कैसे करें बगलामुखी साधना

kaise karen baglamukhi sadhna  

Ank ke aur Lekh | Sambandhit Lekh | Views : 10568 |  
kaise karen baglamukhi sadhna dae. bhagvan sahay shrivastav dae. mahesh mohan jha tantra sadhna bhartiya chintan dhara men shakti ki mahatta sarvopri rahi hai. shakti hi srijan ki devi hai. yah parashakti hai. bauddhon ke yahan bhi shakti ka vikas shunya ke rup men hua. vastutah brahmanon aur bauddhon ke bich dharmik svarup men koi bhed nahin tha. bauddh dharm men tara ki upasna ki pratigya bhi is tathya ko pramanit karti hai. siddhacharya shri balachandra suri ke basant vilas men shakti ke sandarbh ka sanket manglacharan men hi milta hai. ‘chittarupi vastra ki chanchlta tyag kar tatha pranadi panch vayu ke vyapar ko stanbhit karke murdh pradesh men sthir shobhavali sarasvati ka jo tejo mandal dekhte hain, uski ham upasna karte hain.’ ‘jab sushumna rupi megh sarasvati ke tejomay bijli ke dand se bhedit hokar murdha akar nivas karta hai, us samay vidya rahit manushyon ki bhi rasna arthat jihva rupi nali men kavitva jal banakar bahne lagta hai. tantra ka mahatva uski sadhna men hai. purush aur prakriti ki ichcha ke madhya parashakti ka udbodhan karna hi lakshya hai. sharir men hi purush aur prakriti tatva ka sansar hai. tantrikopasna men bhautikta se pare hokar shunya tatva ke sath jiv aur brahm ki parikalpana ki gai hai. iske andar bhedbhav ka koi sthan nahin hai. is tarah chamatkar aur bhautik sukh ki tivra lalsa ne tantrik upasna ko lokapriya bana diya. tantrik sadhna hi shakt marg ka adhar ban gaya. vam marg tatha tantron ke mantron ke prayog se shakt sadhna ka akash rahasyamay badlon se achchann ho gaya. devi ke vibhinn rupon ki upasna prachlit hui. das mahavidyaon aur navdurga ki sadhna ki or sabhi akarshit hone lage. vibhinn upaskon ke bich pratispardha bhi barhne lagi, lekin tantrik sadhna men ganapatya, shaiv aur vaishnav tantron ka srijan aur manan hone laga. is prakar shakt sadhna men shakti ko hi mahatva diya gaya jo prachin kal se hi prachlit hai. baglamukhi tantra: shakt tantron ke antargat das mahavidyaon ka ullekh bare vistar se kiya gaya hai. inki siddhi ke parinam jahan ek or sukhad ashcharya ki pushti karte hain, vahin sadhna vidhi ki jatilta sara utsah bhang kar deti hai, kyonki aj ke yug men shant man se ekant men baithakar sadhna, tapashya karna jan samanya ke lie sanbhav nahin hai. lekin anek aise jan abhi bhi maujud hain, jo aisi sadhnaon dvara svayan to labhanvit hote hain hi, dusron ka kalyan bhi karte hain. das mahavidyaon ke sandarbh men ek sadhna hai baglamukhi devi ki. is namakaran ke sanbandh men ukti hai baglamukhmiv mukhan yasya baglamukhi arthat aisi devi (shakti ka vah svarup) jiska mukh bagle ke mukh ki bhanti ho. baglamukhi tantra ki prashansa men kaha gaya hai. bagla sarva siddhida..................’ sarvan kaman vapnuyat .................. arthat baglamukhi devi ka stavana-pujan karne vale bhakt (anushthanakarta) ki sabhi manokamnaen purn hoti hain. tantra granthon men baglamukhi tantra ko iski vishishtata ke karan atyant shreshth sthan prapt hai. sarvatra iski prashansa hi upalabdh hai. mantra maharnav men- yasya smaran matren pavno'pi sthirayte arthat is tantra ko siddh kar lene ke bad iske smaran matra se hi prachand pavan bhi sthir ho jata hai. shaiv, vaishnav adi vibhinn matavlanbiyon ne bhi baglamukhi tantra ki shreshthata ko svikar kiya hai. sabhi tantrikon, sadhkon ne iska muktakanth se gungan karte hue ise adbhut, ashcharyajanak, chamatkari bataya hai. baglamukhi tantra ke sadhak ke lie kuch bhi asadhya nahin hai. is tantra ke madhyam se vishva ka pratyek karya sanbhav hai tatha sanpurn vishva ki shakti bhi is tantra se takkar lene men asamarth hai. shatru-vinash, mukdma adi mamlon men vijay adi ke lie baglamukhi tantra se barhakar koi anya tantra nahin hai aur tantrik shatkarmon, visheshakar stanbhan karyon ke lie ramban hai. shatruon par vijay prapt karne ke uddeshya se iska prayog prachin kal se hota a raha hai. chandragupt, vikramaditya, samudragupt aur shivaji jaise pratapi hindu rajaon ne bhi apne shatruon ko parast karne ke lie is tantra ka sahyog liya aur apne tantrikon se iska prayog karvaya tha. ek or, jahan is tantra ka prayog hindu rajaon ne apne shatruon ka man-mardan karne ke lie kiya, vahin dusri taraf muslim rajaon ne bhi iski sahayta li. prasiddh itihaskar richard bran ke anusar mugal samrat aurangjeb jaise kattar muslman raja ne bhi apne shatruon ko parajit karne ke lie anya upayon ke atirikt baglamukhi tantra ki sadhna bhi karvai thi. is tantra ke sadhak ka shatru chahe kitna bhi prabal kyon n ho, sadhak se avashya parajit ho jata hai. iska vidhivat prayog karne par sabhi manorthon ki purti sanbhav hai. baglamukhi ka vaidik artha: baglamukhi vaktra maharudra ki mahashakti hain. vaidik shabd ‘balgamukhi’ hi kalantar men baglamukhi ho gaya. baglamukhi ka sidha sanbandh prani ke atharva sutra se hai jiske sahyog se maran, mohan, uchchatan adi prayog kie ja sakte hain. pauranik kathaon ke anusar devta shatruon par isi ke madhyam se sukshm prahar kiya karte the. prayojan ya uddeshya: maran, mohan, uchchatan, vashikaran, anisht grahon ki shanti, manchahe vyakti ka milan, dhan labh evan mukdme men vijay prapt karne ke lie baglamukhi mantra ka jap, stotra path, kavach path aur anushthan shighra faldayak hote hain. jap ka sthan: shuddh, ekant sthan ya ghar, parvat ki choti, ghanghor jangal, siddh pashan grih athva prasiddh nadiyon ke sangam par apni suvidhanusar ratri ya din men baglamukhi ka anushthan karen. par is sadhna men ek vastra dharan karne aur khule sthan ka nishedh hai. yadi khula sthan ho to upar se kapra ya chandova vagairah lena chahie. asan aur bistar uni v pile rang ke hon to uttam rahega. vastra tatha pushp vichar: baglamukhi ki puja-aradhna chanpa, kaner adi pit vastra dharan kar pit pushpon se karni chahie. bhojn: baglamukhi anushthan men madhyahn ke samay dudh men haldi milakar, chay, falahar adi tatha ratri men kesar yukt khir, besan ke laddu, bundiya, puri, shak adi grahan karen. jap vidhan: anushthanakarta ko chahie ki apne bare-chote karya ke anusar baglamukhi mantra ka ek lakh, 36 hajar ya das hajar jap yathasanbhav 21, 11, 9 ya 7 din men karen. yadi pas men baglamukhi devi ka mandir ho to usmen athva kisi shuddh sthan par ek choti chaiki athva patte par pila vastra bichakar us par pile chaval se ashtadal banakar us par baglamukhi devi ka chitra evan yantra sthapit karen. pratham din jitni sankhya men jap karen, utni hi sankhya men pratidin karna chahie. bich men nyunadhik karne se jap khandit ho jata hai. sadhna