सपनों का सच

sapnon ka sach  

Views : 3544 | June 2010

yah us samay ki bat hai jab main biessi men parh raha tha, pariksha ki taiyariyan chal rahi thin. rat ko svapn aya ki main pariksha de raha hun. pariksha men prashn patra parh raha hun aur prashn patra asan lag raha hai, jaldi se prashnon ke uttar likhakar samay se purva hi uttar pustika pariksha nirikshak ko dekar bahar a jata hun. prashn patra men kya prashn the aur kya uttar likha inka vivaran pratah uthne ke pashchat adhikanshtah smaran tha. yah sochakar ki shayad koi prashn vastav men hi pariksha men n a jae, un sabhi prashnon ka punravlokan kar liya.

pariksha men unhin prashnon ko usi kram men dekhakar bahut ashcharya hua ki jo chij pahle nahin dekhi vah svapn men shatapratishat kaise dikhai de gai. taduprant jab pariksha parinam ghoshit hone vala tha to ek din pahle fir svapn aya ki main pariksha men pratham aya hun aur mere itne ank ae hain aur dusre vidyarthi ke mujhse kafi kam ank aur itne ank hain. yah bat mainne apne mitra ko bhi batai aur jab parinam aya to ashcharya ki bat thi ki mere aur mere mitra ke utne hi ank the jitne svapn men dekhe the. isi prakar ek bar mujhe svapn aya ki meri man ka vivah ho raha hai aur vah abhushnon se saji hui hain. tisre, chaithe din hi unka svargavas ho gaya.

ek bar mere pita ji svapn dekhte hue jor-jor se bol rahe the. main pas hi baitha parh raha tha. unka yah svapn kafi lanba chala. vah svapn men gita ka path kisi bachche ko parha rahe the. svapn men unka hath hava men lahra raha tha aur vah apni ungli idhr-udhar aise ghuma rahe the jaise kisi pustak men likhi gai pankti ko parhte hue ghumate hain. 30 varsh purva jab main jyotish sikh raha tha to pratyek grah, bhav, rashi adi ke bare men jigyanusar jyotirvidon se unke falon ke bare men puchta rahta tha lekin ek bat samajh nahin ati thi ki patri ko dekhakar kaise janen ki grah achcha fal denge ya bura. yah ulajhan barhti hi ja rahi thi. tabhi ek din svapn aya ki grah sir ke charon or ghum rahe hain aur kuch kirnen faink rahe hain.

sir bahut bhari ho gaya aur subah uthne par janmapatri ke sare prashn svatah sulajh gae aur uske bad se aj tak dobara grahon ke bare men janne ki avashyakta mahsus nahin hui. isi prakar ek bar kahin jane ko nikla to do kali billiyane ne rasta kat liya. prabhu ka nam lekar age chala gaya aur socha ki jo bhi hoga dekh lenge. pratham to marg men hi kai prakar ki rukavten ain v pura din nirarthak karyon men kharab ho gaya. din men kuch log ae jo kuch dhanrashi lekar chale gae. kuch dinon ke bad fir isi prakar do billiyon ne rasta kata aur punah pura din kasht aur nirarthak karyon men gujra.

atah ab jab bhi do billiyan rasta kat jati hain to main apna rasta badal leta hun. ramchritmanas men bhi shakun ke bare men vishesh varnan samy-samay par kie gae hain. shri ramchandra ji ki barat ke prasthan ke samay sabhi shakun mano sachche hone ke lie ek hi sath ho gae.


apni kundli men rajyogon ki jankari paen brihat kundli riport men


chara chashu bam disi lei. manhun sakal mangal kahi dei..

nilkanth pakshi bayin or chara le raha hai, mano sanpurn manglon ki suchna de raha ho.

dahin kag sukhet suhava. nakul darsu sab kahun pava. sanukul bah tribidh bayari. saghat sabal av bar nari..

dahini or kaua sundar khet men shobha pa raha hai. nevle ka darshan bhi bas kisi ne paya. tinon prakar ki (shital, mand, sugandhit) hava anukul disha men chal rahi hai. shreshth (suhagini) striyan bhare hue ghare aur god men balak lie a rahi hain.

lova firi firi darsu dekhava.surbhi sanmukh sisuhi piava. mrigmala firi dahini ai.mangal gan janu dinhi dekhai..

lomri fir-fir kar (bar-bar) dikhayi de jati hai. gayen samne khari bachron ko dudh pilati hain. harinon ki toli ghumakar dahini or ko ayi, mano sabhi manglon ka samuh dikhayi diya.

chemkri kah chem biseshi. syama bam sutru par dekhi. sanmukh ayau dadhi aru mina. kar pustak dui bipra prabina..

kshemkri (safed sirvali chil) vishesh rup se kshem (kalyan) kah rahi hai. shyama bayin or sundar per par dikhayi pari. dahi, machli aur do vidvan brahman hath men pustak lie hue samne aye.

ravan ke yuddh men jane ke samay sabhi apshkun is prakar se hue jaise usko mrityu ka sandesh suna rahe hon.

ati garb ganai n sagun asgun sravhin ayudh hath te. bhat girat rath te baji gaj chikkarat bhajhin sath te..
gomay gidh karal khar rav svan bolhin ati ghane. janu kaldut uluk bolhin bachan param bhayavne..

atyant garva ke karan ravan shakun-ashkun ka vichar nahin karta. hathiyar hathon se gir rahe hain. yoddha rath se gir parte hain. ghore, hathi sath chorakar chiggharte hue bhag jate hain. syar, gidh, kaue aur gadhe shabd kar rahe hain. bahut adhik kutte bol rahe hain. ullu aise atyant bhayanak shabd kar rahe hain, mano kal ke dut hon. svapn aur shakun kya vastav men hi kisi tathya ko ujagar karte hain ya yah hamare man ka bhram matra hain?

svapn aur shakun ko purnataya bhram manna to mujhe purnataya anuchit hi lagta hai kyonki aisa sach jo hamne nahin dekha vah dikhai de jae aur aisa ek se adhik bar hona kalpana nahin ho sakti. kai bar marijon se bhi sunne men ata hai ki svapn men unhonne kuch dekha, kuch jhatka sa laga aur vah svasth ho gae. ho sakta hai ki unke snayumandal se unke mastishk ko kisi prakar ka signal milta hai aur vah thik ho jate hain lekin svapnavastha men kuch aise karya kar lena jo jagrat avastha men sanbhav nahin hai vah svapn ke kisi mahatvapurn tathya ki or ingit karta hai.

avashya hi svapn v shakun donon hi hamare bhavishya ka abhas karate hain. karya karan ki mimansa ke anusar har karya ka kuch karan hota hai aur vah karan agle karya ka adhar hota hai. karm aur fal purnataya ek-dusre se bandhe hue hain. is sansar me kuch bhi achanak nahin hota. prabhu ne har hone vale karm v fal ko batane ke lie bhi svapn v shakun ke rup men ek vyavastha kar rakhi hai. inki jankari se ham ane vale achche aur bure samay ka sanket prapt kar sakte hain evan use apne anukul karne ka prayas kar sakte hain.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe


.