कुंडली में पितृ दोष

kundli men pitri dosh  

Ank ke aur Lekh | Sambandhit Lekh | Views : 4625 |  
pitri dosh kya hai? iske jyotishiya yogon ka varnan karen. isse hone vali pareshaniyan v unke upayon ka varnan karen. yadi kundli men pitridosh hain, parantu jivan men kasht nahin hai ya pitridosh nahin hai, lekin kasht hai, to kya pitridosh ke upay kiye jane chahiye? pitri dosh: ‘‘pitri dosh’ shabd, do shabdon - 1) pitri evan 2) dosh se milakar bana hai. ismen ‘‘pitri’’ ka arth hai. ‘‘pita’’ ya ‘‘purvaj’’ tatha ‘‘dosh’’ ka arth hai - ‘‘galti ya saja’’. is tarah se pitri dosh ka arth hota hai.- pita ya purvaj ki galti ki saja bhogna. ‘arthat’ ‘pitri dosh’ ka arth yah hota hai ki pita ya purvajon ke ashubh karyon ka vah prabhav jo jatak ke liye nirantar asfltayen, musibat tatha badhayane lata hai. arthat jatak ko is janm ya agle janm ya janmon men parinam bhogna parta hai. yah janmapatri men ‘pitri dosh’ ke rup men utpann hota hai. atah iski pahchan ati avashyak hai, taki jatak dvara kiye gaye adharm ka pata lag jay tatha upay dvara ise sudhara ja sake. ‘pitri dosh’ ke ashubh yog jatak ko milne vale kashton men pita (purvaj/pitr) ke atirikta dusre anya sanbandh jaise - mata, bhai, bahan adi bhi a jate hain. is karan janmapatri men mata ke kark ghar chaturth bhav, chote evan bare bhai, bahan ke karak kramshah tritiya evan ekadash bhav ka vichar avashyak ho jata hai. pita ke lie navm evan dasham sthan tatha navam se dashm sthan arthat pancham bhav ka adhyayn bhi mahatvapurn ho jata hai. iske alava jyotish men tinon trik bhavon arthat 6, 8, 12 ko bahut hi ashubh mana gaya hai. inmen se 8van bhav sabse jyada nuksan dene vala hai, kyonki yah mrityu evan kashton ka bhav hai tatha pitri dosh ka isse bahut hi gahra sanbandh hai. kuch mahatvapurna pitri dosh kundli men hone ki pahchan nimn hai: - lagnesh ki ashtam bhav men upasthiti ya ashtamesh ki lagn men sthiti ya donon ka bhav parivartan. - panchmesh ki ashtam bhav men upasthiti ya panchmesh ki lagn men sthiti ya donon ka bhav parivartan. - tritiyesh ki ashtam bhav men upasthiti ya tritiyesh ki lagn men sthiti ya donon ka bhav parivartan. - chaturthesh ki ashtam bhav men upasthiti ya bhav parivartan. - dashmesh ki ashtam bhav men upasthiti ya bhav parivartan. - rahu v ketu ki tritiya, pancham, navam, dasham men sthiti ya inse sanbandh hona. - tritiyesh, chaturthesh, dashmesh va ekadshesh ka ashtamesh se sanbandh hone par kramshah chote bhai-bahan, mata-pita v bare bhai-bahnon ke karan pitri dosh utpann hota hai. - surya ke sath rahu, ketu ka sanbandh pita ki or se yah dosh darshata hai. - chandra ke sath rahu, ketu ka sanbandh mata ki or se yah dosh darshata hai. - mangal ke sath rahu, ketu ka sanbandh (yuti, drishti dvara) hone par bhai-bahn ki or se yah dosh darshata hai. - budh ke sath rahu, ketu ka sanbandh beti/bahan ki or se yah dosh darshata hai. - guru ke sath rahu, ketu ka sanbandh dada/guru ki or se yah dosh darshata hai. - shukra ke sath rahu, ketu ka sanbandh patni/stri ki or se yah dosh darshata hai. - shani ke sath rahu, ketu ka sanbandh sevk/naukar ki or se yah dosh darshata hai. atah isse bachne ke lie samay rahte niyamit upay karna chahie. ‘‘pitri dosh ke prabhav’’: iske prabhav ke parinamasvarup