kaspal jyotish ka avishkar shri es. pi. khullar dvara unke kai varshon ke shodh aur athak prayason ke bad safal ho paya hai. khullar ji ne yah prayas kiya ki kis prakar vaigyanik tarike se pavitra jyotish ke vishay ko pathkon ke sammukh prastut kiya jay taki pathakagan aur gyani jyotishi evan pandit ise samajhakar bhed kar payen ki kaspal intrlink thyori ke madhyam se di gai bhavishyavaniyan sau pratishat sahi utrti hain. kaspal paddhati dusri jyotishiya pranaliyon aur paddhatiyon se alag hai. dusri paddhati par adharit matra rashi chart ka sukshm adhyayan bhi kisi nishkarsh par nahin pahunchata kyonki kisi bhi bhav ki sanbhavna ya sanket parhne ke lie us bhav par kaun si rashi uday hui hai tatha uske svami ke bal par adharit hoti hai. yah bal sabhi jatkon ke liye saman rahta hai jo us vishisht divas par un vishisht do ghanton men paida hue hain. ap sabhi ko vidit hai ki jyotish ke sansar men shriman krishnamurti ji ka nam bare adar se liya jata hai tatha unke dvara prastut tatha shodh ki gai paddhati ko ke. pi. sistam ke nam se jana jata hai.
krishnamurti ji ne yah paya ki vaidik jyotish ke madhyam se ki gai bhavishyavaniyan har bar khari nahin utrti hain to unhonne jo kundli abhi tak 12 rashi, 12 bhavon aur 27 nakshatron, 108 navanshon men banti hui thi usse thora alag hatakar ek nakshatra ko nau hisson men banta. banta is prakar se ki jo niyam vinshottari dasha men mila hua hai usi ke anusar ek nakshatra jiska samay 130 20’ hai yani ki 800 minat usko 9 hisson men banta. jab kisi nakshatra ke nau hisse hue aur us hisse ko sab laerd nam diya gaya tatha is prakar jo kundli abhi tak 108 hisse men navanshane men banti hui thi unko ab 249 asman hisson men bant diya gaya yani ki ab kundli ka aur bariki se adhyayan kiya ja sakta tha. parantu is sistam men bhi dikkt vahan aur jyada barh gai jahan jurvan bachche paida hue ya ek hi jagah par kai bachchon ke janm hue. tatparya vahan bhi sanbhavna hai ki sab laerd ek hi ho to jatak ki kundli ka vishleshan kis prakar kiya ja sakta hai jis sthan par ek se jyada bachchon ka janm hua ho. jab yah samasya paida hui to khullar ji ne samasya ko samjha ki koi bhi do jatak kisi bhi rup men saman nahin hote hanai aur kisi bhi kon se har ek jatak apne ap men ek hi hai tatha hamko us pojishan par pahunchna hai jab satya men janm hota hai yani ki jab bachcha paida hota hai aur jis pal ya kshan men vah janm leta hai usi pal ya kshan us jatak ka bhagya likh diya jata hai.
ham kaspal kundli men us kshan tak pahunchne ka prayas karte hain. khullar ji ne usse aur age ja kar ek sab laerd jiski avdhi 3 minat se lekar 9 minat tak takriban rahta hai uske bhi 9 bhag age kar diye tatha usi anupat men jis anupat men kisi vishisht grah ko vakt mila hua hai. surya ke sab laerd ko 40 minat ka samay prapt hai tatha 40 minat ko nau hisson men age bant diya gaya usi anupat men jis anupat men hamne nakshatra ko banta tha. jab hamne har sab laerd yani ki 243 sab laerd ko age 9 hisson men banta to kul milakar bhachakra ke 2193 hisse ho gaye tatha is sab divijan ko nam diya gaya sab-sab-laerd aur sab-sab-laerd ka kal bahut hi chota hai tatha ab jurvan bachchon ya ek hi sthan men vibhinn bachchon ka janm hona, unke sab-sab laerd ka alag hona kafi had tak sanbhav hai tatha us jatak ki jindgi ya jivan kal ka sanket ya praemis parhna ho to ham ek se barah bhavon ke sab-sab-laerd ka adhyayan karenge. sabse bari bat kaspal intrlink thyori ki yah hai ki ismen praemis parhne ke liye linkej kaise sthapit hoti hai, vah linkej kaise sthapit hoti hai isi lekh men ap ko parhne ko milega tatha bhavishyavani karna bahut hi saral tatha satik hai.
