श्री कृष्ण जी का भगवत्प्राप्ति संदेश

shri krishn ji ka bhagavatprapti sandesh  

Ank ke aur Lekh | Sambandhit Lekh | Views : 1899 |  
arjun shri krishn se kahte hain ki - kin tadbrahm kimadhyatman kin karma purushottam. adh bhute ch kin proktamadhidaivan ki muchyate.. arthat ‘‘brahm kya hai?’’ atma kya hai, sakam karm kya hai, yah bhautik jagat kya hai, devta kya hain? adi prashnon ka uttar dene ke lie arjun bhagvan shri krishn se prarthana karte hanai. dhyatavya hai ki arjun ne parmeshvar ko purushottam ya param purush kahkr sanbodhit kiya hai jiska arth yah hota hai ve ye sare prashn apne ek mitra se nahin apitu param purush se unhen param praman manakar, puch rahe the, jo nishchit uttar de sakte the. ‘‘adhiyagyah kathan -----niyatatmabhiah’’ ek anya shlok men bhagvan ko adhiyagya v madhusudan kahakar sanbodhit kiya hai. adhiyagya ka arth vishnu ya indra ho sakta hai. vishnu sabhi devtaon men jinmen brahma tatha shiv sammilit hain, pradhan devta hain aur indra prashask devtaon men pradhan hain. indra v vishnu ji ki puja yagya ke dvara ki jati hai. kintu arjun prashn karte hanai ki vastutah yagya ka svami kaun hai aur bhagvan kis tarah jiv ke sharir ke bhitar nivas karte hain. madhusudan shabd se tatparya yah hai ki ek bar shri krishn ne madhu namk asur ka vadh kiya tha. madhu namk asur se asuri pravrittiyon se nivritti chahte huye arjun is prakar ke yaksha prashn kar rahe hanai. kintu madhusudn use iske nivaran ka rasta jarur batlayenge yah ve jante hanai. maharaj kulshekhar (arjun) shri krishn ji se kahte hain ki he bhagvan ismen main va mera man puri tarah se svastha hai yadi main apke charn kamlon ka smaran karte huye turant mar jaun to mujhe vishvas hai ki apke prati meri bhakti purna ho jayegi. kintu mujhe yadi apni sahaj mrityu ki pratiksha karni pare to main nahin janta ki kya hoga kyonki us samay mera sharir karya karna band kar dega, mera gala rundh jayega aur mujhe pata nahin ki main apke nam ka jap kar paunga ya nahin. achcha yahi hoga ki mujhe turant mar janen den. arjun prashn karta hai ki aise samay manushya kis tarah krishn ke charan kamlon men apne man ko sthir kar sakta hai? jigyasu arjun ko bhagvan kahte hain ki aksharan brahm parman svabhavo'chyatma muchyate. bhut bhavod bhavkro visargah karma sangyaitah.. arthat - brahm avinashi tatha nitya hai aur iska vidhan kabhi bhi nahin badlta. kintu brahm se bhi pare parabrahma hota hai. brahm ka arth hai jiv tatha parabrahm ka arth bhagvan hai. jiv ka svarup bhautik jagat men uski sthiti se bhinn hota hai. bhautik chetna men uska svabhav padarth par p rabh utva jatana hai, kintu adhyatmik chetna ya krishna bhavnamrit men uski sthiti parmeshvar ki seva karna hai. antkale ch mamev smaranmuktakara kalevaram. yah prayapti s madbhavan yati nastyatra sanshay.. yan yan vapi smaranyavan tyajatyante kalevaram. tan tamevaiti kaunteyan sada tadbhav bhavitah.. bhagvan kahte hain ki mera (krishna) nam smaran karte-karte pranon ka tyag karne vala mujhmen hi (krishna) samahit ho jata hai. ismen kisi bhi prakar ka sanshay nahin hai. madbhav arthat divya svabhav ki prapti. smaran shabd se hi krishn bhavnamrit ka sopan hota hai arthat ‘smarana’ us ashuddh jiv se nahin ho sakta. iske atirikt bhagavan updesh dete huye kahte hain ki ant samay men manushya