पोलियो

poliyo  

Ank ke aur Lekh | Sambandhit Lekh | Views : 3570 |  
poliyo : janleva bimari se bachav acharya avinash sinh bachapan men hone vali bimariyon men se 'poliyo' ek hai. ayurved men ise shaishviya pakshavadh, ya adhrang vat kaha jata hai; arthat sharir ke upri, ya nichle bhag ka nishkriya, ya sanvedna shunya ho jana. pakshavadh, yani is bhag se koi karya nahin ho sakta. us ang par aichchik niyantran nahin rah jata. poliyo ka prabhav bachche-budhe donon par hi hota hai. budhon ko hone vale poliyo ko andhrang vat kahte hain aur bachche ko hone vale poliyo ko pakshaghat, ya shaishviya pakshavadh kahte hain. adhunik chikitsa shastra men bachchon ko hone vale poliyo ko poliyo melaitis kahte hain. rog ke karan : poliyo ek shighra utpann hone vala sankramak rog hai. yah tin prakar ke poliyo vishanu se utpann hota hai, jinhen poliyo melaitis vayaras p pp ppp kahte hain. manav jati men pahle aur tisre prakar ke vishanuon se yah rog hota hai. sankraman ke bad iski utpatti 7 se 15 din men hoti hai. manav sharir in jivanuon ka ashray sthan hai. makkhi, gandgi, dushit dudh, ya pani se sharir men vishanu ka sankraman hota hai. munh, ya guda se bhi in vishanuon ka sankraman hota hai. pachan sansthan men pahunchne ke bad inki sankhya barhne lagti hai. vahan se ye vishanu khun men aur khun se vatvahak nari men pahunch jate hain. inke prasar ke anurup hi rog ki avasthaen hoti hain aur kisi bhi avastha men rog ko roka ja sakta hai. rog ke lakshn : pahli avastha men sankraman ka abhas hi nahin hota. vishanu annavahi pranali men rah kar sankhya men barhne lagte hain. yahan kisi prakar ke lakshan nahin paye jate. dusri avastha men vishanu khun men pravesh karne ki sthiti men pahunch jate hain. sir dard, bukhar, gale men kharash iske lakshan hain. yadi dusri avastha men rok-tham n ho, to vishanu vat nari sansthan men pravesh kar jate hain. yah tisri avastha hai. ismen mastishk ke avrnon men uttejna ke lakshan paye jate hain. sir dard, gardan men jakaran aur karepan ka anubhav hota hai. is avastha men pakshaghat nahin hota aur dhire-dhire sharir ke anya angon men karapan mahsus hota hai. jabse rog ke lakshan dekhen, bachche ko ek-do saptah bistar par purn aram karne den, kyonki thori si bhi chot, ya bhag-daur is avastha ko poliyo men badal sakti hai. injekshan lagane aur rirh ki haddi se pani nikalne ka prayas bhi n karen. poliyo hone ki avastha : poliyo ek sal ki umra ke bachchon men, bina kisi lakshan, ya 1 se 4 din ke bukhar ke bad ho sakta hai. islie chah saptah se nau mah tak bachche ko, ek-ek mah ke antral men, poliyo nirodhak aushdhi ki panch khuraken pilaen. pahli khurak sirf poliyo, dusri, tisri, chauthi khurakon ke sath tripal entijan ke injekshan aur panchvi sirf poliyo ki khurak dilvaen. pahla bustar derh se do varsh ke bich aur dusra bustar sarhe char se panch varsh ke bich, sirf ek bar dene chahien. ayurved ke anusar poliyo, arthat vat vyadhi men rogi ki malish karni chahie aur senk deni chahie. poliyograst bhagon par balatel, bhashtel se malish karen. bachchon ka koshth mridu hota hai. islie unhen munakka, gulab ki kali, agaravadh jaise dravyon ka halka virechan dena chahie. snayu ki pira kam karne ke lie aur unki shakti vapas lane ke lie agnitundi ras, ekangvir ras, brihadvat chintamni, brihadakasturi bhairav jaisi davaiyan, bachche ki ayu ke anusar, uchit matra men deni chahien. ye sabhi davaiyan vaidya ki salah se hi leni chahien. bachav : rog ke bare men satark rahna chahie. rog ki jankari aur usse mukti pane ke upay samjhne chahien. yah rog tin sal ke pahle bachche men paya jata hai. dusre sal men is rog ke hone ki sanbhavna adhik ho, to kal ke hisab se dekha jae, to pure sal tak yah rog ho sakta hai. barsat men, yani jun se sitanbar mah men iska khatra jyada barh jata hai. is mah men sardi, jukam, khansi, ya halka bukhar aye, to satark rahna chahie. adhik bhir, ya tairne ki jagah par bachchon ko n le jaen. tripal entijan ke injekshan lagvane ke pahle poliyo ki khurak pila den. upchar : urad, kaunchabij, erand ki