दैनिक क्रियाओं से संबंधित शुभ-अशुभ शकुन

dainik kriyaon se sanbandhit shubh-ashubh shakun  

Ank ke aur Lekh | Sambandhit Lekh | Views : 26577 |  
dainik kriyaon se sanbandhit shubh-ashubh shakun navin rahuja pratahkalin samay ke shakun : _pratah kal jagte hi shankh, ghanta adi ka svar sunai de to atyant shubh hota hai. _yadi ganne par pratham drishti pare to vah shubh shakun samjha jata hai. _yadi jagne par pratham drishti dahi ya dudh se bhare patra par pare to bhi shubh samjha jata hai. _shrifal, shankh, mor, hans, chanvar, pushp, pushpamala adi par pratham drishti parna achcha mana jata hai. _yadi jagte hi gay adi dikhai de to shubh shakun hai. kapila gay ho to adhik shubh, kintu kali gay ho to adhik shubh nahin samjhi jati varan kuch logon ke mat men kali gay viprit fal pradarshit karti hai. dantun ke samay ke shakun dotun karte hue purva athva uttar disha ki or mukh karke baithna shubh hoga. anya dishaon men mukh karke baithna shubh nahin samjha jata. _pashchim disha men munh karke dantun karne se dhan ka nash sanbhav hai. dakshin disha men dotun karne se santan ke lie hanikarak hoga. _nim, babul, am, adi ki dantun uttam aur shubh tatha rog nashak hoti hai. _terhi, fati, bahut moti, bahut patli dantun bhi ashubh hoti hai. usse dhan-hani ki sanbhavna barh jati hai. ri dvar ki dehli par baithakar dantun kabhi nahin karna chahie, kyonki falasvarup grih-kalah aur dhan ki hani ka kuyog upasthit ho sakta hai. _yadi panvon ke bal baithakar dotun karen to bhayankar rogon ki utpatti ho sakti hai. _yadi dantun karte samay samne akar gadha renke to yah lakshan kutumbiyon men kalah hone ka hai. _yadi dantun karte samay koi billi samne akar mal-tyag kare to raj-bhay ki suchak hai. _dantun karte samay pustak ya patra adi parhne par nishedh hai, kyonki isse dhan hani hoti hai. _dantun karte samay koi gay a jae to dhyan rakhna chahie ki us par chinte n paren, kyonki isse bhi dhan hani ka kuyog banta hai. _dantun karte samay kaua akar kanv-kanv karne lage to ashubh hota hai. _yadi dantun karte samay kutton ka koi jora akar maithun karne lage to us din vyapar men ghate ki sanbhavna hoti hai. _yadi dantun karte samay sahsa chipkli sir par a gire to bahut dhan-labh ka suchak hai. _yadi dantun ke samay sahsa koi pushp akar gire to bahut shubh hota hai. _yadi dantun karte samay ikh ke ras ke chinte jatak ke sharir par a pare to yah shakun kisi ke sath larai jhagre ka hai. _yadi dantun karte samay kabutar ki bith a pare to yah bahut bura shakun hota hai. _yadi dantun chir kar fenkte samay chitt pare to shubh aur anya sthitiyon men ashubh hoti hai. _yadi dantun karte samay koi kutta akar panvon ko sunghne lage to hitakar bataya jata hai. snan ke samay ke shakuun _ yadi snan karte samay ghore ki harsh suchak hinhinahat sunai de to shubh hoti hai. _yadi snan karte samay michli ane lage to shubh shakun samjha jata hai. _yadi snan ke samay svayan ko chink a jae to shubh nahin hai. jatak ko vyapar men nuksan hota hai. _yadi snan karte samay mal-mutra ek sath hi aen to yah shakun jatak ke lie shubh nahin hota. uske falasvarup ek mas men mrityu yog banta hai. _snan karte samay yadi pani ke patra ko thokar lag jay aur us patra ka pani yadi fail jay to apshkun mana jata hai. _yadi snan ke samay pani ka patra apne hath se girne par pani faile to bhi shubh nahin mana jata. _ yadi snan ke samay pani ke patra men kaua mukh dekhakar pani pine lage to yah bhi achcha shakun nahin hai. _yadi snan ke samay sinh ke garjan ka shabd sunai de, to shubh hota hai. _purva disha ki or mukh karke snan karna shubh evan anya dishaon men snan karna ashubh hota hai. _kale vastra pahan kar snan karna apshkun kahlata