मीना कुमारी

mina kumari  

Ank ke aur Lekh | Sambandhit Lekh | Views : 1670 |  
aj ham bat kar rahe hain, traijdi kvin kahi jane vali abhinetri mina kumari ki. unka vastavik nam tha mahjbin. unka bachapan atyant abhavagrasta tha. dusri kanya santan hone ke karan unke pita ko unse nafrt thi. man ki mamta ke karan unko unke pita ghar vapas lae anyatha janm hote hi ve mina kumari ko anathalay ki sirhiyon par chor gae the. yahi larki age chalakar bal kalakar ki bhumika karte-karte filmon ki nayika ban gai aur apni adakari se sabhi ko achanbhit kar diya. mahjbin ke kamae sikkon ki dher mata-pita ko ek kholi se nikalakar bangle men le ai jiska nam pita ke nam par rakha gaya ikbal mainsan. sikkon ki khank mata-pita ki avaj men bhi pyar banakar sunai dene lagi. unhen urdu sikhane ustad ghar par ane lage. us samay adhikatar pauranik filmen banti thi, islie unka nam mahjbin se badalakar mina kar diya gaya. nam ki tasir insan par asar karti hai ye mina kumari ne sabit kar diya. apne akhiri samay men unhonne khud ko sharab men dubo diya. unhen lagta tha ki unki taklifon ki dava sirf aur sirf sharab hai. sahab, bibi aur gulam film ka na jao saiyan ........ gana unki ril laif ke sath hi unki riyal laif ka bhi satya tha. aie jante hain ansuon se bhari ankhon vali mina kumari ki jindgi ko grahon ke aine se-- mina kumari ki kundli hai tula lagn ki. lagnesh rahu ke nakshatra aur rahu ke hi upanakshatra men navamasth hai. navam bhav men shukra markesh mangal se yut hokar baithe hain. mangal jo ki dvitiya aur saptama do marak bhavon ke svami hain svayan ke nakshatra aur lagnesh ke upanakshatra men virajman hain. shayad lagn aur markesh ka janm se bana ghanishtha sanbandh ho jiske prabhavavash mina kumari ke pita unhen janm lete hi anathalay ki sirhiyon par chor gae the. kaha jata hai ki jab ve dobara unhen lene pahunche to us choti si bachchi ke sharir par dheron chitiyan chipki hui thin. markesh sadaiv mrityu nahin dete balki mrityu tulya kasht bhi pradan karte hain. unki janm ke samay brihaspati ki dasha chal rahi thi jo ki lagabhag 1 varsh 9 mah shesh thi. brihaspati shashthesh hai aur ekadash bhav jo ki shashtha se shashth hai, men vyayesh budh ke sath virajman hain. chunki lagnesh shukra ashtamesh bhi hain rahu ke nakshatra men hain. rahu, shani ki kunbh rashi men panchamasth hokar lagn, pancham, navam, ekadash v lagnesh ko purna drishti bal pradan kar rahe hain. tula lagn men shani yog karak hote hain aur rahu ne shani ki rashi men baithakar purn yogkari prabhav dharn kar rakha hai. yahi karan tha ki mina kumari maut ke munh men jane se bach gai kyonki filmi duniya ko ek chamkta hua sitara jo milne vala tha. mina kumari ko jivan ke praranbh men hi yogkarak grah shani ki dasha prapt hui. shani chaturth bhav men, surya ke nakshatra aur shukra ke upanakshatra men baithe hain. shani makar rashisth rajyog bhi bana rahe hain. karmesh chandrama, labhesh surya aur dasham bhav par shani ki purna drishti hai. shani men shani v budh ki dashaen vishesh falaprad nahin rahin, kintu ketu ki antardasha men shubhafal prapt hue. ketu labh bhav men shukra ke nakshatra va budh ke upanakshatra men bhagyesh v vyayesh budh tatha tritiyesh v shashthesh brihaspati se yut hokar baithe hain. navansh lagn men vrishchik lagn men ketu surya jo ki navansh v dashmansh ke karmesh hain aur lagnakundli ke labhesh hanai ke sath hi lagnesh (navansh) mangl se yut hokar baithe hain. lagnesh shukra hain aur shani tatha ketu ke nakshatresh v up nakshatresh bhi shukra hain. shukra bhogvilas, sukhsanpannata ke karak grah hain. sinema par bhi shukra ka adhikar hai. mina kumari ke mata-pita filmon men chota-chota kam kiya karte the, unki bari bahan bhi bal kalakar thi. shukra ke prabhavavash unhen bhi bal kalakar ke rup men filmon men kam milne laga. dhire-dhire yuva hone par unhen filmon men lid rol bhi milne lage. kutumb ke svami hain mangal jo ki shukra ke sath navam bhav men baithe hain. shukra ka kutumb bhav se shadashtaka yog bana hua hai. unhen apne parivar men kabhi prem prapt nahin hua. chaturth bhav mata, bhumi, bhavan vahan, sukh ka bhav balvan hai. shani ka shash mahapurush yog bana hai. mata ki jidd ke karan hi ve sahi salamat ghar vapas a pai thin. sinema men mili saflta ke karn hi mina kumari ko sukh sanpannata ki koi kami nahin thi. naukar, vahan, bangla sab kuch unhen prapta hua. pakija aur baiju bavra unki atyant safal film thi. sahab, bivi aur gulam to jaise unke jivan ka hi aina thi. navam bhav pitri karak v bhagya kark hota hai. navmesh budh jahan bhagyavardhaka hain vahin vyayesh bhi hain. bhagyesh hokr budh labh bhav men shashthesh v tritiyesh brihaspati ke sath-sath ketu se bhi yut hain. shani ke bad budh ki mahadsha praranbh hui