tairo riding ke dauran jab karda ‘‘deth’’ niklta hai to sadharntah log is kard ka nam sunte hi bhaybhit ho jate hain. yah shabd hi itna daravna hai ki log ghabra jate hain, lekin vastav men is ‘karda’ ke niklne par bhaybhit hone ki avashyakta nahin hai. is kard ke niklne ka arth hai ki uska sankrantikal a gaya hai jis vyakti ke liye yah karda nikla hai yani ki apki purani baten, kam achchi ya buri, purani samasyaen, purane kam, purane sanbandh sab samapt ho jayenge aur sab kuch naye sire se praranbh hone vala hai. jis kisi ke liye yah karda ‘‘deth’ nikla hai usko apne jivan men hone vale har parivartana ko svikar karne ke lie taiyar rahna chahie kyonki purane ko bhulakar naye ko apnane men hi uski bhalai hai. udaharan ke lie kisi ka vyapar ghate men ja raha hai. vah agar tairo ridar ke pas apni samasya lekr jata hai v tairo riding karvata hai aur riding ke dauran uska ‘‘ukta’’ kard yani ki ‘deth karda’ nikal aye to yah kard batata hai ki purane vyapar ko jabaradasti age barhate hue aur ghata par ghata sahne ki jagah use is vyapar ko band karke kisi dusre vyapar ko shuru karne ki taraf dhyan dena chahie, jismen uska rujhan bhi ho. agar kisi ka makan bahut purana ho gaya hai aur har bar kuch samy bad uski marammat men paisa lagana parta hai, kabhi kahin se tutta hai kabhi dusri jagah se, kabhi kisi said ki divar girti hai, kabhi dusre kamre ki chat, kabhi siln a jati hai, kabhi chajja gir jata hai, to aisi sthiti men usko samucha makan ek hi bar pura torkr sara naye sire se naksha banvakr naye rup men majbut aur sundar banva lena chahiye. mitron saheliyon men ya rishton men agr kinhin do pakshon men kuch galtfhmiyan ho gayi hain aur unmen yada-kada kuch kaha suni hoti rahti hai aur isse unke sanbandh bahut katu ho gaye hain, man bhi vichlit rahta hai, isse inki karyakshamata par bhi prabhav parta hai kyonki kisi bhi kam men achchi tarah se man nahin lagta to is sthiti men aisahi vatavrn rahne se achcha hai in sanbandhon ko khatm karke naye mitra banane ki sochane. agar unke bich ek aisa rishta hai jo samapt hona asanbhv hai to ek miting karke apas men bat karke yah tay kar liya jay ki donon paksh purani sab baton ko bhulakar naye sire se apna rishta kayam karen, jisse donon paksh ek dusre ki galtiyon ko yad karke vyavhar v mahaul kharab nahin karenge jisse ki age bhavishya men khushi va sukhpurvak raha ja sakega. agar kisi pati-patni ke apsi sanbandh achche nahin hain aur roj-roj ke jhagron se tang a chuke hain v ek hi chat ke niche rahne ke halat nahin hain, donon alg-alag rahna pasand karte hain, mansik rup se bhi pareshan rahte hain, apna kam suvyavasthit rup se nahin kar pate hain to tairo riding ke dauran unka ukt kard ka niklna yah ingit karta hai ki ab unko talak le lena chahiye. aur age ke jivn ke liye nayi shuruat kar leni chahiye. yahi unke liye hitkr hoga. donon hi age apni-apni jindgi naye sire se shuru kar sakte hain. suavasar milne par apne liye kisi naye sathi ki talash karke apne liye naya jivnsathi chunkr apne-apne jivan ko khushamay bana sakte hain. agar koi chatra fel ho gaya hai to bajay afsos karne ke ki mere sath yah kaise ho gaya, mainne to mehanat ki thi, parhai ki thi main fir bhi pariksha men asafal ho gaya. ab sab sathi vidyarthi mera uphas urayenge. mata-pita rishtedaron men milne valon men meri beijjati hogi, usko yah sthiti svikar karke age ke liye sochna chahie. uske liye uchit yah hoga ki ve naye sire se sochen ki ab use age kya karna hai. apne vicharane men sthirta layen aur shant man se sochen ki jarur meri parhai men koi kami rah gai thi jiske karan mujhe saflta nahin mil saki. is bar main bahut man lagakar parhunga/prhungi . man lijiye ki koi yuvak naukri ke liye prayas kar raha hai aur use naukri nahin mil rahi hai aur vah ridar ke pas jata hai aur tairo riding men iska kard niklta hai ‘‘deth karda’’ to yah kard uske liye ingit karta hai ki vah dubara vichar kare ki kya naukri hi uske liye ekmatra upay hai jivikorpajan ka ya iske atirikt uske pas kya hunar hai jiska istemal karke vah apna jivan behatar bana sakta hai. man lijiye uske pas kuch punji hai to vah apna khud ka vyavsay kar sakta hai athva apne kisi mitra ke sath sajhedari men bhi koi vyapar kar sakta hai jisko uska pahle se kuch anubhav ho. agar uski ekting achchi hai to vah ekting ke liye shikshan kendra khol sakta hai, yadi usko dans v gane, myujik, harmoniyam, dholak adi ka shauk hai to inki kakshaen bhi chala sakta hai. agar vah kisi vishy visheshak ganit, sains (vigyan) ya angreji ka achcha gyata hai to apna svayan ka koching sentar bhi khol sakta hai. agar vah mahila hai aur usko silai-karhai, bunai, draing ka achcha gyan hai to vah ghar par hi kakshaen chalakar dhan arjana ke sath-sath samaj ko kai naye visheshagya de sakti hai. is prakar naukri ka vichar tyag kar apni vichardhara men parivartana lakar apne jivan ko naye sire se sthir karke apna jivan sucharu rup se chala sakte hain tatha apne jivan men nirasha ki jagah khushiyan bhar sakte hain, isse ve vyastata ke sath-sath anandpurvak rah sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.