सदाबहार भारतीय तीर्थ है चित्रकूट

sadabhar bhartiya tirth hai chitrakut  

Ank ke aur Lekh | Sambandhit Lekh | Views : 6087 |  
sadabhar bhartiya tirth hai chitrakut bharat ke tirth sthalon men koi sadadgiav bhole ka dham hai to koi jagat niyanta shri vishnu ka pratinidhitva karta hai. koi shri ram ke charan raj se param pavitra hai to koi shri krishn ki jivan, karm v lila bhumi hai. koi devi man ke pujnadi ki adi bhumi hai to koi sant mahatmaon ki kripa drishti se dharm nagri ke rup men sthapit hua. inhin men ek yugyugin tirth hai chitrakut, jise ramayan kalin bharat ke tirthon men uttamottam sthan prapt hai. valmiki ramayan, mahabharat, puran, smriti, upnishad v sahityik-pauranik sakshyon men khasakar kalidas krit meghdutam men chitrakut ka vishad vivaran prapt hota hai. tretayug ka yah tirth apne garbh men sanjoe svarnim prakritik drishyavliyon ke karan hi chitrakut ke nam se prasiddh hai jo lagabhag 12 varsh tak shri ram, mata sita v bhrata lakshman ki ashray sthali bana raha. yahin mandakini, payasvini aur savitri ke sangam par shri ram ne pitri-tarpan kiya tha. shri ram v bhrata bharat ke milan ka sakshi yah sthal shri ram ke vanvas ke dinon ka sakshat gavah hai, jahan ke asankhay prachya smarkon ke darshan se ramayan yug ki paristhitiyon ka gyan ho ata hai. janashruti hai ki brahma, vishnu aur mahesh ka ihlokagaman chitrakut tirth men hi hua tha. yahan ke sati anusuya ke ashram ko is katha ke praman ke rup men prastut kiya jata hai. guptakalin bharat ke tirthon men chitrakut ki ganna bhi ki gai hai. bad men is kshetra ka vikas raja harshavarddhan ke jamane men hua. bundel rajaon ke raj men bhi chitrakut ka vikas rath chalta raha. panna rajya ke rajaon ne bhi yahan ke vikasarth kuch karya kie. muglkal men khasakar svami tulsidas ke samay men yahan ki pratishtha-prabha punah mukhrit ho uthi. bharat ke tirthon men chitrakut ko islie bhi gaurav prapt hai ki isi tirth men bhaktaraj hanuman ki sahayta se bhakt shiromni tulsidas ko prabhu shri ram ke darshan hue. is sandarbh men ek katha hai ki tulsidas nitya jangal men shauch se lautte hue lote ke shesh jal ko raste ke ek babul ke per men aise hi dal ate. ek din usi per par ek betal jal ki abhilasha se para tha. is tarah tulsidas ke fenke jal se use tripti mil gai. fir usne bahar akar tulsidas se kuch vardan mangne ko kaha. tulsidas to thahre ramabhakt. unhonne turat mang ki ki hamen shriram se mila do. tulsidas ki is vani ko sun betal pahle to thithka, fir kaha ki tum mandir men ek vriddh (hanuman) se milo. vah bhagvan ram se milne men tumhari sahayta karenge. tulsidas ne betal ke nirdesh par hanuman ke darshan to kar lie par unke batae anusar ghore par baithe ram-lakshman ko pahchan nahin pae. unke atal bhakti bhav aur atal vishvas ko dekhte hanuman ji ne unhen shri ram se milane ke lie tote ka rup dharan kiya aur unke pas akar bole- chitrakut ke ghat par bhai santan ki bhir. tulsidas chandan ghise, tilak let raghuvir॥ is prakar, darshan ke bad tulsidas ne ati prasann ho manas likhne ka karya aranbh kiya. is kathanak ka ek sundar drishya yahan mandakini tat par dekha ja sakta hai, jahan chandan ghiste tulsidas ko shri ram ke pratyaksh darshan hue. jangl-jhar, nadi-nalon aur kund-talabon se ata pata chitrakut ek parvatiya sadhna tirth hai, jahan bhraman sthalon ki koi kami nahin hai. bharat varsh ke madhya bhag men sushobhit yah sthal yugon-yugon se sadhu-santon, rishi-muniyon aur sadhk-tapasviyon ke yagya, tap, sadhna v vihar ki sthali ke rup men khayat raha hai. chitrakut ke prasiddh darshaniya sthalon men shri kamtanath (kamdgiri), ramghat, janki kund, sfatik shila, gupt godavri, anusuya ashram, bhartkup, ram shayya, hanuman dhara adi pramukh hain. kamtanath ji ko chitrakut tirth ka pradhan devta mana gaya hai. vaise to mandakini nadi ke tat par chitrakut ke darshan ke lie bhakton ka ana-jana to sada laga rahta hai, par amavasya ke din yahan shraddhaluon ke agaman se vishal mela lag jata hai. manokamna puran mandir kamdgiri chitrakut ka mukhay akarshan hai. mandakini nadi ke kinare yah mandir vindhya ki suramya pahariyon ke bich sthit hai. mandir ke mukhay dvar par dhan ki devi lakshmi ke donon or sinhon tatha hathiyon ki murtiyan sthapit hain. mandir men vigrahon ki puja fulon, agar, nariyalon tatha lal vastron se ki jati hai, jo mandir ke parisar men hi upalabdh ho jate hain. shri kamdgiri ki parikrama ki mahima apar hai. shraddhalujan kamdgiri ko sakshat bhagavad vigrah manakar unka darshana-pujan aur parikrama avashya karte hain. chitrakut ke kendra sthal ka nam ramghat hai jo