दिशाओं में छिपी समृद्धि: पंचतत्व व इष्टदेव

dishaon men chipi samriddhi: panchatatva v ishtadev  

Ank ke aur Lekh | Sambandhit Lekh | Views : 5242 |  
vyadhin mrityan bhay chaiv pujita nashyishyasi. so'h rajyat paribhrishtah sharnan tvan prapannavan.. prantashch yatha murdha tav devi sureshvari. trahi man paùpatrakshi satye satya bhavasya nah.. ”tubh pujit hone par vyadhi, mrityu aur sanpurn bhayon ka nash karti ho. main rajya se bhrisht hun islie tumhari sharan men aya hun. kamaladal ke saman netron vali devi main tumhare charnon men natamastak hokar pranam karta hun. meri raksha karo. hamare lie satyasvarupa bano. sharnagton ki raksha karne vali bhaktavatsale mujhe sharan do.“ mahabharat yuddh aranbh hone ke purva bhagvan shrikrishn ne pandvon ko yah stuti ki salah dete hue kaha ”tum shatruon ko parajit karne ke lie ranabhimukh hokar pavitra bhav se durga ka smaran karo.“ apne rajya se bhrisht pandavon dvara ki gai yah stuti ved vyas krit mahabharat men hai. maharshi ved vyas ka kathan hai ”jo manushya subah is stotra ka path karta hai, use yaksh, rakshas, pishach bhaybhit nahin karte, vah arogya aur balvan hokar sau varsh tak jivit rahta hai. sangram men sada vijyi hota hai aur lakshmi prapt karta hai.“ mahagyani aur shrikrishn ke param bhakt pandavon ne yah stuti man durga ko shrikrishn ki bahan ke rup men hi sanbodhit karke aranbh ki. ”yashodagarbh sambhutan narayanavar priyam. ... vasudevasya bhaginin divyamalya vibhushitam...... isi prakar bahut se stotra evan stutiyan granthon men milti hain, jo bhinna-bhinn devi devtaon ki hone par bhi lagabhag ek sa hi fal dene vali mani gai hai. jaise ki shatruon par vijay, bhay, rog, daridrata ka nash, lanbi ayu, lakshmi prapti adi. ek hi devi-devta ki bhi alg-alag stutiyan yahi fal dene vali kahi gai hain. udahrntya ranbhumi men thakakar khare shri ram ko agastya muni ne bhagvan surya ki puja aditya stotra se karne ko kaha taki ve ravan par vijay pa saken. pandav tatha shriram donon hi ranbhumi men shatruon ke samne khare the, donon ka uddeshya ek hi tha. shriram treta yug men the aur aditya hriday stotra ka path karne ke pashchat ravan par vijyi hue. is prakar yuddh men vijay dilane vala aditya hriday stotra to ek siddh evan vedh upay tha, tab shrikrishn ne pandavon ko durga stuti ki jagah iska path karne ki salah kyon nahin di ? aisi sthiti men uchit nirnay lene ke lie hamare shastron men anek siddhant diye hen jaise desh, kal v patra ko bhi dhyan men rakhakar nirnay lena. upasak ko kis devi devta ki puja karni hai, yah is prakar ek shlok ke bhavarth se spasht hota hai. arthat akash tatva ke svami vishnu, agni tatva ki maheshvari, vayu tatva ke surya, prithvi tatva ke shiv tatha jal tatva ke svami ganesh len. yog parangat guruon ko chahiye ki ve prakriti evan pravritti ki tatvanusar pariksha kar shishyon ke upasna adhikar arthat kis devi devta ki puja ki jaye ka nirnay karen. yahan upasak ki prakriti evan pravritti ko mahatva diya gaya hai. abhipray yah hai ki kis devi-devta ki kis prakar se stuti ki jaye. iska nirnay samasya ke svabhav, desh, samay tatha upasak ki prakriti, pravritti, acharan, svabhav ityadi ko dhyan men rakhakar karna chahiye. jaise ahinsa pujari mahatma gandhi tanmayata se ”vaishnav jan ko“ tatha ”raghupti raghav raja ram“ gate the. chanbal e daku kali aur bhairon ki puja path karte aye hain. bhinn prakriti, pravritti v svabhav ke anusar ishtadev ka chunav