श्रीविद्या और श्रीयंत्र: दर्शन व महात्म्य !

shrividya aur shriyantra: darshan v mahatmya !  

Ank ke aur Lekh | Sambandhit Lekh | Views : 1516 |  
shri vidya ke yantra ko ‘shriyantra’ kahte hain. ismen jo ‘shri’ shabd aya hai vah shri vidya ka hi vachak hai aur ‘yantra’ shabd shri vidya ke yantra svarup ka vachak hai. keval yahi ek aisa yantra hai jo samast brahmand ka pratik hai. yah pranavasvarup shabd maha parabrahma- svarupini adi prakritimyi shri vidya rup mahatripursundri ka aradhna sthan hai. yah divya dham hai, divya rath hai. iska svarup manohar hai. ismen samast devtaon ki aradhna aur sabhi prakar ki upasnaen hoti hain. ismen sabhi amnaon, kramon, acharon, vidyaon evan sabhi tatvon ka samavesh hota hai. sabhi varnon, ashramon, sanpradayon ke sabhi prakar ke adhikari iski upasna kar sakte hain. shri yantra ka svarup: shriyantra ka svarup manohar hai aur iska vinyas vichitra. iske bichonbich bindu aur sabse bahar bhupur hai. bhupur ke charon or char dvar hain. bindu se lekar bhupur paryant iske kul das prakar ke avayav hote hain, jo kramshah is prakar hain- bindu, trikon, ashtakon, antardashar, bahirdashar, chaturdashar, ashtadal, sho'shadal, tinvriÿa aur tin bhupur. puja ke avasar par bindu bhi tin mane jate hain, jisse ki iske kul solah avayav hain, ve ek ke bad ek is tarah anusyut hote hain jisse inke anya kai avantar kon evan rekhaen ban jati hain. fir chaturdashar ke jo kon hote hain, unki bhi noken bahar vale ashtadal ke sath mili hoti hain aur isi tarah ashtadal ki nokane sho'shadal ke sath aur sho'shadal ki noken pratham vriÿa ke sath mili hoti hain, jinke karan aur bhi kai koshth aur kon ban jate hain jinko spandichakra bhi kahte hain. inmen bindu, ashtakon, do dashkon aur chaturdashar ko shakti ka ansh mana gaya hai. is prakar panch shiv trikon aur char shakti trikon ke milne se paraspar katakar kul tentalis kon ban jate hain. ismen atthais marm sthan tatha chaibis sandhiyan hoti hain. shriyantra men 2816 deviyon v 96 devtaon ka nivas mana gaya hai. bahar jo bhupur hai, vah ek prakar ke prakar ya durg sa dikhai deta hai. is tarah iska vinyas ativ manohar hota hai, sath hi jatil bhi. isilie yah shripur arthat shrividya ka pur bhi kahlata hai. agmon men is chakra ka ek divya dip ke rup men varnan kiya gaya hai kyonki koshikaron ne chakra shabd ka ek arth nagar bhi bataya hai. raktavarn ke sudhasmudra se ghira hua yah ‘ratn dvip’ hai. ismen kalpavriksh parijat se lekar sabhi prakar ke fal-ful aur lata vanaspatiyon se hare bhare divya nandn-udyan ke bich anant yojan vistirn ratn prakar ke bhitar avasthit is pur ke madhya men ratn sinhasan par anant koti brahmand nayika shri mahatripur sundri virajman hain. yah pur chakrakar hai. isi ka pratik shriyantra hai. isi chakrakar rath men baithakar sanpurn devi-devtaon, yoginiyon se parivriÿa hokar devi ne bhasmasur ka sanhar kiya tha. uprokt drishtansh se bhi shri yantra ka chakrakar dvip, pur athva sarvatah svavibhuti parivriÿa adi shakti ka pratik hona siddh hota hai. is chakra ka madhyavarti bindu shiv ka aur trikon shakti ka sthan hai tatha rup bhi. fir in donon ka samanvay hone par samrsi bhav se sthit shivashakti rup sakshat pratik yahi bindu hota hai. is tarah yah bindu shri mahatripur sanudri ka kendra bindu hota hai aur shriyantra rupi pur sabhi devtaon ka avas. tatparya yah hai ki vahi mahatripursundri vibhinn devrup apni vibhutiyon se is pur ko vyapt