दीपावली का पूजन कब और कैसे करें?

dipavli ka pujan kab aur kaise karen?  

Ank ke aur Lekh | Sambandhit Lekh | Views : 706 |  
samriddhi ki pratik mahalakshmi kamla ki upasna sthir sanpatti ki prapti tatha nari-putradi ke saukhya ke lie ki jati hai. shri adi shankracharya dvara rachit kank dhara stotra evan shri sukt ka path, sath hi kamal gatte ki mala par ‘shri mantra’ jap, bilva patra aur bilva fal ka havan karne se man kamla ki vishesh kripa hoti hai. sadhak ashtami, navmi, chaturdashi ki madhya ratri men shri sukt ki richa se trimdhu mishrit bilva fal havan karte hain, jisse shri lakshmi ko kripa karni parti hai. shri sukt ke anusar sansar ke jitne ramniya vastu, tatva hain, ve sabhi lakshmi ke suchak hain. samriddhidatri lakshmi evan shri ganesh ki mitti, ya dhatu ki sundar pratima ki vyavastha karen. chaiki, ya patte par unhen sthan den. chaiki ya patte par roli se asht dal kamal banaen. uprant chaiki ya patte par ek naya pile rang ka vastra bicha den. ganpti ke dahine bhagvti lakshmi ki murti rakhen. yadi kisi siddh vyakti dvara nirmit shri yantra, kuber yantra athva bisa yantra ho, to vah bhi rakhen. ganpti aur lakshmi ki murti ek sidh men n rakhen. sanbhav ho, to ve ek dusre ke samne hon. puja ke aranbh men hath n joden. puja ke ant men mastak jhuka kar pranam karen. puja ke aranbh mane sarvapratham achmn karen. hath men jal le kar akshat ke sath pujan ke lie sankalp karen. sankalp ke bad jal tatha akshata shri ganesh ji ko samarpit karen tatha ganesh ji ka pujan karen. ganesh ji ke pujan ke bad bayen hath men akshata le kar dahine hath se shri ganesh ji ki pratima par choren tatha nimn mantra ka uchcharan karen. ¬ mano jutirjushtamajsya vrihaspatiryagyamiman tanotvarishtan yagyan samimanddhatu vishvedevas.. ih madayantamo'mpratishth. ¬ ashyaiah pranaah pratishthantu asyaiah pranaahksharantu ch. asyaiah devatvamarchayai mamheti cha kashchan. kalash pujan ke pashchat bhagvti ka pujan karen. tatpashchat dahine hath men pushp le kar bhagvti mahalakshmi ka dhyan karen. mantra parhte hue pushpon ko bhagvti ki murti par charha den. dhyan ke bad bhagvti ka ahnan karen: sarva lokasya janni sarva saukhyapradayinim. sarvadevmyimishan devimavahyamyaham.. ahnan ke bad asan ke lie kamal, ya gurahal ka pushp, nimn mantra ke sath, bhagvti ko arpit karen: tappatan kanchanavarnam akramni vibhushitam. amlan kamlan divyamaran pratigrihtam.. asan pujan ke bad, chandan aur pushpa le kar, dahine hath men jal, chandan, pushp arpit karte hue, yah mantra padhenah gangaditirth sambhutan gandha pushpadibhiahpriyatam. paùn dadamyahan grihanashu namostute. uske bad nimn mantra se jal arpit karen: sarvalokasya ya shakti bramha vishnuvadibhiah stuta. dadamyachmn tasyai mahalakshmyai manoharam.. achaman ke bad panchamrit snan karaen. tatpashchat shuddh jal se snan karaen. bhagvti ko vastra arpit karen. yadi sanbhav ho, to abhushan bhi arpit karen. anamika anguli se chandan lagaen. bhagvti ko sindur charhaen. kumkum arpit karen. sugandhit tel charhaen. kumkumyukt akshat arpit karen. bhagvti ko pushpon ki mala charhaen. ganesh ji ko 32 durva charhaen tatha roli, akshat aur fulon se bhagvti ke sabhi angon ko mantra ke sath pujen. un chaplayai namah padau pujyami. un chanchlayai namah janun pujyami. un kamlayai namah katin pujyami. un kanyayanyai namah nabhiah pujyami. un jaganmatre namah jathre pujyami. un vishvavallabhayai namah vakshastha pujyami. un kamlvasinyai namah hastau pujyami. un padmasnayai namah mukhe pujyami. un kamal patrakshyai namah gealatrayan pujyami. un shriyai namah shirah pujyami. un mahalakshmyai namah sarvagan pujyami. sungdhit agar arpit karen. bhagvti ko dipak dikhaen. pushp chor kar naivedya arpit karen. achaman karaen. punah fal arpit karen. dakshina arpit karen. uske bad un hri shrin hrin mahalakshmyai svahaah, is mantra se gay ka ghi, madhu, shakkar mishrit bilva fal ke 108 tukron se havan karen. uske bad nirajan karen. ant men arti karen. hath ko pavitra kar lane. uske bad kuber, kali adi ka pujan karen. kuber ke pujan men haldi, dhaniya, kamal gatta evan durva se yukt chandi ke kuch sikke kuber ko arpit karen. uske bad, yadi suvidha ho to, shri sukt ki 16 richaon ka path karen. yadi mahadevi men purn astha ho, to lakshmi chahne vala vyakti, ‘shri kamya shri suktan sattan japet’ kanthasth kar ke, sabhi avastha men, chalte-firte, sthit hone par, kahin bhi jap kar sakta hai. ant men mantra parhen. hath men akshata len. ‘yantu devagnaah sarvepujamaday mamkim. ishtakam samriddhayartha punragmnayach.’
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.