गीता सार
Ank ke aur Lekh | Sambandhit Lekh | Views : 1624 |  
mamainvasho jiv loke, jiv bhutah sanatnah manah shashtani indriyani, prakriti sthani karshiti arthat tin lokon v chaidh bhuvnon men vibhinn yoniyon men yah jiv sharir dharan karta rahta hai. isliye ise jiv lok kaha gaya hai. bhagvan shri krishn kahte hain - yah sara jagat jiv lok hi hai, atma parmatma ka hi ansh hai, parantu prakriti ke karya, sharir, man indriyon adi ke sath apni ekta mankr yah jivatma ho gaya hai. yah jiv mera hi ansh hai aur adi kal se hi hai. yah jivatma prakriti se sthit hokr arthat prakriti se prabhavit hokr apne apko man evan gyanendriyon se sanyukt kar leta hai arthat apni or akarshit karta hai. hamari panch gyanendriyan hain karn, chakshu, ghran, jihva evan tvacha jinse ham kramshah sunte hain, dekhte hain, sunghte hain, svad grahan karte evan sparsh anubhv kar sakte hain. in gyanendriyon ke madhyam se hi man men samast anubhv hote hain. jiv hi in gyanendriyon va man ko anubhav karne ki chetna shakti pradan karta hai. bhagvan kahte hain ki prakriti men sthit yah jivatma mera hi ansh hai jo sanatan kal se hai. yah bhi kaha gaya hai ki brahm avibhajya hai, arthat usko vibhajit nahin kiya ja sakta to jiv ishvar ka ansh kaise hua. iska uttar hai ki yah jiv vastav men ansh n hokar ansh ke rup men abhasit hai. iska ek bara hi achcha udaharan hai. ghare men sthit akash mahakash se bhinn pratit hota hai. akash ka arth hai spes. ghare ka ek nishchit akar hai, usmen sthit akash bhi usi akar jaisa hi pratit hota hai, ghara tut jane par ghatakash va mahakash ek hi ho jate hain. ghatakash v mahakash kabhi bhi bhinna-bhinn nahin the vah to kevl ghare ke akar ke karan hi alg-alag pratit ho rahe the. isi prakar jiv ishvar ka ansh kevl pratit hota hai kintu mul tatva to ek hi hai, jaisa sona v sone ke abhushan donon ka mul tatva to ek hi hai aur vah hai sona. ramchrit manas men gosvami tulsidas ji ne ishvar v jiv ke sanbandh men bari achchi vyakhya ki hai. yah uttarakand ke doha sankhya 116 ke bad ki char chaipaiyan hain jo nimnanusar hai: sunhu tat yah katha kahani, samujhat banai n jay bakhani. ishvar ansh jiv avinashi, chetn amal sahaj sukhrashi. so maya bas bhayau gosain, bandhya kir marakat ki nai. jar chetan grathi pari gai, yadyapi bhrisha chutat kathinai. yah us samay ka prasang hai jab ram, ravan yuddh men meghnad ne shriram va lakshman ko maya dvara nagpash men bandh liya tha to unko garur ne akar churaya tha. isse garur ko bhagvan ram ke prati shanka ho gayi. garur bhagvan ke vahan hain. unko bhi moh ho gaya tatha is agyan se mukti pane ke liye hi ve kakbhushund ji ke pas unke ashram men gaye the. yah maya bari hi prabal hai yadi garur ji ko maya prerit kar sakti hai jo hamesha bhagvan ke pas rahte hain to ham jaise sadharan admi ka to kahna hi kya? hamane to jara sa karya karte hi abhiman ho jata hai. atah tulsi das ji kahte hain ki yah jiv ishvar ka hi ansh hai. shlok ki dusri pankti men bhagvan kahte hain - is sharir men sthit hokar yah jivatma panch gyanendriyon evan man se sanyukt hokar unhe apni or akarshit karta hai. hamare tin sharir hain: 1. sthul sharir: jo hamen ankhon se dikhai parta hai yah jar hai yah svayan koi karya nahin kar sakta na hi kuch anubhav kar sakta hai. kan keval chidra hai, chakshu keval golk hai isiliye nirjiv sharir men koi halachal nahin hoti. 2. sukshm sharir: yah panch gyanendriyan evan man se milakar bana hai: a. karnendriyan - jiski shakti se shabd sunai parte hain. b. chakshanudriyan, jiski shakti se dikhai parta hai. s. ghranendriyon se granth ka anubhav. d. jihva se svad tatha dh. tvacha se sparsh ka anubhav hota hai. ye sab gyanendriyan jagat se anubhav prapt kar man ko prerit karti hanai tatha vyakti tatpashchat apni buddhi ke dvara nirnay leta hai tatha tadnusar karya karta hai. 3. tisra sharir hai, karan sharir. yah hai man ki vasnaen. jaisi hamare man ki vasnaen hoti hain vaisa hi ham agla sharir dharan karte hain. yadi man ki vasnaen hane to agla sharir dharan karne ki avashyakta hi nahin hogi v jivatma janm marn ke chakkar se chut kar mukt ho jayega. yah jivatma jis prakar ke karya karta hai uske fal ko bhogte hue vibhinn yoniyon men sharir dharan karta rahta hai. agyan dur hone par man ke vikshepon se mukti milti hai tatha jiv mukt ho sakta hai. brahm evan jivatma ki tulna aise ki gai hai jaise chandrama v uske jal men par rahe pratibinb ki. yadi jal svachch nahin hai ya usmen halchl hai to chandrama ka pratibinb bhi spashta dikhlai nahin deta, isi prakar is man par agyan rupi parda pare rahne v vikshepon ke karan jivatma ko apna svarup hi dikhai nahin parta, man nirmal hone se agyan svatah hi nasht ho jata hai tatha parmatma ke darshan ho jate hain jiska vah ek ansh hai. gyan yog, karm yog athva bhakti yog ye sabhi man ko nirmala karne ke sadhan hain. inhin ke dvara ham janm maran ke chakkaron se chut sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


fes riding visheshank  March 2016

bhavishya kathan ki mahatvapurn paddhatiyan shrashti ke prarambh se hi is dhara ke vibhinn hisson men maujud rahi hain. pratyek sabhyata men kisi n kisi rup men bhavishyavakta athva antardrashta bhut evan bhavishya ke vishay men kisi n kisi prakar se logon ko avagat karate rahe hain. bharat men bhi in vidhaon ki samriddh virasat rahi hai jahan har kal men jyotish, hastarekha shastra, ank shastra, mukhakriti vigyan adi pushpit-pallavit hote rahe hain tatha inhonne logon ke bhavishya ko akar dene men mahti bhumika ada ki hai. fyuchar samachar ke is vartaman visheshank men mukhakriti vigyan par vishesh jor diya gaya hai. is vishay par anek mahatvapurn alekh samavisht kiye gaye hain jinmen se kuch ati mahatvapurn alekh hain: nain antahkaran ke jharokhe hain, banavat ke anusar bhauhen tatha unke fal, ankhe vyaktitva ka aina, nak ki akriti svabhav evan bhavishya adi. in vishisht alekhon ke atirikt purva ki bhanti sabhi sthayi stambh maujud hain jinmen vigya jyotirvidon ke alekhon ko sthan diya gaya hai.

Subscribe

Apne vichar vyakt karein

blog comments powered by Disqus
.