श्रीयंत्र: भोग व मोक्ष की कुंजी

shriyantra: bhog v moksh ki kunji  

Ank ke aur Lekh | Sambandhit Lekh | Views : 1530 |  
shri yantra ko yantron ka raja kaha jata hai. siddh shri yantra ki guru diksha se prapt mantra dvara shubh muhurt men vidhivat upasna se dharm, arth, kam aur moksh chaturvidh purusharthon ki prapti hoti hai. de vadhidev bhagvan mahadev shiv ne apne divya tapsi tej se samast purusharthon ko pradan karne men saksham shri yantra ko is dhara par pratishthit kiya. shri yantra brahmand ka sarvashreshth yantra hai jiski sadhna aise yogya sadhkon aur shishyon ko prapt hoti hai jinhonne pichle anek janmon men ishvar ki bahut bhakti ki ho. shri yantra pramukh rup se aishvarya tatha samriddhi pradan karne vali mahavidya tripursundri mahalakshmi ka siddh yantra hai. yah yantra sahi arthon men yantraraj hai. is yantra ko sthapit karne ka tatparya shri ko apne sanpurn aishvarya ke sath amantrit karna hota hai. kaha gaya hai. shrisundri sadhan tatparanam, bhogashch mokshashch karasth ev arthat jo sadhak shri yantra ke madhyam se shrividya tripursundri mahalakshmi ki sadhna karte hain, unhen sabhi prakar ke bhog prapt hote hain tatha purn moksh bhi milta hai. is prakar yah ekmatra aisi sadhna hai jo ek sath bhog tatha moksh donon hi pradan karti hai. shrividya upasna ki shreshthata bhakti kalpit nahin apitu vastavik hai. is adbhut yantra ke anek labh hain- û shriyantra ke sthapan matra se bhagvti lakshmi ki kripa prapt hoti hai. û karyasthal par iske nitya pujan se vikas hota hai. û pratyek dipavli ki ratri ko iske vidhivat pujan se ghar men varsh bhar kisi prakar ki kami nahin hoti. û is par dhyan lagane se, mansik kshamata ki vriddhi hoti hai. û is par dhyan kundlini jagaran men sahayak mana gaya hai. û vividh vastu doshon ke nivaran ka shreshthatam upay. aise adbhut shriyantra ki vishishtata ka anuman isi se lagaya ja sakta hai ki sanatan dharm ke punruddharak jagadguru adi shankracharya ne char pithon ki sthapna karke yahan shrividya ke avas-shriyantra-ki vidhivat upasna ki paranpra ko praranbh karke n keval bhartiya sanskriti ke is gaurav ko surakshit kiya apitu am janta ke lie guru shishya paranpra dvara is upasna ka samuchit sadhan upalabdh karaya. tabse aj tak in char shankar pithon men shrividya ki upasna anavarat rup se chalti a rahi hai. shriyantra evan shrividya: yah sarvadhik lokapriya prachin yantra shrividya arthat tripursanduri ka hi svarup hai. ati prachinkal se hi bharat varsh men shrividya ki upasna prachlit hai. shrimat shankracharya, unke guru parmguru godpadasvami tatha tadnuvarti sureshvar, padmapad, vidyaranya svami, prabhriti anekon vedanti acharya shrividya ke upasak the. mimanskon ke acharyapravar shambhu bhatt bhaskararay prabhriti, mahaprabhu shri chaitanya, nityanand mahaprabhu v shaivacharyagan men abhinav gupt shrividya ke upasak the. shankracharya ke jivan kal men bauddh aur jain dharm ke karan hindu dharm ka varchasva kam ho gaya tha. shankracharya ne hindu dharm ko fir se lokapriyata pradan ki. unhonne anek ganrathon v stotron ki rachna ki jinmen se shrividya ko samarpit ‘‘saundaryalhri’’ men unhonne bhagvti tripursundri v inke shriyantra ki upasna ke anek rahasyon ko udghatit kiya hai. shrividya brahmand ki rachna, poshan aur vidhvans ke kram ka gurh vigyan hai. ise samjhna apne mul tatva ko samjhne jaisa hai. isi karan shrividya ke svarup shriyantra ko samjhna avashyak hai. sanpurn brahmand aur panchmhabhut (jisse sabhi praniyon v vastuon ki rachna hui hai) ko samjhne ki kunji yah shriyantra hi hai. yahi karan hai ki shriyantra adhyatmik ke sath-sath bhautik evan sansarik unnati bhi pradan karta hai. shriyantra ki rachna: jis prakar mantra devta ki atma hai, isi prakar yantra devta ka sharir hai. shriyantra ko banane ki riti nimn stotra men batai gai hai- bindu-trikon-vasukondsharyugma mantrastranagdldshobhitoshdsharam. vriÿatrayan ch dharnisadanatrayan ch shrichakra metduditan par devtayaah.. arthat bindu, trikon, ashtakon, antardashar, bahirdashar, chaturdash dal, asht dal, shodash dal, vriÿatray, chatadrvaryukt bhupur-yahi navavaran yukt shriyantra ka svarup hai. sanpurn brahmand ek jyamitiya pratirup hai. sabhi praniyon ka sharir bhi isi jyamitiya pratirup men bana hua hai. isi karan rishiyon ne ‘‘yat pinde tat brahmande’’ ka sutra diya. isi vajah se hamara sharir, vatavaran aur sanpurn brahmand samakramik rup se chalta hai. yantra isi jyamitiya pratirup ka avirbhav hai. yantra ka mul ek akriti hai jo ek vishesh urja se spandan karti hai. jab man aur mastishk us yantra par ekagra ho jate hain tab ham bhi us yantra se sanbandhit urja se