is paddhati men koi grah uchch ka, nich ka, vakri, drishti sanbandh, yuti ityadi ko nahin mana jata hai aur n hi liya jata hai. kisi prakar ke koi bhi vaidik yog sthapit nahin hote aur n hi vah likhe tatha parhe jate hain. keval linkej sthapit hoti hai aur vahi linkej sabhi yog sthapit karti hai. kaspal kundli/chart ek hi prishth men ban jati hai. usi prishth men besik ditel, rashi aur bhav kundli, upar grahon ki sthiti sab-sab leval tak aur usi ke thik niche 1 se 12 bhavon ki kaspal pojishans tatha dahine hath par dasha, bhukti, antra, sukshm aur prandsha ki sthiti ko darshaya jata hai aur niche apne kament dene ke sthan ka bhi pravdhan hai. kaspal kundli ko kaise parha jay kaspal kundli men kisi bhi bhav ka praemis parhna ho to us bhav ke sab-sab laerd ko liya jata hai. us sab lard grah ko upar bane grahon ki sthiti vale chart men dekha jata hai ki vah vishisht grah kis grah ke nakshatra men, kis grah ke up nakshatra aur kis grah ke up up nakshatra men hain. man lijiye ki grah ‘e’ ‘bi’ grah ke nakshatra men ‘si’ grah ke sab laerd men aur ‘di’ grah ke sab sab men hai. ise ham kaspal intrlik jyotish men is prakar likhte hain.
e-bi-si-di ;chsandamaj . pe pad jim ejant v ichsandamaj thae enai v ichsandamaj v ib pad jim enai enai v ichsandamaj kddh nakshatra jyotish ka yah svarnim niyam hai ki har grah ;chsandamajaddh apne nakshatra ;aijantaddh svami ka fal pradan karta hai. apna fal grah tab pradan karta hai jab kundli men us grah ka pojishanal stetas ho. nakshatra thyori ke anusar grah ka fal uska nakshatra svami grah ;aijant svatakaddh shthash dega aur grah shthash jis bhav men baitha ho ya jin kaspal pojishans men rashi svami, nakshatra svami, upanakshatra svami ya sab-sab laerd ke rup men prakat ho raha hoga vah grah un bhavon ke fal dene men saksham ho jata hai. is nakshatra laerd pojishan ko ham kaspal jyotish men involvament kahte hain aur jin bhavon men nakshatra svami grah ‘bi’ prakat ho raha hai un bhavon ka fal milega ki nahin, fal pojitiv hoga ya nigetiv yah grah ‘e’ ka sab laerd grah ‘si’ batlayega aur grah ‘di’ fainal kanfarmeshan karta hai. ise aur achchi tarah samjhne ka prayatn karte hain. man lijiye nakshatra svami agar 7ven bhav men prakat ho raha hai aur up nakshatra grah ‘si’ agar 6the bhav men (pojishanal stetas ke sath) ya fir chathi kaspal pojishan men prakat ho jay to samjhiye yah 7ven bhav ki negeshan hai matalab nakshatra svami ki pojishan se upanakshatra ki pojishan 12vin hai.