jis-jis bhav ka smaran karega vah us bhav ko nishchat hi prapta karega. yahi vidhi ka vidhan hai. yahan shrikrishn ji ne kaha hai ki yah avashyak nahin ki mujhe smarana karne vala mujhko hi prapta n ho, apitu uski bhavna bhi mujhmen yadi hogi to vah is jivan rupi bandhn se hamesha-hamesha mukt ho jayega. is prakar apka agla jivan bhi siddh ho jayega. iske atirikt bhagvan kahte hain ki jo manushya apne pran ko yog shakti se bhauhon ke madhya sthir kar leta hua parmeshvar smaran men lagata hai vah bhi nishchit rupen mujhe prapt kar leta hai arthat yog ka jivan men bahut mahatva hai. yog ka adhyatm se nir-kshir sanbandh hai kyonki man ko vichlit hone se rokne ke lie yog atyavashyak hai tatha adhyatm param siddhi ke lie atyavashyak hai. yadaksharan vedvido vadanti vishanti yadyatyo vitragaah.. yadichchanno brahmacharya charanti tatte padan sangrahen pravakshyai.. vedon ko janne vale, onkar ka uchcharan karne vale jo vilakshana sannyasi hain ve brahm men pravesh karte hain. aisi siddhi ki ichcha karne vale brahmacharya vrat ka abhyas karte hain. ab main tumhen vah vidhi bataunga jisse koi bhi vyaktigat mukti-labh kar sakta hai. samast aindriya kriyaon se virakti ko yog ki sthiti (yog dharna) kaha jata hai. indriyon ke samast dvaron ko band karke tatha man ko hriday men aur pranvayu ko sir par kendrit karke manushya apne ko yog men sthapit karta hai. gita samast yog paddhatiyon men se bhakti yog ki hi sanstuti karta hai. samanyatya bhakti yogi panch prakar ki bhakti men lage rahte hain: 1. shant bhakt - jo udasin rahakar bhakti men yukt hote hain. 2. dasya bhakt - jo das ke rup men bhakti men yukt hote hain. 3. sakhya bhakta: jo sakha ke rup men bhakti men yukt hote hain. 4. vatsalya bhakta: jo mata-pita ki bhanti bhakti men yukt hote hain. 5. madhurya bhakta: jo parmeshvar ke sath danpatya premi ki bhanti bhakti men yukt rahte hain. shuddh bhakt inmen se kisi men bhi parmeshvar ki bhakti men yukt hota hai aur unhen kabhi nahin bhulta, usi prakar bhagvan bhi apne shuddh bhakt ko kabhi nahin bhulte athva svatah hi prapt ho jate hain. mamupetya punarjanma duahkhalymshashvatam. napnuvanti mahatmanah sansiddhi n parmangtaah.. mujhe prapt karke jo mahapurush bhakta yogi hain kabhi bhi duahkhon se purn is jagat men nahin lautte atah unhen parm siddhi prapt ho jati hai tatha ve janma janmon ke bandhanon se mukt ho jate hain. bhav yah hai ki yah nashvar jagt janm, jara, mrityu ke klesh se purna hai atah jo param siddhi prapt karta hai vah is prakar ke bandhnon vyavdhanon ko katakar param siddhi ko prapta kar leta hai.
Kya aapko lekh pasand aaya? Subscribe
Kya aapko lekh pasand aaya? Subscribe


shrikrishn visheshank  August 2016

fyuchar samachar ka vartaman ank bhagvan shrikrishn ko samarpit hai. is ank men bhagvan shrikrishn, unse sambandhit kahaniyan evan shrimad bhagavadgita ke mahatvapurn vyakhyanon ko samavisht kiya gaya hai. mahatvapurn alekhon men sammilit hain: gita ke shabdarthon ka mul evan vartaman, shrikrishn ji ka bhagavad prapti sandesh, sankshipt gitopnishad krishn ki ras lila ya jivan ras lila, karm ka dharm adi. iske atirikt patrika ke anya sthayi stambhon ke antargat anek vicharottejak alekhon ko sanlagn kiya gaya hai.

Subscribe

Apne vichar vyakt karein

blog comments powered by Disqus
.