kar iske bich men baithti hain. islie yah shriyantra unka pratik hai. fir meruprishth ke akar men yah chakra jab upar ko utha hua unche akar ka hota hai tab yah samast brahmand ko sanbhale hue sumeru parvat ke pratik rup men khara hota hai aur puranon men varnit sumeru par avasthi sabhi lokon ka ismen samanvay hota hai. ‘meru’ ko nirvan rup men kaha gaya hai aur shri chakra ko ‘meru’ mana gaya hai. sanpradayah shri vidya ke 12 upasak prasiddh hain manu, chandra, kuber, lopamudra, kamdev, agastya, agni, surya, indra, kartikey, shiv aur durvasa. shriyantra ke mukhya tin sanpraday hain- hyagriv, anand bhairav aur dakshinamurti. inmen hyagriv sanpraday men trivriÿa nahin hota hai, anand bhairav sanpraday men trivriÿa to hota hai, kintu usmen puja nahin hoti evan dakshinamurti sanpraday men shriyantra men trivriÿa bhi hoti hai aur usmen puja bhi hoti hai. saranshtya yantron men shriyantra hi mukhya hai kyonki isse brahm evan shakti donon ki upasna ki jati hai. shriyantra men 153 devtaon ka bhagvti devi ke rup men pujan kiya jata hai. shriyantra ko vibhinn akaron men bhi banaya ja sakta hai jaise anguthi, laeket, banh par bandhne vale tabij ke rup men, batue men rakhne ke lie sikke ke rup men, uphar dene ke lie frem adi ke rup men. shriyantra-darshanarthah shri vindhyavasini kshetra men ashtabhuja ke mandir ke pas bhairvkund namak sthan hai. vahan par ek khandahar men shuddh aur vishdakar shriyantra rakha hai. dusra shriyantra farrukhabad jile ke tirva namak sthan men hai. yahan ek bara sa mandir hai jise annapurna ka mandir kahte hain. vastav men yah tripura ka mandir hai. ek unche chabutre par sangamaramar patthar par bahut bara shriyantra bana hai aur uske kendrasth bindu ke upar pashankush dhanurbandhra bhagvti ki sundar chaturbhuji, ji pratima hai. is mandir ko kisi tantrik sadhak athva mahatma ke adeshanusar lagabhag 100-125 varsh purva raja tirva ne banvaya tha. isi prakar surat shahar men bhi shriyantra ke akar ka vishal v bhavya mandir hai jo vastav men darshaniya hai. pura mandir hi shriyantra ke akarnuma hai aur mandir ke madhya men yantra shiromni shriyantra bhi virajman hai. rudrayamal granth men is yantra ke darshanamatra ka hi bara fal likha hai. shranrigeri math men shriyantra: ek bar durvasa rishi ne rusht hokar bhagvti sarasvati ko shrap diya ki tumhen pathabhrasht hokar manav yoni men avtirn hona parega. faltah vidya ki adhishthatri devi sarasvati ne mandanamishra ki patni ubhay bharti ke rup men janm dharan kiya, digvijay ke antargat acharya shankar ko sakshat sarasvati svarupa ubhay bharti se bhi shastrarth karna para evan unhen santusht bhi kiya. mandanamishra ne shankar ke shishyatva ko grahanakar sanyas dharm ko svikar kiya, faltah ubhay bharti ne apne mahaprayan ki taiyari shuru ki. acharya ko ubhay bharti ka janm rahasya gyat tha. unhonne kaha- ‘‘janni’’ ! main janta hun ap devi sarasvati hain. apke matryadham ko chorakar chale jane se sarva-vidyaen lupt ho jaengi, is karan shranrigeri men ek math sthapit karne ki meri ichcha hai. ap, vahan adhishthit rahakar sabko vidyadan dijie. he bhagvti! main apki upasna karunga. meri prarthana purn kijie. sakshat shankar svarup shankracharya ki vandna se prasann hokar devi sarasvati ne kaha ‘‘yatiraj- main dev sharir men avasthan karte hue apki prarthana purn karungi. ap vahan ‘shriyantra’ sthapit kijiega. main us yantra men nivas karungi.’tab se lekar aj tak us