bhi alg-alag tatva ke adhipti devi-devtaon ka hua. yah kaise jane ki upasak men kis tatva ki pravritti evan prakriti hai? yahan bhi ham vastushastra ki sahayta le sakte hain. vastushastra men dishaon ko vishesh sthan prapt hai jo is vigyan ka adhar hai. yah dishaen prakritik urja aur brahmad men vyapt rahasyamyi urja ko sanchalit karti hain, jo raja ko rank aur rank ko raja banane ki shakti rakhti hai. is shastra ke anusar pratyek disha men alg-alag tatva sanchalit hote hain, aur unka pratinidhitva bhi alg-alag devtaon dvara hota hai. vah is prakar hai. uttar disha ke devta kuber hain, jinhen dhan ka svami kaha jata hai aur som ko svasthya ka svami kaha jata hai, jisse arthik mamle aur vaivahik v yaun sanbandh tatha svasthya prabhavit karta hai. uttar purva (ishan kon) ke devta surya hain jinhen roshni aur urja tatha pran shakti ka malik kaha jata hai. isse jagrukta aur buddhi tatha gyan prabhavit hote hain. purva disha ke devta indra hain, jinhen devraj kaha jata hai. vaise amtaur par surya ko hi is disha ka svami mana jata hai jo pratyaksh rup se sanpurn vishva ko roshni aur urja de rahe hain. lekin vastu anusar iska pratinidhitva devraj karte hain jisse sukh santosh tatha atm vishvas prabhavit hota hai. dakshin purva (agney kon) ke devta agnidev hain, jo agni tatva ka pratinidhitva karte hain, jisse pachan shakti tatha dhan aur svasthya mamle prabhavit hote hain. dakshin disha ke devta yamraj hain, jo mrityu dene ke karya ko anjam dete hain, jinhe dharmaraj bhi kaha jata hai. inki prasannata se dhan, saflta, khushiyan v shanti prapti hoti hai. dakshin-pashchim disha ke devta nirti hain, jinhen daityon ka svami kaha jata hai, jisse atm shuddhata aur rishton men sahyog tatha majbuti evan ayu prabhavit hoti hai. pashchim disha ke devta varun dev hain, jinhen jal tatva ka svami kaha jata hai, jo akhil vishva men varsha karne aur rokne ka karya sanchalit karte hain, jisse saubhagya, samriddhi evan parivarik aishvarya tatha santan prabhavit hoti hai. uttar pashchim ke devta pavan dev hain, jo hava ke svami hain, jisse sanpurn vishva men vayu tatva sanchalit hota hai. yah disha vivek aur jimmedari, yogyata, yojnaon evan bachchon ko prabhavit karti hai. is prakar yah gyat hota hai ki vastushastra men jo disha nirdharan kiya gaya hai, vah pratyek panch tatvon ke sanchalan men aham bhumika nibhate hain. jin panch tatvon ka yah manav ka putla bana hua hai, agar vah dishaon ke anukul rahe to yah dishayen apko rank se raja banakar jivan men ras rangon ko bhar deti hain. atah vastu shastra men panch tatvon ki purn mahatva diya hai, jaise ghar ke brahmasthan ka svami hai, akash tatva, purva dakshin ka svami agni, dakshin-pashchim ka prithvi, uttara-pashchim ka vayu tatha uttar purva ka adhipti hain, jal tatva. apne ghar ka vidhipurvak parikshan karke yah jana ja sakta hai ki yahan rahne vale parivar ke sadasya kis tatva se kitna prabhavit hain, grah svami tatha anya sadasyon ko kis tatva se sahyog mil raha hai tatha kaun sa tatva nirbal hai. yah bhi malum kiya ja sakta hai ki kis sadasya ki prakriti v pravritti kis prakar ki hai. ant men yah nirnay lena chahiye ki kis sadasya ko kiski puja karne se adhik falibhut hogi. kis avasar ya samasya ke lie kis puja ka anushthan kiya jaye yah bhi vastu parikshan karke malum kiya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2012

Apne vichar vyakt karein

blog comments powered by Disqus
.