vidhan: baglamukhi tantra ki sadhna ka vistrit vivaran kai prachin granthon (brihad niltantra, mantra maharnav adi) men prapt hota hai. nam matra ke antar se lagabhag sabhi men sadhna ki ek hi paddhati batai gai hai. baglamukhi devi ki aradhna hetu sarvapratham shubh muhurt men ek yantra ka nirman kisi dhatu patra (sone, chandi athva tanbe ke pattara) par karna chahie. shreshthata ki drishti se ubhra hua yantra vishesh uttam hota hai. gahre ankan vale yantra men chandan, kesar aur haldi ka prayog kar uske gaddhon ko bhar dena chahie. yadi dhatu patra par utkirnit yantra sulabh n ho to bhojapatra par ankit karna chahie. bhojapatra par yantrankan anar ki danthal ki kalam tatha ashtagandh ki masi se karna chahie. ashtagandh ke abhav men kapur, agar, kasturi, shrikhand tatha kunkum se bhi masi banai ja sakti hai. dhyan rahe ki yantra ka rekhankan purnataya shuddh ho. uske bichobich bindu, usko gherta hua trikon, usko gherta hua shatkon jo ek vritt se ghira ho, vritt par ashtadal hon aur ashtadal ko shodash dal chakrakar ghere hon. yah chakra bhi sidhi rekhaon se charon or ghira hona chahie. yathasthan shabd bhi ankit rahen. yantra ka nirman ravi pushya athva guru pushya jaise kisi shubhyog men karke uski pran pratishtha karni chahie. yah karya kisi yogya purohit ke sannidhya men karna chahie. yantra siddh ho jane par use apne ekant sadhna kaksh men sthapit karke nitya uska pujan evan baglamukhi mantra ka jap karna chahie. jap sankhya ke vishay men granth ekamat nahin hain, unmen das hajar, chalis hajar, ek lakh, sava lakh adi ka nirdesh hai. samanyatah pachas hajar jap se bhi yantra siddh ho jata hai. yantra siddh ho jane par uske samaksh kuch hi samay tak mantra ka jap karne se sanpatti aur aishvarya ki prapti hoti hai. sath hi rog, rin aur bandhan se mukti, vishashaman, kalh-krodh ka shaman, stanbhan, vashikaran, shatru-jay adi kamnaon ki purti hoti hai. tantra shastra men varnit baglamukhi mantra is prakar hai ‘¬ inin baglamukhi ! sarvadushtanan vachan mukhan padan stambhay jihvan kilay buddhin vinashay inin ¬ svaha.’ purvalikhit baglamukhi yantra aur yah baglamukhi mantra hi baglamukhi tantra ka muladhar hai. is baglamukhi mantra ke jap ki prakriya is prakar hai. sarvapratham nimnalikhit viniyog mantra parhte hue dahine hath se baglamukhi devi ki pratima ya yantra ke sammukh tin bar jal choren. viniyog mantra: ¬ asya shri baglamukhi mahamantrasya narad rishiah trishtup chandah. shri baglamukhi devta, inin bijan svaha shaktiah halri kilkan mam shri baglamukhi prityarthe jape viniyogah. iske bad nimnalikhit mantra se rishyadinyas karen. rishyadinyas mantra: ¬ narad rishye namah (shirsi), ¬ trishtup chandase namah (mukhe), ¬ baglamukhi devtayai namah (hridyoah), inin bijay namah guhye svaha shaktaye namah padyoah halri kilkay namah nabhau ¬ viniyogay namah (sarvange) rishyadinyas ke pashchat karanyas nimnalikhit mantra se karna chahie. kar nyas mantra: ¬ inin angushthabhyan namah. ¬ baglamukhi tarjanibhyan namah . ¬ sarvadushtanan madhyamabhyan namah . ¬ vachan mukhan padan stambhay anamikabhyan namah . ¬ jihnan kilay kanishthikabhyan namah. ¬ buddhin vinashay inin ¬ karatal kar prishthabhyan namah . hridyadinyas ¬ ¬ inin hridyay namah. ¬ baglamukhi shirse svaha. ¬ sarva dushtanan shikhayai vashat. ¬ vachan