tairo riding men di star kard ka prakatya ek shubh sanket hai. yah kard bhavishya ke prati ek antardrishti pradan karta hai jismen ishvar ka ashirvad nihit rahta hai. is kard ka prakat hona ummid puri hona darshata hai. yah kard kai tarah se achche samay ka sanket hai chahe vah shiksha sanbandhi ho ya yatra sanbandhi, chahe adhyatmik unnati ke liye ya fir svasthya sanbandhi ho ya fir jivan ke anya kisi bhi kshetra ke vikas se sanbandhit ho.
udaharan ke taur par ek bimar vyakti jo apni bimari se larte-larte tang a chuka ho har jagah anek daektaron v vaidyon ke pas ja kar ilaj karva chuka ho v asafal hone par nirasha ne use a ghera ho. agar nirash hokar aise samay men vah kisi tairo ridar ke pas jata hai aur riding ke dauran uska ukt kard ‘‘di star’’ niklta hai to yah uske liye ek shubh sanket hai ki ishvar uske upar mehrban ho raha hai.
ab usko jaldi hi svasthya labh milne vala hai. uske nirash jivan men jaldi hi khushiyan ane vali hain. ab vah jis daektar ya vaidya ke pas ilaj ke liye jayega uske ilaj se uske svasthya men avashya sudhar hoga. isi tarah koi vyakti apni naukri ko lekar pareshan hai, vah kai jagah aplai karta hai. ya to koi kael hi nahin ati, agar kahin se kael ati bhi hai aur vah intaravyu ke liye jata hai to rijekt kar diya jata hai. vah lagatar milne vali asfltaon se nirash ho chuka hai, udhar ghar vale usko alag se tane dete rahte hain jaise tumne itna parh likhakar paisa barbad kiya hai nithalle baithe ho, isse to anaparh hi rahte to achcha tha. koi bhi kam kar lete, ab tumhen hai staindard ka kam chahie, apne staindard se niche ki naukri tum karna nahin chahte.
is nirasha ke samay agar vah vyakti tairo riding karvata hai aur tairo riding men uska kard ‘‘di star’’ nikal aye to bas kahna hi kya, bas yun samjho uska bhagya chamkne vala hai, uske upar ishvar ki kripa barsne vali hai. ab use shighra hi ek achchi aur manpsand naukri milne vali hai. uski sari nirasha jaldi hi dur bhag jayegi aur vah bhi samaj v ghar men ek ijjat ki jindgi ji sakega. isi prakar yadi kisi ka bijnes duba ho, use laes par laes ho raha ho to vyakti har prayas karta hai ki kisi bhi upay se vah is musibat se ubar sake.
aise samay par usko pandit v jyotishi ki yad ati hai. agar is samay vah kisi tairo ridar ke pas jata hai aur apni samasya batakar tairo riding karvata hai aur tairo riding ke dauran uska kard ‘‘di star’’ nikal ata hai to yah sanket hai ki uski samasya ka samadhan jald hi nikal ayega. yah ek shubh sanket hai ki ishvar iske lie koi n koi jariya aisa bana dega ki usko labh hoga. uske raste ki mushkilen asan ho jayengi. uske liye labh ke raste ek ke bad ek khulte najar ayenge aur jo usko bijnes men laes ho raha tha
vah labh men badlta rahega. uske din fir jayenge, uski sari nirasha khushiyon men badal jayegi aur vah fir se apne parivar v bachchon ke sath ek khushhal v sanpannata ka jivan ji sakega jiski vah hamesha se kalpana karta raha hai kyonki ukt tairo kard ka niklna ek ishvariya sanket hai.