तंत्र साधना: एक विवेचन

tantra sadhna: ek vivechn  

Ank ke aur Lekh | Sambandhit Lekh | Views : 2058 |  
tantra ke siddhant gupt rakhe jate hain. guru shishya ko gupt rup se ise samjhata tha. kai vidvanon ne ise gyan ke kshitij ka vikas mana hai. bharat men gyan ki prachintm shakhaen nigam aur agam kahlati hain. nigam vedon par adharit hai aur agam tantron par. tantrik sahitya ka kshetra kafi vistrit hai. mukhyatah ise tin bhagon men banta gaya hai- brahman tantra, bauddh tantra aur jain tantra. brahman tantra ki 3 shakhaen hain- vaishnav agam, shaiv agam, shakta agam. bangal, urisa, kamrup (asm) pradesh tantra sadhnaon ke kendra rahe hain. tantrik kriyaon men mantron ka bhi upyog kiya jata hai. atah tantra ke sath mantra avashyak hai, jabki mantra jap apne ap men svatantra ikai hai. tantrik log himalay ki upatyakaon men tantrik sadhna karte the. prachin shilalekhon evan sindhu ghati ki sabhyataon ke avsheshon men tantrik yogiyon ke chitra ankit milte hain. tibbat ke mathon men tantra sadhna kendron ka nirman kiya jata tha. yog, darshan aur tantra sadhna ka apas men ghanishth sanbandh raha hai. tantra sadhna men ‘kundlini jagrn’ ka bhi vishesh mahatva hai. kanudlini shakti ka nivas muladhar chakra men bataya gaya hai. yah muladhar chakra rirh ki haddi ke sabse nichle chor men hai, jise adhunik sharir vigyan men gudasthi kaha jata hai. tantra granthon men iska jo ullekh milta hai, usmen kaha gaya hai ki yahan svayan bhuling hai, jiske 3) kundal mar kundlini shakti soyi pari hai. hath yog pradipika men kaha gaya hai ki is shakti ka nivas yoni sthan men hai. pratyek vyakti ka sharir uske apne angul se 96 angul hota hai. muladhar chakra is sharir ke madhya arthat 48 ven angul par hai. yogi ya siddh tantrik jab is shakti ko jaga deta hai, tab kundl khul jate hain. bandhan samapt ho kar udhrvagti praranbh ho jati hai. rigved men is shakti ko vak kaha gaya hai. ‘yamal tantra’ men ise ‘bageshvari’ kaha gaya hai. ‘mistiriyas kundlini’ pustak men pashchim ke paramnovaigyanik dae. jan vudruf ne likha hai: yah mahashakti hai. jab yah jag jati hai, tab iski asim urja prasfutit hone lagti hai. yah urja sushumna nari se ho kar sahasrar ki or barhne lagti hai. sahasrar ka sthan mastishk ka upri bhag mana gaya hai. ise shunya chakra bhi kahte hain. adhunik vigyan ke anusar yah vichar shakti aur sharir ka vikas karne vali giltiyon ka kendra hai. samanya bhasha men kundlini sharir men mul shakti ka sukshm ang hai, jo kundal ke akar men muladhar men sushumna nari ke niche mana gaya hai. vaidik vangamay ke anusar yah shakti kundal pindon aur akhil brahmand donon ka adhar hai. kundlini jagaran par vyakti men paroksh darshan shakti, trikal darshita ki anubhuti evan vishisht indriyatit shakti jagrit ho uthti hai. stainford anusandhan sansthan ke vaigyanikon ne prasiddh bhavishyavakta yuri gelar ko ek kamre men band kar diya. kamre ki divaron par dhatu ki chadren lagayi gayin. is kamre men bahar ki rediyo tarangon, dhvani adi ka ana sanbhav nahin tha. bahar kisi vyakti ne kuch shabd chitra bana diye. kamre men band yuri gailar ne vaise hi shabda chitra bana diye. yah yuri gailr ki atindriya shakti ka praman hai ki manav man men asim kshamata aur shakti vidyaman hain. sammohan vidya bhi man ki asim shakti ka parichayak hai. yog darshan sutra ke anusar akash men chamkne vali vidyut ke saman manushya ke sharir men bhi jaivik vidyut dhara pravahit hoti rahti hai. tantra sadhna ka hi ek vam margi rup aghor sadhna hai. aughar ki siddhiyon evan uske chamatkaron ke sanbandh men