parivar men ashanti, klesh, vyavsay men nirantr hani (dhan evan anya), santan sukh n milna, santan se santushti na milna, lagatar durghatanaon men vriddhi hona, nirantar svasthya kharab rahna, asadhya rogon se grasit rahna, shiksha men aruchi v purn n hona, naukri na milna, bure sapnon ka lagatar ana, vivah men vilanb, avivahit, talak, danpatya jivan men ashanti, akal mrityu, mansik ashanti, tanav adi milte hain. iske alava svapn men athah jal, suna akash, jangal men bhatkna, svapn v hakikat men unchai se girne ka dar, mrityubhay adi prapta hote hain. apne purvajon men se koi vyakti svapn men dikhai deta hai ya apne as-pas hone ka abhas hota hai. stri sanbandhi badnami, jel, apayash adi bhi milte hain adi. pitri dosh: karan, prabhav va upchar: mansagri ke anusar- ‘‘surya pap grah se yukt ho ya pap kartari yog men ho arthat char grah ke madhya ho athva surya se saptam bhav men pap grah ho to uska pita mar jata hai. yah ek pitri dosh ka karn hai.’’ arthat is kathan ka vivechn yah spasht karta hai ki surya ke liye pap grah keval shani, rahu aur ketu hai. kyonki surya to svayan pap va krur grah hai tatha dusra anya pap grah mangal, hai jo surya ka mitra hai isliye surya evan mangal ko papatva se mukt kiya gaya hai. islie surya ke sath shani, rahu evan ketu ho to pitri dosh lagta hai. yahi pitri dosh ki pahchan bhi hai. surya papamadhyagt: surya, yadi shani, rahu aur ketu ke bich men ho arthat purva or rahu, ketu, shani ho. isse pitri dosh a jata hai. surya se saptamagat pap grah: surya se saptam sthan par pap grah ho arthat surya pap grah se drisht ho to pitri dosh a jata hai kyonki sabhi grah (yani rahu, ketu, shani) apne se saptam bhav ya drishti se dekhte hain. shani ki saptam ke alava anya aur do drishti- tritiya evan dasham hoti hai. atah surya se chaturth, saptam aur navm sthan par shani ke rahne se pitri dosh lagta hai, jisse jatak ke upr pitri rin charh jata hai. rahu, ketu ki drishti prachin granthon men nahin hai. lekin arvachin granthon ne mana hai ki rahu, ketu grah pancham evan navm bhav ko dekhte hain, kyonki ye donane drishtiyan hoti hain tatha ye mana jata hai. inka fal bhi ghatta jata hai. atah surya se pancham aur navam sthan men rahu, ketu ke rahne par pitri dosh lagta hai. pita (pitri) shabd ka vishesh artha: jyotish men ‘pita’ ka kark ‘surya’ hai. prachin kal men brahma, vishnu, mahesh (shiv) drishya the. lekin adhunik (kalyug) kal men manushyon men danatva ke gun adhik a jane se ye tinon shaktiyan adrishya rup men hain. lekin yahi surya (pita ka kark), srishti ki utpatti, buddhi (sanchaln) tatha vinash karta hai. surya bhagya, svasthya, haddi, netra, dhan, rajya va sarkar netritva karak bhi hai. atah iske nirbal ho jane ya pitri dosh ke a jane ke karan uprokt sukhon men kami a jati hai. lagnanusar pitri rin ke dosh ka vivechn: - mesh lagna: mesh lagn men surya panchmesh hota hai. panchmesh surya ke pirit hone ke karan is lagna valon ko santan evan shiksha sukh men badha ati hai. santan supatra nahin hoti hai. shiksha adhuri rah jati hai. iske alava, manoranjan, khel, rajniti, sheyar, satta adi men bhi hani hoti hai. - vrish lagna: vrish lagn men surya chaturthesh hota hai. iske pirit hone par sukh-shanti men kami ho jati hai. bhautik sukhon