शत्रुनाशिनी श्री बगलामुखी का परिचय

shatrunashini shri baglamukhi ka parichy  

Ank ke aur Lekh | Sambandhit Lekh | Views : 4162 |  
shatrunashini shri baglamukhi ka parichay vyashtirup men shatruon ka shaman karne ki ichcha rakhne vali tatha samashtirup men parmatma ki sanhar shakti hi bagla hai. pitanbra vidya ke nam se vikhyat baglamukhi ki sadhna prayah shatru bhay se mukti aur vak siddhi ke lie ki jati hai. inki upasna men haridra mala, pit pushp evan pit vastra ka vidhan hai. mahavidyaon men inka sthan athvan hai. ''kala tara mahavidya shodshi bhuvneshvari. bhairvi chinnamasta ch vidya ghumavti tatha. bagla siddhavidya ch matangi kamlatmika eta dash mahavidyaah siddhavidyaah prakirtitaah.'' inke dhyan men bataya gaya hai ki ye sudha samudra ke madhya sthit manimay mandap men ratnamay sinhasan par virajman hain. ye pit varn ke vastra, pit abhushan tatha pile pushpon ki mala dharan karti hain. inke ek hath men shatru ki jihna aur dusre hath men mudgar hai. baglamukhi ki sadhna men baglamukhi yantra ka vishesh mahatva hai. is yantra ko siddh kar ghar ya karyalay men rakhne se shatruon ka prabhav kshin ho jata hai. svatantra tantra ke anusar bhagvti baglamukhi ke avataran ki katha is prakar hai. satya yug men sanpurn jagat ko nasht karne vala bhayankar tufan aya. praniyon ke jivan par ae sankat ko dekh kar bhagvan mahavishnu chintit ho gae. vah saurashtra desh men haridra sarovar ke samip ja kar bhagvti ko prasann karne ke lie tap karne lage. shri vidya ne us sarovar se baglamukhi rup men prakat ho kar unhen darshan diya tatha vidhvanskari tufan ka turant stanbhan kar diya. bhagvan vishnu ke tej se yukt hone ke karan baglamukhi mahavidya vaishnavi hain. manglvaryukt chaturdashi ki ardh ratri men inka avataran hua tha. is vidya ka upyog daivi prakop ki shanti aur samriddhi ke lie paushtik karm ke sath-sath abhicharik karm ke lie bhi hota hai. yah bhed keval pradhanta ke abhipray se hai; anyatha inki upasna bhog aur moksh donon ki siddhi ke lie ki jati hai. yajurved ki kathak sanhita ke anusar dason dishaon ko prakashit karne vali, sundar svarupdharini vishnu patni trilok jagat ki ishvari manota kahi jati hai. stanbhnkarini shakti vyakt aur avyakt sabhi padarthon ki sthiti ka adhar prithvirupa shakti hai. bagla usi stanbhanashakti ki adhishthatri devi hain. shaktirupa bagla ki stanbhan shakti se dyulok vrishti pradan karta hai. isi shakti se aditya mandal thahra hua hai aur isi se svarg lok bhi stanbhit hai. bhagvan shri krishn ne bhi gita men 'vishtabhyahmidan kritsnamekanshen sthito jagat' kah kar isi shakti ka samarthan kiya hai. tantra men vahi stanbhan shakti baglamukhi ke nam se jani jati hai. shri baglamukhi ko 'brahmastra' ke nam se bhi jana jata hai. aihik ya parlaukik desh athva samaj men arishton ke daman aur shatruon ke shaman men baglamukhi ke mantra ke saman koi mantra faldayi nahin hai. chirkal se sadhak inhin mahadevi ka ashray lete a rahe hain. inke barvamukhi, jatvedmukhi, ulkamukhi, jvalamukhi tatha brihadbhanumukhi panch mantra bhed hain. kundika tantra men baglamukhi ke jap ke vidhan par vishesh prakash dala gaya hai. mundmala tantra men to yahan tak kaha gaya hai ki inki siddhi ke lie nakshatradi vichar aur kalshodhan ki bhi avashyakta nahin hai. bagla mahavidya urdhvamnay ke anusar hi upasya hain. is amnay men shakti keval pujya mani jati hai, bhogya nahin. shrikul ki sabhi mahavidyaon ki upasna, guru ke sannidhya men rah kar satarkatapurvak, saflta ki prapti hone tak, karte rahna chahie. ismen brahmacharya ka palan aur bahr-bhitar ki pavitrata anivarya hai. sarvapratham brahma ji ne bagla mahavidya ki upasna ki thi. brahma ji ne is vidya ka updesh sankadik muniyon ko diya. sanatkumar ne devarshi narad ko aur narad ne sankhyayan namak parmhans ko iska updesh diya. sankhyayan ne 36 patlon men upnibaddh bagla tantra ki rachna ki. baglamukhi ke dusre upasak bhagvan vishnu aur tisre upasak parshuram hue tatha parshuram ne yah vidya acharya dron ko di. man baglamukhi ka mukhay pith datiya men gvaliyar v jhansi ke madhya hai. yah pitanbra shaktipith ke nam se prasiddh hai. iske atirikt himachal pradesh men vankhandi, gangret aur kotla men, madhya pradesh men nalkhera men, chattisagarh men rajnandganv men, uttar pradesh men varansi men aur maharashtra men munbai men mumbadevi nam se inke mukhay shaktipith hain.
Kya aapko lekh pasand aaya? Subscribe

Kya aapko lekh pasand aaya? Subscribe


baglmukhi visheshank  March 2009

bagulamukhi visheshank men ap jan sakte hai, shatru badha nivaran aur baglamukhi sadhna, shri baglamukhi mantra upasna vidhi, aishvaryadayak shri baglamukhi ka rahasya tatha baglamukhi yantra ka mahatva vistrit rup men parha ja sakta hai.

Subscribe

Apne vichar vyakt karein

blog comments powered by Disqus
.