देवशयनी एकादशी व्रत

devshyni ekadshi vrat  

Ank ke aur Lekh | Sambandhit Lekh | Views : 1642 |  
shayni ya devshyni ekadshi vrat asharh shuklapaksh ekadshi ko kiya jata hai. yah ekadshi mahan punyadayi, svarg aur moksha pradan karne vali evan sanpurn papon ka haran karne vali hai. ek samay nand nandan murli manohar bhagvan shrikrishna se dharmaraj yudhishthir ne sadar pucha, ‘bhagvan ! asharh mas ke shuklapaksha ki ekadshi ka vrat karne ki vidhi kya hai? bhagvan yashodanandan govind ne kaha, ‘he yudhishthir, jo katha brahmaji ne devarshi narad ji ko unki jigyasa shant karne hetu sunai thi, vahi katha main tumse kahta hun.’ brahmaji ne kaha putra narad ! jo manushya ekadshi vrat karna chahe vah dashmi ko shuddh chitt ho din ke athven bhag men surya ka prakash rahne par bhojan kare, ratri men bhojan na karen. dashmi ko man aur indriyon ko vash men rakhakar bhagvan se prarthana karen ki kamal ke saman netron vale bhagvan achyut ! main ekadshi ko nirahar rahakar dusre din bhojn karunga. apki puja karunga, ap hi mere rakshak hain.’ aisi prarthana kar ratri men‘¬ namo naraynay’ mantra ka jap karen. ekadshi ke din pratahkal suryody se purva hi nityakarm adi se nivritta hokar snan-pujan adi karte hue bhagvan se prarthana karen, ‘he keshv! aj apki prasannata prapti ke lie kie gae is vrat ke niyam-sanym ka mere dvara palan ho, yahi prarthana hai. he purushottama! yadi kisi agyantavash mujhse vrat palan men koi badha ho jae to ap mujhe kshama karen, fir kamal pushpon se kamllochn bhagvan vishnu ka vidhivat sankalpa lekar shodshopchar pujan karen. hari sankirtan evan hari kathaon ka anand len. ratri men jagaran karen. is prakar nishchay hi is vrat ke prabhav se samast pap usi prakar bhasm ho jati hai, jaise ek agni ki chingari se rui ka vishalkay dher jalakar rakh ho jata hai. yah vrat karne se bhagvan vishnu prasann hokr manvanchit fal dete hain. is shayni ekadshi ko padma ekadshi ke nam se bhi jana jata hai. iske pashchat bhagvan shrikrishn ne kaha - he dharmaraj, ab ekagrachitta hokar brahmaji ke dvara kahi hui katha ka shravan karo- suryavansh men mandhata nam ka ek chakravarti raja hua jo satyavadi aur maha pratapi tha. vah apni praja ko apni santan manta tha. uski praja sukhi thi. uske rajya men kabhi akal nahin parta tha. lekin ek samay us raja ke rajya men tin varsh tak varsha nahin hui aur akal par gaya. ann ki kami se praja men hahakar mach gaya. ann ke n hone se rajya men yagyadi bhi band ho gae. ek din praja raja ke pas jakar kahne lagi- ‘he rajn ! praja akal se mar rahi hai, pareshan hai, islie koi aisa upay karen, jisse praja ka kasht dur ho.’ raja mandhata ne kaha, ‘ap log thik kah rahe hain, varsha se hi anna utpann hota hai aur ap log varsha n hone se atyant duahkhi ho rahe hain. main ap logon ka kasht samjhta hun.’ aisa kahakar raja kuch sena lekr van ki taraf chal diya. vah anek rishiyon ke ashram se bhraman karta hua ant men brahma ke putra angira rishi ke ashram men pahuncha. vahan usne ghore se utar kar angira rishi ko pranam kiya. muni ne use ashirvad dekar usse ashram men ane ka karan pucha. raja ne hath jorkr vinit bhav se kaha, ‘‘ bhagvan! sab prakar se dharm ka palan karne par bhi mere rajya men akal par gaya hai, isse praja atyant duahkhi hai. raja ke papon ke prabhav se hi praja ko kasht milta hai, aisa shastron ne kaha hai. jab main dharmanusar rajya karta hun to mere rajya men akal kyon par gaya? main apke pas isi samasya ke nivaran ke lie aya hun. kripa karke praja ke kasht ko dur karne ka upay bataie. rishi ne kaha, ‘he rajan ! yadi tum upay janna chahte ho to suno. asharh mas ke shuklapaksh ki padma (shayni) nam ki ekadshi ka vidhipurvak vrat karo. vrat ke prabhav se tumhare rajya men varsha hogi aur praja sukh paegi kyonki is ekadshi ka vrat har prakar ki siddhi dene vala tatha samast upadravon ka nash karne vala hai. is ekadshi ka vrat tum praja, sevak tatha mantriyon ke sath karo.’ muni ke is vachan ko sunakar raja apne nagar vapas aya aur usne vidhipurvak padma ekadshi ka vrat kiya. us vrat ke prabhav se varsha hui aur praja ko sukh pahuncha. atah is mas ki ekadshi ka vrat sab manushyon ko karna chahie. yah vrat is lok men bhog aur parlok men mukti dene vala hai. is ekadshi ki katha parhne aur sunne se manushya ke sabhi papon ka nash ho jata hai. isi ekadshi se chaturmasya vrat bhi praranbh hota hai. isi din se bhagvan vishnu kshir sagar men sheshnag ki shayya par tab tak shayan karte hain, jab tak kartik shukla mas ki ekadshi nahin a jati hai. atah asharh shukla ekadshi se kartik shukla ekadshi tak manushya ko bhalibhanti dharm ka acharan bhi avashya karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe

ratn visheshank  July 2016

bhut, vartaman evan bhavishya janne ki manushya ki utkantha ne logon ko srishti ke prarambh se hi andolit kiya hai. janmakundali ke vishleshan ke samay jyotirvid vibhinn grahon ki sthiti ka akalan karte hain tatha vartaman dasha evan gochar ke adhar par yah nishkarsh nikalne ka prayas karte hain ki vartaman samay men kaun sa grah aisa hai jo apne ashubhatva ke karan saflta men badhaen evan samasyaen utpann kar raha hai. grahon ke ashubhatva ke shaman ke lie tin prakar ki paddhatiyan- tantra, mantra evan yantra vidyaman hain. pratham do paddhatiyan amjnon ko thori mushkil pratit hoti hain atah vartaman samay men tisri paddhati hi thori adhik prachlit hai. isi tisri paddhati ke antargat vibhinn grahon ke ratnon ko dharan karna hai. ye ratn dharan karne ke pashchat ashcharyajanak parinam dete hain tatha manushya ko sukh, shanti evan samriddhi se ot-prot karte hain. fyuchar samachar ke vartaman ank men ratnon se sambandhit anek utkrisht evan ullekhniya alekhon ko sammilit kiya gaya hai jo ratn se sambandhit vibhinn ayamon par prakash dalte hain.

Subscribe

Apne vichar vyakt karein

blog comments powered by Disqus
.