भाग्य का आकलन

bhagya ka akln  

Views : 3245 | October 2015

bhagya ke sath dene par vyakti ka purusharth bhi safal hota hai. ek svasth, sushikshit, dhani, sushil patni tatha putron sahit sukhi jivan ka anand lete vyakti ko dekhakar sabhi use bhagyashali kahte hain. pratyek vyakti apna bhagya (bhavishya) janne ke lie utsuk rahta hai. bhagya vyakti ke prarabdh (pichle janm ke karmafala) ko darshata hai. janmakundli ke navam bhav ko bhagya sthan mana gaya hai. navam bhav se bhagya, pita, punya, dharm, tirth yatra tatha shubh karyon ka vichar kiya jata hai. navam bhav kundli ka sarvochch trikon sthan hai. use lakshmi ka sthan mana gaya hai.

navam bhav, ekadash (labh) bhav se ekadash hone ke karan ‘labh ka labh’, arthat jatak ke jivan ki bahumukhi samriddhi darshata hai. ‘mansagri’ granth ke anusar:- ‘‘vihay sarvan gankairvichintyo bhagyalyah kevalamann yalat.’’ arthat’ ‘‘ek jyotishacharya ko dusre sab bhavon ko chorakar keval navam bhav ka yatnapurvak vichar karna chahie, kyonki navam bhav ka nam bhagya hai. jab navam bhav apne svami ya shubh grahon se yukt athva drisht ho to manushya bhagyashali hota hai. navmesh bhi shubh grahon se yukt athva drisht ho to sarvada shubhkari hota hai. yadi pap grah bhi apni, mitra, mul trikon athva uchch rashi men navam bhav men sthit ho to apne balanusar shubh fal deta hai.

jaise shani bhagyesh hokar bhagya bhav men sthit ho to jatak jivan paryant bhagyashali rahta hai. (bhagya yog karen saure sthite ch janmani. - mansagri). lagnesh yadi bhagya bhav men sthit ho tab bhi jatak param bhagyashali hota hai. brihaspati navam bhav ka karak grah hai. jab balvan brihaspati navam bhav men ho, ya lagn, tritiya athva pancham bhav men sthit hokar navam bhav par drishtipat karen to vishesh bhagyakarak hota hai. navam bhav men susthit brihaspati yadi shukra aur budh ke sath ho to purn shubh faldayak hota hai. parantu in par shani, mangal v rahu ki drishti ho to adha hi shubh fal milta hai. navam bhav v navmesh nirbal athva pirit ho to jatak bhagyahin hota hai.


get the most detailed kundli report ever with brihat horoscope predictions


bhagya bhav pancham bhav lagn bhav hota hai. atah uska svami (lagnesh) bhi bhagyakarak hota hai. ‘bhavat bhavam’ siddhant ke anusar navam se navam arthat pancham bhav aur panchmesh bhi bhagyakarak hote hain. gyatavya hai ki navam aur pancham (trikon bhav) ko lakshmi sthan ki sangya di gai hai. jab ye tinon grah (navmesh, lagnesh aur panchmesh) balvan hon tatha shubh bhav men apni svayan, uchch, athva mulatrikon rashi men shubh drisht hon, to vyakti jivan paryant bhagyashali hota hai. karak brihaspati ka sanbandh shubh fal men vriddhi karta hai. bhagyoday kal trik bhavon (6, 8, 12) ke atirikt anya bhav men sthit navmesh apne balanusar us bhav ke karakatva ke fal men vriddhi karta hai.

navmesh, navam bhav sthit grah tatha navam bhav par drishti dalne vale grahon ki dasha men bhagyoday hota hai. ‘falit martanda’ granth ke anusar navmesh, navam bhav sthit grah v navam bhav par drishtipat karne vale balvan grah apne nirdharit varsh men jatak ka bhagyoday karte hain. grahon ke bhagyoday varsh is prakar hainah- surya- 22, chandrama- 24, mangl- 28, budh-32, brihaspati -16 (40), shukra-21 (25), shani-36, rahu-42 aur ketu -48 varsh.

brihat parashar hora shastra granth ke anusar

1. bhagya sthan men brihaspati aur bhagyesh kendra men ho to 20ven varsh se bhagyoday hota hai.

2. yadi navmesh dvitiya bhav men aur dvitiyesh navam bhav men ho to 32ven varsh se bhagyoday, vahan prapti aur yash milta hai.

3. yadi budh apne parmochchansh (kanya rashi-150 ) par aur bhagyesh bhagya sthan men ho to jatak ka 36ven varsh se bhagyoday hota hai.

saubhagyakari gochr

1. jab gochar men navmesh ki lagnesh se yuti ho, ya fir paraspar drishti vinimay ho athva lagnesh ka navam bhav se gochar ho to bhagyoday hota hai. parantu us samay navmesh nirbal rashi men ho to shubh fal nahin milta.

2. navmesh se trikon (5, 9) rashi men guru ka gochar shubh faldayak hota hai.

3. jab janm rashi se navam, pancham ya dasham bhav men chandrama ae us din jatak ko shubh fal ki prapti hoti hai.


apni kundli men sabhi dosh ki jankari paen kampalit dosh riport men



apni kundli men sabhi dosh ki jankari paen kampalit dosh riport men


uprokt jyotish sutron ko darshati kuch kundliyan is prakar hain:-

1. navmesh budh, ekadshesh surya tatha brihaspati tritiya bhav se navam bhav par drishtipat kar rahe hain. yogkarak shani lagn men ‘shash’ yog bana raha hai. lagnesh shukra dashmesh chandrama ke sath dvitiya bhav men hai. sadharan parivar men janm lekar anttah ve desh ke pradhanmantri bane.

2. shri bil gets navmesh shani, svakshetri shukra ke sath, pancham bhav men uchchasth hai. lagnesh budh chaturth bhav men uchchasth hokar, ‘bhadra’ namak panchmhapurush yog banakar dasham bhav sthit chandrama par drishti dal raha hai. dvitiyesh chandrama v labhesh mangal ka paraspar drishti vinimay hai. jatak sansar ka prasiddh dhani vyakti hai.

3. kundli 3 men navmesh shukra saptam bhav men uchchasth hai. uske sath svakshetri brihaspati v labhesh chandrama hai, jisse ‘hans’ aur ‘malavya’ panchmhapurush yog tatha ‘gajkesri’ yog bane hain. lagn shubh drisht hai tatha lagnesh pancham men hai. jatika dhani vyakti ki patni ka sukh bhog rahi hai, parantu svasthya nirbal hai.

4. ek bhagyahin jatika 27-12-1961, 20ah50, merath navmesh saptam bhav men nich ke shani aur ketu ke sath hai. inki lagn sthit rahu par drishti hai. char grah shashth bhav men hain. jatika bahut hi dukhdai vaivahik jivan vyatit kar rahi hai. svasthya bhi kharab hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe


.