spandan karne lagte hain jisse ham brahmand ki urja se jur jate hain. atah yantra keval ek dvar ya kunji karte hain. shriyantra sanpurn brahmand ki urja, samast tatvon aur tanmatra jinse tatva bane hain- inki urja samae hue hai. islie shriyantra brahmand tatha manav jivan ka karya ke rahasya janne ka ati uÿam srot hai. bindu: shriyantra ke kendra men bindu kendrit urja ka pratinidhi hai. bindu pratik rup men shri tripursundri ka vas hai. trikon: trikon daivi shakti ka svarup hai. shakti hi srishti nirman karti hai. udhrvamukhi trikon yoni ka pratik hai (jal tatva). ise shakti kon bhi kahte hain. jal ki prakriti sabse niche jakar patra ki akriti dharan karna hai. adhomukhi trikon agni tatva ka pratik hai kyonki agni sadaiv adhomukh hoti hai. ise shiv kon bhi kahte hain. shiv ke char trikon aur shakti ke panach trikonon ke milne par taintalis konon vala tatha asht dal, shodash dal, vritatray evan bhupur ke sath shriyantra banta hai. in trikonon ke milne par urja sahastra guna ho jati hai. inke bich jo khali jagah hoti hai vah shakti ke lie sanchalan ka kshetra hai. islie yahan mantron kea likha jata hai. chakra: nav trikon vritt ke andar nirmit hai. vritt akash tatva ka pratik hai jahan shiv aur shakti (trikon rup) ke milne se srishti ki rachna hoti hai. padma: vritt ke bahar pahle asht dal kamal hanai jo asht siddhiyon ka pratik hai. punah vritt brahm ka pratik hai. padm men koi dosh nahin hota. yah bahya prabhav se mukti aur svayan ki shakti ka pratik hai. iske bad shodash dal kamal hai jo jivan ki sanpurnata mane jane vale shodash kalaon ka pratik hai. iske bahar char dvaron se yukt avaran bhupur hai. bhupur: bhupur yantra ki bahya sima hai jo yantra ki shaktiyon aur urja ki hani rokta hai. yah prithvi tatva ka pratik hai. prithvi tatva men hi urja prakat hoti hai. shriyantra aradhna do prakar se hoti hai. srishtikram men bindu se aranbh kar bhupur tak pujan kiya jata hai. sanhar kram men bhupur se aranbh kar bindu tak pujan kiya jata hai. vibhinn sanpraday in donon men se kisi ek kram se pujan karte hain. shriyantra ka pujan kundlini jagaran ke lie kisi yogya guru ke sannidhya men hi karna chahie. is prakar dekha jae to yantra keval ek sadhan hai jo sharirik aur mansik svasthya banane men sahayak hai. jab jap, dhyan se iski pran pratishtha ki jati hai tab yah brahmand ki urja se hamen jorne tatha adhyatmik unnati ka karya karta hai. kyonki shriyantra bahut hi shaktishali urja ka srot hai, islie yah bhautik evan adhyatmik donon padon ke vikas men ati sahayak hai. shri yantra aur kundlini jagrn shriyantra sadhna vastav men kundlini jagaran ka tarika hai. hamare sharir men urja ke sat mukhya chakra batae gaye hain- sahastrar, agya, vishuddhi, anahat, manipur, svadhishthan aur muladhar. kundlini muladhar men sarhe tin fere men apne ap ko lapete hue punch ko mukh se pakre hue hai. jab kundlini shakti muladhar se chalakar shatchakron ka bhedan karti hui sahastrar men shiv ke sath milan karti hai to yah avastha yogi ke lie param shakti dene vali hai. kundlini yog ke do kram hain- û arohi kram: jab kundlini muladhar se chalakar svadhishthan adi chakron ko bhedti hui sahastrar tak pahunchti hai, use aroh kram ya sanhar kram kahte hain. û avroh kram: jab kundlini sahastrar men shiv ka tadamya prapt karne ke bad agya adi chakrane se hoti hui muladhar men pahunchti hai, use avroh kram ya srishti kram kahte hain. brahmacharya aur yog sadhna dvara kundli jagaran ityadi atyant shramsadhya v kathin prakriya hai jismen patan ki ashanka bhi rahti hai jabki shri vidya v shriyantra ki guru diksha prapt karke vidhivat upasna se shatachakra vedh adi asani se siddh ho sakta hai. tantra marg men tantra ke sarvashreshth shrividya tantra ki sadhna men patan ki ashanka nahin hai islie kaha hai jo shighra hriday granthi ka bhedan karna chahta hai vah tantrik vidhi se keshav ki aradhna kare. kundlini jagaran ke vibhinn tarikon men mantrayog ko sarvashreshth, sulabh v saral mana jata hai aur shrividya kundlni jagaran ke lie sarvashreshth mantra hai. islie shrividya dvara shriyantra ki sadhna ka shastron men bara hi gaurvpurn varnan milta hai.
Kya aapko lekh pasand aaya? Subscribe
Kya aapko lekh pasand aaya? Subscribe


shri vidya evam dipavli visheshank  November 2010

shrividya v dipavli visheshank fyuchar samachar patrika ka anutha visheshank hai jismen ap rahasyami shrividya, shriyantra v mahalakshmi pujan ki durlabh vidhiyon ke sath-sath is avasar par is mahapuja ki prishthabhumi ke adharbhut sangyan se parichit hokar labhanvit honge.

Subscribe

Apne vichar vyakt karein

blog comments powered by Disqus
.