भद्रा एवं दोष परिहार

bhadra evan dosh parihar  

Ank ke aur Lekh | Sambandhit Lekh | Views : 1344 |  
kisi bhi manglik karya men bhadra ka yog ashubh mana jata hai. bhadra men manglik karya ka shubharanbh ya samapan donon hi ashubh mane gaye hain. puranon ke anusar bhadra bhagvan surya dev v devi chaya ki putri v raja shani ki bahan hai. shani ki tarah hi inka svabhav karak hai. acharya shripti ne kaha hai ki jis samay devasur sangram men devtaon ki parajay ko dekhakar shri shankar bhagvan ko krodh utpann ho gaya aur unki drishti hriday par par jane se ek shakti utpann ho gai jo gardabh (gadha) ke se munh vali, sat bhuja vali, tin pair yukt, lambi punch aur sinh ke saman gardan se yukt, krish pet vali thi. vah perat par savar hokar daityon (rakshason) ka vinash karne lagi. isse prasann hokar devtaon ne ise apne kanon ke samip men sthapit kiya atah ise karnon men gina jane laga. is prakar kale varn, lambe kesh, tatha bare dant v bhanyakar rup vali, sat hath vali, duble pet vali, mahadev ji ke sharir se utpann hokar daityon ka vinash karne vali bhadra ka janm hua. panchang men bhadra ka mahatva hindu panchang ke panch pramukh ang hote hain- tithi, var, nakshatra, yog v karan. karan tithi ka adha bhag hota hai. karan gyarah hote hain. ismen 7 karan char v 4 karan sthir hote hain. 7ven char karan ka nam hi vishti ya bhadra hai. bav, balav, kaulav, taitil, gar, vanij aur vishti (bhadra) char karan hain aur sthir karan hain - shakuni, chatushpad, nag, kinstudhn. bhadra tinon lokon men ghumti hai, mrityulok, bhu-lok evan svarg lok. jab vah mrityulok men hoti hai to avashyak karyon men badhak hoti hai. bhadra ke dosh ka parihar nimnankit char sthitiyon men hota hai- 1. svarg ya patal men bhadra ka vas ho. 2. pratikul-kal vali bhadra ho. 3. dinarddh ke anantar vali bhadra ho. 4. bhadra ka puchch kal ho. 1. svarg ya patal men bhadravas:- jis bhadra ke samay chandrama mesh, vrish, mithun, vrishchik rashiyon men ho us bhadra ka vas svarg men, jis bhadra ke samay chandrama kanya, tula, dhanu, makar rashiyon men ho uska vas patal aur jis bhadra ke samay chandrama kark, sinh, kumbh, min rashiyon men ho us bhadra ka vas bhumi par mana jata hai. shastron ka nirnay hai ki vahi bhadra doshkarak hai, jiska bhumi par vas ho. shesh (svarg ya patal men vas karne vali) bhadraon ka kal shubh mana gaya hai. ‘‘bhulokastha sada tyajya svarga-patalga shubha.’’ isse spasht hai ki mesh, vrish, mithun, kanya, tula, vrishchik, dhanu aur makar rashi men chandrama ki sthiti ke samay ghatit hone vali (arthat svarga-patalvasi) bhadraen shubh hone se mangal karyon ke lie shubh hain. spasht hai, parihar ke is niyam ke anusar bhadra ka 67 pratishat kal, jise ham ashubh samjhte hain, mangal karyon ke lie shubh hota hai. 2. pratikul-kal vali bhadraah- tithi ke purvarddh men rahne vali (yani krishn paksh ki 7, 14 aur shukla paksh ki 8, 15 tithiyon vali) bhadraen ratri ki bhadraen kahlati hain. yadi din ki bhadra ratri ke samay aur ratri ki bhadra din ke samay a jae to use ‘‘pratikul kal vali bhadra kaha jata hai. pratikul-kal vali bhadra ko acharyon ne shubh mana hai- ratri bhadra yada'hni syad diva bhadra yada nishi. n tatra bhadradoshah syat sa bhadra