men bhi kami ho jati hai. iske alava, mata-pita, bhumi sukh men bhi kami ati hai. jatak ka dil katu ho jata hai. jamin-ghar ki kami rahti hai. - mithun: is lagn men ‘surya’ tritiyesh pirit hone se jatk ka parakram nahin rah pata hai. bhai-bahn-mitra-parosi sukh men kami rahti hai. shatru bhay rahta hai. bhujaon ke bal men kami rahti hai. - kark lagna: is lagn men dvitiyesh surya pirit hone par parivarik sukh men kami rahti hai. parivar men duri barabar bani rahti hai. dhan sangrah nahin ho pata, jisse dhan ka abhav rahta hai. vani men vikar rahta hai. dahine netra men bhi pira ho sakti hai. - sinh lagna: ismen surya lagnesh hone se surya ke pirit hone par apayash ka samna karna parta hai. achche kiye par pani fir jata hai, prasiddhi, yash, kirti adi man samman men kami ati hai. svasthya (sharirik, mansik) men kami rahti hai, rog barh jate hain. buddhi, vivek, tark men kami ati hai. saundarya men bhi kami a jati hai. - kanya lagna: ismen surya dvadshesh hone par pirit hone ke karn kharch anavashyak ho jata hai. yatra sukh men kami ho jati hai. nind ki kami rahti hai. anavashyak vivad, mukdmebaji barh jati hai. videsh sanbandhon men kami ati hai. jel, chikitsalay jane ki sanbhavna barh jati hai. - tula lagna: is lagn men surya ekadshesh pirit hone ke karn ay labh men kami ho jati hai. kathin parishram se bhi ay, labh nahin mil pate hain. dusra vivah nahin ho pata hai. man ki ichcha puri nahin ho pati hai. - vrishchik: is lagn men dashmesh surya pitri dosh men hone se sarvaprathm jatak ko pita ke sukh men hi kami hoti hai. rajya ki kripa men bhi kami ati hai. pad, pramoshan, naukri, vyavsay, vyapar men rukavat ati hai. unnati nahin ho pati hain. rajya sarkar se dand tatha sthanantaran ka bhay rahta hai. - dhanu lagna: ismen navmesh surya pitri dosh mane ane se karyon men rukavt ati hai. bhagya sath nahin de pata hai. bhakti v dharm men man nahin lagta hai. yash men kami ati hai. bante kam bigar jate hain. apayash milta hai. - makar lagna: ismen ashtamesh surya ke sath pitri dosh ane se mrityu dar, ayu men kami, durghatana, kasht, indriya vikar, sasural se ashyog, purvajon ki sanpatti ka labh adi men kami ati hai. yadi jatak vaigyanik, abhiyanta, chikitsa se sanbandh rakhta hai to shodh/anusandhan men kami, shalya kriya ke dauran rogi ko nuksan adi bhi dekhne ko milte hain. - kunbh lagna: ismen surya ka dosh ane se sagai tutna, vivah na hona, vivah men deri, danpatya sukh men kami, bhog men kami adi hoti hai. patni ka svasthya kharab rahta hai. sajhedari men nuksan hota hai. dainik rojgar men pareshani rahti hai. - min lagna: ismen surya pirit hone se jatak ko vibhinn rog lage rahte hain. shatru evan pareshani se larne ki kshamata men kami hoti hai. rog pratirodhak kshamata men bhi kami rahti hai jiske karan se jatak ek rog se mukti prapt karne par dusra anya rog lag jata hai. jatak par karja ka bhar rahta hai. jatak par vibhinna tarah ke rin rahte hain. nanihal paksha se bhi ashyog milta hai. surya ke karan pitri dosh lagne ka karn: purva janm men apne pita (arthat pitri/purvaj) ko kisi bhi tarah se santusht nahin karne ke karn yah dosh lagta hai. surya ke karn pitri dosh lagne ke nimn karan ho sakte hain:- 1. pita ki hatya kar dena. 2. apne karya se pitron ko santushta evan khush n rakh pana. 3. pita ki achchi tarah se seva na karna. 