yah linkej vivah nahin degi balki talak ke liye behatar sthiti hai aur yadi upanakshatra kahin 5vin ya 11vin kaspal pojishan men prakat ho raha ho ya 5ven ya 11ven bhav men pojishanal stetas sahit baitha ho to yah yog linkej vivah dene men samarth hogi. aiye age aur spasht rup se samjhne ka prayas karen. kaspal jyotish ka niyam hai ya fir ap yah kahiye ki nakshatra thyori ka niyam hai ki fal to nakshatra svami ka milna hai vah rijalt pojitiv hoga ya negetiv, han hoga ya n (jaisa ki ham upar samjha chuke hain) grah ‘e’ ka up nakshatra grah ‘si’ batlaega. agar star laerd ki pojishan se sab laerd grah ki pojishan pahli, tisri, panchvin, navin ya gyarhvin hogi to vah bhav ke signifikeshan ki barhottari karegi. agar star laerd ki pojishan se upanakshatra ki pojishan 4, 7, 8 ya 12 hai to vah us vishisht bhav ke signifikeshan ko kam karegi ya usmen kami layegi ise negetiv linkej bhi kahte hain. tisra, agar star laerd ki pojishan se sab laerd grah ki pojishan 2, 6 ya 10vin hai to yah linkej nyutral hoti hai. is kes men jatak ko us bhav ka fal mil jata hai thori bahut mehanat ke bad. matalab pahli kandishan men star laerd grah jin kaspal pojishans ya bhav men prakat ho raha hai usse agar upanakshatra grah 1, 3, 5, 9,11vin pojishan men hai to jin bhavon men star laerd prakat ho raha hai un bhavon ki signifikeshan men barhottari ho jayegi.
man lijiye agar star laerd chathe bhav men prakat ho raha hai aur sab laerd 8ven bhav men hai to yah chathe bhav ki barhottari hai. matalab agar chatha bhav bimari ka len to bimari aur barhne vali hai kyonki 6the bhav se 8van bhav tisra parta hai aur 8van bhav ham aimtpvne aipbadmee dh ainatahamatal ke liye bhi dekhte hain matalab spasht hai ki us grah ki dasha men jatak ko ganbhir bimari ke daur se gujrna parega. ek udaharan ham yahan aur lete hain. agar nakshatra svami 5ven bhav men prakat ho raha hai aur agar ham yahan panchvane bhav ko prem, mohabbat ka len aur us grah ka upanakshatra agar 7ven bhav men prakat ho gaya to ham kah sakte hain ki is vishisht grah ki dasha men jatak prem vivah kar sakta hai kyonki 5ven bhav se 7van tisra bhav hai aur sath men satvan bhav mul rup se vivah ka bhav hai. har invet/vrittant ke liye ek guraping ki jati hai. aiye ise aur achchi tarah samjhen. udaharan ke taur par man lijiye ham kisi jatak ke vivah ki bat karte hain. kisi bhi jatak ke vivah ke liye ham kaspal intrlink thyori/jyotish men lagn ke sab-sab lard aur 7ven bhav ke sab-sab-laerd ki stadi karte hain. kisi bhi jatak ka vivah hoga ya nahin iske liye ham upar likhe donon bhavon ko parhanege aur ganbhirta se donon bhavon ki (1v 7) stadi karne ke uprant ham ek nishkarsh par pahunchte hain ki is vishisht jatak ke bhagya men ishvar ne vivah hona nishchit kiya hai ya nahin.
agar vivah hona nishchit nahin hai to yah kisi bhi dasha kal men hona sanbhav nahin hoga. vibhinn grahon ki dashayen ayengi aur chali jayengi parantu vivah nahin hoga. dusra agar apne kundli men parh liya ki falan vyakti/jatak ki shadi hona sanbhav hai kya us jatak ka vivah shighra hoga ya vilanb se ya us jatak ka vivah ek sahi umra men hoga, yah bhi ham kaspal kundli men parh sakte hain. vivah ki takriban umra janne ke uprant ap dasha kal ke grahon ki stadi karenge. ap yah sunishchit karenge ki kundli men kaun-kaun se grah 5ven, 7ven aur 11ven bhav ke prabal karak bante hain. unko chantie aur guru, surya, chandra aur dashakal ke grahon ke gochar ko dhyan men rakh uske vivah ka samay nishchit karen. tisra aise hi agar kisi jatak ki naukri athva vyavsay ya pramoshan ke bare men janna ho to lagn, 2re, chathe aur 10ven bhavon ke sab-sab laerd ki stadi karen. chaitha chal/achal sanpatti ki kharid/frokht ke liye 4, 11, 12, 9 bhavon ki stadi karen. sanpatti ko bechne hetu 4, 3, 12, 10 athva 5ven bhavon ko stadi karen ityadi.