shriyantra ki shranrigerimath men nitya puja hoti hai. upasna sandarbha: shri vidya ki upasna paddhati, tantron ki adhar bhut paddhati hai. tripuropnishad men kadihadi vidya ke nam se iska spasht ullekh milta hai. shri vidya ka prachar v prasar madras (chainnai) men adhik hai. parmkarunik shankravtar bhagavatyad shri machcharkaracharya ki lekhni se pradurbhut saundarya lahri v ‘prapanchsar’ is vidya ki shuddh satviki ka sarvopri praman hai. shrimachchadnkracharya ko shrividya ki diksha yogindra shri govindpadacharya se mili thi. shri govindpadacharya ko is vidya ki diksha shri godapadacharya ke guru parmacharya bhagvan shri daÿaatrey ne svayan di. devi-mahatmya is prakar se is vidya ki atiprachinta siddh hoti hai. yah katha prasiddh hai ki gurugrih nivas ke niyamanusar acharya shankar ek din bhiksha ke lie kisi brahman sadgrihasth ke dvar par gaye. vah grihasth bahut hi nirdhan tha. bhiksha dene yogya mutthi bhar chaval bhi uske ghar nahin tha. nidan brahman patni ne shankar ke hath men ek anvla dekar rote hue apni nirant avastha ka varnan kiya. brahmani ki dukhad nirdhanata se karunamurti shankar ke komal hriday ko dravit kar dala. unhonne vahin khare hokar karuna vichlit chiÿa se shri vidya ki adhishthatri devi adya shakti bhagvti mahalakshmi ki stuti praranbh ki aur unke vani se anayas hi karuna purn komal kant padmavli se akrisht hokar bhagvti mahalakshmi dekhte-dekhte acharya ke sammukh apne tribhuvan mohnrup men prakat ho gai aur komal shabdon men kaha-‘‘beta, mainne tumhara abhipray jan liya hai, lekin is nirdhan parivar ne purva janmon men aisa koi bhi sukrit punya karya nahin kiya jisse main inhen dhan de sakanu.’’ shakracharya ji ne bare hi vinit shabdon men karunamyi anba se nivedan kiya ki- ‘‘purvajanm men is brahman ne yadi koi srikrit nahin kiya hai jiske falasvarup use dhan sampaÿia di ja sake, to isse kya hua? mere jaise bhikshuk ko anvle ka dan dekar usne jo mahan punya rashi arjit ki hai uske karan yah atul dhan sanpÿia ki adhikari ho gayi hai. yadi ap mere upar prasann hui hon to is parivar ko daridrata se mukt kar dijie.’’ is yukti ka bhagvti khandan nahin kar saki aur prasann hokar devi ne kaha- ‘‘yahi hoga, main inhen prachur sone ke anvle dungi.’’ yah sunakar acharya shankar prasannata ke sath brahmani ko shighra dhanvan hone ka ashirvad dekar guru grih laut gaye. dusre hi din pratah kal brahman danpÿia ne dekha unke ghar men sarvatra seane ke anvle bikhre pare hain. is ghatna ka ullekh ‘shankar digvijay ke chaturth sarg men sangopang hai. is prakar se ham yah dekhte hain ki n keval shri vidya ke upasak apitu shri vidya ke upasak jis par prasann ho jaen, us par bhi bhagvti shri ki kripa ho jati hai, ismen sandeh nahin. shri vidya ki sadhna hetu uske adharbhut ‘shriyantra’ ko samjhna prathmtah anivarya hai. is shriyantra ko artabhav (antahkrn) se shraddhapurvak pujan karne par bahuton ko dhan sanpÿia prapt hui hai v prapt ho rahi hai.
Kya aapko lekh pasand aaya? Subscribe
Kya aapko lekh pasand aaya? Subscribe


shri vidya evam dipavli visheshank  November 2010

shrividya v dipavli visheshank fyuchar samachar patrika ka anutha visheshank hai jismen ap rahasyami shrividya, shriyantra v mahalakshmi pujan ki durlabh vidhiyon ke sath-sath is avasar par is mahapuja ki prishthabhumi ke adharbhut sangyan se parichit hokar labhanvit honge.

Subscribe

Apne vichar vyakt karein

blog comments powered by Disqus
.