4. viprit pratishtha ke karan pita ki pratishtha, man-samman men kami karna. 5. vah pap/apradh, jiska prayashchit bari mushkil se ho ya n ho. janmakundli, manushya ke prarabdh ka darpan hai. atah yah kundli dekhne se jab surya grah, pap grahon se yukta hota hai to yah samjha jata hai ki manushya purva janm ke pitri dosh se mukta nahin ho paya hai. surya ke karan pitri dosh nivarn ke upay 1. manikya dharan karen. 2. surya yantra ko sthapit kar, surya mantra- ‘‘un ghrini suryay namah’’ ke sath panchopchar puja karen. 3. ravivar ke vrat kar udyapan karen. surya anauna vrat rakhen. 4. surya vastuon ka dan karen. 5. pratidin gurujnon ki seva karen. 6. surya namaskar karen. mangal ke karan pitri dosh: mangal par jab rahu-ketu ka pap prabhav hone par pitri dosh ke rup men ubhar kar samne ata hai to yah mangal sharir men khun ki kami kar apna prabhav jatak ko nimn rakta chap ko deta hai jisse sharir men urja, kamashakti tatha santan paida karne ki shakti ki kami karta hai. chanuki rahu evan ketu ke sath jab mangal grah a jata hai to pitri dosh ka nirman hota hai arthat rahu evan ketu pitri dosh ki suchna dete hain. iske sath hi ye donon hi grah kalasarp yog ki bhi rachna karte hain arthat rahu evan ketu grah hi ‘‘pitri dosh’’ evan ‘‘kalasarp yog’’ namk ashubh yogon ke ‘‘jank’’ hain arthat pitri dosh evan kalasarp yog men koi antar nahin hai. donon hi dosh jatk ke pitron evan svayan ke purvajanmon men kiye gaye ashubh karmon ka parinam hote hain. iske karan jatak ki vansh vriddhi ruk jati hai. mangal ke karan uprokt ashubh fal mukhya hain kyonki mangal rakt (vansh) ka kark grah hai. iske alava anya ashubh parinam bhi dekhne ko milte hain. jaise - akal mrityu hona, arthat samay se purva hi durghatana ya anya kisi karan se jatak ki mrityu hona, balhin ho jana adi hai. is sthiti men mrit atma tab tak bhatkti rahti hai jab tak ki uski vastavik ayu puri nahin ho jay. iske alava kai atmaen bhut, pret, nag, dayan (bhutni, pretni) adi banakar prithvi par vichrti (bhatkti) rahti hain. ye sabhi rahu, ketu ke hi rup hain, jinhen upri badha ya hava kahte hain. iske alava aur bhi kai dharmik atmayen rahti hain vo kisi ko bhi pareshani nahin detin balki dusron ka sada bhala karti hain. lekin buri atmayane dusron ko dukh, kasht adi hi deti hain. yahi sthiti hamare purvajon par bhi saman rup se lagu hoti hai. hamare purvaj, mrit avastha men jo rup dharan karte hain ve pitri dosh ke karan tarpte rahte hain tatha akash men vicharan karte rahte hain. unhane khane, pine ko kuch bhi milta hai unki atmayen (purvaj) chahti hain unke rakta sanbandh (rishte-nate) jaise- putra, pautra ya pautri, putri parijan adi us atma ka uddhar karen. yah uddhar iske upay ‘‘shraddha’’ karm karke kiya ja sakta hai arthat akash mane vicharan kar rahi un atmaon ko khane-pine ka kuch bhi nahin milne ki sthiti men tarpne par rakt sanbandh dvara shraddh karm karne par unke khane-pine (tarpana) ko mil jata hai tatha unki atmaen tarpan se tript ho jati hain tatha shraddh men khane ke bad pilane ka vishesh mahatva hai kyonki isse atmaen tript ho jati hain, fir bhatkti nahin hain tatha inka uddhar ho jata hai. yadi uprokt rakt sanbandh aisa