jiske karan unke dhan-aishvarya men khub vriddhi hui. navam bhav pita ka bhav hai. pitri karak surya dasham bhav men baithe hain dashmesh chandrama ke sath. mina kumari ke pita chunki sinema men chote-mote kam kiya karte the isi karn unhonne prayas kiya ki mina kumari ko bhi kuch kam mil jae. bhagyesh budh ke prabhavavash mina kumari ka kam chal nikla. budh ko dvadshesh arthat vyay bhav ka fal bhi karna tha. isi karn mina kumari dvara arjit dhan-sanpda adi sabhi kuch unke pita ki nigrani men hi rahta tha. budh labh bhav men ketu ke nakshatra aur brihaspati ke upanakshatra men ketu v brihaspati se yut hokar hi baithe hain. lagnesh shukra aur dhanesh mangal donon hi bhagya bhav men yut hokar baithai hanai yah sthiti arthik labh pradata hai. kintu mangal dvitiyesh v saptamesh hokar do marak bhavon ke svami hain. lagnesh se yut hokar lagn par marakatva prabhav dene vale hain. dvitiya bhav marak bhav ke sath hi svad ka bhav bhi hai. lagnesh shukra mangal se yut hai aur rahu ki purna drishti ke prabhav men hai. shukra bhog karak hai, mangal bhog ko barhava dete hain aur rahu uchit anuchit ka antar mita dete hain. shukra, mangal aur rahu ke isi prabhavvsh mina kumari ko sharab ka adi bana diya tha. unhonne ruhani darda ko kam karne ke lie jismani taklif ko behatar samjha. ye jante hue bhi ki sharab unki dushman hai ve khud ko usse dur na kar sakin. mina kumari ko parivar men man ke alava to kisi se prem mila nahin. is dard ko to unhonne bachapan se jhela tha. unhonne apne parivar ke khilaf jakar kamal amrohi se prem vivah kiya tha. ismen bhi unhen asflta mili. anttah donon alg ho gae. lagnesh shukra, rahu ke hi nakshatra aur upanakshatra men hain. rahu panchamasth hain. panchmesh shani surya ke nakshatra v shukra ke upanakshatra men hai aur lagnesh shukra se shadashtak yog banakar baithe hain chaturtha bhav men. saptamesh mangal lagnesh shukra se yut hai aur svanakshatra tatha shukra ke hi upanakshatra mane hain. is prakar lagn, pancham v saptama ka ghanishth sanbandh prem vivah ka to dyotak hai kintu panchmesh apne se vyay arthat chaturth bhav men baithe hain, lagnesh saptamesh par rahu ki drishti hai shani ka purn prabhav rahu lie hue hai. shukra v mangal lagnesh v saptamesh hone ke sath hi marak prabhav bhi lie hue hain. shukra v mangal lagnesh v saptamesh hone ke sath hi marak prabhav bhi lie hue hain. lagn ke vyayesh budh v saptam ke vyayesh brihaspati donon hi labh bhav men baithakar pancham ko pirit kar rahe hain. brihaspati jo ki saptam ke vyayesh hanai saptam par purn drishti dal rahe hain. yahi karan hai ki prem vivah ke prabl yog se prem vivah to ho gaya kintu vyayesh (bu.) (bri.) ke ashubh prabhavvsh vaivahik jivan adhik samay tak n chala aur jab tak chala bhi to kahlpurn raha. pancham bhav par ashubh prabhav ke karn jahan unhen prem men asflta mili vahin santan sukh se bhi ve vanchit rahin. do bar garbhavati hone ke bad bhi unhen santan sukh nahin mila, unka donon bar garbhapat ho gaya. shani ke bad chali budh ki mahadsha. budh ketu ke nakshatra aur brihaspati ke upanakshatra men hokar donon se hi yut hai aur labh bhavasth hai. budh bhagyesh v vyayesh hain. budh par yogkari rahu ki purna drishti par rahi hai. labhesh surya baithe hain apne se dvadash karm bhav men. mina kumari ko daulat, shoharat, paisa rutba khub mila. mina kumari ko ek film ke ek lakh rupya mehntana milta tha. yah us vakta ki kisi bhi nayika ko di jane vali sarvadhik dhan rashi thi. kintu vyayesh budh, shashthesh brihaspati v ashtama se ashtamesh arthat tritiyesh brihaspati ne ketu se yut hokar labh bhav ko atyant ashubh prabhav diya. sharab ne mina kumari ko itni sharirik kshati pahunchai thi ki aspatal hi unka ghar ban gaya tha. budh ke bad praranbh hui ketu ki mahadsha. ketu baithe hain lagnesh va markesh shukra ke nakshatra aur vyayesh v bhagyesh budh ke upanakshatra men. mina kumari ki mrityu hui 31 marcha 1972 ko. us samay dasha chal rahi thi ketu/surya/shukra ki. ketu ekadashasth hain, surya ekadshesh hain. ekadash bhav chathe se chatha bhav hai jo ki rog ki prablta darshata hai. shukra lagnesh ke sath hi ashtamesh bhi hai. gochar men shukra markesh mangal v shani se yut hokar ashtamasth vrish rashi men the. ketu kark rashisth hokar shashthastha surya v vyayesh budh par drishti dal rahe the. chandrama lagnasth hokar marak bhav ko dekh rahe the. brihaspati dhanu rashi men tritiyasth the. tritiya bhav ashtam se ashtam hai. yahan se brihaspati ki purna drishti saptam marak bhav men par rahi thi. sath hi ekadash bhav par bhi brihaspati ki drishti thi. is gochriya sanyojan ke prabhavavash unhen apne jivan ki tamam samasyaon se hamesha ke lie mukti prapt hui.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  July 2016

