शक्ति पीठ-श्री नैना देवी मंदिर

shakti pith-shri naina devi mandir  

Ank ke aur Lekh | Sambandhit Lekh | Views : 4957 |  
shakti pith-shri naina devi mandir navin rahuja jab bhagvti sati kanakhal men sati hui, tab bhagvan shiv daksh putri ke virah men vikshipt ho gaye aur sati ke mrit sharir ko uthakar tinon lokon men ghumne lage to bhagvan vishnu ne apne sudarshan chakra se mata sati ke mrit sharir ke tukre kar gira diye. jin sthanon par mata satiji ke ang gire un sthanon ko shakti pith kaha jane laga. jis sthan par sati ke nain gire vahi sthan, shakti pith shri naina devi ke nam se prasiddh hua. aiye, janen is lekh ke dvara is siddh pith ki mahima. mata shri naina devi mandir shakti pithon men ek bahut hi prasiddh pith hai. panjab rajya men sarhind-nangldaim relve sekshan par sikkh dharm ka pavitra tirth sthan, anandpur sahib guruon ki nagri ke nam se prasiddh hai jise sikhon ke antim guru shri govind sinh ji dvara basaya gaya tha. anandpur sahib se uttar ki or shivalik parvat ki choti par ek pipal ke vriksh par man ka pavitra mandir hai. is parvat ki charhai 12 mil hai. is samay yahan jane ke lie bas ke raste do taraf se hain. ek rasta anandpur sahib ke sath steshan kirtpur sahib se v dusra nangal daim se hai. in donon jaghon se mata ke darbar tak sidhi basen jati hain. anandpur sahib se paidal jane ka rasta bahut kam hai. yah rasta kachcha hai. mele ke dinon men anandpur sahib se kaula ka tiba tak basen chalti hain. kaula ke tibe se charhai shuru hoti hai. anandpur sahib ke raste subah chalakar sham ko vapis lauta ja sakta hai. shardiya navratron men yahan shri naina devi ka bahut bhari mela lagta hai jo ashtami tak chalta hai. jinki manokamnaen purn ho jati hain ve dandavat pranam karke paidal mata ke darbar men hajir hote hain. in yatriyon ko 'dandi' ke nam se pukara jata hai. shri naina devi ke lie mukhytah do kathaen adhik prachlit hain. sarvapratham prasiddh katha to yahi hai ki daksha-yagya vidhvans ke pashchat unmatt shiv jab sati ki parthiv deh ko uthakar himraj ki parvat shrrinkhlaon ko par karte hue tivra gati se chale to bhagvan vishnu ne jagat kalyan ke lie apne sudarshan chakra se mata satiji ke mrit sharir ke tukre kar gira diye. jin-jin sthanon par mata sati ke jo ang gire un sthanon ko usi nam se shakti pith ke rup men khayati mili. daksha-kshetra kanakhal (haridvar) ki sanpurn gatha is prakar hai. raja daksh ne devi mata ka ghor tap kiya. lagabhag 3000 varshon ke tap ke bad mataji ne maharaj daksh ko darshan diye. tab raja daksh ne mataji se pucha 'bhagvan ne rudra nam ke brahman ke putra rup men avtar liya hai aur mata apka avtar abhi tak nahin hua to bhagvan shivji ki patni kaun hogi?' us samay mataji ne maharaj daksh ko var diya ki main hi tumhari stri se putri rup men paida hokar ghor tap bal se bhagvan shankar ki patni banungi. vakt gujar jane par mataji ne maharaj daksh ke ghar putri rup men janm liya aur sati nam se vikhyat hui. jab sati bari hui to usne bhagvan shiv ji ki prapti ke lie mata-pita se agya mangi. jab sati agya lekar ghar se nikal pari to uska nam uma par gaya. tap ki sanpurnata hone par bhagvan shivji ne unhen darshan diye aur uma ke kahne ke anusar bhagvan shiv ne uma ke