तृतीय भाव में सूर्य का फल

tritiya bhav men surya ka fal  

Ank ke aur Lekh | Sambandhit Lekh | Views : 4463 |  
tritiya bhav men agni tatva rashisth surya ka fal acharya kishor tritritiya bhav se parakram, sahas, dhairya, bhrata, parosi, kanth, svar, svajnon, choti yatra, bhuja, kandhe, lekhan, hast kala adi ka vichar kiya jata hai. tritiya bhav upachay bhav hai, parantu upachay bhavon 3, 6, 10, 11 men tritiya bhav ka vishesh prabhav nahin hota. inmen se kisi bhi bhav men yadi surya sthit ho, to us bhav ko bal mil jata hai aur uska shubhatva barh jata hai. tritiya bhav men surya bachchon ke arisht ka nash karta hai aur bal, virya, himmat aur dhairya deta hai. yadi surya ka sanbandh budh se ho, to jatak prakhar buddhi vala hota hai aur shubh grah ka prabhav mastishk ko balshali banata hai. jatak mahatvakankshi, udar aur adanbarapriya hota hai aur svatantra vichar tatha netritva gun ka svami hota hai, kintu vah apne logon se sadbhavna nahin rakhta. yadi ashubh grah ka prabhav parta hai to jatak ko badnami bhi milti hai. tritiya bhavasth surya chote bhai ka nash karta hai aur bhaiyon ki sankhya ko kam karta hai. is sthiti ke surya se prabhavit jatak apne samman ko banae rakhne men prayatnashil rahta hai, yadyapi uski vani kathor hoti hai. mesh rashi men surya uchch ka hota hai. yadi vah tritiya bhav men ho, to jatak ke chota bhai nahin hota. kintu yadi uska guru se drishti ya yuti sanbandh ho ausuraguto chota bhai hota hai. jatak ghamandi hota hai aur apne bal ka prayog karte hue dusron ka daman karta hai. is karan kalhkari aur apriya ho jata hai. vah svarthi hota hai aur use svajnon ki koi chinta nahin hoti hai. vah nidar rahakar logon ko bhay dikhata hai, unse fayda uthata hai. vah uchch kul men vivah karta hai aur vahan se bhi fayda uthata hai. vah desh-videsh ghumta hai aur videsh se dhan kamata hai. ugra hone ke karan uska dampatya jivan sukhamay nahin rahta. kintu yadi surya ka shubh grahon se drishti ya yuti sanbandh ho, to fir dampatya jivan thik rahta hai. ashubh grahon se drishti ya yuti sanbandh ashubh fal milta hai. niche ek kundli ka vishleshan prastut hai. ahai. janm ke samay budh ki mahadsha 13 sal 3 mahina 24 din baki thi. agast 1993 ke bad ketu ki mahadsha samapt hui. shukra ki mahadsha shuru hote hi jatka ko turant naukri mil gai, kyonki is kundli men yogkarak grah shukra saptam kendra ke svami surya ke sath parakram bhav men hai. uchch ka surya parakram bhav men guru se kendra men rahu se drisht hokar sthit hai. shani ke bhav men sthit nich ka guru shani ko dekh raha hai, islie shukra ki mahadsha men jatka ko uchch pad ki prapti hui, kyonki surya se shani dhan bhav men hai. isi tarah shukra se bhi shani dhan bhav men hai, atah jatka ko shukra ki mahadsha men atyadhik dhan kamane ka mauka mila aur prakritik pap grah surya saptam kendra ka svami hokar saptam se navam bhav men uchch ka balvan hokar sthit hai. navmesh shukra bhi parakram bhav men surya ke sath hai, islie yogkarak grah shukra badhak hote hue bhi guru se kanendra men hai aur lagn men mangal dashmesh hokar lagnesh shani ko dekh raha hai. abhipray yah hai ki pap grah yadi kendra ka svami ho aur yadi parakram bhav ke svami ya parakram bhav par shubh grahon ka prabhav ho, to jatak ko uchch pad ka labh avashya milta hai. jatka uchch padasth hai aur lagabhag do lakh rupye prati mah kamati hai. jatka ne apne parivar men apni bahnon ko bhi sammanajanak pad par pahunchaya aur apne pati ko vash men rakha. tritiya bhav men uchch ke surya ne chota bhai nahin diya, parantu choti bahnon ka sukh avashya diya. chandra lagn se tritiya bhav men prakritik pap grah shani sthit hai, parantu us par guru ki drishti hai aur lagn men prakritik pap grah mangal tritiya bhav men prakritik pap grah surya, chandra lagn se tritiya bhav men shani sthit hai. har taraf se tritiya bhav balvan hai. svabhavik hai ki parakram bhav ke balvan hone ke karan jatka ko apni himmat aur sahas ke bal par uchch pad prapt hua. yahan tritiyasth surya ki vibhinn rashiyon men sthiti ke falon ka vivaran prastut hai. sinh yadi surya tritiya bhav men sinh rashi men ho to jatak, parakrami, dhani, putravan, santoshi, prabhavshali, apne karya men daksh aur mahatvakankshi hota hai. parantu is sthiti ka surya mesh rashisth surya ki tarah danbh nahin deta, halanki jatak men atmavishvas adhik rahta hai. shatru uska kuch nahin bigar sakte. uski karya shaili men chanchlta jhalkti hai, yadyapi vah apna dhairya banae rakhta hai. yadi aise surya ka budh ke sath sanbandh ho, to jatak sujh-bujh se karya karta hai. yadi uska guru ke sath sanbandh ho to jatak logon ke prati dayabhav rakhta hai, kshamashil rahta hai aur dan, dharm karta hai. kintu