nahin karte hain to ye atmayen, inke rakta sanbandhiyon ke jivan men ghor sankat ke rup men samne ati hain, joki pitri dosh ka karan ban jati hai. parivar men ek ya adhik ko pitri dosh ho sakta hai, jo is atma ke jyada nikat hota hai vah uska patra banta hai. uprokt vivechan se spashta hota hai ki pitridosh ka karak mangl hota hai tatha mangal ka sanbandh rakta sanbandh se hota hai. atah pitri dosh ko ‘‘mangal dosh’’ bhi kahte hain, jo ‘‘shiv aradhna’’ se dur hota hai arthat upay ke rup men yah karna chahie. hath men pitri dosh ki pahchan yah hai ki guru parvat aur mastishk rekha ke bich men se ek rekha niklkr ati hai, jo donon ko katti hai, yah hastashastra men pitri dosh ki pahchan hai tatha pitri dosh ka mukhya karan bhi hai. inke parinam (prabhav) evan upay ‘mangal upay’ ko chorakar saman hain. ‘‘mangal ke karan pitri dosh’’ke kuch upay nimn hain - - lagnanusar munga dharan karen tatha rahu, ketu ke vaidik mantron ka kramshah 18000, 17000 jap karen. - mangal yantra ko sthapit kar puja karen. - mangal yantra ke 10000 sankhya men jap karayen. - manglvar ko mangal ki vastuon ka dan karen. - manglvar ko vrat karen. - shiv aradhna karen. - lal masur ki dal aur kuch paise pratahkal safai karne vale ko dan karen. kuch koyle pani men pravahit karen. - apne shayanakaksh men lal rang ke takiye kavar tatha parde ka prayog karen. - hanumanji, kartik ji, nrisinh ji ki puja karen. - suar (varah) ko masur ki dal khilayen. pratidin ya mangal, shanivar ko saptah men do bar . - machli ko dana dalen. - pitron ke nam se mandir, dharmashala, vidyalay, dharmasthal, chikitsaly tatha niahshulk seva sanstha adi banavayen. - shraddh paksh men gangaji ke kinare pitron ki shanti evan havan yagya karayen. - gaya men pindadan karvane se pitron ko turant shanti milti hai. arthat jo putra ‘gaya’ men jakar pind dan karta hai, usi putra se pita apne ko putravan samjhta hai aur gaya men pind dekar putra pitri rin se mukta ho jata hai. - sarvashrap v pitri dosh mukti ke lie narayan bali ka path yagya tatha nagbli karayen. - pavitra tirth sthanon men pindadan karen. - shraddh paksh men pitri moksh amavasya ke din yogya vidvan brahman se pitri dosh shanti karaven. us din vrat/upvas karen tatha brahman bhoj karaven. ghar men havan, yagya adi bhi karaven. iske alava, pitron ko jal tarpan karen. - shraddh paksh men purvajon ki punyatithi anusar brahmanon ko bhojan, vastra, fal, vastu adi dakshina sahit dan karen. - parivar men hone vale pratyek shubh evan dharmik, manglik ayojnon men purvajon ko yad karna tatha kshamatanusar bhojan, vastra adi ka dan karna chahie. - pratidin sarson tel ke dipak ke sath sarpasukt evan navnag stotra ka path karen. - surya evan chandra grahan ke samy/din sat anaj se tula dan karen. - pratidin, dudh, shivling par charhaven. bilva patra sahit panchopchar puja karane. ‘‘un namah shivay’’ ya mahamrityunjy mantra ka ek rudraksh mala se jap karen. varsh men ek bar shravan mah v iske somvar, mahashivratri par rudrabhishek karayen. shatru nash ke lie somvti amavasya ko sarson tel se rudrabhishek karayen. yadi yah somvti amavasya shravan mah men aye to ‘‘sone pe suhaga’’ hoga. - nag panchmi ka vrat karen tatha is din sarpapuja karayen. nag pratima ki anguthi dharan