mandakini ke kinare shobhayman hai. is ghat ke upar anek nae-purane math-mandir, akhare v dharmashalaen hain. iske dakshin men raghav prayag ghat hai. yahan payasvini, mandakini aur gayatri (athva antahslila sarasvati) nadiyan akar milti hain. mandakini ke tat par avasthit hai janki kund, jahan ka prachin mandir darshaniya hai. nadi ke kinare shvet pattharon par yahan charan chihn hai. lok manyata hai ki isi sthan par mata sita snan karti thin. janki kund se kuch dur sfatik shila hai, jahan sfatikyukt ek vishal shila hai. manyata hai ki atri ashram ate jate samay sita aur ram is shila par vishram kiya karte the. yah vahi sthal hai jahan shri ram ki shakti ki pariksha lene ke lie indra putra jayant ne sita ji ko chonch mari thi. yahan shri ram ke charan chihn darshaniya hain. is sthan ka prakritik drishya bara chitraktu ka ramghat manare m hai. chitrakut se 12 ki.mi. dur dakshin-pashchim men ek pahari ki tarai men gupt godavri hai. vastutah yah do chattanon ke bich sada pravhman ek jaldhara hai. isse juri kai dantkthaen hain. manyata hai ki yah nasik se atahslila hokar yahan gupt rup se prakat hui hai. ramghat se 12 ki.midakshi an aji muni ka ashram hai jise ajakal parmhans ji ke ashram ke nam se jana jata hai. ye parmhans hi parmanand ji maharaj the jinhonne is sthal ka uddhar kiya. yahin par bana sati anusuya mandir bhakton ke nas-nas men bhakti ka sanchar karta hai. ramghat se lagabhag 20 ki.mi. ki duri par bharat kup hai. manyata hai ki shri ram ko vapas ayodhya lautane ae bharat ne rajyabhishek hetu lae gae samast tirthon ke jal ko isi kup men dal diya. iski mahima apar hai. yahan harek makar sankranti ko vishal mela lagta hai. hanuman dhara chitrakut ka ek aur pavitra sthal hai jahan ke bare men manyata hai ki lanka dahan ke uprant bhaktaraj hanuman ne apne sharir ke tap ko isi dhara ki jalrashi se bujhaya tha. yah dhara ramghat se lagabhag 4 ki. mi. dur hai. iska jal shital aur svachch hai. hal ke dinon men chitrakut ke tirthon men ek naya nam arogya dham ka jura hai, jo prakritik vidhi se manav chikitsa ke bharat star ke ek khayatnam kendra ke rup men sthapit ho chuka hai. iske alava van devi sthan, ram darbar, charan paduka mandir, yagyavedi mandir, tulsi sthan, sita rasoi, mattagayendranath ji shri, kaikeyi mandir, ramadarshan mandir adi yahan ki bhumi ko sushobhit kar rahe hain. chitrakut men chote vahan dvara ramghat se hi in sthalon ki yatra ki ja sakti hai, par iske lie pahle se hi bhare adi tay kar lena achcha hota hai. ilahbad se lagabhag 131 ki.mi. duri par avasthit chitrakut ka rel marg se sidha sanpark nahin hai. yahan jane ke lie ilahbad-jablpur rel khand par avasthit karvi namak sthal par utrna shreyashkar hai. yahan se lagabhag 8 ki.miki duri par chitrakut dham ke mukhay bajar sitapur se lagabhag kilomitar ke fasle par mandakini hai jiske donon kinaron par chitrakut avasthit hai. karvi se bas, motar, auto ya rikshe se chitrakut jaya ja sakta hai. vaise yahan satna se bhi bas dvara bhaktagan ate hain. yahan se chitrakut ki duri lagabhag 80 ki.mi. hai. chitrakut ke as-pas ke darshaniya sthalon men maihar, valmiki ashram, ramavan, r a j a p u r , virsingpur, viradh kund, sutikshn ashram adi pramukh hain, jahan tirthayatri apne samay v suvidha ke anusar jate hain. chitrakut shriram aur ramaynkalin kathanak ka sakshya hai. prasiddh samajvadi neta do. ram manohar lohiya ne bhi kaha tha ki jab kabhi chitrakut ata hun ,us dharti, us mitti ko naman karta hun jisne ram ke sankalp ko bal diya tha. chitrakut men mandakini ke kinare nauka par savar hokar is sach ko mahsus kiya ja sakta hai. madhya pradesh aur uttar pradesh donon rajyon men avasthit chitrakut men hal ke varshon se chitrakut mahotsav ka ayojan kiya jana bari hi sukhad bat hai. prabhu shri ram se jure parva-tyoharon ke avasar par chitrakut men mela lagta hai. har ramnvmi aur dipavli ke din yahan ka najara dekhne layak hota hai. yahan sabhi star ke logon ke lie khane aur thahrne ki suvidha hai. sachmuch chitrakut pavan hai, man bhavan hai, ramnik hai. tabhi to yahan ki yatra ki smriti ajivan bani rahti hai. chitrakute shubhe kshetre shriramapadbhushite.
Kya aapko lekh pasand aaya? Subscribe

Kya aapko lekh pasand aaya? Subscribe


baglmukhi visheshank  March 2009

bagulamukhi visheshank men ap jan sakte hai, shatru badha nivaran aur baglamukhi sadhna, shri baglamukhi mantra upasna vidhi, aishvaryadayak shri baglamukhi ka rahasya tatha baglamukhi yantra ka mahatva vistrit rup men parha ja sakta hai.

Subscribe

Apne vichar vyakt karein

blog comments powered by Disqus
.