करवा चौथ व्रत

karva chauth vrat  

Ank ke aur Lekh | Sambandhit Lekh | Views : 1215 |  
is vrat men ratri bela men shiv, parvati, svami kartikey, ganesh aur chandrama ke chitron evan suhag ki vastuon ki puja ka vidhan hai. is din nirjala vrat rakhakar chandra darshan aur chandrama ko aghrya arpan kar bhojan grahn karna chahie. pili mitti ki gauri bhi banayi jati hai. kuch striyan paraspar chini ya mitti ka karva adan pradan karti hain. lokachar men kai striyan kali chikni mitti ke kachche karve men chini ki chasni banakar dal deti hain athva ate ko ghi men senkakar chini milakar laddu adi banati hain. puri-pua aur vibhinn prakar ke pakvan bhi is din banae jate hain. nav vivahitaen vivah ke pahle varsh se hi yah vrat praranbh karti hain. chaith ka vrat chaith se hi praranbh karaya jata hai. iske bad hi anya mahinon ke vrat karne ki parampara hai. naivedya (bhog) men se kuch pakvan brahmanon ko dakshina sahit dan karen tatha apni sasu man ko 13 laddu, ek lota, ek vastra, kuch paise rakhakar ek karva charan chukar de den. shekhavati (rajasthan) men ek vishesh parampara hai. vahan striyan kumharon ke yahan se karva lakar gehun ya bajra bhunakar sathiya karke ate ki bani hui 13 mithi tikkiyan, ek gur ki dali aur kuch paise ya shraddhanusar vivah ke sal tika chaval lagakr gehun ke 13 dane hath men lekar kahani sunti hain. karva tatha pani ka lota roli pate par rakhti hain aur kahani sunakar karva apni sas ke pairon men arpit karti hain. sas n ho to mandir men charhati hain. udyapan karen to 13 suhagin striyon ko jimaven. 13 karva karen 13 jagh sira puri rakhakar hath feren. sabhi par rupya bhi rakhen. bayna jimne vali striyon ko paros den. rupya apni sas ko de den. 13 karva 13 suhagin striyon ko bhojan karane ke bich de den. striyan shringar karke ishvar ke samaksha vrat ke bad yah pran bhi karti hain ki ve man, vachan evan karm se pati ke prati purn samarpan ki bhavna rakhengi tatha dharm ke marg ka anusrn karti hui dharm, arth, kam aur moksha charon purusharthon ko prapt karengi. kunari kanyaen is din gaura devi ka pujan karti hain. shiv parvati ke pujan ka vidhan islie bhi hai ki jis prakar shailputri parvati ne ghor tapasya karke bhagvan shankar ko prapt kar akhand saubhagya prapt kiya vaisa hi saubhagya unhen bhi prapt ho. is sandarbh men ek prasiddh katha ke anusar pandvon ke vanvas ke samy jab arjun tap karne indranil parvat ki or chale gae to bahut dinon tak unke vapas n lautne par draupdi ko chinta hui. shrikrishn ne akr draupdi ki chinta dur karte hue karva chaith ka vrat bataya tatha is sanbandh men jo katha shivji ne parvati ko sunai thi, vah bhi sunai. katha is prakar hai: indraprasth nagri men ved sharma namk ek vidvan brahman ke sat putra tatha ek putri thi jiska nam viravti tha. uska vivah sudarshan namk ek brahman ke sath hua. brahmana ke sabhi putra vivahit the. ek bar karva chaith ke vrat ke samay viravti ki bhabhiyon ne to purn vidhi se vrat kiya, kintu viravti sara din nirjal rahakar bhukh n sah saki tatha nidhal hokar baith gai. bhaiyon ki chinta par bhabhiyon ne bataya ki viravti bhukh se pirit hai. karva chaith ka vrat chandrama dekhakar hi kholegi. yah sunakar bhaiyon ne bahr kheton men jakar ag jalai tatha upar kapra tanakar chandrama jaisa drishya bana diya aur jakar bahn se kaha ki chand nikal aya hai, aghrya de do. yah sunakar viravti ne aghrya dekar khana kha liya. nakli chandrama ko aghrya dene se uska vrat khandit ho gaya tatha uska pati achanak bimar par gaye. vah thik n ho saka. ek bar indra ki patni indrani karva chaith ka vrat karne prithvi par ain. iska pata lagne par viravti ne jakar indrani se prarthana ki ki uske pati ke thik hone ka upay bataen. indrani ne kaha ki tere pati ki yah dasha teri or se rakhe gae karva chaith vrat ke khandit ho jane ke karan hui hai. yadi tu karva chaith ka vrat purna vidhi-vidhan se bina khandit kie karegi to tera pati thik ho jaega. viravti ne karva chaith ka vrat purn vidhi se sanpann kiya jiske falasvarup uska pati bilkul thik ho gaya. karva chaith ka vrat usi samay se prachlit hai. atah saubhagya, putra-pautradi aur dhan-dhanya ke ichchuk striyon ko yah vrat vidhi purvak karna chahie aur is din vibhinn prakar ke badhave gane chahie.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.