mukhan padan stambhay kavchay hum. ¬ jihvan kilay netratrayay vaushat. ¬ budindh vinashay inin svaha astray fat. hridyadinyas karne ke pashchat nimn shlokon ka path kar baglamukhi devi ka dhyan karen. dhyanartha: madhye sudhabdhi-manimandp-ratnavedi, sinhasno parigtan paripit varnam. pitambarabhrn-malya-vibhushitanngim, devin namami dhrit- mudgara-vairiji hnam.. jahnagramaday karen devim vamen shatrun paripidayantim. gadabhighaten ch dakshinen, pitambaradhyan dvibhujan namami.. arthat sudha sagar ke madhya manimay mandap men ratn nirmit vedi ke upar jo sinhasan hai, baglamukhi devi us par virajman hain. ve pitavarna hain tatha pitavastra, pitavarn ke abhushan tatha pitavarn ki hi mala ko dharan kiye hue hain. unke ek hath men mudgar tatha dusre men shatru ki jibh hai. ve apne bayen hath men shatru ki jibh ke agrabhag ko dharan karke dayen hath ke gadaghat se shatru ko pirit kar rahi hain. pitavastron se vibhushit un baglamukhi devi ko main naman karta hun. devi ka dhyan karne ke bad mansopchar pujan kar bahyapuja aranbh karen. sarvapratham aghrya sthapan karen. apni bayin or trikon mandal banakar uske madhya men ¬ prithvyai namah ¬ kamlay nam ¬ sheshay namah mantra se gandh pushpadi se pujan karen. pifar ¬ agnimandlay dashklatmane baglaghrya patrasnay namah parhakar us trikon ke upar aghryapatra rakhakar uske upar ¬ dashklatmane agnimandlay namah se pushp, akshat se pujan karen. uske bad akshat, gandh, pushp se aghryapatra ke jal men nimn mantra se pujan karen- ¬ suryamandlay dvadash kalatmane baglaghryapatray namah, dvadash kalatmane surya mandlay namah, ¬ sommandlay shodash kalatmane baglaghryapatray namah . iske pashchat jal men ankush mudra se tinon ka avahan karen. fir 10 bar hun mantra ka jap dhenumudra men v mantra 10 bar evan devi ke mul mantra se matsya mudra 10 bar karke fir yoni mudra se jal ko pranam karke jal ko apne upar evan pujan samagri par chirken. iske bad pran-pratishthit baglamukhi yantra ka pith-pujan karen. pith puja ke bad ¬ jayayai namah, ¬ vijyayai namah, ¬ ajitayai namah, ¬ aprajitayai namah, ¬ nityayai namah, ¬ vilasityai namah, ¬ dogdhrayai namah, ¬ aghorayai namah, ¬ manglayai namah mantra se navashakti ka pujan karne ke bad punah kurmamudra se pushp lekar apne hriday evan devi ke mukh se tej nikal kar apne nasika marg se anjli men pushp lekar mul mantra se yantra ke upar sthapit karen. iske bad avaran pujan karen. avaran pujan ke bad devi ke mul mantra ka jap karke stotra adi ka path karen. dhyan rahe devi ke kavach ka path sabse pahle karna chahie. purashcharana: mantra maharnav ke anusar baglamukhi mantra ek lakh jap karne par siddh ho jata hai, lekin kuch anya tantra granthon ke anusar is mantra ke purashcharan men sava lakh mantron ka jap hona chahie. meru tantra ke anusar to matra das hajar ki sankhya men jap karne se hi yah siddh ho jata hai. niyam ke anusar kaliyug men mantra ki nirdisht sankhya se chaiguni sankhya men jap karna shreyaskar hai. mantra siddhi ke lie pratidin ek niyat sankhya men hi jap karna chahie, kyonki tantra granthon men kaha gaya hai- yatsankhyaya samarabdhan tatkatrtavyamaharnisham. arthat pratham din jitni sankhya men jap kiya jae, utni hi sankhya men anushthan ki avdhi men pratidin karna chahie. bich men nyunadhik karne se anushthan khandit