एक्यूपंक्चर व एक्यूप्रेशर पद्धति

ekyupankchar v ekyupreshar paddhati  

Ank ke aur Lekh | Sambandhit Lekh | Views : 2495 |  
ekyupankchar chikitsa paddhati men sharir ke kuch nishchit binduon par suiyan chubhakar vibhinn rogon ka ilaj kiya jata hai. yah pranali ekyupreshar chikitsa pranali se kuch had tak alag hai. ismen vibhinna kendron ko dabakar suiyon ko chubhakr rogon ka ilaj kiya jata hai. is pranali men kisi rog ka ilaj karne ke lie rogi ke sharir ke nishchit binduon par pital ya anya dhatu ki suiyon ko chubhaya jata hai. ye suiyan 2 se 25 semi. lanbai ki hoti hain tatha inhen ek se lekr lagabhag ath sau binduon par chubhaya jata hai. ye bindu manav sharir par ek nishchit rekha par sthit hote hain. in binduon par suiyon ko jyada gahra nahin chubhaya jata hai aur na hi sui chubhane men koi vishesh darda mahsus hota hai. rog ke samuchit ilaj ke lie kuch minat se lekr ghanton tak suiyan chubhaen rakh sakte hain. ekyupankchar chikitsa maleriya, kabj, alsar, artharaitis, gathiya, mansik rogi adi ke lie atyant labhdayak sabit hui hai. anbhigyata, agyantavash bhari sankhya men rogi chikitsarth labh nahin utha pate hain. ajakal is pranali men rogi ko behosh kar jatil shalya chikitsa bhi ki jati hai. is pranali se manav jati ko hi nahin balki pashuon ko bhi vibhinn jatil rogon se mukti mil rahi hai. manushya ki tarah pashuon men bhi is pranali se sunn karke aepreshan kiye jate hain. ekyupreshr: prayog v prabhav manav sharir ke angon par sthit vibhinn binduon se hokar dhruv vrittiya ya meridiyan rekhaen gujrti hain. lekin barah mahatvapurn dhruv vritt hathon aur pairon men hote hain. tin mahatvapurna dhruv vritt hatheli par hote hain. unmen niklne vali rekhaen (1) fefron (2) hriday ki upri jhilli jise rakta sanchar-kamangon ka dhruv vritt bhi kaha jata hai aur (3) hriday tak jate hain. tin anya mahatvapurn dhruv vritt hath ke upar hote hain jinka sanbandh (1) choti ant, (2) tehre dhruv vritt aur (3) bari ant se hota hai. in sabhi chah dhruv-vritton ka sutrapat ungliyon ke choron se hota hai jinhen ekyupankchar men mahatvapurn bindu kahte hain. hatheli ki or choti ungli ke chor se hriday ka dhruv-vritt praranbh hota hai. hriday ki jhilli ka dhurav vritt bich ki ungli ke chor se praranbh hota hai aur fefron ka hath ke anguthe se. hath ke upar ki choti ungli ke chor se choti ant ka dhruv vritt praranbh hota hai. tehra dhruv vritt tisri ungli ke upri chor se praranbh hota hai aur bari ant ka tarjani ke upri bhag se. prayog: jab kabhi adhik kam se hriday par bojh pare ya koi kasht ho to donon hathon ki choti ungliyon par dabav dalna chahie. iske lie unhen anguthon men pakarakar dabana aur ghumana chahie. yadi dil ka daura par raha ho to choti ungliyon par is prakar dabav dalne se rogi ki jan bacha sakte hain. usi prakar pairon ke talve par bhi snayuon ke chor hote hain jo sabhi snayuon se jure hote hain. pair men chah dhruv vritt hain. pair ke niche, arthat talve men, inmen se tin hain. ek ka sanbandh mutrashay se hai, dusre ka gurde se aur tisre ka tilli se. pair ke upr tin aur dhruv vritt hain. ek ka sanbandh jigar se hai, dusre ka amashay se aur tisre ka mutrashay se. tilli ka dhurav vritt pair ke anguthe se shuru hota hai aur gurde ka bhi pair se hi shuru hota hai. svasthya banaye rakhne men in dhruv vritton ka bara mahatva hai. pair ki ungliyon men jo nariyan hain unka sidha sanbandh sir, gardan, kanon, ankhon, hriday, jigar, fefron aur painakriyas granthi se hai. eri aur pair ke agle hisse ke bich ki jo tvacha hai us par bhi kuch mahatvapurn bindu hain, jinka sanbandh pet, amashay aur gurde se hai. eri men kuch aise bindu hain jinka sanbandh sharir ki vibhinn granthiyon aur karmendriyon se hai. atah hathon aur pairon se hokar jo dhruv vritt gujrte hain unka sanbandh sharir ke sabhi mahatvapurna angon se hai. isi karan se chunbakatva dvara angon ki pira dur kar kriyaon ko svasth banate hain.
Kya aapko lekh pasand aaya? Subscribe
Kya aapko lekh pasand aaya? Subscribe


reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.