जजमेन्ट
Ank ke aur Lekh | Sambandhit Lekh | Views : 1401 |  
yah kard tairo dek men vartaman men purnata ka sanket deta hai. yah kard jis vyakti ke liye tairo riding ke dauran nikla hai, batata hai ki us vyakti ki purani sab samasyaen, jhagre ab khatm hone ja rahe hain. ab vah svatantra hai age barhne ke liye, unnati ke liye, sakaratmaka rup se har pahlu ko dekhne liye. jo badhaen uske raste men thin unke samapt hone par ab uske samne unnati ka rasta khul gaya hai. ab ishvar ka ashirvad uske sath hai. ab samay hai ki vah antarvichar kare, manan kare ki usne ab tak duniya men kya achcha kiya aur kya kiska nuksan kiya, ham is sthiti men kaise pahunche-iska avlokan kare. yah kard batata hai ki tumne ab tak kafi kuch kar liya hai, kafi sahan kar liya hai is jivan men, ab uske liye asan ho gaya hai age ane vali pareshaniyon, viprit paristhitiyon ka samna karne ke liye. sach to yah hai ki hamen bhagya ke anusar chalna hota hai. bhagya ka hamare jivan men bahut bara hath hai, par jajment kard in sabse upr hai. jitna ham apne bare men jante hain apna gilt ya saja, apne gun-dosh, yah kard batata hai apne sare purane prayatnon ka tarkik samapan v naye kamon ki shuruat. yadi kisi ka svasthya kharab chal raha ho aur vah aspatal men edmit hai, aise samay men agar tairo riding karvayi jay aur riding ke dauran ukt kard nikle to yah sanket hai is bat ka ki ab usko svasthya labh nishchit hai aur yah jivan ke prati naye utsah ka pratik banta hai. jajment us mauke ki taraf ishara karta hai jisko khona nahin chaihye kyonki naya kam ya pariyojna apke pure jivan ko badal sakti hai. is kard ka pragatan prayah jivn men ghat rahi ghatnaon men teji la sakta hai. agar ap naye parivartan ko svikar nahin karte aur age nahin barhna chahte, uske liye koi prayas nahin karte to is kard ka pragatan hone par spasht hai ki yah apki jo hathadharmita hai ap apni hathadharmita choren tatha age barhen. man lijiye apko bijnes men bahut labh ho gaya aur aise samy ap kisi tairo ridar ke pas jate hain aur tairo riding men apka karda hi jastis niklta hai to iska matalab hai ap us taklif se ab nikal chuke hain, ab age ap yojnabaddh tarike se age barhege to sab achcha hone ki asha ap kar sakte hain. jo kuch pahle se hai ya hua hai us par ek najar dalen aur us par punarvichar karen ki jo hua vah kyon hua? usmen apse ya apke parivar ke sadasyon se kya galtiyan huin, vah dubara n ho uska prayas karen. age badhane. ho sakta hai agr ap partanaraship men bijnes kar rahe hain to apke partanar se bhi kuch galtiyan ho sakti hain. janbujh kar ya anjane men bhi agar galti usne ki hai to age ke liye apna bijnes usse alag kar lijiye tabhi ap unnati kar payenge. agar bijnes men nuksan apke parivar ke adhik kharchon ke karn hua ho to us par bhi apko vichar karna chahie tatha age ke liye savdhan rahna chahiye. is bat ka hamesha dhyan rakhen ki ay se adhik kharch n karen, n hi apne parivar ke sadasyon ko aisa karne den. ab is kard ka pragatan apko batata hai ki ab uchit samay hai, saflta apki rah dekh rahi hai. ap jo bhi kam buddhimatta se soch-vichar kar achcha-bura parakh kar kuch yogya vyaktiyon se paramarsh karne ke bad karne ke liye taiyar honge to usmen apko saflta avashya milegi. ishvar ka nam lekar karya aranbh kar dijiye ap unnati ke marg par chal parenge. isi tarah man lijiye apki beti ya beta vivah yogya hai aur apne uska rishta kahin tay kar diya hai. do-char mahinon se donon parivaron men ana jana bhi rahta hai. len-den ka vyavhar bhi chalta rahta hai. ab ap yah soch rahe hain ki shadi ki tarikh tay kar li jaye, koi achcha sa muhurt dekh kar aur isi sanbandh men dusre paksh se bat karna chahte hain tabhi apko kisi tarah yah khabar milti hai ki dusra paksh to yah rishta age barhana hi nahin chahta balki rishta torna chahta hai to ap pareshan ho jate hain. apko yah samajh men nahin ata ki ab kya karen? aise samay men pareshan hokar ap kisi tairo ridr ke pas jate hain aur riding men agr apka ukt kard niklta hai ‘‘di jastis’ to apko ray di jati hai ki ap un ghatnaon par vichar karen jinke karan yah sthiti paida hui. apse ya apke parivar se kuch galat vyavhar jarur hua hoga jisse yah rishta tut gaya lekin yah kard yah bhi kahta hai ki ap chinta n karen, apni galtiyon se sabak lane aur age barhen. naye sire se dusra rishta khojen. shayad isse bhi achcha rishta milega jisse apke bachchon ko adhik khushiyan milengi. yad rakhen purani galtiyon ko n dohrayen.
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.