karen. - pratyek mah panchmi tithi (shukla evan krishn paksha) ko chandi ke nag-nagin ke jore ko bandhakar shivling par charhayen. - pani vala nariyal har shanivar sayan bahte jal men pravahit karen. - shiv upasna evan rudra sukt se abhimantrit jal se snan karen. - yadi sanbhav ho to rahu evan ketu ke mantron ka kramshah 72000 evan 68000 sankhya men jap sankalp lekar karayen. - mata sarasvati evan ganesh bhagvan ki puja karen. - pratyek somvar ko shivji ka dahi se abhishek mantra- ‘‘un har-har mahadev’’ jap se karen - pratyek pushya nakshatra ko shivji evan ganesh ji par dudh evan jal charhayane. rudra ka jap evan abhishek karen. bilvapatra charhayen. ganesh ji ko laddu prasad, durba, lalpushp charhayen. - mata sarasvatiji ko nile pushpa charhayen. - gomed evan lahsuniya lagnanusar, yadi sut kare to dharan karen. - kul devta-devi ki pratidin puja karen. - nag yoni men pare, pitron ke uddhar tatha apne hit ke lie nagpanchmi ke din chandi ke nag ki puja karen. - hijron ko sal men kam se kam ek bar naye vastra, fal, mithai, sugandhit saundarya prasadhan samagri, dakshina adi ka samathryanusar dan karen. - yadi dampatya (vaivahik) jivan men badha a rahi hai to apne jivnsathi ke sath niyamit rup se arthat lagatar 7 shukravar kisi bhi devi ke mandir men 7 parikrama lagakar pan ke paÿo par mishri evan makkhan ka prasad rakhen tatha sath hi pati evan patni donon hi alg-alag safed fulon ki mala charhayen tatha safed pushp charnon men charhayen. - ashtamukhi rudraksh dharan karen. - pitron ke nam par shraddha (ashvini-kvar) mah men shraddh karen. (16 din) - gita yantra ki pratidin puja karen. - shri durgasaptashati v shrimad bhagvt katha ka pratidin path karen. - pipal vriksh ki pratidin pratah jal, dipak jalakar puja karen. - gale men pitri dosh shanti kavach dharn karen. pitri dosh dur karne ke samanya upay - pratah surya namaskar karen evan tanbe ke lote se jal ka aghrya suryadev ko den. - purnima ko chandi ke lote se dudh ka aghrya chandra dev ko den. vrat bhi karen. - bujurgon ya varishthon ke charan sparsh kar ashirvad len. - ‘pitri dosh shanti’ yantra ko apne pujan sthal par pranapratishtha dvara sthapit kar, pratidin iske srot evan mantra ka jap karen. - pitri gayatri mantra dvara sava lakh mantron ka anushthan arthat jap, havan, tarpan adi sankalp lekar vidhi vidhan sahit karayen. - amavasya ka vrat karen tatha brahman bhoj, dan adi karen. - apne ghar men pitron ke lie ek sthan avashya banayen tatha pratyek shubh karya ke samay apne pitron ko smaran karen. unke sthan par dipk jalakar, bhog lagaven. aisa pratyek tyohar tatha purvajon ki mrityu tithi ke din karen. uprokt puja sthal ghar ki dakshin disha ki taraf karen tatha vahan purvajon ki foto-tasvir lagayen. - dakshin disha ki taraf pair karke kabhi n soyen. - amavasya ko vibhinn vastuon jaise- safed vastra, muli, revri, dahi va dakshina adi ka dan karen. - pratyek amavasya ko shri satyanaraynji bhagvan ki katha karayen. - vishnu mantron ka jap karen tatha shrimad bhagavat gita ka path karen. visheshakar ye shraddh paksh men avashya karen. - ekadshi vrat tatha udyapan karayen.
Kya aapko lekh pasand aaya? Subscribe
Kya aapko lekh pasand aaya? Subscribe

shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

.