jar, inko saman bhagon men le kar, solah guna pani men, dhimi anch par ubalen. jab pani chauthai rah jae, tab usmen hing aur jire ka churn mila kar rakhen. is karhe ke 1-1 chammach din bhar men panch bar bachche ko pilaen. poliyograst bachche ke lie vyayam ek shreshth upay hai. bachche ke pair men dhire-dhire takat lane ke lie unhe kisi sahare se khara karna chahie. bachchon ko chalne ke lie protsahit karna chahie. bachchon ke ahar men urad, gay ka ghi, kala munakka, chuhara, inka adhik upyog karen. ye padarth manspeshiyon ka bal barhane vale hain. jyotishiya drishtikon : poliyo shighra utpann hone vala sankramak rog hai, jo vishanuon se utpann hota hai aur iske karan sharir ka koi bhi bhag nishkriya, ya sanvednashunya ho jata hai. jyotishiya drishti se dekha jae, to sankraman rahu-ketu se hota hai. nishkriyata ka sanbandh surya aur chandra se hai. kyonki poliyo men viklangta bhi hai, islie shani ka prabhav bhi vishesh mahatva rakhta hai. lagn, lagnesh, surya, chandra yadi dushprabhavon men rahenge, to poliyo rog, ya adhrang vat ho sakti hai. angon men nishkriyata kisi bhi ayu men a sakti hai, lekin bachapan men hone vali nishkriyata ko poliyo kahte hain. islie uparyukt grahon ka prabhav bachapan men hi hoga, arthat grahon ki dashantardasha gochar bachapan men hi rahega, to poliyo ho sakta hai. vibhinn lagnon men poliyo rog : mesh lagn : surya shashth bhav men chandra ke sath ho, rahu, ya ketu se drisht ho, lagnesh mangal ashtam bhav men, budh saptam bhav men, shani ekadash bhav men ho, to poliyo ho sakta hai. vrish lagn : surya lagn men ketu ke sath ho, shani ki surya par drishti ho, chandra, shukra se yukt, ekadash, ya dvadash bhav men ho, to poliyo jaisa rog ho sakta hai. mithun lagn : surya lagn men, ya chaturth bhav men ho, budh ast ho, mangal dasham bhav men chandra ke sath ho aur ketu se drisht ho, shani saptam bhav men ho aur guru kendra men ho, to poliyo hota hai. kark lagn : lagnesh chandra shani se yukt dasham bhav men ho, surya dvadash bhav men ho aur rahu ketu se drisht ho, budh lagn men ho, to poliyo hone ki sanbhavna rahti hai. sinh lagn : surya shashth bhav men shani se yukt, ya drisht ho, rahu lagn men, ya lagn par drishti rakhta ho, budh pancham bhav men chandra se yukt ho, to poliyo ki sanbhavna rahti hai. kanya lagn : lagnesh trik bhavo men surya se ast ho aur ketu ke prabhav men bhi ho, mangal lagn men, ya lagn ko dekhta ho, shani apni shatru rashi men ho aur chandra par uski drishti ho, to poliyo hone ki sanbhavna rahti hai. tula lagn : shukra ashtam bhav men aur guru lagn men ho, shani surya se ast ho, rahu ki drishti lagnesh par ho, chandra rahu-ketu ke prabhav men ho, to poliyo hota hai. makar lagn : guru lagn men ho, shani surya se ast ho kar trik bhavon men ho, chandra ketu se drisht, ya yukt ho, mangal saptam bhav men ho, to poliyo ho sakta hai. kunbh lagn : lagnesh shashth bhav men surya se ast ho, ketu lagn men, ya lagn par drishti rakhe, budh saptam bhav men chandra se yukt ho aur guru ki lagn par drishti ho, to poliyo rog hota hai. min lagn : shukra lagn men rahu, ya ketu se yukt, ya drisht ho. surya tritiya, ya ekadash bhav men ho aur shani se yukt, ya drisht ho, chandra dvitiya bhav men budh se yukt ho, to poliya rog hota hai. uparyukt sabhi yog chalit kundli par adharit hain. rog ki utpatti sanbandhit grah dasha-tantardasha aur gochar grah ke pratikul rahne se hota hai. jab tak dasha-antardasha pratikul rahenge, sharir men rog rahega. uske bad thik ho jaega. lekin thik avastha men bhi pachan sansthan men kuch vyadhi rahegi.
Kya aapko lekh pasand aaya? Subscribe

Kya aapko lekh pasand aaya? Subscribe


shri vidya evam dipavli visheshank  November 2010

shrividya v dipavli visheshank fyuchar samachar patrika ka anutha visheshank hai jismen ap rahasyami shrividya, shriyantra v mahalakshmi pujan ki durlabh vidhiyon ke sath-sath is avasar par is mahapuja ki prishthabhumi ke adharbhut sangyan se parichit hokar labhanvit honge.

Subscribe

Apne vichar vyakt karein

blog comments powered by Disqus
.