pita ke ghar jakar vidhivat vivah kar liya. bad men ek samay devtaon ki bhari sabha men maharaj daksh ji ke kahne par shiv khare nahin hue to maharaj daksh ne kaha- ''isne mere putra saman hote hue bhi mujhe pranam nahin kiya, meri agya ka ullanghan kiya hai. main ise devtaon ki sabha se hi bahishkrit karta hun.'' usi samay maharaj daksh shiv ke viruddh ho gaye. ek bar daksh maharaj ji ne haridvar ke pas kanakhal men ek bahut bare yagya ki shuruat ki. us yagya men pravesh pane ke lie maharaja daksh ne sabhi bare devi-devtaon ko sandesh bheje, par shivji se dvesh ke karan bhagvan shiv aur mata sati ko sandesh nahin bheja. devi devtaon ko divya vimanon men baithakar apne pita ke yagya men shamil hone ke lie jate dekhakar mata satiji ne bhagvan shiv se bhi jane ka agrah kiya. bhagvan shiv ne bina sandesh ke vahan jana uchit nahin samjha. mata sati ke dusri bar kahne par bhagvan shiv ji ne kaha- shishya ko guru ke aur beti ko mata-pita ke ghar jane ke lie kisi ke sandesh ki jarurat nahin hai. atah mata satiji ko bhagvan shiv ne yagya men jane ki agya de di. yagya men sati ji ka koi adar satkar nahin hua tatha sivay shiv ke sabhi devtaon ki upasthiti sati ko bahut akhri. apne pati ka apman sahan n karke sati ne us yagyashala men apne sharir ko tyag diya. yagya kund men sati ke girne se yagyashala men ghabrahat fail gai. is bat ki khabar bhagvan shiv ko unke duton ne pahuncha di. shiv ne apne duton se kaha- 'yagya ko tahs-nahas kar do.' tab maharaja daksh ka sir katakar usi yagyashala men dal diya gaya jis kund men sati ne atmahuti di thi. ise dekhakar devtaon ne bhagvan shiv se kshama dan manga. shiv ki stuti karke shiv ko prasann kar liya gaya aur daksh maharaja ke dhar ke upar bakre ka sir laga diya gaya. unhen bakre ki avaj men bamma-bamm shabd ka uchcharan karke bhagvan shiv ki stuti karte dekhakar shivji khush hue aur var diya ki teri bhi puja hogi. isi yagya se jab shiv parvati ke sharir ko lekar tinon lokon men ghumne lage to vishnu bhagvan ne apne sudarshan chakra se man ke sharir ke agon ke tukre-tukre karke gira diye. naina devi sthan par man ke nain gire, islie is shakti pith ka nam naina devi para. dusri gatha kuch ajib hai. kisi vakt is shivalik parvat shrinkhla ke pas kuch gujron ki abadi thi. usmen ek naina nam ka gujar devi mata ka param bhakt tha. vah apni gay, bhainse charane ke lie laya karta tha. is jagah jo pipal ka vriksh abhi tak hai. uske niche ek bina byahi gay akar khari ho jati thi tab uska dudh bahne lagta tha. jab vah us jagah se hat jati, tab uska dudh bahna band ho jata tha. anttah ek din usne us pipal ke vriksh ke niche se jagah saf ki jahan us gay ka dudh rojana girta tha. jab usne jagah saf ki to use vahan par devi mata ki pratima prapt hui. usi rat mata ne bhi use svapn men darshan diye aur kaha ki main adi shakti mata rup hun. he naina gujar, tu isi pipal vriksh ke niche mera chota-sa mandir ka nirman shuru kar do. mandir kuch dinon men bahut sundar ban gaya. uski mahima charon or fail gayi. mandir se derh farlang ki duri par ek gufa hai jo mata naina devi ke nam se prasiddh hai. uttar bharat men yah ek mahatvapurn shakti pith hai.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.