bhut, vartaman evan bhavishya janne ki manushya ki utkantha ne logon ko srishti ke prarambh se hi andolit kiya hai. janmakundali ke vishleshan ke samay jyotirvid vibhinn grahon ki sthiti ka akalan karte hain tatha vartaman dasha evan gochar ke adhar par yah nishkarsh nikalne ka prayas karte hain ki vartaman samay men kaun sa grah aisa hai jo apne ashubhatva ke karan saflta men badhaen evan samasyaen utpann kar raha hai. grahon ke ashubhatva ke shaman ke lie tin prakar ki paddhatiyan- tantra, mantra evan yantra vidyaman hain. pratham do paddhatiyan amjnon ko thori mushkil pratit hoti hain atah vartaman samay men tisri paddhati hi thori adhik prachlit hai. isi tisri paddhati ke antargat vibhinn grahon ke ratnon ko dharan karna hai. ye ratn dharan karne ke pashchat ashcharyajanak parinam dete hain tatha manushya ko sukh, shanti evan samriddhi se ot-prot karte hain. fyuchar samachar ke vartaman ank men ratnon se sambandhit anek utkrisht evan ullekhniya alekhon ko sammilit kiya gaya hai jo ratn se sambandhit vibhinn ayamon par prakash dalte hain.

Subscribe

Apne vichar vyakt karein

blog comments powered by Disqus
.