bhadradayini.. yadi ‘ratribhadra’ ratri ke samay aur ‘dinabhadra’ din ke samay ghatit ho to use ‘anukul kal vali bhadra’ kaha jata hai, aisi bhadra ko hi ashubh mana gaya hai. 3. dinarddh ke anantar vali bhadra:- jo bhadra dinarddh (madhyahna) se purvavarti kal men ho use ashubh aur jo uske (madhyahna) ke paravarti kal men ho, use shubh mana gaya hai- vishtirangarakashchaiv vyatipatashch vaidhritiah. pratyari-janmanakshatran madhyahnat partah shubham.. bhadra ko var ke anusar bhi nam diye gaye hain. somvar evan shukravar ki bhadra ho to kalyani, yadi shanivar ko bhadra ho to vrishchiki, guruvar ko ho to punyavti, ravivar, manglvar aur budhvar ko ho to bhadrika ki sangya di gayi hai. 4. bhadra ka puchchakal: kashyap sanhita anusar mukhe panch gale tveka vakshasyekadash smritaah. nabhau chatasrah shat katyan tistrah puchchakhyanadikaah.. karyahaniah mukhe mrityurgale vakshasi niahsvata. katyamunmattata nabhau chyutiah puchche dhravo jayah.. arthat bhadra ki 30 ghariyon men se pahli panch ghariyan (kul kal ka shashthansh) uska mukh, uske bad ek ghari gala, 11 ghariyan vaksh, 4 ghariyan nabhi, 6 ghariyan kamar aur tin ghariyan (kul kal ka dashmansh) uski puchch hoti hai. mukhkal men karyahani, kanthakal men mrityu, vakshakal men nirdhanata, katikal men pagalapan, nabhikal men patan aur puchchakal men nishchit vijay hoti hai. yadi bhadra 30 ghari se adhik ki ho to mukh v anya ang bhi shashthansh ki gannanusar bare honge. sabhi muhutrt granthon men bhadra ke mukh kal ko ashubh aur puchch kal ko shubh likha gaya hai. bhadra sarpini ki bhanti apna mukh puchch ki or karke rahti hai. arthat jahan puchch samapt hoti hai vahin mukh praranbh hota hai lekin vibhinn tithiyon men mukh ka praranbh kal alg-alag hota hai. vibhinn tithiyon vali bhadraon ke mukh aur puchch ka praranbh kal, jo muhutrt sanhita granthon men batlaya gaya hai, uprokt talika men varnit hai. talikanusar krishnapaksh ki tritiya tithi vali bhadra ka mukh is bhadra ke chaithe prahar ke prarambh men is bhadra ke shashthansh tulya samay tak aur iski puchch iske tisre prahar ke ant men is bhadra ke dashmansh tulya samay tak rahegi. saransh -svarg aur patalvasi bhadraen shubh hain, bhuvasi nahin. - bhuvasi bhadra bhi shubh ho jati hai, yadi vah pratikul kal vali ho. - yadi bhadra bhuvasi hai, vah pratikul kal vali bhi nahin hai, tab bhi vah shubh hogi, yadi vah dinarddh ke bad ho. - atyavashyakta ki sthiti men bhadra ke mukhkal ko chorakar shesh bhag men shubh karya kiya ja sakta hai. is sthiti men yadi ho sake to puchch kal ko prathmikta di jani chahie. karyon'tyavashyake vishteah mukhmatran parityajet. - bhadra ke puchchakal pratyek sthiti men shubh hain. jo vyakti pratah kal bhadra ke 12 namon ka smaran karta hain to uske sabhi karya nirvighn sanpann hote hain. dhanya dadhimukhi bhadra mahamari kharanna. kalratrirmaharudra vishtisch kul putrika .. bhairvi ch mahakali asuranan kshayankri . dvadshaiv tu namani pratrutthay yah pathet.. arthat dhanya, dadhi mukhi, bhadra, mahamari, kharanna, kalratri, maharudra, vishti, kulputrika, bhairvi, mahakali, asurakshayankari dvadash nam pratah lene se bhadra shubh faldayi hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.