar se bahut sidhe dikhai dete hain, kintu avasar ane par karari chot karne men nahin chukte. kaun vyakti kis tarike se dekhta-bhalta hai saf, khulasa aur bedhrk drishti se dekhne vale vyaktiyon ka charitra aisa hota hai, jis par ap vishvas kar sakte hain. jin logon ki drishti yani najar chanchal hoti hai, charane or chapltapurvak najar daurate hain, ve prayah lobhi, chor, nishthur ya kapti paye jate hain. ankh milte hi jhenp jane vale ke man men kuch aur tatha munh par kuch aur hota hai. jiske nain nile hote hain, vah apradhi manovritti ka darpok ya kamjor hota hai. drirhtapurvak ankhon se ankhen larane valon men ujjadata, bevkufi, ainth adhik hogi. tirchi najar se dekhne vale nishthur krur, aur jhagralu hote hain. ankhon ke dale yadi kuch age ubhre hue hon, to ise vidya, prem tatha gyan sanpadan chihn samjhna chahie, aise logon ki smaran shakti achchi hoti hai. saf aur khulasa ankhon vale vyapar kushal, vyavhar patu, parishrami tatha bari lagan vale hote hain. adhik bari ankhen tejasvita, satta, vaibhav, aishvarya tatha bhogvilas se prasann vyaktiyon ki hoti hai, kintu parastri gaman se is prakar ke log bahut hi kam bach pate hain. bari ankhon ke bich ka fasla adhik ho to sadgi, sidhai evan spashtavadita ka lakshan janna chahie. choti ankhen khilaripan, laprvahi aur susti ka pratik hai. gaddhe men dhansi ankhon vale aise durgunon se grast hote hain, jinke karan jivan men koi yogya pragti nahin ho pati. chimchimi ankhon vale n to dusron ke upr ehsan kar pate hai aur n hi kisi ke ehsan ke prati kritagya hote hain. palak aur palkon ke bal-virauni se bhi vyaktitva ka kuch parichy prapt hota hai. virauni ke bal kam hon to unse darpokapan prakat hota hai, ghani virauni vale dhanvan, gahre rang ki karapan liye hue virauni vale shurvir, komal tatha fike rang vali virauni ke akarshak svabhav ke hote hain. mote palkon vale vidvan, vicharvan tatha patle palkon vale svasth evan tejasvi dekhe jate hain. tejasvi aur sadhu vritti ke logon ki bari-bari palken hoti hain. bahut choti palkon vale log chatorapan, lobhi, atript tatha bechainiyukt hote hain. jiski ek ankh ek tarah ki aur dusri dusre tarah ki ho, aisa gyat hota hai ki ek ankh kisi dusre ki nikal kar fit ki gai hai, aise vyakti prayah adh-pagle, besamajh aur aundhi khopri ke hote hain. drishti ki kamjori tatha tikshnata is bat par nirbhar hai ki nainon ka kaise upyog kiya jata hai. fir bhi itni bat to hai ki nili ankhen sabse durbal aur thora lal rang mili hui kali ankhen sabse shaktivan hoti hain. nainon men kale-kale til jaise nishan hona atmabal ki drirhta ka chihn hai. yah til do char aur chote hi hon to shubh hain, kintu yadi bare-bare bahut se til hon, to ve aisi durbalataon ke pratik hain, jinke karan manushya ko daridrata ka dukh bhogna parta hai. jinki putliyan firti hain, aise bhenge admi jiddi, besamajh kintu bahadur hote hain. jinki ankhane adhik gili rahti hain, ve katar, bechain tatha darpok pae jate hain. jaldi-jaldi palak marne vale log shekhikhor, jhuthe tatha bepair ki urane vale hote hain. ek ankh ko kuch michka kar bat karne vale dusron par avishvas v sandeh kiya karte hain.
Kya aapko lekh pasand aaya? Subscribe
Kya aapko lekh pasand aaya? Subscribe

fes riding visheshank  March 2016

bhavishya kathan ki mahatvapurn paddhatiyan shrashti ke prarambh se hi is dhara ke vibhinn hisson men maujud rahi hain. pratyek sabhyata men kisi n kisi rup men bhavishyavakta athva antardrashta bhut evan bhavishya ke vishay men kisi n kisi prakar se logon ko avagat karate rahe hain. bharat men bhi in vidhaon ki samriddh virasat rahi hai jahan har kal men jyotish, hastarekha shastra, ank shastra, mukhakriti vigyan adi pushpit-pallavit hote rahe hain tatha inhonne logon ke bhavishya ko akar dene men mahti bhumika ada ki hai. fyuchar samachar ke is vartaman visheshank men mukhakriti vigyan par vishesh jor diya gaya hai. is vishay par anek mahatvapurn alekh samavisht kiye gaye hain jinmen se kuch ati mahatvapurn alekh hain: nain antahkaran ke jharokhe hain, banavat ke anusar bhauhen tatha unke fal, ankhe vyaktitva ka aina, nak ki akriti svabhav evan bhavishya adi. in vishisht alekhon ke atirikt purva ki bhanti sabhi sthayi stambh maujud hain jinmen vigya jyotirvidon ke alekhon ko sthan diya gaya hai.

Subscribe

.