brihat_report No Thanks Get this offer
fututrepoint
futurepoint_offer Get Offer
शुक्र रत्न हीरा

shukra ratn hira  

Ank ke aur Lekh | Sambandhit Lekh | Views : 1681 |  
kathorta men hire ke mukable koi khanij ya ratn nahin tikta hai varan aise gun vidyaman hote hain jo ise jyotish men mahatvapurn bana dete hain. garur puran men kaha gaya hai ki sarvashreshth hira vah hai jo vishesh prakar ki damkyukt ho. agar jatak ki kundli men shukra ashubh sthan men ho, to jatak jivan bhar dhan vaibhav va vivah sanbandhi pareshaniyon se grasta rahte hain. aise men ashubh aur kshin shukra ko prabhavi aur shaktishali banane ke lie hira dharan karne ki salah di jati hai, parantu yah bhi satya hai ki hira bhagyavan log hi dharan kar pate hain. amtaur par hira shvet rang ka hi hota hai par anek rangon men bhi yah milta hai jiske anek upyog hain: - basanti hira genda, guldaudi ya pukhraj ke rang ka hota hai aur ise svayan bhagvan shiv dharan karte hain. - kamlapti hira anar ya gulab rang ke kamal pushp ke varn ka hota hai, jise vishnu bhagvan dharan karte hain. - hans ya bagule ke pankh ke saman tatha dudh v dahi ke saman shvetavarn ke hanspti hira ko brahmadev dharan karte hain. - vajranil hira pakshi ke saman shvet nilavarn ka hota hai aur ise indradev dharan karte hain. - vanaspati hira siras patra ke rang ki tarah hota hai jise yamraj dharan karte hain. - hira ko dharan karne ke lie purvasharha ya purvafalguni nakshatra sarvashreshth hota hai. us din shukravar hona chahie. ise pran-pratishthit karvakar hi dharan karna uchit hai. chikitsa men hiron ka prayog vibhinn chikitsa paddhatiyon men hiron ka prayog bhinna-bhinn tarah se kiya jata hai. ayurved men hiron ko jalakar unki bhasm taiyar karte hain jo shahad ya anya davaiyon ke sath milakar rogi ko khilate hain. yunani chikitsa paddhati men ayurved ki bhasmon ke saman in hiron ke kushte taiyar kiye jate hain. homiyopaithi men hiron se davai taiyar ki jati hai jiski vidhi is prakar hai: hira ratnaushdhi jal: lagbhg tis mililitar ki ek shishi lekr usmen ek dram shuddh spirit dal di jati hai. usmen vah hira dal diya jata hai, jisse davai taiyar karni hai aur use 7 din tak andhere men rakh diya jata hai. uske bad us shishi ko achchi tarah hilaya jata hai aur spirit kisi dusri shishi men dalakar usmen shugar milk ki bani goliyan dal di jati hain. jab usi shishi ko hilaya jata hai to hire se bani davai ka asar usmen a jata hai. jis hire ko shishi men dala gaya tha, vah fir sanbhal ke rakh liya jata hai, kyonki uski shakti samapt nahin hoti aur jitni bar chahen uska istemal kar sakte hai.
Kya aapko lekh pasand aaya? Subscribe
Kya aapko lekh pasand aaya? Subscribe

ratn visheshank  July 2016

bhut, vartaman evan bhavishya janne ki manushya ki utkantha ne logon ko srishti ke prarambh se hi andolit kiya hai. janmakundali ke vishleshan ke samay jyotirvid vibhinn grahon ki sthiti ka akalan karte hain tatha vartaman dasha evan gochar ke adhar par yah nishkarsh nikalne ka prayas karte hain ki vartaman samay men kaun sa grah aisa hai jo apne ashubhatva ke karan saflta men badhaen evan samasyaen utpann kar raha hai. grahon ke ashubhatva ke shaman ke lie tin prakar ki paddhatiyan- tantra, mantra evan yantra vidyaman hain. pratham do paddhatiyan amjnon ko thori mushkil pratit hoti hain atah vartaman samay men tisri paddhati hi thori adhik prachlit hai. isi tisri paddhati ke antargat vibhinn grahon ke ratnon ko dharan karna hai. ye ratn dharan karne ke pashchat ashcharyajanak parinam dete hain tatha manushya ko sukh, shanti evan samriddhi se ot-prot karte hain. fyuchar samachar ke vartaman ank men ratnon se sambandhit anek utkrisht evan ullekhniya alekhon ko sammilit kiya gaya hai jo ratn se sambandhit vibhinn ayamon par prakash dalte hain.

Subscribe

.