bhi kafi suna-parha jata hai. tantrik sadhna ka sashakt paksha paramnovigyan par adharit hai. aghor ka arth hai, jo sansari nahin hai. ghor ka arth sansar hai. ‘a’yhan nakaratmak hai. aghori shabd ka bigra rup aughar hai. is sanpraday men varansi ke baba kinaram kafi prasiddh evan charchit aghori hue hain. yogi gorkhnath, matsyendranath, charpatanath, jalandhrnath adi nath sanpraday ke yogiyon ne tantra sadhna ke bal par hi siddhiyan prapt kin. daivi aur adhyatmik shaktiyon ke sath-sath pret shaktiyan bhi anant akash men vicharan karti hain. tantra siddhiyon dvara inhen vash men kiya jata hai. yah bhi samajh lena chahie ki tantrik siddhiyan anushasan ya achar par adharit hain, jaise divyachar, virachar, vamachar aur pashyachar adi. samanyatah siddhi ka arth kisi vishesh shakti ko prapta karna hai. vibhinn prakar ki siddhiyan: jansamanya men nimn prakar ki lokapriya siddhiyan prachlit hain: (1) betal siddhi (2) yakshini siddhi (3) karn pishachini siddhi (4) kali siddhi (5) svapn siddhi (6) shabr tantra siddhi (7) akash gaman siddhi (8) sammohan siddhi (9) vashikrn siddhi (10) parkaya pravesh siddhi (11) aghori siddhi (12) bhairvsiddhi (13) kuber siddhi (14) vak siddhi (15) maran siddhi (16) tratk siddhi (17) jal gaman siddhi (18) apsara siddhi (19) shmashan siddhi (pret siddhi) (20) drishti bandh siddhi (21) atmaraksha siddhi (22) uchchatan siddhi (23) chaya purush siddhi (24) baglamukhi siddhi (25)yog siddhi (26) kiln-utkiln siddhi aur (27) saundarya prapti siddhi. ‘karn pishachini siddhi’ men adrishya shakti tantrik ke kan men pas baithe vyakti ki bhut kal ki ghatnaen batla deti hain. siddhiyon ko prapta karne ke lie siddhi se jure pratyek karya evan vastuon ki purn jankari hona avashyak hai. apurn jankari aur yogya margadarshan ke abhav men siddhi prapti nahin ho pati hai. muhurt men hi, kal-nakshatra ganna ke anusar hi, siddhi prapti ke lie sadhna praranbh ki jani chahie. is karya men shraddha, vishvas, astha, atmavishvas, dhairya evan ekagrata adi gunon ki param avashyakta hai. sachche drishtant: athvin shatabdi men urisa ka raja indrabhuti tha, jo svayan bara tantrik tha. uske putra padmasanbhav ne tibbat men tantrik bauddha dharm ka prachar kiya. us kal men bangal, asam, kashmir aur dakshin men tantra fal-ful raha tha. athvin shatabdi men hi yah chin pahuncha aur barhvin shatabdi men japan. chin men aj bhi, samyavadi sarkar hone ke bavjud, gupt rup se jadu-tona, tantra vidya adi ke prati logon ki astha hai. kashmir ke tantracharya abhinav gupt bangal men tantra ka prachar karne aye. bangal ke tatkalin raja virabhadra sen ne abhinav gupta se koi chamatkar dikhane ko kaha. abhinav gupt ne apne donon skandhon se jal aur agni ki dhara pravahit ki aur, anek rup dhar kar, charon dishaon se updesh dene lage. vah akash men uthe aur jab vapas aye, tab bare joron se varsha hone lagi. par niche khare darshakon men se keval ve hi bhige, jo bhigna chahte the. baki ke log sukhe hi rahe. tantra siddhiyan kvantam thyori (siddhant) par bhi adharit hain. pramatra siddhant adrishya urja ko pramanit karti hai. san 1910 men dae. jung ne landan men apni mansik shakti ka pradarshana kiya tha. is shakti ke karan kamre men vastuen apne ap chalne lagin, mano koi bhuchal a gaya ho. daejung ne isi shakti ke bal par kai mansik rogiyon ko arogya labh diya. man ki purn ekagrata se hi tantra sadhna sanbhav hai. iske lie drirh sankalp evan atmasanyam avashyak hai. varshon ki anavarat sadhna se tantra siddhiyan milti hain.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.