मां दुर्गा के विभिन्न रूप

man durga ke vibhinn rup  

Ank ke aur Lekh | Sambandhit Lekh | Views : 759 |  
sati’ ke pita ka yagya dekhne, vahan ja kar mata aur bahnon se milne ka prabal agrah dekh kar bhagvan shankar ne, unhen vahan jane ki anumti de di. ‘sati’ ne pita ke ghar pahunch kar dekha ki koi bhi unse adar aur prem se batchit nahin kar raha hai. unhonne dekha ki vahan bhagvan shankar ke prati tiraskar ka bhav bhara hua hai. pita daksh ne bhi bhagvan ke prati apmanajanak vachn kahe. yah sab dekh kar ‘sati’ ka man glani aur krodh se santapt ho utha. vah apne pati ka apman na sah sakin aur unhonne apne apko yagya men jala kar bhasm kar liya. agle janm men sati ne nav durga ke rup dharan kar ke janm liya, jinke nam hain: 1. shailputri 2. brahmacharini 3. chandraghanta 4. kushmanda 5. skandmata 6. katyayni 7 kalratri 8. mahagauri 9.siddhidatri sadhak nav ratron men durga ko pujte hain aur manvanchit fal prapt karte hain. shailputri pratham nav ratri ko shailputri mata ki puja ki jati hai. vandna mantra vande va×ichtlabhay chandrardhakritshekhram. vrisharudhan shuldhran shailputrai yashasvinim. shail putri durga ka mahatva aur unki shakti anant hain. is prathm din ki upasna men yogi apne man ko ‘muladhar’ chakra men sthit karte hain. yahin se unki yog sadhna ka praranbh hota hai. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar ke, tanbe ka shailputri mata ka chitrayukt bisa yantra bhakton men banten, to aur bhi labh prapt hota hai. brahmacharini dvitiya nav ratri ko brahmacharini mata ki puja ki jati hai. vandna mantra dadhana karapadmabhyamakshamalakamandalu!. devi prasidtu mani brahmacharini yanuttama.. man durga ka dusra svarup unke bhakton ko anant fal dene vala hai. nav durga pujan men dusre din sadhk ka man ‘svadhishthan’ chakra men sthit hota hai. is chakra men avasthit man vala yogi inki kripa aur bhakti prapt karta hai. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar ke, tanbe ka brahmacharini mata ka chitra, bisa yantrashit, devi bhakton men bantane, to aur bhi adhik labh prapt hota hai. chandraghanta tritiya nav ratri ko chandraghanta mata ki puja ki jati hai. vandna mantra pindajapravrarudha chandakopastrakairyuta. prasadan tanute mahyan chandra ghanshteti vishruta.. nav durga pujan ke tisre din man durga ke tisre svarup chandraghanta ke sharnagat ho kar upasna, aradhna men tatpar hon, to samast sansarik kashton se vimukt ho kar, sahaj hi param pad ke adhikari ban sakte hain. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar ke, chandraghanta mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. kushmanda chaturth nav ratri ko kushmanda mata ki puja ki jati hai. vandna mantra surasampurnakalashan rudhiraplutmev ch. dadhanan hastapadamayan kushmanda shubhdastu me. nav durga pujan ke chaithe din man durga ke chaithe svarup kushmanda ki upasna ki jati hai. is din sadhak ka man ‘anaht’ chakra men avasthit hota hai. kushmanda devi ka dhyan karne se apni laukik-parlaukik unnati chahne valon par inki vishesh kripa hoti hai. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar k,e kushmanda mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. skandmata pancham nav ratri ko skand mata ki puja ki jati hai. vandna mantra sinhasnagta nityan padmashritakaradvaya. shubhdastu sada devi skandamata yashasvini. nav durga pujan ke panchven din man durga ke panchvane svarup-skandmata ki upasna karni chahie. is din sadhak ka man ‘vishuddha’ chakra men avasthit hota hai. skandmata ka dhyan karne se sadhak, is bhav sagar ke duahkhon se mukt ho kar, moksha ko prapt karta hai. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar ke skandmata ka tanbe ka chitra, bisa yantrayukt, devi bhakton men vitrn karen, to adhik labh prapt hota hai. katyayni shashth nav ratri ko katyayni mata ki puja ki jati hai. vandna mantra chandrahasojjavalakara shardulavar vahna.. katyayni shubhan dadyadevi danvghatini. nav durga pujan ke chathe din durga ke chathe svarup katyayni mata ki upasna ki jati hai. is din sadhak ka man ‘agya’ chakra men sthit hota hai. katyayni mata ke dvara bari sarlta se arth, dharm, kam, moksha charon falon ki prapti ho jati hai. uparyukt mantra ka shuddh uchcharn kristal ki mala se 1 mala (108 bar) karen. fir durga ji ki arti kar ke, katyayni mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. kalratri saptam navratri ko kalratri mata ki puja ki jati hai. vandna mantra ekveni japakirnapura nagna kharasthit. lamboshthi karnikakarni tailabhyakta sharirini.. vam padollasallohltakantaka bhushna.. vardhanamurdhadhvaja krishna kalratri bharyankari.. nav durga puja ke satven din man durga ke satvane svarup kalratri ki upasna ka vidhan hai. us din sadhak ka man ‘sahasrar’ chakra men sthit rahta hai. kalratri mata ka dhyan karne vale sadhak ko inki upasna se hone vale shubhon ki ganna nahin ki ja sakti. uparyukt mantra ki shuddh uchcharn kristal ki mala se 1 mala (108 bar) karen. fir durga ji ki arti kar ke, kalratri mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. mahagauri ashtam nav ratri ko mahagauri mata ki puja ki jati hai. vandna mantra shvete vrishe samarudha shvetambaradhara shuchiah. mahagauri shubhan dadyantramhadevapramodda.. nav durga pujan ke athven din man durga ke athven svarup mahagauri ki upasna karni chahie. mahagauri mata ka dhyan karne vale sadhk ke lie asanbhav karya bhi sanbhav ho jate hain. uparyukt mantra ka shuddh uchcharn kristal ki mala se 1 mala (108 bar) karen. fir anba ji ki arti kar ke, mahagauri mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. siddhidatri navam nav ratri ko siddhidatri mata ki puja ki jati hai. vandna mantra si(gandharvayagyadyair surairmrairpi. sevyamana sada bhuyat si(ida si(idayini.. navdurga pujan ke nauven din sadhk man durga ke nauvane svarup siddhidatri ki upasna karte hain. siddhidatri mata ka dhyan karne vale sadhk ko inki upasna se is sansar ki vastavikta ka bodh hota hai. vastavikta param shantidayak amrit pad ki or le jane vali hoti hai. sadhkon ko sabhi prakar ki siddhiyan prapt hoti hain. uparyukt mantra ka shuddh uchcharn kristal ki mala se 1 mala (108 bar) karen tatha anba ji ki arti karne ke bad, kalratri mata ka tanbe ka chitrayukt bisa yantra sabhi devi bhakton men banten, to aur bhi adhik labh prapt hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.