hai. uske falasvarup pishachadi ka upadrav ho sakta hai. _yadi snan karte samay khun ka vaman ho jay to yah lakshan tin mas men mrityu ka suchak hai. _yadi snan karne par apne hriday ka bhag pahle sukh jay to anisht falkari hai. isse chah mas men mrityu ki ashanka vyakt hona samjha jata hai. _snan karne vala yadi pahle apni pith par pani dale to yah shubh nahin hota. islie pahle sir par pani dalna chahie. _bilkul vastra rahit hokar snan kabhi n karen, iske falasvarup dhan, santan ke paksh men ahit hona sanbhav hai. bhojejejan ke samay ke shakununun _bhojan karte samay bhi aise anek shakun hote hain, jinse shubh ya ashubh fal ki utpatti hoti hai. yahan inka varnan karna bhi avashyak hoga. ri yadi bhojan karte samay koi kaua sir par akar baith jay to ashubh hota hai. _yadi vah kaua dayen kandhe par akar baithe to udar vikaron ko utpann karega aur bayen kandhe par baithe to varn ko nasht karne vala hoga. _yadi bhojan karte samay samne hi billi mal-mutra tyag kare to bhi shubh nahin hai. _yadi bhojan karte samay siyar ka shabd sunai de, to bahut ashubh samjha jata hai. _yadi bhojan karte samay kutte ka rona sunai de, to vah ashubh sanvad ka suchak hai. _yadi bhojan karte samay bhojan men ruchi n ho to ajirn ka lakshan samjhna chahie. _yadi bhojan ke samay grih-kalah upasthit ho jay to yah shakun ghar men ann sankat ki sanbhavna vyakt karta hai tatha ashubh hota hai. _yadi bhojan ke samay rudan ka shabd sunai de to vah jatak ke sharirik svasthya ke lie hanikarak hoga. _yadi bhojan karte samay asamay hi varsha a jay to shubh hai. use sukha n parne ka lakshan mana ja sakta hai. _yadi bhojan ke samay ubkai ane lage to yah lakshan mandagni aur ajirn se sanbandhit hai. isse jitna kha liya, usse adhik nahin khana chahie. _yadi bhojan karte samay ghar men sanp nikal ae to shubh nahin samjhna chahie. vidvanon ke mat men bhojan ke samay sarp ka dikhai dena bhojan ke vish-mishrit hone ki shanka vyakt karta hai. _yadi bhojan karte samay kutta bhaunkne lage to yah shakun anaj ki chori hone se sanbandhit hai. _yadi bhojan karte samay kali chiriya sharir par baith jay to vah samanya fal pradarshit karti hai. _yadi us samay pakti hui roti adhik jal jay to ann ke nasht hone ki suchak hogi. ratri men shayya ke samay ke shakununun _ratri men shayan ke uddeshya se shayya par jate samay yadi shankh-dhvani sunai de to shubh hogi. _yadi bail ki hunkar sunai de, to bhi shubh evan hitakar samjhna chahie. _yadi sinh ki garjana aur ghore ki prasannata se hinhinana sunai de to shubh hoga. _yadi charpai (palang) par jate samay vina ka shabd sunai de to vah bhi manglkari hoga. _yadi us samay charpai par chuha baitha ho, to ise bhi shubh samjhna chahie. _yadi palang par jate samay sahsa svayan ko romanch ho ae to bhi achcha shakun hai. _yadi charpai (palang) par sone ke lie jate samay ghar men prasannata ka vatavaran ho to labhkari hota hai. _yadi us samay patni ki ankhon men ansu ho to yah apshkun mana jata hai. _yadi palang par jate samay gidar bole ya kutta bhaunke to yah lakshan chori hone ka hai. _yadi us samay billi ya kutta rota ho, to achcha shakun nahin mana jata. _yadi us samay palang par chipkli ho aur vah pavon ki taraf bhag jae to shubh hota hai. _yadi us samay ghar ki paltu gay sahsa ro uthe to yah achcha lakshan nahin hota. _yadi sone ke lie jate samay koi pan ya supari lakar de to shubh hai. _yadi sone ke lie jate samay koi samne se chink de to yah koi achcha shakun nahin hoga. _yadi palang par jate samay purush ka surya svar chal raha ho to shubh hota hai. _yadi palang par jate samay stri ka chandra svar chale to shubh samjhna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.