ho jata hai. jitna jap kiya jae uske dashansh ka havan, havan ke dashansh ka tarpan aur tarpan ke dashansh ka marjan karna tatha marjan ke dashansh ka brahman bhojan karana chahie. mantra siddh ho jane ke bad sadhak uska kabhi bhi prayog kar sakta hai. yadi yah samast kriya puri nishtha ke sath vidhivat puri ki jae to sadhak ke lie kuch bhi asanbhav nahin rah jata. vah kisi bhi samasya ke samadhan hetu baglamukhi devi ki kripa sahaj hi prapt kar leta hai. prayog aur unse milne vale pafl: madhu, sharkarayukt tilon se hom karne se vanchit log vash men hote hain. madhu, ghrit tatha sharkara yukt namak se havan karne se akarshan kshamata men vriddhi hoti hai. tel yukt nim ki pattiyon se havan karne se shatruon ka stanbhan hota hai. hartal, namak tatha haldi se lep karne par shatruon ka stanbhan hota hai. ratri ke samay shmashan ki agni men koyle, rai, paise aur guggul se hom karne se shatru ka shighra shaman hota hai. giddh tatha kaue ke pankh, sarson ke tel, bahere adi se chita ki agni men hom karne se shatru ka uchchatan hota hai. durva, giloy tatha lava ko shahad, ghrit aur shakkar ke sath milakar hom karne se sabhi rog dur hote hain. parvat par, van men, nadi ke tat par athva shivalay men baithakar mantra ka ek lakh jap kar tatha ekrangi gay ke dudh men mishrit madhu evan sharkara ko tin sau bar mantron se abhimantrit kar pine se samast kamnaon ki siddhi hoti hai tatha har prakar ke vishon ka prabhav nasht ho jata hai. para, maintil tatha hartal ko shahad ke sath pis kar mul mantra se dhai lakh bar abhimantrit kar apne sharir par lep karne vala manushya adrishya ho jata hai. hartal tatha haldi ke churn ko dhature ke ras men milakar usse shatkon men inin bij aur shatru ke nam ke sath stambhay likhen, fir mantra ke shesh aksharon se veshtit kar bhupur ka nirman karen. taduprant kumhar ke chak ki mitti lakar uske dvara ek sundar bail ki murti taiyar karen. us murti ke bhitar mantra ko rakh den. fir us bail par hartal ka lep karke pratidin uski puja karen. isse sadhak ke shatruon ki vani tatha sabhi kriyaklap stanbhit kar deta hai. shmashan bhumi men bayen hath se khappar lekar us par chita ke koyle se yantra ko likhen, fir us yantra ko abhimantrit karke shatru ki bhumi men gar den, uski gati sntbhit ho jaegi. indravaruni ki jar ko 7 bar abhimantrit karke pani men dal dene se varun adi devon dvara ki gai jalavarsha adi ka stanbhan ho jata hai. ashok aur karvir ke patra se havan karne se santan ki prapti hoti hai. guggul aur til se havan karne se kaidi karagar se chut jata hai. guggul aur ghi se havan karne se raja vash men rahta hai. gyatavya tathya: jab bhi baglamukhi devi ki aradhna karni ho, sadaiv mantra jap ke purva devi ke stotra tatha kavach ka path kar lena chahie. pujan ki sari samagri pile rang ki honi chahie. sadhna shubh muhurt men aranbh karni chahie tatha sadhna kal men brahmacharya ka palan avashya karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


baglmukhi visheshank  March 2009

bagulamukhi visheshank men ap jan sakte hai, shatru badha nivaran aur baglamukhi sadhna, shri baglamukhi mantra upasna vidhi, aishvaryadayak shri baglamukhi ka rahasya tatha baglamukhi yantra ka mahatva vistrit rup men parha ja sakta hai.

Subscribe

Apne vichar vyakt karein

blog comments powered by Disqus
.