yadi us par shani ki drishti ho, to jatak ka svasthya prabhavit hota hai, use badnami milti hai aur uski santan ko kasht hota hai. vahin shukra ke sath sanbandh hone par use patni se kasht milta hai. surya ki is sthiti se prabhavit ek jatak ki kundli ka vishleshan yahan prastut hai. kundli san. 2 men surya lagnesh budh ke sath parakram bhav men sthit hai. jatak ki umra ke 24 se 30 sal tak surya ki mahadsha ke dauran use atyadhik saflta mili. kundli men 00 par hone kundli san. 2 karan surya navansh men uchch ka hai. guru ki drishti ne parakram bhav men baithe surya aur budh ke shubhatva ko barhaya. chandra ki dasha 40 ki umra tak rahi. chandra labh bhav (ekadsh) men hai, islie surya aur chandra ek-dusre se trikon men hain. iske falasvarup jatak ko paitrik dhan bhi mila aur usne apne parakram se dhan arjit bhi kiya. tatparya yah hai ki parakram bhav men surya ki sthiti ke bavjud guru ki drishti n hone par jatak ko adhik bal nahin mil sakta, kyonki kundli men grahon ke ansh yadi kam hon (jaise surya ka 00 par hona). yahan surya adhik balvan nahin hai. is kundli men surya bal avastha men, parantu guru ki drishti men hai. guru aur surya donon mitra hain. jivan men surya aur chandra ki dasha bhi ai. surya uchch navansh men sthit hai. varsh 2003 se guru ki mahadsha men jatak ko dhan aur man-samman mil raha hai, kyonki surya aur budh ki drishti bhi guru par hai. chandra lagn se surya panchmesh hokar pancham bhav men guru ki drishti men hai aur chandra se guru ekadash bhav men. surya, budh aur mangal ki drishti men sthit guru atyadhik rablvan ho gaya hai. kundli men guru ko kendradhipti dosh bhi hai. jaya karak grah shukra ke nich ka hone aur us par shani ki drishti hone aur shukra ka surya rahu men papakartari men hone ke karan shukra pirit ho gaya hai, islie jatak ko dampatya ka adhik sukh nahin mila. dhanu agni tatva rashi men surya ho to jatak apne man, buddhi evan gyan ka sadupyog karta hai. vah mahatvakankshi hota hai aur dharmik karyon men uski ruchi hoti hai. vah dharm shastra, puran aur vidhi shastra men parangat hota hai aur apni maryada evan samman ka dhyan rakhta hai. use paryapt dhan aur sukh prapti hoti hai. vah spashtavadi aur svatantra vicharon ka vyakti hota hai tatha uchch padasth logon se sanbandh banae rakhta hai. vah samay ka paband hota hai. is sthiti ke surya par shani ki drishti hone par bhi shubhatva samapt nahin hota. surya ka guru se sanbandh ho to jatak ki khyati, man-samman bana rahta hai. kundli san. 3 bharat ke bhutpurva pradhanmantri vajpeyi ji ki hai. vajpeyi ji ka lagn tula hai. lagn se tritiya arthat parakram bhav men surya budh aur guru ke sath balvan hokar sthit hai. 18 jun 1961 se jun 1967 tak shri vajpeyi par surya ki mahadsha prabhavi thi. is dauran unhonne apne majbut iradon aur ichchashakti ka parichay diya. unki tikshn buddhi aur shakti ko dekhte hue purva pradh aanmantri sva. javahar lal nehru ne ek bar kaha tha ki vah ek din bharat ke pradhanmantri banenge aur vahi hua. dasham bhav men rahu ki mahadsha men shri vajpeyi pradhanmantri bane. parakram bhav men sthit surya, budh aur guru balvan hain. chathe bhav men sthit prakritik pap grah mangal balvan hai. lagn men shani uchch ka hokar balvan hai. shani ki drishti tritiya bhav par hai, islie jatak apne parakram ke bal par bharat ke pradhanmantri bane. dhanu rashi ka svami guru dhanu rashi men shani ki drishti men hai. shani ke guru hone ke guru par shani ki drishti ka kuprabhav nahin parta hai. islie shani ki drishti parakram bhav ko ashubh nahin karti. yadi kundli men surya aur chandra balvan nahin hote to shri vajpeyi ka pradhanmantri kathin hota. yahan nich ke chandra ka shukra ke sath hone ke karan chandra ka nich bhang hua hai. chandra dashmesh hai, pap grah hai islie chand ko kendradhipti dosh nahin hai. kundli san. 4 prasiddh kriket khilari kapildev ki hai. is kundli men parakram bhav men prakritik pap grah surya aur shani donon balvan hain. ekadash bhav ka svami surya aur chaturth evan pancham trikon ke svami shani yogkarak hokar parakram bhav men balvan hain. parakram bhav men surya ke sath sthit pap grah us bhav ko adhik balvan karte hain. yahi karan tha ki kriket jagat men kapildev ne khub prasiddhi pai aur bharat ko vishvakap vijeta banaya.
Kya aapko lekh pasand aaya? Subscribe

Kya aapko lekh pasand aaya? Subscribe


baglmukhi visheshank  March 2009

bagulamukhi visheshank men ap jan sakte hai, shatru badha nivaran aur baglamukhi sadhna, shri baglamukhi mantra upasna vidhi, aishvaryadayak shri baglamukhi ka rahasya tatha baglamukhi yantra ka mahatva vistrit rup men parha ja sakta hai.

Subscribe

Apne vichar vyakt karein

blog comments powered by Disqus
.